TITUS
Denkard Book 6
Part No. 308
Previous part

Chapter: 303  
Paragraph: a     u-šān ēn-iz a'ōn dāšt ku pad hangird čiš 2 agar agar ast, ud kas ke paygārēd ku wēš ast-ez, ēg-iz ēwag-ē ast 3 čiš: [ēwag] ēn ku harw kas wināh ī xwad dānēd ku wināh ud andar-iz šahr pad pādram dusrawēnīd ēstēd ud agar kas ast ke kunēd puhl-iz zanēnd, čand tuwān az-iš be wardēd ud ne kunēd.

Paragraph: b     ud ēwag ēn ku harw kas ān kirbag ī xwad dānēd ku kirbag ud andar šahr pad pādram husrawēnīd ēstēd ud agar kas kunēd pādāšn-iz paydāg, čand tuwān pad-iš tuxšāg.

Paragraph: c     [ud ēwag ēn ku harw kas ān čiš ī] ne dānēd ku kirbag ayāb wināh ud andar šahr mardom pad frārōnīh ud abārōnīh ne ham-dranzišn hēnd ud pad gumānīh abar ēstēd, abāg wehān uskārēd ud a'ōn čiyōn wehān dastwar bawēnd kunēd ud ǰud az ham-pursagīh ī wehān fradom ne kunēd.

Next part


This text is part of the TITUS edition of Denkard Book 6.

Copyright TITUS Project, Frankfurt a/M, 4.1.2021. No parts of this document may be republished in any form without prior permission by the copyright holder.