ARMAZI
Ioane Petrici, Explanatio in Proclum Diadochum
Part No. 4
Previous part

Chapter: 3  
Line: 28 
თავი 3
Line: 29 
ქმნულისა ერთისათჳს


Line: 30       ხოლო აწ წინამდებარესა თავსა შორის იტყჳს ქმნულისა
Line: 31    ერთისათჳს და განყოფს მას უქმნელისა ერთისგან. უქმნელ უკუე
Line: 32    ერთ არს პირველი და ზესთ ერთი, რომლისა სხუაჲ არღ იყოს უპირმშოეს.
Line: 33    ვინაჲ ამის უქმნოჲსა ერთისა მიერ წარმოდგეს მხოლონი
Line: 34    ქმნულთა ერთთანი. ხოლო გაეყოფვისო, იტყჳს აქა, ქმნული ერთი
Page: 24   Line: 1    უქმნელსა ერთსა, ამისთვს რომელ უქმნელი ერთი არა მხოლოთაგან
Line: 2    შედგა, ვიოარ იგი ქმნული, რამეთუ ქმნულსა ერთსა ჰქონან თვსნი
Line: 3    ნაწილნი, ესე იგი არს რიცხუნი ანუ ბუნებითნი იყვნენ ანუ მათიმატიკებრნი
Line: 4    ანუ საღმრთისმეტყუელონი, რამეთუ სამად განიყოფვის
Line: 5    ანაქუსი არსთაჲ.

Line: 6       შეისწავე, რამეთუ მხოლონი ნამდვილ მყოფისანი, რომელ არს
Line: 7    პირველი აღმკული და პირველი არსებაჲ საღმრთოჲ და ზეს არსი,
Line: 8    პირველი რიცხვ არს და პირველი საზდვარი და პირველი უსაზღვროობაჲ.
Line: 9    რამეთუ ამათ მიერ შედგა პირველი შედგმული და პირველი
Line: 10    ანაქუსი ნამდვლ მყოფისაჲ მის ერთისა მიერ, რომელი ზესთა ძეს ყოველსა
Line: 11    შედგმასა და ნაწილთა მისთა. და კუალად ვითარ ბუნებითთა
Line: 12    და სწავლულებითთა შორის, რომელნი ითქუნეს პირველსა სხოლიონსა
Line: 13    შორის. ვინაჲ აწ შემოკლებულად გაიმეცნე, რომელ ყოველი ქმნული
Line: 14    ერთი ურთიერთას ზიარებით იქმნების ერთ, მოიდე სახედ იგივე
Line: 15    რიცხჴ იყოს და ხუთი. აწ ესე ნაწილნი ხუთისანი ურთიერთას იზიარნეს
Line: 16    და შეადგინეს არსებაჲ ხუთისაჲ. ხოლო ხუთი, ვითარ ხუთი, არს
Line: 17    სათუალავი რიცხუთა-შორისი, არამედ ვითარ ხუთობაჲ არა სათუალავ
Line: 18    და არცა ვითარ რიცხუთ შორის, არამედ ოდენ გუარ და მხოლო
Line: 19    და ბუნება, რამეთუ უსქეტო არს. ხოლო ხუთი რიცსუთა შორის
Line: 20    იხილვების და სქესსა და მწყობრსა ს თუალავთასა, ვინაჲ
Line: 21    ამას ყოველსა ნაწილსაცა და გუარსაცა მის დაზესთაებულისა
Line: 22    ერთისგან მიიღებს და დაიხატავს თვს შორისცა და ზედაცა შორის,
Line: 23    ვითარ ნაწილთა შორის ზედა, ვითარ გუარ ქმნასა თვსსა ზედა. ესეცა
Line: 24    შეისწავე, გესმაა? რამეთუ, ოდეს სთქუა "ხუთი" ანუ სხუაჲ რაჲვე
Line: 25    რიცხვ, ესე ნაწილნი ხუთისანი და რომელთა მიერ ხუთ რიცხუ არიან,
Line: 26    ვითარ ნაწილნი რიცხვსანი ხოლო ოდეს ხუთი არ ვითარ ხუთი
Line: 27    მიიღო, არამედ ვითარ ხუთობაჲ, გინა ვითარ ათობაჲ, რომელ არს
Page: 25   Line: 1    გუარ და ბუნება, განაყენო რიცხჳსაგან და უსქესო ჰყო. არცაღა
Line: 2    ნაწილნი მისნი იყვნენ, ვითარ ნაწილნი რიცხჳსანი, არამედ ვითარ
Line: 3    ნაწილნი ამის ვინაჲსამე გუარისანი; და არღარა რიცხუს შორის გამთუალნი,
Line: 4    ვითარ რიცხუნი, არამედ ვითარ ასონი საზღვართანი. მოიღე
Line: 5    სახედ სიცხადისათჳს, ვითარ, ოდეს სთქუა "კაცი", აწ ნაწილნი
Line: 6    ამის კაცისა საზღვრისანი არა არიან მარტივ ანუ ცხოველ, ანუ სიტყჳერ,
Line: 7    ანუ მოკუდავ, ანუ ზედმიწევნულებისა შემწყნარებელ, არამედ ვითარ
Line: 8    ნაწილნი მის ოდენ გუარისანი, რამეთუ ცხოველი, კაცისა მიერ
Line: 9    მიღებული, არ თუ მარტივად ცხოველსა დაჰნიშნავს. და ესთავე
Line: 10    სხუანი ნაწილნი საზღვრისანი. ვინაჲ აწ ესე სახენი და სიტყუანი
Line: 11    ბუნებითნი ყ ველთავე ზედა იხილნე.

Line: 12       ხოლო "არს თუ იგიო ერთ, არა იქმნეხ ერთ. რამეთუ მყოფი
Line: 13    არა იქმნების რომელი გუარითა წარმოდგომილ იყოს. ესე არისტოტელი
Line: 14    "ბუნებითთა" შორის აღმოაჩინა, იტყჳს ვითარმედ
Line: 15    "მყოფი არა იქმნებისო წარმოდგომილი გუარითა." ესე არს ესე, ვითარმედ
Line: 16    უკუეთუ არს, ვითარღა იქმნეს არსი; რამეთუ ყოველი ქმნილი არა
Line: 17    არსისგან არსებად იქმნების, ხოლო, ოდეს ქმნაჲ გესმას, გაიგონე,
Line: 18    რამეთუ არს მრავალსახე, რამეთუ ანუ სრულიად არაობისაგან მიიღებს
Line: 19    აობასა, ვითარ ყოველნი შობადნი ანუ ყოველნი ნაჴელოვნებნი,
Line: 20    რამეთუ არა მყოფნი იქმნეს და წარმოდგეს ანუ კუალ დ წარმოდგომილნი
Line: 21    და წარმოგუარებულნი იქცეს და იქმნნეს სხუად. ვითარ ვიხილავთ
Line: 22    ყოველთა შემთხუეულთა. და ზედშემოსრულთა ზედა, ვითარ
Line: 23    მწუხარებისგან სიხარულად და სიგრილისგან სიმჴურვალედ. ესე და
Page: 26   Line: 1    ესე ვითარიცა ითქმის ქმნად, მაგრა შემთხუეულად და ზედშემოსრულად
Line: 2    და არა არსებითად და ბუნებითად. ვინაჲ აწ აქა იტყჳს, ვითარმედ
Line: 3    "ქმნული და წარმოდგომილი გუარითა არა იქმნებისო". ამათ კანონთა
Line: 4    მიერ და ბუნებისა მიერ საქმეთაჲსა ცხად არს, ვითარმედ
Line: 5    მყოფი არა იქმნების რომელი გუარითა წარმოდგომილ არს და, თუ
Line: 6    ქმნილი ერთი მყოფ და წარმოდგომილ არს, მაშა არა იქმნეს, არამედ
Line: 7    ესე შეუძლებელ. თუ ქმნილ და წარმოდგომილ არს და მაარსებელ
Line: 8    თჳსდად ოდენვე ერთისა ქმნაჲ რამეთუ ყოველსა ქმნასა ანუ
Line: 9    ჟამი ეუფლების, ანუ საუკუნოჲ, და ვერ ვინაჲ განევლთას ამათ ორთა
Line: 10    დასაბამთა, რამეთუ ანუ ჟამითთა შორი ყოველი აგებული. და ბუნებასა
Line: 11    და ქცევასა თანა შეკრული, ანუ საუკუნესა-შორისი შეკრული
Line: 12    წესსა თანა არსთასა. ხოლო მყოფი, ვითარცა მყოფი, არა იქმნეს
Line: 13    გუარითა, რამეთუ ქცევითი ქმნაჲ შესაძლო არს, რაჲთა ზედ მიექმნას
Line: 14    მყოფსა ამას, არამედ ბუნებითსა და ჟამის-ქუეშესა და არა საუკუნოსა
Line: 15    შორის დამსჭუალულსა. რამეთუ ყოველი აიდიოჲ მიუდრეკელ
Line: 16    გუარითაცა და ზედშემონაქმითა რომელობითა, რამეთუ რომელთა
Line: 17    აქა შემთხუევითად ვიტყჳთ გონიერსა აღმკულსა შორის არიან არსება.
Line: 18    არამედ განუკუეთელთა და ნაწილებითთა შემთხუევათა არა არს
Line: 19    გუარი და იგავი გონიერსა აღმკულსა შორის, არამედ ოდენ სამარადისოთა
Line: 20    გუარითა, ვითარცა დიდი პლატონ აღმოაჩენს.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.