TITUS
Nemesios of Emessa, De natura hominum
Part No. 5
Previous part

Chapter: 5  
Page: 61  
Line: 1 
თავი V
Line: 2 
ასოთა-თჳს


Paragraph: 1  
Line: 3    ასოჲ მ[ს]ოფლებრივი* არს ნაწილი ყოვლად უმცირესი სხეულთა
Line: 4    თანშეშჯისაჲ. არიან უკუჱ ასონი ოთხ: ქუჱყანაჲ, წყალი, აირი,
Line: 5    ცეცხლი, -- თანდაწყობილნი თქუმულთა-ებრ წესისა ქუჱნათა -გან ზენათა
Line: 6    სხეულთად; და ესენი არიან პირველნი და უმარტივესნი სხუათა-მიმართ
Line: 7    სხეულთა. რამეთუ ყოველი ასოჲ ერთტომ არს მისდა, რომლისადა
Line: 8    იყოს ასო: ხოლო დასაბამი არავინაჲვე ერთტომ მათ-მიერ
Line: 9    ქმნულისაჲ, არამედ ასო განაღა ერთტომ. არამედ, რომელ ქუჱყანაჲ
Line: 10    და წყალი, აირი და ცეცხლი არიან ასონი, საუწყოდა, რამეთუ ამათ-შორის
Line: 11    კიდოვნებითნი რომელობანი** ძალად და მოქმედებად ჩანან,
Line: 12    და არათუ ვინაჲ წა[რ]მოჩენით არიან და საგრძნო ასონი შეუზავებელ
Line: 13    და შეურევნელ სხჳსა ასოჲსა-გან: შერეულ უკუჱ ვინაჲ და რაჲზომ-ვე
Line: 14    ესე ყოველნი და თანმიუღიეს ურთი-ერთას უმეტეს და უმცროჲს,
Line: 15    არამედ შერწყუმასაცა-შინა საჩინო არს ბუნებაჲ მათი. რამეთუ თჳთოეულსა
Line: 16    ასოსა მებრ დაუღლვით ორი რომელობაჲ აქუს, გუარმქმნელი
Line: 17    მისი: არს უკუჱ ქუჱყანაჲ ჴმელ და გრილ. ხოლო წყალი -- გრილ და
Line: 18    ნოტიო, ხოლო აირი -- ნოტიო და მჴურვალე მისისა-ებრ ბუნებისა,

Page: 62  
Line: 1    არამედ ცეცხლინ -- მჴუ რვალე და ჴმელ. არათუ რომელობანი* თჳთ თავით
Line: 2    თჳსით შემძლებელ არიან ასოქმნად, რამეთუ არა უსხეულოთა
Line: 3    რომელობათა-გან იიჭუნეულებიან შემტკიცებად სხეულნი, არამედ არცათუ
Line: 4    სხუათა სხეულთა, რომელთა არკიდოვნებით ჰქონდის და მოქმედებით
Line: 5    რომელობაჲ, შესაძლებელ არს ასოყოფაჲ; რამეთუ იყუნეს-მცა
Line: 6    ურიცხუ ასონი, ყოველთა მყოფთა-გან უმეტეს და უმცირეს რომელობათა
Line: 7    მოგებისა-თჳს, და ვერმცა შესაძლებელ იყო განრჩევად, თუ
Line: 8    რომელი რომლისა არს ასო. ვინაჲ, საჭირო არს ასოთად, [რათა იყვნენ]
Line: 9    სხეული და მარტივი სხეული და მებრ მოქმედებით მქონებელი კიდოვნებითთა
Line: 10    რომელობათა, -- ვიტყჳ უკუჱ: სიმჴურვალესა, სიგრილესა,
Line: 11    სინოტიესა, სიჴმელესა; რამეთუ ესენი ოდენ მხოლოდ რომელობათა-გან
Line: 12    ყოვლად ყოვლით-ურთ შესცვალებენ არსებასა, ხოლო სხუათა
Line: 13    რომელობათა-განი არა რომელი მოქმედებს; რამეთუ არცა ვინაჲ თეთრი,
Line: 14    მიეახლოს რაჲ სხეულსა, ყოვლად ყოვლითურთ გა[ა]თეთრებს,
Line: 15    -- ვითარ იგი მჴურვალი გააჴურვებს და გრილი გააგრილებს; არცა
Line: 16    რომელი სხუაჲ შეუძლ ებს არარას.
Paragraph: 2  
Line: 17       წინააღმდგომ უკუჱ არიან ასონი ურთი-ერთას ორთა-ებრ რომელობათა
Line: 18    წინააღმდგომთა, ვითარ რაჲ: წყალი -- ცეცხლისად სიგრილითა
Line: 19    და ნოტიობითა, მჴურვალისა და ჴმელისა; და ქუჱყანაჲ --
Line: 20    აჲრისა სიგრილითა და სიჴმელითა, მჴურვალისა და ნოტიო[ჲ]სა. ხოლო
Line: 21    ვინაჲთგან წინაა[ღ]მდგომთა ურთი-ერთას თანშეხებად შეუძლებელ
Line: 22    იყო, თჳნიერ მესაშუვლისა საკრველისა დაწესებულისა თანშემკრველად
Line: 23    მათდა, -- დააწესა შემოქმედმან საშუალ უკუჱ ქუჱყანასა და აირსა, რომელნი
Line: 24    ურთი-ერთას წინააღმდგომ არიან, წყალი და მისცა მას ორი
Line: 25    რომელობაჲ: სიგრილე[ჲ] და სინოტიოჲ, რომლითა შემძლებელ იყოს

Page: 63  
Line: 1    კიდეთა შეხებად და თანმეკრვად მათდა: რამეთუ სიგრილითა უკუჱ
Line: 2    თანგანეკუთნვის ქუჱყანასა, ხოლო სინოტიითა თანშეეხების ჰაერსა.
Line: 3    და კუალად საშუალ წყლისა და ცეცხლისა, რომელნი წინააღმდგომ
Line: 4    არიან, ამათცა საშუალ დააწესა აერი, რამეთუ სინო ტიისა რომელობითა
Line: 5    თანმესაკუთრე არს წყლისა, ხოლო სიმჴურვალითა -- ცეცხლისა,
Line: 6    -- და ესრეთ წინააღმდგომნი შეახნა ურთი-ერთას საშუალ ვინაჲთა-მე
Line: 7    საკრველთა-მიერ და თჳთ თავსა-შორის თჳსსა მყოფად და სხუათად
Line: 8    თანაღრეულად და თანშემკრველად; რამეთუ აერი მჴურვალე და
Line: 9    ნოტიოჲ თანმომზავებელ ყო ცეცხლისა და წყლისა: რამეთუ თჳთეული
Line: 10    მათი არს მებრ სხჳთა რომელობითა თანმემხებელ უპირველესსა
Line: 11    მისსა, ხოლო სხუათა -- შემდგომადსა მისსა, ვითარ იგი წყალი გრილ
Line: 12    და ნოტიო არს, არამედ უკუჱ სიგრილითა შეეხების ქუჱყანასა, რომელი
Line: 13    პირველ მისსა არს აღმართ აღწყობისა-ებრ, არამედ სინოტიითა
Line: 14    ჰაერსა, რომელ შემდგომად არს მისსა; მსგავსადვე და აერი
Line: 15    მებრ სინოტიითა თანშეეხების წყალსა, რომელი პირველ მისა არს,
Line: 16    ხოლო მებრ სიმჴურ-ვალითა -- ცეცხლსა, რომელი შემდგომად მისა
Line: 17    არს; და კუალად ვინაჲვე ცეცხლი სიმჴურვალითა თანშეეხების აირსა,
Line: 18    რომელი პირველ მისა არს, ხოლო სიჴმელითა -- ქუჱყანასა მებრ
Line: 19    მოდრეკისა-ებრ და მოქცევისა კიდეთა-მომართ*; და ეგრეთვე ქუჱყანაჲ
Line: 20    მებრ მოდრეკით სიგრილითა ვინაჲვე -- წყალსა და სიჴმელითა -- ცეცხლსა
Line: 21    რაჲ მოდრეკითვე. რათა არა მხოლოდ ზენად-მიმართ და ქუჱნად
Line: 22    აღსლვისა და შთასლვისა დასახეთქი ჰქონდის ასოთა, არამედ და
Line: 23    მებრ მრგულივცა. რომლისა-თჳსცა მოდრიკნა და მოუქცინა** რეცა
Line: 24    კიდენი ურთი-ერთას, -- ვიტყჳ, უკუჱ ცეცხლსა და ქუჱყანასა: რამეთუ

Page: 64  
Line: 1    ოდეს რაჲ ცეცხლმან განაგდოს სიმკურვალე, მხოლოდ იქმნების
Line: 2    ქუჱყანაჲ, -- ესე უკუჱ საუწყო მეხისა-გან: რამეთუ შტამოჭენებული
Line: 3    ვინაჲვე ცეცხლი და განგრილებული ზეშთსაჩინობისა-გან ქვა იქმნების*;
Line: 4    რომლის-თვისცა ყოველი მეხი [ქ]ვითა და წუმწუბითა შთამოჲჭენების;
Line: 5    არს უკუჱ წუმწუბაჲ ვითარ რაჲ ცეცხლი შემჭნარი, არ ვინაჲვე
Line: 6    მჴურვალე მოქმედებით, არამედ ძალით ოდენ, არამედ მოქმედებით
Line: 7    უკუჱ -- ჴმელ. რამეთუ მხოლოდ ვინაჲვე ასოთა ჰქონან მოქმედებითნი
Line: 8    რომელობანი, ხოლო სხუათა ყოველთა ძალით, -- პირველ
Line: 9    ასოთა მიახლებისა.
Paragraph: 3  
Line: 10       და რათა არაოდეს მოაკლდენ არცა ასონი და არცა მათ-მიერ
Line: 11    თანზავებულნი, სიბრძნით ვინაჲვე იჴელოვნა შემოქმედმან, რათა ასონი
Line: 12    ურთი-ერთასცა შეიცვალებოდინ და მათ-მიერ შეზავებულთადცა,
Line: 13    და კუალად რათა ზავებულნი ასოთადვე აღიჴსნებოდინ და აღიბნეოდინ.
Line: 14    და ესრეთ ურთი-ერთას შობისა-გან და ქმნისა კმა ეყოს აგებული
Line: 15    ყოვლადვე განსაზოგველად. რამეთუ ქუჱყანაჲ, ოდეს რაჲ გადინდგელდეს,
Line: 16    იქმნების წყალ; ხოლო წყალი, ოდეს რაჲ შემტკიცდეს
Line: 17    და დაჴშირდეს, იქმნების ქუჱყანაჲ, არამედ, ოდეს რაჲ განჴურდეს
Line: 18    და განორთქლდეს, იქმნების აირ; ხოლო ოდეს რაჲ შეკრბეს
Line: 19    აირი და შემტკიცდეს, იქმნების წყალ; არამედ, განჴმეს რაჲ
Line: 20    ცეცხლად შეიცვალების. ეგრეთვე, ოდეს რაჲ დაივსოს ცეცხლი და
Line: 21    განაგდოს სიჴმელე, აირ იქმნების: არს უკუჱ აირი დავსება ცეცხლისა
Line: 22    და ორთქლ -- წყალისა განჴურვებულისა, -- ორთა-განვე იუწყებოდედ,
Line: 23    რომელ სიმჴურვალისა-მიერ არს ქმნაჲ მისი, რამეთუ განჴურვებულისა
Line: 24    წყალისა-გან და შრეტილისა ცეცხლისა იქმნების აირი.
Line: 25    არს უკუჱ [აირი] თჳსითა ბუნებითა მჴურვალ, არამედ გრილ იქმნების
Line: 26    მეზობლობითა ქუჱყანისა და წყალისაჲთა, ვითარ რაჲ ქუჱნაჲ
Line: 27    კერძი მისი და ქუჱყანის-მომართ[ი] გრილ არს, ხოლო ზე[ნაჲ] და

Page: 65  
Line: 1    ცეცხლის-მიმართი -- მჴურვალე. შეემთხ[უ]ჱვის უკუჱ ესე აირსა სიჩჩოჲსა
Line: 2    და ადვილად ცვალებისა-გან, რამეთუ მსწრაფლ განეყენების
Line: 3    თჳსისა ბუნებისა-გან და შეიცვალების. ხოლო არისტოტელი ორსა
Line: 4    ტომსა იტყჳს აირისასა: ორთქლებრივსა -- წყლითა აღკომლვისაგან,
Line: 5    ხოლო კუამლებრივსა -- შრეტისა-გან ცეცხლისა; ხოლო კუამლებრივსა
Line: 6    -- მჴურვალ ყოფად, არამედ ორთქლებრივი[ცა] იშობების
Line: 7    მჴურვალ, არამედ, წარვლოს რაჲ, ნაწილებით გრილ ქმნად იგი
Line: 8    და, უფროჲს-რე წარვლოს, წყალ ქმნად; და რათა სხუათა, რომელნიცა
Line: 9    ჩნდენ უჯეროდ, თანაწარჰჴდეს* და ამასვე-თანა, რათა უმაღლესნი
Line: 10    და ქუჱყანით დიდად განშორებულნი უგრილე-რე ჩნდენ, --
Line: 11    ამათ მიზეზთა-თჳს ორ ბუნებად დადვა იგი.**
Line: 12    ყოველთა უკუჱ სხეულთა ქმნაჲ თანამოგზაურობისა-გან ოთხთა
Line: 13    ასოთ[ა]ჲსა აქუს, ვითარ რაჲ ნერგთა და ცხოველთა[ჲ]: ბუნებისა უკუჱ
Line: 14    საქმე არს ესე, რათა უწმიდესსა ასოთასა ეგევითართავე სხეულთა
Line: 15    ქმნისა-თჳს მოჲზიდვიდეს. უწოდს უკუჱ არისტოტელი ამათ სხეულთა
Line: 16    ბუნებითად, არავინაჲ მებრ ხუავებრივ თანშესხმულად და თანდებულად
Line: 17    მათდა, არამედ ყოვლად ყოვლით-ურთ შე[ე]რთებულად [და]
Line: 18    შეზავებულად და ვითარ რაჲ ერთად და სხუად მათ-გან ქმნილად სხეულად;
Line: 19    რამეთუ ესრეთ შეიერთებიან, რომელ არღა იჭუნეულობენ
Line: 20    გარჩევად მათდა და არცა მარტოდ ხილვად ქუჱყანასა და მარტოდ
Line: 21    წყალსა და აირსა და ცეცხლსა, არამედ სხუაჲ ვითარ რაჲ-მე თდნიერ
Line: 22    ამათსა თანამოგზაურობისა-გან ოთხთაჲსა ქმნად, ვითარ იგი
Line: 23    ტეტრაფარმაკოსა-ზედა, რომელ არს ოთხწამალი, იხილვების: რამეთუ
Line: 24    ესე ოთხწამალი სხუა არს მათ-გან, რომელთა-მიერ შემზადებულ არს,
Line: 25    მაგრა არ მსგავსად, რამეთუ არათუ მებრ თანმიდებით უწლოთაჲსა,
Line: 26    ვითარ იგი ოთხწამალსა-ზედა იხილვების, და ეგრეთვე ასოთა-მიერ
Line: 27    ქმნად სხეულთა, არამედ მებრ თანშეცვალებით და შეერთებით;
Line: 28    და კუალად უკუჱ ასოთადვე აღიჴსნებიან და აღიბნევიან განხრწნილნი
Line: 29    სხეულ, და ამით სახითა დაადგრების სამარადისოდ ყოველივე და

Page: 66  
Line: 1    კმა ეყოფვის არსთა ქმნასა და მყოფობასა არცა გარდამეტებად და
Line: 2    არცა მოკლებად ოდესცა. რომლისა-თჳსცა სხჳსა ქმნასა სხჳსა ხრწნად
Line: 3    იტყჳან და კუალად სხჳსა ხრწნასა სხჳსა ქმნად, არა უკუჱ მხოლოდ
Line: 4    სულით ოდენ, ვითარ ისიტყუა პირველ, არამედ
Line: 5    სხეულითა-ცა.
Paragraph: 4  
Line: 6       ვინაჲვე პლატონს ეთნების სამთა უკუჱ ასოთა ურთი-ერთას
Line: 7    შეცვალებაჲ, არამედ ქუჱყანისა შეუცვალებელად გებაჲ, რამეთუ შეუდარებდა
Line: 8    თჳთეულსა ასოსა სიმტკიცესა წრფ[ე]ლწირთა ნაკუჱთთასა:
Line: 9    და ქუჱყანასა უკუჱ -- კუ[ვო]ებრივსა ნაკუჱ თსა, ვინაჲთგან სხუათა
Line: 10    უმეტეს უდრეკ არს, ხოლო წყალსა -- ძნიად მიმდრეკთა იკოსაედრთა-სა,
Line: 11    არამედ მსწრაფლმიდრეკასა პირამიდისასა -- ცეცხლსა, ხოლო ოკტაედრსა
Line: 12    -- აირსა, რომელი არს უმსწრაფლე მიმდრეკ წყლისსა, ხოლო
Line: 13    უგჳანე ცეცხლისსა მიდრეკითა. რამეთუ ამათ ნაკუჱთთა-გან
Line: 14    ჰყოფს აღმოჩენასა, რომელ სამნი ურთი-ერთას შეიცვალებიან, ხოლო
Line: 15    ქუჱყანაჲ -- ამას არ ვნებად. არამედ უკუჱ სამნი -- პირამიდი და ოკტაედრი
Line: 16    და იკოსაედრი -- კიბებრივთა სამყურთა-გან შემკიცებად, ხოლო
Line: 17    კუვოჲ -- სწორგუჱრდთა სამყურთა-გან. რაოდენი უკუჱ კიბებრივთა
Line: 18    სამყურთა-გან შემტკიცებულა, ესე შემძლებელა განბნეული
Line: 19    კუალად შეკრებად და ურთი-ერთას შეცვალებად; ხოლო უკუჱთუ კუვოჲ
Line: 20    გინათუ სხუაჲ რომელიცა სამთა ნაკუჱთთა-განი განიბნიოს, ვერ შემძლებელ
Line: 21    არს ურთი-ერთას შეცვალებად, რამეთუ სწორგუჱრდთა

Page: 67  
Line: 1    სამყურთა-გან შემტკიცებულა, რომელთა-მიერ სხუანი სამთა-განნი ვერ
Line: 2    შემძლებელ არიან შემტკიცებად, -- და არცა ამათ სამთა-გან კუვოდ.
Line: 3    საჭირო არს უკუჱ გუაროვანქმნილთა სხეულთა და გუართა ეგრეთვე
Line: 4    ქონებად ერთმან-ერთისა-მიმართ, ვითარ თჳთ მათ ჰონდა; გარნა
Line: 5    არავინაჲ უვნებ ეგო ქუჱყანაჲ, არამედ განიწვალების წულილადთა
Line: 6    სხეულთა-გან, ასოქმნილი; ვინაჲვე და არა თანშეცვალებით განმწვალებელისა
Line: 7    მისისად, -- კუალად უკუჱ შეკრბების და თჳსადვე მოეგებვის,
Line: 8    ვითარ იხილვების წყალსა-ზედა; რამეთუ უკუჱთუ წყალსა მცირე
Line: 9    ქუჱყანაჲ შთაჰყარო და აღამრღჳო, განიბნევის წყლად ქუჱყანაჲ, --
Line: 10    და დასცხრეს რაჲ აღმრღუჱვისა-გან, ოდეს რაჲ დადგომაჲ მიითუალოს
Line: 11    წყალმან, კუალად შეკრბების. ამითვე სახითა და ყოველსა ქუჱყანასა-ზედა
Line: 12    ჯერარს გაგონებად, რომელ არა არს ესე თანშეცვალება,
Line: 13    არამედ განზავება შერეულთა. იტყჳს უკუჱ პლატონ სიმახჳლისა-გან
Line: 14    ცეცხლთაჲსა განბნევად ქუჱყანისა; ხოლო ოდეს რაჲ განიბნიოს, ანუ
Line: 15    აირსა-შორის მიმოიქონების ანუ თჳთ ცეცხლსა, ოდეს ჰაერმან იგი
Line: 16    დაჰჴსნას, გინათუ -- წყალსა-შორის, რაჟამს წყალისა-მიერ დაიჴსნას.
Line: 17    იტყჳს უკუ სხჳთა სახითა განმწვალებელი ესრეთ, ვითარმედ თჳთეულსა
Line: 18    ასოთასა სამი რომელობაჲ აქუს: ცეცხლსა უკუჱ -- სიმახჳლე,
Line: 19    არეობაჲ, მიდრეკაჲ; არამედ სხუასა კიდესა ასოთასა,* რომელ არს

Page: 68  
Line: 1    ქუჱყანაჲ, წინააღმდგომი ამათ რომელობათაჲ, ვითარ იგი არს:
Line: 2    სიბლგუე, სიჴშირე, დგომაჲ, -- რათა იყოს მებრ დაუღლვილთა სხუა
Line: 3    რომელობათა-შორის; ხოლო მიხუმად ორთა-განვე კიდეთა რომელობანი
Line: 4    და ესრეთ ს[ა]შუალთა ქმნად ასოთა; რამეთუ მიიხუმიან ვინაჲვე
Line: 5    ცეცხლისა-გან ორნი რომელობანი, ვითარ: არეობაჲ და მიდრეკაჲ, --
Line: 6    და ერთი უკუჱ ქუჱყანისაჲ, ვითარ -- ბლგუობაჲ, -- და შემტკიცდების*
Line: 7    ჰაირი, რომელსა გუარმქმნელად ჰქუანან რომელობანი: ბლგუობაჲ,
Line: 8    არეობაჲ, მიდრეკაჲ. კუალად უკუჱ ორნი მიიხუმიან რომელობანი
Line: 9    ქუჱყანისანი: ბლგუობაჲ და სიჴშოჲ, ხოლო ცეცხლისა ერთი
Line: 10    მხოლოდ მიდრეკაჲ, და იქმნებიხ წყალი, და ამისდაცა გუარმქმნელ:
Line: 11    ბლგუობაჲ, სიჴშო[ჲ] და მიდრეკაჲ. არს უკუჱ, ვითარ სიმახჳლე
Line: 12    სიბლგუისა-მიმართი, ეგრეთვე ცეცხლი აირისა- მიმართ, და ვითარ
Line: 13    სიჴშოჲ არეობისა-მიმართ, ეგრეთვე ჰაერი -- წყ[ა]ლისა-მიმართ, და ვითარ
Line: 14    მიდრეკაჲ დგომისა-მიმართ, ეგრეთვე წყალი ქუჱყანისა-მიმართ;
Line: 15    და ვითარ ცეცხლი ჰაერისა-მიმართ, ეგრეთვე ჰაერი წყალისა-მიმართ,
Line: 16    და ვითარ ჰაერი წყალისა-მიმართ, ეგრეთვე წყალი ქუჱყანისა-მიმართ.
Line: 17    შეჰგავ უკუჱ, რომელ ზედსაჩინოჲ** ერთისა-მიერ მესაშუვლისა შეიკონების,
Line: 18    ესე იგი არს შესაბამი, ხოლო მყარი და მტკიცე -- ორთა-მიერ
Line: 19    მესაშუვლეთა. და სხჳთაცა სახითა იტყჳან რომელობათა ქონებად
Line: 20    ასოთა-გან: რამეთუ ქუჱყანასა და წყალსა ქონებად სიმძიმისა,
Line: 21    ვითარ და იგი ქუჱნად ბუნებით შთამოჲზიდვიან, ხოლო აირსა და
Line: 22    ცეცხლსა -- სისუბუქესა, ვითარ და იგი ბუნებით ზენად-მიმართ მიიმართებენ.
Line: 23    იტყჳან უკუჱ სტოელნი, ვითარმედ ასოთანი რომელნი-მე
Line: 24    არიან მოქმედ, ხოლო რომელნი-მე -- მევნე: მოქმედ -- ვითარ აერი
Line: 25    და ცეცხლი, მევნე -- ვითარ წყალი და ქუჱყანაჲ.
Line: 26    არამედ არისტოტელი და მეხუთესაცა შემოჲღებს სხეულსა ეთერისასა
Line: 27    და მრგულივმოსილსა, არა მგულებით ცისა[ჲ]თა ოთხთა

Page: 69  
Line: 1    ასოთა-გან ქმნად; მრგულივმოსილად ვინაჲ-მე იტყჳს სხეულსა მეხუთესა,
Line: 2    რამეთუ მრგულივ [ქუჱყანისა] მოჲქონების. ხოლო პლატონის-მიერ
Line: 3    განსიტყუვად მთქუმელისა ესრეთ: ცეცხლისა-მიერ და ქუჱყანი-სა
Line: 4    შემტკიცებად ცისა, რამეთუ იტყჳს ესრეთ, ვითარმედ: "სხეულთ-გუარად
Line: 5    ჴამს არს და სახილველ, შესახებელ ყოფაჲცა ჴამს არს[ო]
Line: 6    ქმნულისა-თჳს; [არამედ] თჳნიერ ცეცხლისა არამცასადა ხილვადი იქმნაო
Line: 7    და არცა შესახებელი თჳნიერ ვინაჲ-მე სიმტკიცისა, არამედ
Line: 8    მტკიცე არა არს თჳნიერ ქუჱყანისა; ვინაჲ, ცეცხლისა-გან და ქუჱყანისა
Line: 9    შემტკიცებად სხეული ყოვლისაჲ ღმერთმან დამწყობელმან შექმნაო.
Line: 10    ორთა უკუჱ კეთილად შემტკიცებად თჳნიერ მესამისა არ შესაძლებელ,
Line: 11    რამეთუ საკრველი მრჩობლთაჲ და შესაკრებელი ვინაჲვე
Line: 12    ყოფად საკრველი ვინაჲ-მე კეთილებრივი, ვითარ ვინაჲ-მე თჳთ თდსდად
Line: 13    და თანაშეკრულთად, რამეთუ უფროჲს ხოლო და ერთ ჰყოფს"; რამეთუ
Line: 14    ამას უკუჱ შეჰგ.ავს შესაბამისა სიკეთოანისა აღსრულებად: საკრველად*
Line: 15    იტყჳს საშუვალ ორთა ასოთა შესაბამისა-გან მითულილთა,
Line: 16    ვითარ ისიტყუა პირველვე.
Paragraph: 5  
Line: 17       ხოლო რომელნი ებრაელთასა ირწმენდეს,** განიყოფვიან ცისა-თვის
Line: 18    და ქუჱყანისა; რამეთუ რომელნი-მე, ნუუ-მე და ყოველნი,
Line: 19    არცაერთ [ი]სა წინამდებარისა ნივთისა-გან იტყჳან ქმნად ცისა და
Line: 20    ქუჱყანისა, ვინაჲთგან მოსემან თქუა, ვითარმედ "შორის დასაბამსა
Line: 21    შექმნა ღმერთმან ცაჲ და ქუჱყანაჲ". ხოლო აპოლინარიოსს უფსკრულის-გან
Line: 22    ეგულების ქმნად ღმრთისა-მიერ ცისა და ქუჱყანისა. რამეთუ
Line: 23    უფსკრულის-გან არა მოჲჴსენა მოსემან "ქმნასა-შორის სოფლისასა"
Line: 24    ვითარ შექმნილობაჲ, არამედ "იობსა"-შორის სიტყჳლა: "რომელმან
Line: 25    ქმნა უფსკრული".*** რამეთუ ამის-გან, ვითარ რაჲ ნივთისაგან,

Page: 70  
Line: 1    ეგულების სხუათა ყოველთა შექმნად. არაჲსთჳნ დაუსაბამოდ,
Line: 2    არამედ დასაბამიერ ყოფად იგი** ყოველთა უკუჱ სხეულთაჲსა [და] პირველვე
Line: 3    დაწყობილად შ.ემოქმედისა-გან სხუათა გუამოვნებისა-თჳს. დაჰნიშნავს
Line: 4    ვინაჲვე სახელი უფსკრულისაჲ ნივთისა უზომოობასა. არამედ
Line: 5    ესე რაულადცა და იყოს, არაჲთ განიყოფების, რამეთუ ეგრეცა
Line: 6    ღმერთი ყოველთა შემოქმედად იჩუჱნების და არარაჲსა-გან მოქმედად
Line: 7    ყოვლისა.
Paragraph: 6  
Line: 8       ხოლო მათდა-მიმართ, რომელნი ერთსა მხოლოდ იტყოდეს
Line: 9    ასოსა, -- ანუთუ ცეცხლსა, ანუ აირსა, ანუ წყალსა, -- კმა ეყოს
Line: 10    იპპოკრატის-მიერ თქუმული, რამეთუ: "თუმცა იყო ერთ, კაცი არამცა-ოდეს
Line: 11    ილმობდა და არამცა იყო, რომლისა-გან ილმომცა, ვინაჲთგან
Line: 12    ერთ არს; არამედ და თუმცა ილმობდა ერთი ვინაჲვემცა იყო მეკურნე.
Line: 13    ჯერარს უკუჱ მგულებელისა ლმობად -- თანშეცვალებად გრძნობით-ურთ;
Line: 14    რამეთუ თუმცა ერთი იყო ასო, არამცა იყო, რომლისად
Line: 15    შე-მცა-იცვალა, არამედ, არშეცვალებული და დადგრომილი თჳთ
Line: 16    თჳს-შორის, არამცა ილმობდა, ვინაჲვე და თუ გრძნობადი არს. საჭირო
Line: 17    არს უკუჱ ვნებითისად რაჲსა-მიერვე ვნებად; ხოლო, თუმცა
Line: 18    რად-მე ერთ იყო ასოჲ, არამცა იყო სხუაჲ რომელობაჲ, თჳნიერ მის
Line: 19    ერთისა ასოჲსა, რომლისა-განმცა ივნო ცხოველმან; და თუ რად-მე
Line: 20    არცა თანშეცვალებად და არცა ვნებად შემ ძლებელ იყო, ვინაჲ ილმო?"
Line: 21    აჩუჱნა ესე შეუძლებელად ვინაჲ შენდობით ზედმიუვლენს,
Line: 22    რამეთუ: "თუმცა ილმობდა, იყომცა ერთ საკურნებელ; ხოლო აწ არა
Line: 23    არს ერთ საკურნებელ, არამედ მრავალ; არა ვინაჲ-მე ერთ იყოს კაცი".
Line: 24    არამედ და რომელთა-მიერ იგინი მეცადინობენ თჳსისა თჳთეული
Line: 25    გამზადებად თნებისა, ამათ-გან უფროჲს ხოლო იჩუჱნების ოთხ ყოფაჲ
Line: 26    ასოთა. რამეთუ თალი, წყლისა მხოლოდ მეტყუჱლი ასოდ, მეცადინობს
Line: 27    გამოჩინებად სხუათა სამთა ამის-გან ქმნილად, რამეთუ
Line: 28    უმდგომესსა და უნივთიერესსა მისსა ქუჱყანა ქმნად, ხოლო უწლო[ე]სსა

Page: 71  
Line: 1    -- ჰაერად, არამედ ჰ[ა]ერისა უწლოესსა -- ცეცხლად. ხოლო ანაქსი-მენი
Line: 2    მხოლოდ ჰაერსა იტყოდა და მსგავსადვე ესეცა მეცადინობდა
Line: 3    ჩუჱნებად სხუათა ასოთა ჰაერის-გან ქმნად. და ირაკლიტოს უკუჱ
Line: 4    და იპპარხოს მეტაპონტიელი ცეცხლსა იტყოდეს, მათვე აღმოსაჩენელთა
Line: 5    მეჴმარენი. რომელთა-გან და ესეცა სიტყუვენ, ვითარმედ ცეცხლი
Line: 6    არსო სხუათა ასოთა მშობიერი, და სხუათა რომელთა-მე წყალი, ხოლო
Line: 7    რომელთა-მე ჰაერი, -- რომელთა-გან იჩუჱნების, რომელ ყოველნი
Line: 8    ასონი ურთი-ერთა შეიცვალებიან. ყოველთა უკუჱ ურთი-ერთას
Line: 9    მქცევართა-გან საჭირო არს, რათა ყოველნივე ასო იყვნენ; რამეთუ,
Line: 10    რომელსაცა-ზედა მიამართო ოთხთა-განსა, იპოოს იგი ვინაჲვე მეორისა-გან
Line: 11    ქმნილად.
Paragraph: 7  
Line: 12       ხოლო სხეული სულისა ორღანო არს, სული[თ]თა ვინაიჲვე
Line: 13    ძალთაჲსა თანგანიწვალების, რამეთუ მის-თჳს მომზავებელად და მომმარჯუედ
Line: 14    შემზადებულ არს, რათა არცერთი ძალი სულისაჲ მათგან
Line: 15    იცვალებოდის;* რამეთუ თჳთეულსა ძალსა სულისასა მოქმედებისა-მიმართ
Line: 16    განთჳსებით ნაწილი სხეულთაჲ განუკუთნავს, -- ვითარ წარვალს
Line: 17    რაჲ სიტყუამან გამოაჩინოს. ვითარმედ: სულსა წესი უპყრიეს ჴელოვნისაჲ,
Line: 18    ხოლო სხეულსა -- ორღანოჲსა; ნივთ უკუჱ არს, რომლისად
Line: 19    თჳთ საქმე იგი; ვითარ რაჲ: ნივთად წინამდე[ბ] არს შეშაჲ, ხოლო
Line: 20    ამის-თჳს მოქმედებად -- ხუროვნობაჲ.**
Line: 21    განიყოფვიან ვინაჲვე სულითნი ძალნი: ოცნებითად, მიმოგონებითად
Line: 22    და მომჴსენებელობითად.



Next part


This text is part of the TITUS edition of Nemesios of Emessa, De natura hominum.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.