ARMAZI
Ioane Petrici, Explanatio in Proclum Diadochum
Part No. 5
Previous part

Chapter: 4  
Line: 21 
თავი 4
Line: 22 
სრულ ყო რაჲ მესამისა თავისა აღმოსაჩენი, ზედა მოჰმართა
Line: 23 
მეოთხესა და იტყჳს: "ყოველი შეერთებული სხუა არს თჴთერთისგან."


Page: 27  
Line: 1       ამისი უკუე განმარტებაჲ ზენათა სხოლიონთა შორის ჰპოო, რომელი
Line: 2    იტყოდა ვითარმედ "ზიარებითა თჳთერთისაჲთა იქმნების ყოველი
Line: 3    შერთებული ერთ გუარითაცა და ნაწილითაცა". ვინაჲ კუალად
Line: 4    დასძენს ვითარმედ "თჳთ არა არს ერთცა და არა ერთ. ხოლო,
Line: 5    თუ ესეცა ერთ და არა ერთ იყოს და პირველსა ერთსა ორივე
Line: 6    მრჩობლ ჰქონდის", იყოს სხუაჲ უპირველესი თჳთერთისასა, და
Line: 7    ესე უსაზღვროთაგან ვიდრე უსაზღუროობამდის, და არ ვინაჲ იყოს
Line: 8    საზღვარიდა და საბამი მყოფთა წესისაჲ, არამედ ესე შეუძლებელ; იყოს
Line: 9    ვინაჲვე თჳთერთი მხოლოდ და არა პირველისა ზიარებითა ერთ
Line: 10    ქმნილი და არცა ნაწილთა მიერ შედგომილი არამედ თჳთერთი წყაროჲ
Line: 11    და ზესთა დასაბამობასაცა, ვითარ პირველ აღმოიჩინა. ხოლო
Line: 12    თუ ერთ და იგივე ერთი და შერთებული, შეემთხჳოს უსაზღვრო
Line: 13    სიმრავლე მხოლოთა შეერთებულისათა, რომელთაგან წარმოდგა შეერთებული.
Line: 14    არამედ ესე შეუძლებელ, რამეთუ უსაზღვროთა ნაწილთაგან
Line: 15    უსაზღვრ ყოვლობაჲ არა სადა შედგეს; და არცა ნაწილნი
Line: 16    ეგნენ, ვითარ ნაწილნი, რამეთუ უსაზღვროჲ არ ვისდა ნაწილ,
Line: 17    ამისთჳს რომელ ნაწილი ნაწილთა არს ნაწილ და არა უსაზღვროთა
Line: 18    ნაწილ, რომელი აღმოიჩინა პირველთა შინა კმასაყოფელად.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.