TITUS
Menog-i xrad
Part No. 51
Previous part

Chapter: li 
Sentence: 1    pursīd dānāg ō mēnōg ī xrad
Sentence: 2    kū: čē rāy ka aǰgahān ud dušāgāh ud wad mard ast ī ka ō burzišn ud nēkīh ī wuzurg rasēd
Sentence: 3    ud ōy ī šāyendag ud dānāg ud weh mard ast ī ka ō garān anāgīh ud škaftīh ud niyāzōmandīh rasēd?
Sentence: 4    mēnōg ī xrad passox kard
Sentence: 5    kū: ōy ī aǰgahān ud dušāgāh ud wad mard, ka-š brēh ayār bawēd, ēg-iš ān aǰgahānīh ō tuxšāgīh ud ān dušāgāhīh ō dānāgīh ud ān wattarīh ō wehīh homānāg bawēd,
Sentence: 6    ud ōy ī dānāg ud šāyendag ud weh mard, ka-š brēh hamēmāl, ēg-iš ān dānāgīh ō adānīh ud halagīh ud ān šāyendagīh ō dušāgāhīh wardēd,
Sentence: 7    ud dānišn ud hunar ud šāyendagīh armēšt paydāg bawēd.

Next part


This text is part of the TITUS edition of Menog-i xrad.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.