ARMAZI
Ammonius, In Aristotelem commentaria
Part No. 5
Previous part

Chapter: 4  
Line: 4  თჳსისათჳს


Subchapter: 1  
Line: 5  ხოლო თჳსსა განჰყოფენ ოთხგუარად


Paragraph: 1     
Line: 6    სრულმყოფელი განყოფილებისძლითისა სიტყჳსაჲ თჳსისათჳს მეტყუელებს
Line: 7    მიერითგან, რამეთუ ესე შესადგინებელ იყო თქუმულისაებრ წესისა, რამეთუ
Line: 8    წარმოთქუა რაჲ არსებითთათჳს, საჭიროდ წარმოიტყჳს არსებისზედათათჳსცა,
Line: 9    არამედ თჳსისაგანცა დაიწყებს1, ვითარცა საშუვალ/[ად მყოფისა], რამეთუ
Line: 10    ეზიარების2 არსებითთაცა, ვითარ-იგი მხოლოჲსა და ყოვლისა და მარადის არს,
Line: 11    რომლისა იგი არს. ხოლო ეზიარების შემთხუევითთაცა, ვითარცა იგინი წულილმოგონებით
Line: 12    განეშორებიან ქუედმდებარეთა, ეგრეთვე თჳსიცა წულილმოგონებით
Line: 13    განეშორების. კუალად წესისა მისებრ მასწავლელობისაჲსა პირველად
Line: 14    დანიშნულობათა აღჰრაცხს მისთა და ეგრეთ იტყჳს, რომლისათჳს არს სიტყუაჲ
Line: 15    ფილოსოფოსთაჲ. გუარითა უკუე რაჲთმე ოთხად განსწვალებს თჳსსა და იტყჳს
Line: 16    ესრეთ: თჳსი ანუ მხოლოჲსა რაჲსმე სახისაჲ არს, ანუ არამხოლოჲსაჲ. და უკუეთუ
Line: 17    მხოლოჲსაჲ, ანუ სრულისა სახისაჲ არს, ანუ არსრულისაჲ; და უკუეთუ
Line: 18    არამხოლოჲსაჲ, კუალად ანუ არასრულისაჲ, /ანუ სრულისაჲ; [ანუ მარადის]
Line: 19    ანუ არ მარადის.

Paragraph: 2     
Line: 20       განწვალებაჲ უკუე ვიდრემე ესე, ხოლო არს ერთი სადმე დანიშნული3 და
Line: 21    პირველი, რომელი მხოლოსა ვისმე შეემთხჳა, ხოლო არა სრულსა სახესა, ვითარ-იგი
Line: 22    კაცსა მკურნალობაჲ, ფილოსოფოსობაჲ, ვარსკულავთმრიცხუველობაჲ,
Line: 23    მეორე, რომელი სრულისაჲ სადმე, არა მხოლოჲსაჲ ხოლო, ვითარ-იგი კაცსა
Line: 24    ორფერჴ-ყოფაჲ, რამეთუ ყოვლისა კაცისაჲ არს, არა მხოლოჲსა გარნა, არამედ
Line: 25    მფრინველთაჲცა. ხოლო მესამე*2..., ვითარ კაცისა სიბერესა შინა მჴცოვნობაჲ,
Line: 26    რამეთუ მხოლოჲ და ყოველი, არამედ არა მარადის მჴცოვნდების, არამედ სიბერესა
Line: 27    შინა. ხოლო მეოთხე, რომელსა თანაურბის მხოლოობაჲ, ვითარ კაცსა მოცინარობითი
Line: 28    და ცხენსა მჴჳვანობითი და ძაღლსა მყეფარეობითი. ხოლო ამათი
Line: 29    თითოეული ითქუმის ძალისაებრ4, არ მოქმედებისაებრ, /რამეთუ ვითარ-იგი
Line: 30    იცინის ანუ ჴუივის, მოცინარობითად ითქუმის ანუ მჴჳვანობითად, არამედ ვითარ-იგი
Line: 31    მოუგიეს.

Paragraph: 3     
Line: 32    რამეთუ ესე არს საკუთრად თჳსი მხოლოჲსა და ყოვლისად და მარადის-ყოფაჲ,
Line: 33    ვინაჲ პორფირიოს მოიჴუმია სხუათა დანიშნულობათა ზედა და მარტივად
Line: 34    საზოგადოდ თქუმულისა თჳსისა მიმდებელმან განყო ოთხად. სამ-ყოფასა
Line: 35    უკუე წინააღმდგომ-დადებათასა, რომელთაგან დანიშნულობანი თჳსისანი მოიხუმიან,
Page: 84  
Line: 1    ურთიერთას რაჲ შეითხზნენ ესენი, უმრავლეს იქმნებიან სქესნი მათნი,
Line: 2    რომელთაგანნი რომელნიმე არიან შეუდგენელნი, ხოლო რომელნიმე --
Line: 3    შედგომილნი.



Subchapter: 2  
Line: 4  ხოლო ესე კუალად მარადის თანანერგ მისსა


Paragraph: 1     
Line: 5    თქუმითა "თანნერგობისაჲთა" ძალი და მოგებაჲ ცხად-ყო და [არა]1 მოქმედებაჲ,
Line: 6    რამეთუ დაღათუ არა მარადის ვიცინით, არამედ მოცინარ-ყოფად ვითქუმით
Line: 7    მარადის, რამეთუ ძალითა გუაქუს სიცილი /მარადის და მოგჳგიეს
Line: 8    [მარადის] სიცილი, მოცინარობითნი უკუე ვართ არმოცინარნი მარადის, რამეთუ
Line: 9    სხუაჲ არს სიცილი და სხუაჲ -- მოცინარობითი და სხუაჲ -- ჴჳვილი დასხუაჲ
Line: 10    -- მჴჳვანობითი.



Next part


This text is part of the ARMAZI edition of Ammonius, In Aristotelem commentaria.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.