TITUS
Denkard Book 6
Part No. 309
Previous part

Chapter: 304  
Paragraph: a     u-šān ēn-iz a'ōn dāšt ku kas-iz mardom nēst ke ēn 3 čiš ka andar ēstēd ud az-iš pad gētīg bar ne wēnēd ranǰ-iz ī andar rāy az-iš ne ayāsēd.

Paragraph: b     ēwag wafr ud wārān, ēwag diz ī kandāg drubuštīh kardan ud diz ī hanbār dāštan, ēwag driyōšīh.

Paragraph: c     čē hān-iz ī xradōmand-tom mardom ēd rāy čē sūd ī frāz ō pēš ne wēnēd was ī ka anāgīh a'ōn wēnēd ka-[az] driyōšīh be ayāsēd, ud ka ranǰagīh ī rasēd rāy wārān ī pad abzārīh ne kāmēd, frahist hēn ī ka [Page of ed.: 118]  pad kandiz ud diz ī hanbār dāštan ne pad kām.

Paragraph: d     ud az ān 3 čiš 2 čiš ī pad gētīg bar wēnihēd šāyēd dānistan, ud ēwag tā ō āmār ī mēnōgān rasēd ne wēnihēd.

Paragraph: e     ud ān 2 čiš ī pad gētīg bar wēnihēd ēwag wafr ud wārān guft, čē wārān ka wārēd frahist ān *ke pad ān gāh ka hamē wārēd sūd čiš ne paydāg ud ranǰ ī andar rāy harw kas az-iš be ayāsēd ud pad abē-sūd dārēd, ud ka ō frawardīn māh ud ardwahišt māh mad, ud ǰōrdāy ud gayāg ud xurmāg rōyihēd bar ī wārān, ud be ō paydāgīh āyēd harw čiš, mardom kāmag a'ōn ku kāž pad ēn zamestān wārān wēš būd hēh, u-mān ān ranǰagīh ī az wārān wēš būd hēh, u-mān nūn ēn ābādānīh ud nēwagīh ud padēxwīh ud hu-zīwišnīh ī az bar ī wārān wēš dīd hēh.

Paragraph: f     ud ēwag diz ī kandāg ud diz ī hanbār guft ēd rāy čē frahist ān ī ka kunihēd ud sāzihēd sūd ī pad nāmčišt ne paydāg ud uzīnag was abar bawēd ud pas ka ēdōn ǰahēd ku dušman ō šahr rasēnd ud pānagīh ud *weh-dārišn ī mardomān rāy diz pad kār andar abāyēd, mardom pad anbūh andar ō diz šawēnd, ad abē-bīmīh ī-šān az kardan ī ān diz az dušmanān ud tangīh ud anāgīh ī az wasīh ud abzārīh ī mardom ī andar ān diz wēnihēd rāy frahist ān mardom ke kāmag a'ōn ku-m kāž xwēš ud mānīgān rāy diz-ē pad uzīnag ī az xwēš kard ēstēh u-š an tanīhā andar mānēm, ayāb-im andar ēn diz uzīnag az harw kas wēš kard ēstēh ku pad-iš pādexšāy-tar hēm u-m az harw kas gyāg frāxw-tar hēh.

Paragraph: g     ud ān ēwag ī pad gētīg bar ne wēnihēd driyōšīh guft, čē driyōšīh pad gētīg harw kas az-iš be ayāsēd, ud [ka] mad ō āmār ī mēnōgān awe-z ī driyōš-tom mardom kāmag a'ōn ku kāž driyōš-tar būd hēh u-m anāgīh ī az driyōšīh wēš dīd ud burd hēh ud nūn āmār andak ud xwār-tar abar būd hēh.

Page of ed.: 120 
Next part


This text is part of the TITUS edition of Denkard Book 6.

Copyright TITUS Project, Frankfurt a/M, 4.1.2021. No parts of this document may be republished in any form without prior permission by the copyright holder.