TITUS
Karnamag-i Ardashir-i Pabagan
Part No. 7
Previous part

Chapter: vi 
Sentence: 1    ud ka ō gyāg-ēw ī rāmišn-ardaxšīr xwānēnd rasīd mard-ēw ī wuzurgmenišn ī banāg nām būd az spahān, kē az dast ī ardawān wirēxt ēstād, ānōh bunag dāšt, xwad abāg *6 pus ud was spāh ud gund ō nazdīk ardaxšīr mad.
Sentence: 2    ud ardaxšīr az banāg *hamē tarsīd kū: mā agar-am gīrēd ud ō ardawān abespārēd.
Sentence: 3    pas banāg ō pēš ardaxšīr mad ud sōgand xwārd ud abē-gumānīh dād kū: tā zīwandag bawēm, xwad abāg frazandān, framānburdār ī tō bawēm.
Sentence: 4    ardaxšīr huram būd ud ānōh rōstāg-ēw ī rāmišn-ardaxšīr xwānēnd framūd kardan.
Sentence: 5    banāg abāg aswārān ānōh hišt ud xwad ō bār ī drayā šud.
Sentence: 6    ka-š drayā pad čašm be dīd andar yazadān spāsdārīh hangārd,
Sentence: 7    ud anōh rōstāg ī bōxt-ardaxšīr nām nihād ud ō ātaxš ī wahrām abar drayā framūd nišāstan. az anōh abāz ō nazdīk ī banāg ud aswārān āmad.

Next part


This text is part of the TITUS edition of Karnamag-i Ardashir-i Pabagan.

Copyright TITUS Project, Frankfurt a/M, 1.11.2010. No parts of this document may be republished in any form without prior permission by the copyright holder.