ARMAZI
Ioane Petrici, Explanatio in Proclum Diadochum
Part No. 3
Previous part

Chapter: 2  
Line: 3 
თავი 2
Line: 4 
ნაწილთა მიერ შედგმულისა ერთისათჳს




Line: 5       ყოველი მზიარებელი ერთისაჲ ერთიცა არს და არა ერთი.
Line: 6    განმარტებაჲ ესე ამის ხედვისაჲ რიცხუთაცაჲ მოიღებვის და ბუნებითთაჲ
Line: 7    და სიტყჳერებითთაჲ ხოლო ჩუენ ვიწყოთ რიცხუთა მიერსა
Line: 8    ხედვასა, ვითარცა ეტყოდა პარმენიდი სოკრატს "ევგე", რამეთუ
Line: 9    რიცხუთა მოვიჴსენეთ ჩუენ: რაჲ არს ესე, ანუ რაჲსათჳს დასდებს
Line: 10    სახაროდ პარმენიდი მოჴსენებასა რიცხუთასა? სამთა მიზეზთათჳს:
Line: 11    პირველად რომელ არა ესახვის მას ზესთ მდებარესა ერთსა,
Line: 12    ვითარ ესე მხოლოთა ერთი, რამეთუ დგას და უზიარებელად
Line: 13    ეზიარების ყოველთა მხოლოთა და მისთესს ყოველთა შორის თჳსთა
Line: 14    ერთებრივთა ნათელთაჲთ; მეორედ რომელ დაიცავს თჳთებასა
Line: 15    თჳსისა თჳთებისასა მიუნიჭებელად სხჳსა, რამეთუ ვერ ვინაჲ იქმნას
Line: 16    ღირს მხოლოთა, რაჲთამცა აღვიდა პატივსა თჳთ ერთობისასა; მესამედ
Line: 17    რომელ ყოველი თხზვაჲ და ურთიერთას ზიარებაჲ და ყოველი
Line: 18    ანამკი სამუსიკოთაჲ ბუნებითთა მორთულებათაჲ რიცხუთა
Line: 19    მიერ, ხოლო რიცხუნი ერთისა მიერ, ნუუმე და ყოველნი თხზვანი და
Line: 20    რთვანი ერთისა მიერ. ვინაჲ სამართლად ეტყჳს ვითარმედ "ევგე",
Line: 21    რომელ არს რიცხუთა მოვიჴსენეთო. ხოლო ყოველი მზიარებელი
Line: 22    ერთისა არს, განაღა რომელიმე რიცხჳ იყოს და ორი, ვითარცა გზაჲ
Line: 23    ერთისა რიცხუთა წარმოშობასა შორის აწესე ორობაჲ ვითარ ორობაჲ
Line: 24    სხუაჲ არს ერთისაგან, ხოლო იქმნების იგი ერთ; არა თუ არს იგი
Line: 25    თჳთერთ, არამედ იქმნების ერთ, ესე იგი არს ერთი და არა ერთი.
Line: 26    რამეთუ ვითარცა ორი არა არს ერთი, ამისთჳს რომელ არს იგი
Line: 27    ორი, ხოლო ვითარ ორობაჲ არს იგი ერთი, არამედ ვითარ ქმნილი,
Line: 28    რამეთუ სხუაჲ არს ორი და სხუაჲ ორობაჲ, ვითარცა კაცი და
Line: 29    კაცებაჲ, რამეთუ კაცი ნაწილ და ნაწილთა მიერ შედგმულ, ვიტყჳ
Line: 30    ნაწილად კაცისად ცხოველსა სიტყჳერსა, მოკუდავსა, გონებისადა
Line: 31    ზედმიწევნილებისა შემწყნარებელსა. აწ ესე ნაწილნი სხუა და სხუა
Line: 32    არიან, ხოლო შეკრბენ რაჲ და საზღვარმან შემოცვნეს, იქმნებიან
Line: 33    ვითარცა ერთისა გუარისა დამტევნენი და ვითარცა მრავალნი ერთ
Page: 20   Line: 1    ქმნილნი. ესრეთვე და რიცხუთაც ზედა იხილო; რამეთუ ვითარ
Line: 2    ორი და სამი სხუა არიან და არა ერთ, რამეთუ შედგეს ნაწილთა
Line: 3    მიერ მრავალთა. ხოლო ვითარ ორობაჲ ანუ ვითარ სამობაჲ ერთ,
Line: 4    რამეთუ გუარ მათდა არს და საზღვარ და მსგავსადვე ყოველთა
Line: 5    რიცხუთ ზედა იპყარ და იხილო.

Line: 6       და კუალად ბუნებითთაცა ზედა მხოლოთა შეისწავე. რამეთუ
Line: 7    სხუა არიან მხოლონი რიცხუებრნი, და სხუა მხოლონი ბუნებითნი,
Line: 8    და სხუა მხოლონი ღმრთისმეტყუელებითნი. რომელთა ამათ გაცდასა
Line: 9    შორის მოეც გასაგონოჲ დ სასმენი. მხლოჲ უკუე ბუნებათა და
Line: 10    ნაწილნი მისნი, რ მეთუ ნაწილ ამის ყოვლობისა არიან, ვისაჲ,
Line: 11    აფროდიტისი, ერმისი, მზისაჲ, არიასი, დიოჲსი, კრონოჲსი და
Line: 12    გარემომრთხმელ ყოველთა თჳთ უცთომელი სფეროჲ. აწ ესე ყოველინი
Line: 13    ნაწილნი არიან ცისანი. ხოლო თჳთ იგიცა გუარ და გარეშემცველ
Line: 14    ყოველთა. ესე ვითართა სახეთა და სახის სახეთა მიერ
Page: 21   Line: 1    ვიმეცადინო განცხადებად, რამეთუ გული, ღჳძლი, ტჳნი, ტყირბი და
Line: 2    სხუანი ყოველნივე სხუა და სხუა არიან აგებულებითაცა და ცხორებითაცა,
Line: 3    ხოლო იქმნებიან შემასრულებელ ერთისა ცხოველისა,
Line: 4    იყოს და კაცისა. და ოდეს ესე თჳს-თჳს გაბუნებნე, სხუა და სხუა
Line: 5    ბუნებაჲ მათი, არამედ ერთბამად ყოველნივე ერთის ცხოველისა
Line: 6    შემასრულბელ. ეს სახედვე იპყარ ბუნებითთ ცა ზედა, რამეთუ ესე
Line: 7    ყოველნი არიან ნაწილ ცის , ხოლო ცაჲ ვითარ ცაჲერთ და გუარ
Line: 8    ერთისა, გინა თუ ხატის სატ ერთისა, რომელ ესე არს მხოლოჲ
Line: 9    სხეულთაჲ და გუარი შემცველი სხეულთაჲ. ვინაჲ ესრეთვე ბუნებასა
Line: 10    ზედა იხილო, რამეთუ ყოველი ნაწილებითთა ბუნებაჲ ერთისა
Line: 11    ბუნებისა მიმართ შეკრბების, ვითარ ბუნებაჲ ყოველთა ცხოველთაჲ
Line: 12    ერთისა ცხოველისა მიმართ. და არიან ცხ ველნი და ცხოველობაჲ:
Line: 13    ცხოველნი უკუე ნაწილ, ხოლო ცხოველობაჲ გუარ და
Line: 14    მხოლოობა და ხატ ერთისა. ეს სახედ დ სულთაცა ზედა: ნაწილ
Line: 15    ვიდრემე სულნი ყოველნი, ვითარ ქუეყანისაჲ, წყლისაჲ, აირისაჲ, ცეცხლისაჲ
Line: 16    და სხუათა ყოველთა სფეროთაჲ, ხოლო გუარ და მხოლოობა
Line: 17    სული უცთომელისა სფეროჲსაჲ, ანუ თუ უოქიმოჲ სული საყოველთაოჲ
Line: 18    რომელსა დავსდებთ გონების გუარად, ვითარცა ბჭეთა ზედა
Line: 19    გონებისათა წარმოდგომილსა. ესე მხოლოობა სულთა და ერთ და
Line: 20    ხატ ერთის და კუალად არს პირველი გონებაჲ, რომელი პირველად
Line: 21    აღმკულად და პირველად შედგმულად აღმოაჩინა სიტყუამან, არს უკუე
Line: 22    ნამდჳლ მყოფი მხოლოობა ყოველთა გონებათა და ყოველთა არსებათა,
Line: 23    არამედ გაგუარებულთა და გასახეებულთა. ხოლო ყოველი სივრცე გონებათაჲ
Line: 24    ნაწილ მისდა; არამედ იგი ვითარ ღმერთი და მხედი ყოველთა
Line: 25    მის მიერ წარნანაქუსთაჲ. ხატ უკუე ერთისა უზადოჲ პირველი
Line: 26    გონებაჲ და მხოლოობაჲ გონებათაჲ. ვინაჲ ნაწილითა არაერთ,ხოლო
Line: 27    ვითარ მხოლოჲ გონებათაჲ ერთ და ხატ ერთისა. და ესთავე
Line: 28    საღმრთოსა რიცხუსა შორის იხილო. რამეთუ ყოველნი რიცხუნი
Line: 29    ღმრთებრივთა მხოლოთანი მის სწორებით განყენებულისა ერთისად
Line: 30    შეკრბებიან და მათ ორთა წყაროთადმი, რომელნი მის
Page: 22   Line: 1    უოცნოჲსგან წარმოიწყაროვნეს და მათ მიერ ყოველნი ესე ქმნილნი
Line: 2    ერთნი მის უქმნოჲსადმი აღამკუდეს.

Line: 3       ხოლო სიტყჳერებრივთა შორის ერთ ქმნაჲ გუარისაჲ ჰბაძავს მას
Line: 4    ერთსა, ვითარ თანშესიტყუასა შორის. რამეთუ სამ არიან ნაწილნი
Line: 5    სჳლლოგიზმოჲსანი, რომელ არს თანშესიტყუაჲ. ვინაჲ ამას
Line: 6    თანშესიტყუასა სჳმპერაზმაჲ ერთ ჰყოფს და ერთის გუარ,
Line: 7    რამეთუ სამთა მიერ საზღვართა ყოველი სჳლლოგიზმოჲ და
Line: 8    ერთისა სჳმპერაზმაჲსა. ვინაჲ საზღვარნი უკუე იპყრენ ნაწილად,
Line: 9    ხოლო სჳმპერაზმაჲ, რომელ არს თანგასავალი გუარად.
Line: 10    ხოლო ყოველი გუარი ერთ არს და განუკუეთელი, ვითარცა გჳსწავიეს.
Line: 11    ვინაჲ განუკუეთელ ერქუმის, ამისთჳს რომელ თუ რაჲც
Line: 12    რაჲვე დააკლოს საზღვარსა გუარისასა, არღარა არს იგი გუარ,
Line: 13    ვისდაცა იყოს გუარ, რამეთუ, უკუეთუ ანუ სიტყჳერი დააკლო ანუ
Line: 14    მოკუდავი ანუ ზედმიწევნულებისა შემწყნარებლობაჲ, არღარა იყოს
Line: 15    იგი გუარ კაცისა. და ესე განუკუეთელისათჳს შეისწავე.

Line: 16       ვინაჲ კუალად სამუსიკელოთაცა რთვათა ზედ მიესხი და მათ
Line: 17    შორისცა იხილო ცხადად ქმნული ერთი. რამეთუ რაჲ გუარადცა
Line: 18    მოჰრთო ჴმაჲ და სამუსიკოჲ, მყის გუარი ზედ ექმნების მას, ვითარცა
Line: 19    ანუ ლმობიერებად აღმძვრელი ანუ სიფიცხედ ანუ მავლტოჲ
Line: 20    ჴმაჲ და მორთულებაჲ. ამათ ხილულთა ნახიბლადმი ანუ მდედრი და
Line: 21    თანადამთხე და მარღჳ სიმტკიცეთა სულისათაჲ რაოდენნი აღვრიცხუნე,
Line: 22    რამეთუ ზოგთა ჴმათასა და მორთულებასა გუართასა რომელთამე
Line: 23    მზისა , რომელთამე კრონოჲსდად, ანუ დიოჲსდად და
Line: 24    აფროდიტესდად აღიყვანებს სასწავლოჲ სამუსთაჲ. ხოლო შენ
Line: 25    რთვანი და შეწყობანი იპატოჲთ ვიდრე ნიტამდის ნაწილად
Line: 26    იპყრენ, ვითარ და არიანცა, ხოლო ზედამომართებულნი და
Line: 27    ბუნებითნი ურთიერთას ზიარებანი გუარად. ვინაჲ და ყოველთა შორის
Page: 23   Line: 1    ხატი და მსგავსებაჲ მის ერთისაჲ. და ესთავე ქუეყანის სამზომლოთაცა
Line: 2    შორის ცხადად იხილო განმჭურეტმან.

Line: 3       ვინაჲ იტყჳს, ვითარმედ რომლითა იმრავლა არა ერთ, ხოლო
Line: 4    რომლითა ივნო და დაუდგნა ერთ ქმნასა ერთ. იხილე რამეთუ მრავლობად
Line: 5    იტყჳს ნაწილთ-მიერობასა, რამეთუ ყოველი ქმნილი ერთი
Line: 6    ნაწილთა მიერ შედგების, ხოლო უქმნელსა ერთსა არცა ნაწილნი
Line: 7    ჰქონან და არცა ასონი და კავშირნი, ამით რომელ ყოველი ასოჲ და
Line: 8    კავშირი პირველ მისსა არს, ვისდაცა იყოს ასოჲ, ხოლო ერთსა
Line: 9    უპირველეს არა რაჲ. ვინაჲ ნაწილთ-მიერობაჲ გაეთჳთების ყოველსა
Line: 10    ქმნისა მიერ წარმოდგომილსა ერთსა, ხოლო უქმნოჲ ერთი ზესთა
Line: 11    ძეს ნაწილთ-მიერობასა. და კუალად ივნოო, იტყჳს. ყოველი ვნებაჲ
Line: 12    არა ერთ ტომ არს, რამეთუ ვიტყჳთ, ვითარმედ იყოს თუ მაერთებელი
Line: 13    მაუკუდავებელად და მგედ, ვითარ გონებისასა,სულისასა, და
Line: 14    ბუნებისა, და ცისასა. აწ ესე მაერთებელნი ვნებანი ცხორება მათდა
Line: 15    არიან, რამეთუ იტყჳს პარმენიდი, ვითარმედ ერთისა მიერ
Line: 16    ცხოვნდებისო ყოველი, ესე იგი არს ერთობისა; და დაუდგნაო ერთ
Line: 17    ქმნასა, რამეთუ დიდ მისდა არს, დაუდგნეს თუ არსმან თჳთებისა
Line: 18    მიერ თჳსისა ხატ ქმნასა მის ზესთ არსისა მზისასა, და შესაბამად
Line: 19    თჳსთა არსებათაჲსა გარდაიტჳფროს ნეტარი იგი ზესთაობაჲ, და
Line: 20    ცხოვნდეს შორის ერთსა მას, ვითარცა ღმერთსა შორის ღმერთი და
Line: 21    ვითარცა ერთსა შორის ერთი.

Line: 22       შეისწავე, ვითარმედ მეორესა თავსა შორის ნაწილთა მიერ
Line: 23    შედგმულისა ერთისათჳს იტყჳს, რომელი წარმოდგა ზესთა ნაწილთა
Line: 24    ერთისა ზიარებითა, და იყო ერთცა და არა ერთ, ვითარცა აღმოაჩინა
Line: 25    სიტყუამან რიცხუთა მიერ, ბუნებითთა მიერ, სიტყჳერებითთა
Line: 26    მიერ, იტყოდა რაჲ სჳლლოგიზმოჲსა და სჳმპერაზმაჲსათჳს,
Line: 27    სამუსთა რთვათა და ჴმათათჳს.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.