TITUS
Denkard Book 5
Part No. 7
Previous part

Chapter: 7  
Paragraph: 1     abar pād<an> ī pās passox kū
Paragraph: 2     be šnāxtan ī frēftārīh ud wiyābāngarīh ī ahreman ud dēwān čiyōn gumēxtagīh ī-šān bārīkīhā andar weh dahišnān nihuftārīh ī-šān rāh ud ristag ī rāst zūr nimūdārīh ī-šān ast pad nēst rāh-dārīh ī-šān andar axw ud menišn ud gōwišn ud kunišn ī astōmandān ud āsūdagīh ī-šān pad wināhišngārīh.

Paragraph: 3     ud niyāzōmandīh ī-mān ō waxšwarān rāst āwurdārīh ud mēnōgīg rāz gētīgīg paydāgēnīdārīh šnāxtan ud grift<an> ī ān widarg ud a-sūdagīhā pād<an> ī ān pās.

Paragraph: 4     ud be sūdan ī dēwān az tan ud nē kardan ī-šān andar ō tan-bār ud andar-iz hamwār-kō(x)šišnīh padīrag druzān nāmčištīgīhātar nikōhīdag ud zadag dāštan ī dēwān dēw gannāg mēnōg u-š māzan abzārān čiyōn akōman ud indar ud sawul ud nanhais ud tāurēč ud zārēč ud akataš ud āz ud xešm ud abārīg māzan dēw.

Paragraph: 5     ud čand az hamāg awēšān pās pāyīhēd frāy-iz az abē-rāh waran pās pādan. xrad mādayān padīrag waran mādayān hamēšag-pāsīhā [winnardan] winnārdan.

Paragraph: 6     ud ēdōn-iz wahman padīrag akōman ud abārīg weh mēnōgān padīrag ān ī xwēš hamēstār druz ēstēnīdan rāy andar tan mehmānēnīdan ud xwāstārīhā gyān dranā pās pādan.

Page of ed.: 40 
Next part


This text is part of the TITUS edition of Denkard Book 5.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.