TITUS
Pahlavi Translation of the Avesta: Yasna and Vispered
Part No. 69
Previous part

Chapter: 68  Link to avesta Link to yasna
Yasna 68


Paragraph: 1  Link to avesta Link to yasna
Verse: a    ēdōn tō ahurānēy ahurahēy ā-t pad ān hayārīh daham
Verse: b    kē-m tō bēšīd hād har kas-ēw bēšīd ēstēd kū-š ēn saxwan dastwarīhā guft
Verse: c    ēd zōhr abar ō tō rasād čiyōn guft ō tō ahurānēy ahurahēy
Verse: d    hōmōmand ī gōštōmand ī hayanbāgōmand

Paragraph: 2  Link to avesta Link to yasna
Verse: a    ī šīrēn ud čarb man-iz kē zōd ham abar rasād
Verse: b    pad drīstīh bēšāzišnīh frāyīhišnīh wālišn-dahišnīh
Verse: c    huaxwīh ud ahlawīh ud husrawīh ud xōb-ruwānīh
Verse: d    ud pērōzgarīh ud frāyīdārīh ī gēhānīh

Paragraph: 3  Link to avesta Link to yasna
Verse: a    yazam tō ahurānēy ahurahēy pad ān ī weh-menišnīg zōhr
Verse: b    yazam tō ahurānēy ahurahēy pad ān ī weh-gōwišn zōhr
Verse: c    yazam tō ahurānēy ahurahēy pad ān ī weh-kunišn zōhr

Paragraph: 4  Link to avesta Link to yasna
Verse: a    pad rōšn-menišnīh rōšn-gōwišnīh rōšn-kunišnīh abēgumānīh pad tis ī yazdān
Verse: b    huaxwīh ī ruwān frāyīdārīh ī gēhān
Verse: c    huaxwīh ud ahlawīh

Paragraph: 5  Link to avesta Link to yasna
Verse: a    dahē ō man ahurānēy ahurahēy ān pahlom axwān ī ahlawān ī rōšn hamāg-xwārīh
Verse: b    dah ō man ahurānēy ahurahēy ān ī mardān ān ī āsnūdag frazend
Verse: c    kē ān ī man frāxēnād mān ud wis ud zand ud deh ud rōstāg

Paragraph: 6  Link to avesta Link to yasna
Verse: a    tō ahurānīy yazam
Verse: b    zrēy ī Frāxkerd yazam
Verse: c    harwisp āb yazam
Verse: d    kē pad zamīg ān-iz armēšt ān-iz ī frāz tazāg
Verse: e    ud ān-iz ī pad xān bun-xān ān-iz ī srāuu tazišn ud kadahīg
Verse: f    pwd՚k' ud wārānīg

Paragraph: 7  Link to avesta Link to yasna
Verse: a    pad ān yazišn ud niyāyišn
Verse: b    čiyōn awēšān ābān ēdōn dādīhātom yazišn ud niyāyišn
Verse: c    az ahlāyīh pahlom čiyōn az dēn paydāg
Verse: d    āb ī weh ī pahlom ī Ohrmazd-dād ī ahlaw yazam
Verse: e    ābān-iz ī wehān yazam

Paragraph: 8  Link to avesta Link to yasna
Verse: a    šīrēnīh ud čarbīh yazam
Verse: b    ī az tazišn ī āb ud waxšišn ī urwar bē dād ēstēd
Verse: c    āz ī dēwān dād hamēstārīh rāy ān mūš ān parīg abāz-estišnīh rāy kū tā-š
Verse: d    wināh mā tuwānād kardan hād ēdōn abāyēd guftan ān mūš ī parīg
Verse: e    abāz wisinišnīh rāy kū tā pad dō bē abesīhād abāz tarwēnišnīh rāy kū ān ī
Verse: f    andar rāh ēstād hād akār bē bawād padīrag rasišnīh-iz bēš rāy kū tā az bun
Verse: g    bē nē rawād
Verse: h    ud ahlomoγ-iz ī anahlawān rāy sāstār-iz ī purr-marg rāy kū tā anāgīh-iz az
Verse: i    awēšān abāz dārād
Verse: j    pad abāz-estišnīh ī ān ī dēwān bēš ud ān-iz ī mardōmān ī wadag

Paragraph: 9  Link to avesta Link to yasna
Verse: a    niyōxšā ān ī amāh yazišn ahurānēy ahurahēy
Verse: b    hušnūd hē pad ān ī amāh yazišn ahurānēy ahurahēy
Verse: c    abar ān ī amāh yazišn nišīnē kū gōš dārē
Verse: d    ān ī amāh rasād ō hayārīh
Verse: e    pad was yazišnīh ī zōhrān pad marag ud xōb yazišnīh ī zōhrān pad nērang ud
Verse: f    xōb frāz-barišnīh ī zōhrān az tis ī xwēš

Paragraph: 10  Link to avesta Link to yasna
Verse: a    kē ašmāh āb weh yazēd ahurānī ahurahī
Verse: b    pad ān ī pahlom zōhr ī gāwān
Verse: c    pad ān ī nēk zōhr
Verse: d    pad ān ī dahmān nigerīd zōhr ast kē dahmān pālūd ēstēd

Paragraph: 11  cf. ŠW 7   Link to avesta Link to yasna
Verse: a    ō ōy rāy ud xarrah
Verse: b    ō ōy tan drīst-rawišnīh
Verse: c    ō ōy tan wazdwarīh
Verse: d    ō ōy tan pērōzgarīh
Verse: e    ō ōy īšt ī purr-xwārīh xwāstag
Verse: f    ō ōy ān ī āsnūdag frazend
Verse: g    ō ōy ān ī dagr ud dagr-zišnīh
Verse: h    ō ōy ān ī pahlom axwān ī ahlawān ī rōšn hamāg-xwārīh

Paragraph: 12  Link to avesta Link to yasna
Verse: a    dahēd ān ī weh āb ō man kē zōd ī yaštār hēm
Verse: b    ō amāh-iz kē mahistān ī frāz yaštār hēm
Verse: c    ud dōstān hamhāgān
Verse: d    hērbedān ud hāwištān
Verse: e    narān ud nārīgān
Verse: f    aburnāyagān ud kanīgān-iz
Verse: g    ī kārwarzīdārān

Paragraph: 13  Link to avesta Link to yasna
Verse: a    kē weh ahlāyīh rāy frāz menēnd kū-mān kirbag dahād
Verse: b    pad bē tarwēnišnīh ī tangīh abar pad bē tarwēnišnīh ī bēš
Verse: c    bē hēn ī *wōyēn rānēnīdār nēst tisīh
Verse: d    ud bē ān ī adōst-bēšīdār
Verse: e    ān ī ristag rāh xwāhišn ud *nāzišn kē ast ān ristag ī ahlāyīh
Verse: f    ān ī pahlom axwān ī ahlawān rōšn hamāg-xwārīh

Paragraph: 14  Link to avesta Link to yasna
Verse: a    ī humānišnīh ud rāmišn-mānišnīh ud dagr-mānišnīh ō awēšān wis āfrīnam
Verse: b    kē az awēšān ēn zōhr bē stad
Verse: c    humānišnīh rāmišn-mānišnīh ud dagr-mānišnīh ō harwisp wis ī mahistān āfrīnam
Verse: d    hubarišnīh ud *nēk-barišnīh ud hayār-barišnīh ō ātaxš āfrīnam
Verse: e    xōb yazišnīh ō tō ahurānēy āfrīnam

Paragraph: 15  Link to avesta Link to yasna
Verse: a    rāmišn xwālom ō awēšān dehān āfrīnam
Verse: b    drīstīh ud bēšāzišnīh āfrīnam
Verse: c    kē ašmāh dahm mard ī ahlaw harwispīn mard ī ahlaw āfrīnam
Verse: d    kē ast weh ahlaw andarg zamīg ud āsmān
Verse: e    pad hazār bēšāzišnīh ud bēwar bēšāzišnīh

Paragraph: 16-19  Link to avesta Link to yasna
Verse: a    pad kāmag ī tō Ohrmazd pad nēkīh *pādaxšāyēn xwēšān dahmān pad nēkīh ēdōn
Verse: b    pādazšāyīh bē kun
Verse: c    ēdōn čiyōn nibišt tā druuatō stōiš
Verse: d    ēdōn rasād čiyōn-imān *āfrīd čiyōn-imān guft

Paragraph: 20  Link to avesta Link to yasna
Verse: a    humatān hūxtān huwarštān
Verse: b    kē ēdar-iz dahišn aziš pad-iz ān ī anī dahīšn kū-š ēdar ud ānōh-iz nēkīh
Verse: c    aziš ān ī warzīd tā nūn ud ān-iz ī warzīhēd az nūn frāz
Verse: d    ham abar griftār kū ō xwēš kunam ān mard ō mard bē abespārdār kirbag pad
Verse: e    dād rāh čiyōn weh ham kū čiyōn pahlom ō xwēš kunam

Paragraph: 21  Link to avesta Link to yasna
Verse: a    ān-iz weh dahišn ī ēdar ān-iz weh tarsagāhīh ī ānōh ān-iz gōwam xwad bē-iz
Verse: b    gōwam ō kasān
Verse: c    pad abzōn āyōzam ud āp ēdōn yazam
Verse: d    ud az ašmāh kē weh hēd āb
Verse: e    az vaŋuhīm tā vā̊ srišāmrūdīg gōwišn
Verse: f    zayēm amāh u-mān dahēd ašmāh kē pādaxšāy hēd rāy ud xwarrah
Verse: g    bē dahēd āb dahēd ō amāgān ān nēkīh ī-mān az ašmāh pēš-iz frāz windīd pad
Verse: h    yašt ī pad ātaxš sar guft kē pad yašt ī pad āb bun guft

Paragraph: 22  Link to avesta Link to yasna
Verse: a    namāz ō Ohrmazd Ohrmazd guft kū niyāyišn ō man ōy kerd bawēd kē wehān
Verse: b    parwardārtom ud wattarān zadārtom
Verse: c    namāz ō amahrspandān amahrspandān guft kū niyāyišn ō amāh ōy kerd bawēd kē
Verse: d    paymānīg xwarēd ud paymānīg dārēd ud har čē paymān bē frēbēd ō wehān ud
Verse: e    arzānīgān dahēd
Verse: f    namāz ō Mihr ī frāgōyōd Mihr frāgōyōd guft kū niyāyišn ō man ōy kerd bawēd
Verse: g    kē mihr ī ruwān ī xwēš xōb ud nēk dārēd čē ka-š mihr ī ruwān ī xwēš xōb ud
Verse: h    nēk dāšt bawēd ā-š hamāg dām ī Ohrmazd xōb dāšt bawēd
Verse: i    namāz ō xwarxšēd ī arwand-asp xwarxšēd ī arwand-asp guft kū niyāyišn ō man
Verse: j    ōy kerd bawēd kē ranǰ pad kār ud kirbag kardan padīrēd nē pad ranǰ dārēd čē
Verse: k    man-iz pad ēn rāh āyam šawam nē pad ranǰ dāram
Verse: l    namāz ō dōysar ī Ohrmazd dōysar ī Ohrmazd guft kū niyāyišn ō man ōy kerd
Verse: m    bawēd kē hamāg dām ī Ohrmazd pad hučašmīh abar-nigerēd ā-iz kas pad
Verse: n    duščašmīh abar nē nigerēd ud hixr ō āb nē barēd
Verse: o    namāz ō gāw namāz ō Gayōmard gāw ud Gayōmard guft niyāyišn ī man ōy wēš
Verse: p    padīrēnd kē meh andar keh ud keh andar meh wizīn dānēd kardan ka brād ī keh
Verse: q    andar brād ī meh wināh kunēd brād ī meh brād ī keh rāy bē āmurzēd
Verse: r    namāz ō Zardušt ī Spitāmān ahlaw frawahr Zardušt guft niyāyišn az ān wēš
Verse: s    padīrift kē pad ēn dēn ī weh māzdēsnān wēš weh ēstēd ān az dēn paydāg wēš
Verse: t    menēd wēš gōwēd wēš kunēd
Verse: u    namāz ō harwisp ān ī ahlawān stī
Verse: v    kē ast ud kē-iz būd hēnd ud kē-iz bawēnd

Paragraph: 23  Link to avesta Link to yasna
Verse: a    weh-im waxšēnē menišn xwadāy kū-m frārōntar bē kunēd kē-iz ahlāyīh kār ud
Verse: b    kirbag ī-m kerd ēstēd nēkīh ō tan ā-m dah
Verse: c    ēn ruwān ō ān ī rōšnīh ī bālist bālēnānd kū-m ruwān ō xwarxšēd pāyag rasād
Verse: d    pad tō abar abzōnīg mēnōy wardišn rasād az wattarīh ō wehīh tan ī pasēn



Next part


This text is part of the TITUS edition of Pahlavi Translation of the Avesta: Yasna and Vispered.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.