ARMAZI
Ioane Petrici, Explanatio in Proclum Diadochum
Part No. 6
Previous part

Chapter: 5  
Line: 19 
თავი 5
Line: 20 
ხოლო აწ მეხუთისა თავისაჲ ვიხილოთ, რომელი იტყჴს, ვითარმედ
Line: 21 
"ყოველი სიმრავლე მეორე და შემდგომი არს ერთისა".


Line: 22       ხოლო თუ ვინ თქუას, ვითარმედ "სიმრავლე უპირველეს ერთისა",
Line: 23    არა უკუე ეზიაროს ერთსა, ვინაჲთგან პირველ წარმოჩინებადმდე
Line: 24    ერთისა იყოს სიმრავლე, რამეთუ არა არსსა არ ეზიაროს,
Line: 25    ამისთჳს რომელ მზიარებელი ერთისაჲ ერთ და არა ერთ არს. და
Line: 26    თუ ესე ესრეთ, ვითარცა ზენა იჩუენა, მაშა იყოს შემდგომად ერთისა
Line: 27    ყოველი სიმრავლე, რამეთუ ვერ ვინასა სიმრავლისასა ძალ უც
Line: 28    თჳნიერ ერთისა წარმოარსებად. და კუალად უკუეთუ არ ეზიარების
Line: 29    სიმრავლე ერთსა, არცა რაჲვე რიცხჳ, ვითარ და ასი, იყოს ერთ და
Line: 30    არცა ნაწილნი მისნი, არამედ ერთისა მიერ გაერთდების მეასეცა
Line: 31    რიცხჳ და ყოველნი ნაწილნი მისნი.

Page: 28  
Line: 1       "იყოსო სიმრაევლე შემდგომად ერთისა, მზიარებელ ერთისა
Line: 2    და არ ზიარებულ ერთისგან." ესე უკუე ხედვაჲ არს ესრეთ: ეზიარების
Line: 3    ერთი სიმრავლესა და არ ეზიარების სიმრავლე ერთსა მყოფობად
Line: 4    თჳსისა არსებისა, რამეთუ არ ვინაჲ ძალ უც სიმრავლესა დგომად
Line: 5    თჳნიერ მაარსებელის თჳსისა ერთისა, ხოლო ერთი არა არს მოქენე
Line: 6    მყოფობისა თჳსისა სიმრავლისგან, ვითარცა უცხადესთა შორის
Line: 7    აღმოიჩინა.

Line: 8       "ხოლო თუ ერთიცა ეზიაროს ხიმრავლესა, მყოფობით უკუე
Line: 9    იყოს წარმოდგომილ ვითარ ერთი", ესე იგი არს, ვითარმედ არა
Line: 10    თჳთერთი იყოს ვიდრემე ვითარცა გამრავლებული ერთი. ხოლო
Line: 11    გამრავლებული ერთი უკუე არს ვითარცა ნაწილთა მიერ შედგმული
Line: 12    და ზიარებით ერთ ქმნული, დაღათუ მოაქუს საოცნი ერთისაჲ, არა
Line: 13    არს იგი ჭეშმარიტებით თჳთერთ. ვითარ იგი სიმრავლე შერთებულ
Line: 14    ერთისა მიერ, ეგრეთვე ერთი გამრავლებულ ზიარებითა სიმრავლისაჲთა.
Line: 15    ხოლო პირველთა შორის ვრცელად გარდაიდვა, ვითარ სიტყუად
Line: 16    და არა სხოლიოდ. ვინაჲ ვპოო მეძიებელმან თქმულსა შორის
Line: 17    ერთისა და სიმრავლისათჳს.

Line: 18       "ხოლო მზიარებელი რაჲთავე ერთი ერთისაჲ, უკუთუ სხჴსა
Line: 19    მიერ იზიარებოდის, სხუაჲ იგი იყოს პირველ მათ ორთავე". ვინაჲ
Line: 20    აწ სიმრავლე თუ და ერთი იზიარებიან ურთერთას, იყოს ვიდრემე
Line: 21    სხუაჲ უპირველესი ერთი მაზიარებელი მათი, და ესე ვიდრე უსაზღვროობადმდე:
Line: 22    არ ვინაჲ ეზიაროს ერთი სიმრავლესა, არამედ იზიაროს
Line: 23    სიმრავლე და თან მისცეს თჳსისა ერთობისგან, უქმნელისა და
Line: 24    ზესთაჲსა, ერთ ქმნაჲ.

Line: 25       კუალად ეძიებს აქა თუ ერთი და სიმრავლე წინაგამწყო არიან
Line: 26    ურთერთას, ხოლო ურთიერთას წინაგამწყონი ურთერთას მშრეტ და
Line: 27    დამამჴუ; ვითარ უკუე განემარტოს ესე საძიებელი, რამეთუ ყოველი
Line: 28    წინაგამწყოჲ ივლტის ურთიერთობისგან და არა იზიარებს და იქმნების
Line: 29    იგი, ისმინე, რაჲთა უფლისა მიერ განვჰმარტოთ ესე: პირველად
Line: 30    დაიდებოდედ ბუნებანი წინაგამწყოთანი, რამეთუ წინაგამწყონი განიყოფიან
Line: 31    ორად, ვიტყჳ, საშუვლობითად და უსაშუვლოდ; საშუვლობითად
Line: 32    ვითარცა თეთრი და შავი, რამეთუ ჰქონან მათ სხუანი ფერნი
Line: 33    საშუვალ; ხოლო უსაშუვლოდ ვითარცა ნათელი და ბნელი, ცხორებაჲ
Line: 34    და სიკუდილი და სხუანი ესე ვითარნი. ვინაჲ უკუეთუ ვინ თქუას
Page: 29   Line: 1    წინმეწყუეთამან, ვითარმედ "წინაგანმწყო ურთიერთას სიმრავლე და
Line: 2    ერთი", ჰქუას სიტყუამან, ვითარმედ რომელთა წინაგანმწო თა შორის
Line: 3    დასდებ ერთსა და სიმრავლესა, საშუვლობითთა ანუ უსაშუვლოთა,
Line: 4    და, თუ საშუვლობითთა წინა მიყოს ჩუენ, ვჰკითხოთ და რომელნია
Line: 5    საშუალნი მათნი, ვითარ ესე სხუათა ზედა იხილეების საშუვლობითთა.
Line: 6    ხოლო თუ თქუნეს საშუვლობითად ერთისა და სიმრავლისა. პერის
Line: 7    არტიოჲ ანუ არტიოჲ პერისოჲ მიუსიტყოთ მათ. ვითარმედ
Line: 8    არტიოჲ პერისოჲ და პერის არტიოჲ არა თუ ერთსა
Line: 9    შორის იხილვებიან მოქმედებით, არამედ ძალად და ზესთ ძალად
Line: 10    და არ ესე ვითარ ძალად, რომელი უსრულობისგან მოვიდოდის
Line: 11    მოქმედებად; რამეთუ გჴსწავიეს, ვითარმედ გონიერსა შორის აღმკულსა
Line: 12    რომელნიცა ჩნდენ აქა წინაგამწყო და მბრძოლ და მხრწნელ
Line: 13    ერთი ერთისა, მუნ არიან ძმა და მოყუარე და მაარსებელ ურთიერთას.
Line: 14    ვითარ აწ სულსა შორის იხილნე სიტყუანი არსთანი, რომელნი
Line: 15    წინააღმდგომად ჩანან, ხოლო სულსა შორის არცა ხრწნიან ერთი
Line: 16    ერთსა არცა წინაგანეწყუებიან და შეაიწრებენ სულსა და არცა კუალად
Line: 17    თან შეარწყუმენ და შეჰრევენ თჳსთა თჳთებათა. ეს სახედ და
Line: 18    ერთსაცა ზედა იხილო, და უმეტეს უსხეულოდ და დაზესთაებულად
Line: 19    სულისასა, არა ვიდრემე წინაგანმწყობ სიმრავლე ერთისად. და კუალად
Line: 20    ყოველი წინაგანმწყოდ აღჩენილი, სწორ განყოფილ ჟამითა, ვითარ
Line: 21    რომელობანი ოთხთა ასოთანი, და არ ვინაჲ მიზეზ მყოფობისა წინმეწყვე
Line: 22    ერთი ერთისა, არამედ მბრძოლ და მავს ერთი ერთისა. ხოლო
Line: 23    ერთი სიმრავლისადმი წინაუკუმო; არ ვინაჲ წინაგამწყოჲ სიმრავლე
Line: 24    ერთისად, არამედ მის მიერ წარმონაარს, და ერთი მამყოფებელ სიმრავლესა
Line: 25    ყოვლობისასა. ხოლო სხუათა აღმოსაჩენთა სხოლიოჲ პირველთა
Line: 26    შორის გარდავდევით.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.