TITUS
Pahlavi Translation of the Avesta: Young Avestan
Part No. 9
Previous part

Chapter: 5 
Ātaxš ī Wahrām Niyāyišn Link to avesta


Paragraph: 1-3 
Verse: a    ul man az ān ī rēšīdār [ahreman] <...> [kū-m bōzāi]
Verse: b    <...> ud saxwan-niyōxšišnīh ō šahrewar [ēk andar did]

Paragraph: 4 
Verse: a    šnāyēnīdārīh ī ohrmazd
Verse: b    namāz <ō> tō ātaxš ī ohrmazd [pus] hudāhag mahist yazd
Verse: c-d    Without PT
Verse: e    ātaxš ī ohrmazd pus
Verse: f    tō ātaxš pus ī ohrmazd

Paragraph: 5 
Verse: a    ātaxš ī ohrmazd pus [ādur farrōbag]
Verse: b    xwarrah ud sūd ī ohrmazd-dād
Verse: c    ērān xwarrah ī ohrmazd-dād
Verse: d    ud kayān xwarrah ī ohrmazd-dād [
Verse: A    u-š kār ī āsrōnīh ēd kū pad ān kustag āsrōnān dānāgtar ud kārkardārtar bawēnd pad rāh ī ōy
Verse: B    ān ī ōy abāg dahāg pahikār kard ōy bawēd
Verse: C    nām ī ēn ātaxš ādur farrōbag
Verse: D    ēn ātaxš pēšag āsrōnīh dārēd kū dastwarān ud mowbedān dānāgīh ud wuzurgīh ud xwarrah ī pad ayārīh ī ēn ātaxš niwist
Verse: E    ud ān ī abāg dahāg pahikār kard pad rāh ī ōy]
Verse: e    ātaxš ī ohrmazd pus [ādur gušnasp]
Verse: f    ud kayhusraw ud war ī husraw [pad ādurbādagān]
Verse: g    ud asnuwand gar ī ohrmazd-dād
Verse: h    ud čēčist war ī ohrmazd-dād [ay az čēčist ō ān war frasang]
Verse: i    kayān xwarrah ī ohrmazd-dād [
Verse: A    u-š kār ī artēštārīh ēd kū pad kustag ādurbādagān artēštār tēztar ud tagīgtar bawēnd pad rāh ōy bawēnd
Verse: B    ud nām ī ēn ātaxš ādur gušnasp ast
Verse: C    ud kār ī ēn ātaxš artēštārīh kū pad andarōn ādurbādagān artēštār tēztar ud tagīgtar ast pad rāh ī ōy
Verse: D    ud šāh ī kayhusraw abar wahman diz pērōzgarīh ayāft pad ayārīh ī ēn ātaxš
Verse: E    ud pad pēš ohrmazd nālīd ud frayād kard ōy ēn ādur gušnasp būd]

Paragraph: 6 
Verse: a    [ādur burzēn] ātaxš ī ohrmazd pus
Verse: b    rēwand gar ī ohrmazd-dād
Verse: c    ud kayān xwarrah ī ohrmazd-dād [
Verse: A    u-š kār ī wāstaryōšīh ud wāstaryōšīh ēd kū wāstaryōš pad abaršahr tuxšagtar ud warzišnīgtar ud šust-ǰāmagtar hēnd pad rāh ī ōy
Verse: B    ān kē abāg wištāsp pahikārd ōy bawēd
Verse: C    ēn paydāg kū pad ēn harw sē pēšag andar kār harw sē ast čē āsrōnān āsrōnīh āšnāg artēštārān artēštārīh āšnāg wāstaryōšān wāstaryōšīh āšnāg
Verse: D    āsrōnān ēd yašt kardan
Verse: E    u-šān artēštārīh druz gannāg mēnōg zadan
Verse: F    u-šān wāstaryōšīh pih sāxtan
Verse: G    wāstaryōšīh zēn-abzār sāxtan ārāstan
Verse: H    artēštārīh dēnīg ud druz abāz dāštan
Verse: I    nām ī ēn ātaxš ādur burzēn mihr ast
Verse: J    u-š kār ī wāstaryōšīh ast kū wāstaryōšān ō abar kār ī wāstaryōšīh dānāgtar ud tuxšagtar ud šust-ǰāmagtar bawēnd pad ayārīh ī ēn ātaxš
Verse: K    ud abāg wištāsp pursagīh ud passox kard ōy ēn ātaxš būd]
Verse: d    ātaxš ī ohrmazd pus
Verse: e    ātaxš abzōnīg artēštār yazd purr-xwarrah ud yazd purr-bēšāzēnīdār [ā-š artēštārīh druz-zadārīh ud purr-xwarrahīh ā-š xwarrahōmandīh ud bēšāzēnīdārīh mēnōgīgīh zadārīh āhōgān gardān az spenāg mēnōg dāmān ast ātaxš ī gālīh]
Verse: f    ātaxš ī ohrmazd pus
Verse: g    abāg harwispīn ātaxšān
Verse: h    xwadāyīh-nāf nēryōsang yazd [u-š xwadāy-nāfīh ēd kū nāf xwadāyān ud dahibedān dūdag āzādagān wuzurgān abāz-ārāyišnīh rāyōmand ud xwarrahōmand tōhmag az ōy] <...>
Verse: i    Without PT

Paragraph: 7-16 
Verse: a    yazišn ud niyāyišn [zōhr agumēg] pad hubarišnīh <...>
Verse: b    ahlāyīh ārzōg [ruwān dōšāram rāy ān kār ud kirbag rāy] yōǰdāsr [kū pāk]

Paragraph: 17    Without PT

Paragraph: 18 
Verse: a    ēdōn ēd ī tō ātaxš ōzōmand ohrmazd
Verse: b    ā-š pad ōy kē ahlāyīh hunsandīh [kū-š hunsandīh pad ān zamān ka war-sālār ān kē kār <ud> kirbag kard ēstēd] [kū hunsandīh ān zamān bawēd ka andar mardōm ahlāyīh ud kirbag ēstēd]
Verse: c    ī tēz ī amāwand [ān ātaxš]
Verse: d    kē ēstēd ō ayārīh ā-š paydāgēnēd rāmišn [ayārīh kardan ēn kū čiš ī hubōy dādan ud rōšn dāštan ǰādag-gōwīh kardan]
Verse: e    ēdōn ohrmazd ān ī bēšīdār [kē ātaxš bēšēd] ā-š pad tuwān xwāhišnīh dārēd kēn [kū ohrmazd pad xwāhišnīh xwēš ān ī bēšīdār ī ātaxš rāy pādifrāh kunēd]
Verse: f    Without PT

Paragraph: 19-20    Without PT



Next part


This text is part of the TITUS edition of Pahlavi Translation of the Avesta: Young Avestan.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.