TITUS
Pahlavi Translation of the Avesta: Videvdad
Part No. 9
Previous part

Chapter: 15 
Paragraph: 1  Link to avesta
Verse: a    caiti. tā. š́iiaoϑna. varšta. yā. aŋhuš. astuuå. vərəziieiti.
Verse: b    fraēta. apatita. anuzuuaršta.
Verse: c    aŋ́hat̰. haca. š́iiaoϑna.varəza. aϑa. bauuaiṇti. pəṣ̌ō.tanuua.

Paragraph: 1-Ptl 
Verse: a    cnd OLE-š՚n' kwnšn՚n' wlcšn' MNW ḆYN ՚hw' y ՚st՚wmnd wlc՚nd [AYḴ OḆYDWN-x1]
Verse: b    AMT pln՚pt' [AYḴ krt'] ՚ptyt' [AYḴ-š LA PWN ptyt'] ՚n'-LALA-wlcyt' [AYḴ LA wc՚lt' YKOYMWN-yt']
Verse: c    MN ZK ZK' y kwnšn'-wlc' ՚ytwn' YHWWN-d tn՚pwhl [YHWWN-yt' AMT dyn' YHWWN-yt' AMT mlglc՚n']

Paragraph: 1-Pts 
Verse: a    cand awēšān kunišnān warzišn kē andar axw ī astōmandān warzānd [kū kunānd]
Verse: b    ka franāft [kū kard] apatit [kū-š nē pad patit] an-abāz-warzīd [kū nē wizārd ēstēd]
Verse: c    az ān ān ī kunišn-warz ēdōn bawēd tanāpuhl [bawēd ka dēn bawēd ka margarzān]


Paragraph: 2  Link to avesta
Verse: a    āat̰. mraot̰. ahurō. mazdå. paṇca. aṣ̌āum. zaraϑuštra.
Verse: b    +paoirīm. +aētaēšąm. š́iiaoϑnanąm. yōi. +vərəziṇti. maṣ̌iiāka.
Verse: c    yō. narəm. aṣ̌auuanəm. aniiō.varənāi. vā. +aniiō.t̰kaēšāi. vā. +kasiiaŋ́he. saŋhāi. daδāiti.
Verse: d    vīδuuå. auuat̰. hauua. xraϑβa. parāiti.
Verse: e    +aŋ́hat̰. haca. š́iiaoϑna.varəza. aϑa. +bauuaiṇti. pəṣ̌ō.tanuua.

Paragraph: 2-Ptl 
Verse: a    AP-š gwpt' ՚whrmẕd AYḴ 5 ՚hlwb' zltwhšt' [՚y +y՚wl +y 5 YMRRWN-yt']
Verse: b    pltwm MN OLE-š՚n' kwnšn՚n' +MNW wlc՚nd ANŠWTA
Verse: c    MNW GBRA <y> ՚hlwb' OL ZK-՚y k՚mk [MNW k՚mk LA ZK' y LNE] <՚ywp> +ZK-՚y DYNA [MNW DYNA LA ZK y LNE] ks dt' [՚y MRYA y OLE-š՚n' hm՚k ks]
Verse: d    ՚k՚s ՚ytwn' PWN ZK y NPŠE hlt' [AYḴ d՚nd AYḴ wn՚s] BRA SGYTWN-t' [AYḴ YHSNN-šn' kwnd KRA hlt']
Verse: e    MN ZK <ZK y> kwnšn'-wlc' ՚ytwn' YHWWN-d tn՚pwhl [YHWWN-yt' AMT dyn' YHWWN-yt' AMT mlglc՚n]

Paragraph: 2-Pts 
Verse: a    u-š guft ohrmazd kū panj ahlaw zardušt [ay +jār +ī panj gōwēd]
Verse: b    fradom az awēšān kunišnān +kē warzānd mardōm
Verse: c    kē mard <ī> ahlaw ō any-kāmag [kē kāmag nē ān ī amā] <ayāb> any-dādestān [kē dādestān nē ān ī amā] keh dad [ay saxwan ī awēšān hamāg keh]
Verse: d    āgāh ēdōn pad ān ī xwēš xrad [kū dānad kū wināh] bē raft [kū dārišn kunad har xrad]
Verse: e    az ān <ān ī> kunišn-warz ēdōn bawēnd tanāpuhl [bawēd ka dēn bawēd ka margarzān]


Paragraph: 3  Link to avesta
Verse: a    bitīm. +aētaēšąm. š́iiaoϑnanąm. yōi. +vərəziṇti. maṣ̌iiāka.
Verse: b    yō. sune. yim. +pasuš.hauruue. vā. viš.hauruue. vā. astanąm. ahmarštanąm. daδāiti. garəmanąm. vā. xvarəϑanąm.

Paragraph: 3-Ptl 
Verse: a    dtykl MN OLE-š՚n' kwnšn՚n' +MNW wlc՚nd ANŠWTA
Verse: b    MNW KLBA y pswšhwlw' ՚ywp +wyšhwlw' ՚st y +՚hmlšt' dt' ՚ywp ZK y glm hlwšn'

Paragraph: 3-Pts 
Verse: a    dudīgar az awēšān kunišnān +kē warzānd mardōm
Verse: b    kē sag ī pasušhorw ayāb wišhorw ast ī +ahmaršt dad ayāb ān ī garm xwarišn


Paragraph: 4  Link to avesta
Verse: a    yezica. aēte. asti. +dātāhuua. +aråṇte. garəmōhuua. vīδåṇte.
Verse: b    yat̰. vā. aēte. garəma. xvarəϑa. stamanəm. vā. hizuuąm. vā. apa.dažat̰.
Verse: c    +am̨āt̰.haca. +irišiiāt̰.
Verse: d    yezi. tat̰. paiti. +irišiieiti.
Verse: e    aŋ́hat̰. haca. +š́iiaoϑna.varəza. aϑa. +bauuaiṇti. +pəṣ̌ō.tanuua.

Paragraph: 4-Ptl 
Verse: a    HT-c OLE-š՚n' ՚st' ḆYN KKA ՚ywp ḆYN glwk' +wndt
Verse: b    ՚ywp ZK y glm hwlšn' ՚st՚mk' [+՚y KNYA] ՚ywp ՚wzw՚n' dzd
Verse: c    MN ZK BRA lyšyt'
Verse: d    HT' MN ZK BRA lyšyt [AYḴ BRA YATWN-yt' <W> AHL YMYTWN-yt']
Verse: e    MN ZK' ZK y kwnšn'wlc' ՚ytwn' YHWWN-yt' tn՚pwhl [YHWWN-yt AMT dyn' YHWWN-yt' AMT' mlglc՚n']

Paragraph: 4-Pts 
Verse: a    agar-iz awēšān ast andar dandān ayāb andar galōg windad
Verse: b    ayāb ān ī garm xwarišn astāmag [ay nay] ayāb uzwān dazad
Verse: c    az ān bē rēšēd
Verse: d    agar az ān bē rēšēd [kū bē āyēd <ud> pas mīrēd]
Verse: e    az ān ān ī kunišn-warz ēdōn bawēd tanāpuhl [bawēd ka dēn bawēd ka margarzān]


Paragraph: 5  Link to avesta
Verse: a    ϑritīm. +aētaēšąm. š́iiaoϑnanąm. <yōi. vərəziṇti. maṣ̌iiāka.>;
Verse: b    +yō. gaδβąm. yąm. apuϑrąm. janaiti. vā. +vaiieiti. vā. xraosiieiti. vā. pazdaiieiti. vā.

Paragraph: 5-Ptl 
Verse: a    stykl MN OLE-š՚n' kwnšn՚n' +MNW wlc՚nd ANŠWTA
Verse: b    MNW KLBA y ՚pws MHYTWN-yt ՚ywp +hwyhyt' [AYḴ-š MN AHL y OLE +KN dwbyt'] ՚ywp hlwsynyt' [AYḴ-š w՚ng MN AHL OḆYDWN-x1] ՚ywp pzdynyt [AYḴ-š YDE MN AHL šk՚pyt']

Paragraph: 5-Pts 
Verse: a    sidīgar az awēšān kunišnān kē warzānd mardōm
Verse: b    kē sag ī ābus zanēd ayāb xwēhēd [kū-š az pas ī ōy ōh dawēd] ayāb xrōsēnēd [kū-š wāng az pas kunēd] ayāb pazdēnēd [kū-š dast az pas škāfēd]


Paragraph: 6  Link to avesta
Verse: a    yezica. aēša. gaδβa. +maγe. vā. cāiti. vā. +vaēme. vā. +urūiδi. vā. apō. vā. nāuuaiiå. +paiδiiāite.
Verse: b    +am̨āt̰.haca. +irišiiāt̰.
Verse: c    yezi. tat̰. paiti. +irišiieiti.
Verse: d    aŋ́hat̰. haca. š́iiaoϑna.varəza. aϑa. +bauuaiṇti. +pəṣ̌ō.tanuua.

Paragraph: 6-Ptl 
Verse: a    HT-c ZK MNW KLBA PWN myznydy +՚ywp c՚h ՚ywp wym ՚ywp lwtkšn' ՚ywp OL MYA y +n՚ywt՚k NPLWN-yt
Verse: b    MN ZK BRA lyšyt'
Verse: c    HT MN ZK BRA lyšyt [AYḴ BRA YATWN-yt W AHL BRA YMYTWN-yt']
Verse: d    MN ZK' ZK y kwnšn'wlc ՚ytwn' YHWWN-d tn՚pwhl [YHWWN-yt' AMT dyn' YHWWN-yt' AMT mlglc՚n']

Paragraph: 6-Pts 
Verse: a    agar-iz ān kē sag pad miznē ayāb cāh ayāb wēm ayāb rōdagišn ayāb ō āb ī nāydāg ōbadēd
Verse: b    az ān bē rēšēd
Verse: c    agar az ān bē rēšēd [kū bē āyēd ud pas bē mīrēd]
Verse: d    az ān ān ī kunišn-warz ēdōn bawēnd tanāpuhl [bawēd ka dēn bawēd ka margarzān]


Paragraph: 7  Link to avesta
Verse: a    tūirīm. +aētaēšąm. š́iiaoϑnanąm. yōi. +vərəziṇti. maṣ̌iiāka.
Verse: b    yō. nāirikąm. ciϑrauuaitīm. daxštauuaitīm. vohunauuaitīm. +xšudrå. +auui.fraŋhərəzaiti.
Verse: c    aŋ́hat̰. haca. š́iiaoϑna.varəza. aϑa. +bauuaiṇti. pəṣ̌ō.tanuua.

Paragraph: 7-Ptl 
Verse: a    tswm MN OLE-š՚n' kwnšn՚n' +MNW wlc՚nd ANŠWTA
Verse: b    MNW n՚ylyk y cyhl՚wmnd y dhšk՚wmnd y hwn՚wmnd šwsl QDM pr՚c ŠḆKWN-yt'
Verse: c    MN ZK' ZK y kwnšn'wlc ՚ytwn' YHWWN-d tn՚pwhl

Paragraph: 7-Pts 
Verse: a    tasum az awēšān kunišnān kē warzānd mardōm
Verse: b    kē nārīg ī cihrōmand ī daxšagōmand ī xōnōmand šusr abar frāz hilēd
Verse: c    az ān ān ī kunišn-warz ēdōn bawēnd tanāpuhl


Paragraph: 8  Link to avesta
Verse: a    puxδəm. +aētaēšąm. š́iiaoϑnanąm. yōi. +vərəziṇti. maṣ̌iiāka.
Verse: b    +yō. nāirikąm. yąm. apuϑrąm. +pipiiūšīm. vā. +apipiiūšīm. vā. +anasaxtąm. para. xšudrå. +auui.fraŋhərəzaiti.
Verse: c    +am̨āt̰.haca. +irišiiāt̰.
Verse: d    <yezi. tat̰. paiti. irišiieiti.>;
Verse: e    aŋ́hat̰. haca. š́iiaoϑna.varəza. aϑa. bauuaiṇti. pəṣ̌ō.tanuua.

Paragraph: 8-Ptl 
Verse: a    pncwm MN OLE-š՚n' kwnšn՚n' +MNW wlc՚nd ANŠWTA
Verse: b    MNW n՚ylyk y ՚pws [OLE-c] pymynytk' [MNW šyl ḆYN pyst՚n'] [OLE-c] ՚pymynytk' [MNW LOYT' šyl] s՚ht' [AMT-š +AHRN-c ptm՚nk ptš BRA LA OZLWN-yt'] LOYN' šwsl QDM pr՚c ŠḆKWN-x1
Verse: c    Sine PT
Verse: d    HT' MN ZK BRA lyšyt' [AYḴ BRA YATWN-yt' W AHL BRA YMYTWN-yt']
Verse: e    MN ZK' ZK y kwnšn'wlc' ՚ytwn' YHWWN-d tn՚pwhl [YHWWN-yt' AMT dyn' YHWWN-yt' AMT mlglc՚n']

Verse: A       [GBRA NYŠE +y NPŠE ՚pwstyh W pymynytkyh LA OḆYDWN-šn'
Verse: B       AMT MN GBRA g՚tn' ՚pwstn' AP-š KN kwnšn'
Verse: C       AMT ՚pwln՚dk' PWN d՚yk BRA YHBWN-yt' šwd LA OḆYDWN-šn'
Verse: D       GBRA g՚tn' KN kwnšn' ՚y ME YHWWN-yt' AMT LAWHL YHMTWN-yt
Verse: E       AMT' ՚pwln՚dk' BRA YMYTWN-yt GBRA-c g՚tn' LA OḆYDWN-šn'
Verse: F       ZK MNW ՚cš ՚pwstn hklc' LA kwnšn'
Verse: G       NYŠE y mwltk šwd ŠLYTA AMT ՚pwln՚dk PWN d՚yk BRA dt BNPŠE šwd kwnd]

Paragraph: 8-Pts 
Verse: a    panjom az awēšān kunišnān kē warzānd mardōm
Verse: b    kē nārīg ī ābus [ōy-iz] pēmēnīdag [kē šīr andar pestān ōy-iz] apēmēnīdag [kē nēst šīr] saxt [ka-š anī-z paymānag padiš bē nē šawēd] pēš šusr abar frāz hilēd
Verse: c    Sine PT
Verse: d    agar az ān bē rēšēd [kū bē āyēd ud pas bē mīrēd]
Verse: e    az ān ān ī kunišn-warz ēdōn bawēnd tanāpuhl [bawēd ka dēn bawēd ka margarzān]

Verse: A       [mard zan ī xwēš ābustīh ud pēmēnīdagīh nē kunišn
Verse: B       ka az mard gādan ābustan u-š ōh kunišn
Verse: C       ka aburnāyag pad dāyag bē dahēd šōy nē kunišn
Verse: D       mard gādan ōh kunišn ay cē bawēd ka abāz rasēd
Verse: E       ka aburnāyag bē mīrēd mard-iz gādan nē kunišn
Verse: F       ān kē aziš ābustan hagriz nē kunišn
Verse: G       zan ī murdag šōy pādixšāy ka aburnāyag pad dāyag bē dahad xwad šōy kunad]


Paragraph: 9  Link to avesta
Verse: a    yō. +kainīnəm. upāiti.
Verse: b    +stātō.ratūm. vā. astātō.ratūm. vā.
Verse: c    paradātąm. vā. aparadātąm. vā. puϑrąmca. hē. daδāiti.
Verse: d    mā.nō. +aēša. yā. kaine. maṣ̌iiānąm. parō. +fšarəmāt̰. tarō. daxštəm. pāraiiāt̰. tarō. apəmca. uruuarąmca.

Paragraph: 9-Ptl 
Verse: a    MNW OL knyk՚n' QDM lpd [AYḴ-š՚n' KN SLYTWN-yt']
Verse: b    ՚st՚dynyt'-lt՚n' [MNW ḆYN h՚nk' ABY-tl՚n' W šwd AYT'] W ՚n՚st՚dynyt-lt՚n' [MNW LOYT']
Verse: c    BRA-YHBWN-t՚n' [MNW MN h՚nk' <y> ABY-tl՚n' PWN šwd BRA YHBWN-t' YKOYMWN-yt] W ՚-BRA-YHBWN-t՚n' [LAWHL OL ՚st՚dynyt-lt՚n'] BRE OLE ḆYN YHBWN-yt'
Verse: d    AL ZK y LNE knyk MN ZK y ANŠWTA-՚n' šlm BRA tlyst dšt՚n [SGYTWN-yt'] W tlyst MYA <W> ՚wlwl SGYTWN-՚t' [PWN dšt՚n'st՚n']

Paragraph: 9-Pts 
Verse: a    kē ō kanīgān abar rawad [kū-šān ōh gāyēd]
Verse: b    astāyēnīd-radān [kē andar xānag pidarān ud šōy ast] ud anastāyēnīd-radān [kē nēst]
Verse: c    bē-dādān [kē az xānag <ī> pidarān pad šōy bē dād ēstēd] ud a-bē-dādān [abāz ō astāyēnīd-radān] pus ōy andar dahēd
Verse: d    ma ān ī amā kanīg az ān ī mardōmān šarm bē tarist daštān [rawēd] tarist āb <ud> urwar rawād [pad daštānestān]


Paragraph: 10  Link to avesta
Verse: a    yezica. aēša. yā. kaine. maṣ̌iiānąm. parō. +fšarəmāt̰. tarō. daxštəm. +parāiti. tarō. apəmca. uruuarąmca.
Verse: b    aētam̨āiiuš. paiti. +varšta. š́iiaoϑna.

Paragraph: 10-Ptl 
Verse: a    HT-c ZK knyk MN ZK' y ANŠWTA-՚n' šlm BRA tlyst' dšt՚n SGYTWN-yt' W tlyst' MYA W ՚wlwl [hwlyt' PWN dšt՚n'st՚n']
Verse: b    PWN OLE kwnšn'wlc' [QDM wn՚s-1]

Verse: A       [AMT PWN wškl PWN HNA k՚l LAWHL YTYBWN-yt' ՚-š PWN gyw՚k ŠDYA-yckyh tn՚pwhl-1 ḆYN OL bwn YHWWN-yt' AHL wn՚s y MN wn՚s SLYTWN-t՚l
Verse: B       AMT MNDOM PWN ՚wn՚syh SLYTWN-t YKOYMWN-yt' AHL-c KRA ZK AYŠ MNW d՚nd AYḴ šlm ՚cš YHWWN-yt' ՚-š šlm ՚cš BRA YḆLWN-šn
Verse: C       AP-š ḆYN wl՚wmndyh +y MN ẔNE ՚nd AYŠ BRA YḆLWN-šn' MN AB W AM W AHTE MN AH W šwd MN srd՚l W bndk W plst՚l MN hwt՚y +W b՚nwk
Verse: D       AMT-š šlm ՚cš BRA YḆLWN-d ՚-š +hm՚k ՚ytwn' gwbšn' ẔNE MN L +՚pst՚n' AP-š nywk dwš՚lmyh՚ YHSNN-m
Verse: E       OLE-š՚n ՚ytwn' gwbšn' AYḴ LNE YDOYTWN-m AP-m՚n' hwp W nywk' MDMEN-st'
Verse: F       AYḴ-š šlm ՚cš YḆLWN-t' ՚-š AHL cnd OL ZK ptm՚nk PWN srd՚l YHSNN-šn' auuauuata. aojaÀha. yaϑa. yat~. +paṇca. narō.
Verse: G       gwgwšnsp' gwpt' ՚y AMT-š šlm ՚cš BRA YḆLWN-x1 OD ՚n՚wstwb՚lyh +y pyt՚kynyt' ŠLYTA AMT-š PWN srd՚l LA d՚lšn']

Paragraph: 10-Pts 
Verse: a    agar-iz ān kanīg az ān ī mardōmān šarm bē tarist daštān rawēd ud tarist āb ud urwar [xwarēd pad daštānestān]
Verse: b    pad ōy kunišn-warz [abar wināh-ē]

Verse: A       [ka pad wiškar pad ēd kār abāz nišīnēd ā-š pad gyāg dēwēzagīh tanāpuhl-ē andar ō bun bawēd pas wināh ī az wināh gādār
Verse: B       ka ciš pad awināhīh gād ēstēd pas-iz har ān kas kē dānad kū šarm aziš bawēd ā-š šarm aziš bē barišn
Verse: C       u-š andar warōmandīh ī az ēn and kas bē barišn az pid ud mād ud xwah az brād ud šōy az sālār ud bandag ud paristār az xwadāy ud bānūg
Verse: D       ka-š šarm aziš bē barēnd ā-š +hamāg ēdōn gōwišn ēn az man +abestān u-š nēk dōšāramīhā dārēm
Verse: E       awēšān ēdōn gōwišn kū amā dānēm u-mān xūb ud nēk sahist
Verse: F       kū-š šarm aziš burd ā-š pas cand ō ān paymānag pad sālār dārišn auuauuata. aojaÀha. yaϑa. yat~. paṇca. narō.
Verse: G       gōgušnasp guft ay ka-š šarm aziš bē barēd tā anawestwārīh ī paydāgēnīd pādixšāy ka-š pad sālār nē dārišn]


Paragraph: 11  Link to avesta
Verse: a    yō. +kainīnəm. upāiti.
Verse: b    stātō.ratūm. vā. astātō.ratūm. vā. +paradātąm. vā. +aparadātąm. vā. puϑrąmca. hē. daδāiti.
Verse: c    +mā.nō. aēša. yā. kaine. maṣ̌iiānąm. parō. +fšarəmāt̰. xvatō. garəβəm. +raēšaiiāt̰.

Paragraph: 11-Ptl 
Verse: a    MNW ՚w' knyk՚n' QDM lpd [AYḴ-š՚n' KN SLYTWN-yt']
Verse: b    +՚st՚dynyt-lt՚n [MNW ḆYN h՚nk' ABY-tl՚n' <W> šwd AYT] W +՚n՚st՚dynyt-lt՚n [MNW LOYT'] +BRA-YHBWN-t՚n [MNW MN h՚nk' <y> ABY-tl՚n' PWN šwd BRA YHBWN-t' <YKOYMWN-yt'] W> ՚-BRA-YHBWN-t՚n' [LAWHL ՚w' +՚st՚dynyt-lt՚n'] BRE OLE ḆYN YHBWN-yt'
Verse: c    AL ZK knyk <y> LNE MN ZK y ANŠWTA-՚n' šlm BRA ZK y NPŠE gpl lyšyt [AYḴ lytk +LMYTWN-yt]

Paragraph: 11-Pts 
Verse: a    kē ō kanīgān abar rawad [kū-šān ōh gāyēd]
Verse: b    astāyēnīd-radān [kē andar xānag pidarān <ud> šōy ast] ud anastāyēnīd-radān [kē nēst] bē-dādān [kē az xānag <ī> pidarān pad šōy bē dād <ēstēd] ud> a-bē-dādān [abāz ō astāyēnīd-radān] pus ōy andar dahēd
Verse: d    ma ān kanīg <ī> amā az ān ī mardōmān šarm bē ān ī xwēš gabr rēšēd [kū rēdak abganēd]


Paragraph: 12  Link to avesta
Verse: a    yezica. aēša. yā. kaine. maṣ̌iiānąm. parō. +fšarəmāt̰. xvatō. garəβəm. +irišiieiti.
Verse: b    ptərəbiiō. +āstriieiṇti. ptərəbiiō. +irišiieiṇti. ptərəbiiō. +irišiṇtąm. +raēšəm. +cikaiiən. baoδō.varštahe. ciϑaiia.

Paragraph: 12-Ptl 
Verse: a    HT-c ZK MNW knyk MN ZK y ANŠWTA-՚n' šlm BRA ZK y NPŠE gpl lyšyt'
Verse: b    ABY-tl՚n' ՚st՚lynyt' [AB' W AM] ABY-tl՚n' lyšyt' [ZK YHWWN-yt' AMT-š՚n MKḆLWN-t' YKOYMWN-yt'] AB' ZK y OLE lyš ME lyšyt twcyt' PWN bwtwkwlšt' twcšn'

Verse: A       [+SLYTWN-t՚l AMT-š PWN wn՚sk՚lyh SLYTWN-t YKOYMWN-yt' AMT-š 300 BRA YHBWN-t BRA AMT-š ՚pwln՚dk LAWHL YHBWN-d OD ŠLYTA AMT-š plwlšn LA YHBWN-yt
Verse: B       AP-š zyd՚nk +՚pwstnyh LA YHWWN-yt' LA wc՚lšn'
Verse: C       AMT-š ՚pwln՚dk LAWHL YHBWN-d ՚-š ŠLYTA YHWWN-yt LA ptglptk
Verse: D       AP-š zyd՚ng ՚pwstnyh LA YHWWN-yt' KN wc՚lšn' OD AB' zywndk hm՚y AMT-š LAWHL YHBWN-d LA ŠLYTA BRA AMT LAWHL YNSḆWN-x1
Verse: E       AMT AB' YMYTWN-yt LAWHL YHBWN-tn' k՚l LOYT'
Verse: F       AMT SLYTWN-t՚l +YMYTWN-yt AP-š LAWHL YHBWN-d ANŠWTA PWN dwtk y SLYTWN-t՚l LA ŠLYTA HWE-d BRA AMT LAWHL YNSḆWN-x1
Verse: G       AP-š nywk' dwš՚lmyh՚ KN YHSNN-d W AMT b՚hl HLKWN-t LAWHL gwmycšn' b՚hl y OLE BRA YHBWN-šn']

Paragraph: 12-Pts 
Verse: a    agar-iz ān kē kanīg az ān ī mardōmān šarm bē ān ī xwēš gabr rēšēd
Verse: b    pidarān āstārēnēd [pid ud mād] pidarān rēšēd [ān bawēd ka-šān padīrift ēstēd] pid ān ī ōy rēš cē rēšēd tōzēd pad bōdōwaršt tōzišn

Verse: A       [gādār ka-š pad wināhgārīh gād ēstēd ka-š sē sad bē dād bē ka-š aburnāyag abāz dahēnd tā pādixšāy ka-š parwarišn nē dahēd
Verse: B       u-š ziyānag ābustanīh nē bawēd nē wizārišn
Verse: C       ka-š aburnāyag abāz dahēnd ā-š pādixšāy bawēd nē padīriftag
Verse: D       u-š ziyānag ābustanīh nē bawēd ōh wizārišn tā pid zīndag hamē ka-š abāz dahēnd nē pādixšāy bē ka abāz stānēd
Verse: E       ka pid mīrēd abāz dādan kār nēst
Verse: F       ka gādār mīrēd u-š abāz dahēnd mardōm pad dūdag ī gādār nē pādixšāy hēnd bē ka abāz stānēd
Verse: G       u-š nēk dōšāramīhā ōh dārēnd ud ka bahr baxt abāz gumēzišn bahr ī ōy bē dahišn]


Paragraph: 13  Link to avesta
Verse: a    yō. +kainīnəm. upāiti.
Verse: b    stātō.ratūm. vā. astātō.ratūm. vā. paradātąm. vā. aparadātąm. vā. puϑrąmca. hē. daδāiti.
Verse: c    yezica. vaocāt̰. aēša. yā. kaine. puϑrəm. aēm. narō. varšta.
Verse: d    yezica. vaocāt̰. +aēšō. nā. hanąm. +aētaēšąm. +jījišaŋuha. pərəsaŋuha.

Paragraph: 13-Ptl 
Verse: a    MNW OL knyk՚n' QDM lpd [AYḴ-š՚n' KN SLYTWN-yt']
Verse: b    Sine PT
Verse: c    HT-c YMRRWN-yt ZK knyk AYḴ BRE-HD GBRA ZY-t' wlcyt' [՚y MN LK ՚pwstn' HWE-m]
Verse: d    HT ՚ytwn' <YMRRWN-yt'>; ZK GBRA AYḴ hąn-՚n' +OLE-š՚n' zywšn' zynyt՚l՚n' [MNW zyndkyh <y> ANŠWTA-՚n' k՚hynd] hmpwrs

Paragraph: 13-Pts 
Verse: a    kē ō kanīgān abar rawad [kū-šān ōh gāyēd]
Verse: b    Sine PT
Verse: c    agar-iz <gōwēd> ān kanīg kū pus-ē mard ī-t warzēd [ay az tō ābustan hēm]
Verse: d    agar ēdōn gōwēd ān mard kū hanān +awēšān zīwišn zīnīdārān [kē zīndagīh <ī> mardōmān kāhēnd] hampurs


Paragraph: 14  Link to avesta
Verse: a    aētaδa. aēša. yā. kaine. hanąm. +aētaēšąm. +jījišāiti. pərəsāiti.
Verse: b    aēša. hana. frabaraiti. baŋhəm. vā. +šaētəm. vā.
Verse: c    γnānəm. vā. fraspātəm. vā. kąmcit̰. vā. +vītācinanąm. uruuaranąm.
Verse: d    aētam̨āt̰. puϑrāt̰. +mimarəxšaŋuha.
Verse: e    aētaδa. aēša. yā. kaine. aētam̨āt̰. puϑrāt̰. mimarxšāite.
Verse: f    +hauuaṇta. aētahe. š́iiaoϑnahe. vərəziiąn. nāca. kainica. hanāca.

Paragraph: 14-Ptl 
Verse: a    ՚ytwn' ZK MNW knyk OL hąn OLE-š՚n' +zywšn' zynyt՚l՚n' hmpwrsyt'
Verse: b    ZK MNW hąn pr՚c bld mng ՚ywp šyt [՚ywk ZK y wšt՚sp՚n' ՚ywk ZK y zltwšt՚n']
Verse: c    MHYTWN-yt' [AYḴ ḆYN ՚škwmb' BRA +Y̱KTLWN-yt'] ՚ywp pr՚c LMYTWN-šnyh [AYḴ BRA YATWN-yt W AHL BRA YMYTWN-yt'] ՚ywp kt՚l-c-HD ZK y BRA t՚cšn'՚wmnd ՚wlwl [d՚lwk-HD W MNDOM-HD]
Verse: d    AYḴ PWN HNA BRE BRA +mwlncynyt'
Verse: e    ՚ytwn' ZK MNW knyk PWN ZK BRE BRA mwlncynyt'
Verse: f    h՚wnd PWN OLE-š՚n' kwnšn'-wlc YHWWN-d GBRA W knyk W hąn

Verse: A       [NYŠE y ՚pwstn' swk LA YNSḆWN-šn'
Verse: B       AP-š +d՚yk LA HNHTWN-šn'
Verse: C       AP-š sl՚plk LA kwnšn'
Verse: D       AP-š pwšt' dlm՚n' LA kwnšn'
Verse: E       AP-š d՚lwk y PWN hptk LA hwlšn'
Verse: F       AP-š d՚lwk y nš՚stk LA OŠTEN-šn'
Verse: G       AMT OL y՚n' mt' YKOYMWN-yt' d՚lwk y tyc ŠLYTA OŠTEN-tn'
Verse: H       gwgwšnsp' gwpt' ՚y AMT-š ՚ywk b՚l SLYTWN-yt' AP-š k՚l OL d՚lwk ՚pwstn'yh՚]

Paragraph: 14-Pts 
Verse: a    ēdōn ān kē kanīg ō hąn awēšān +zīwišn zīnīdārān hampursēd
Verse: b    ān kē hąn frāz barad mang ayāb šēd [ēk ān ī wištāspān ēk ān ī zarduštān]
Verse: c    zanēd [kū andar aškomb bē +ōzanēd] ayāb frāz abganišnīh [kū bē āyēd ud pas bē mīrēd] ayāb kadār-iz-ē ān ī bē tāzišnōmand urwar [dārūg-ē ud ciš-ē]
Verse: d    kū pad ēd pus bē +murnjēnēd
Verse: e    ēdōn ān kē kanīg pad ān pus bē murnjēnēd
Verse: f    hāwand pad awēšān kunišn-warz bawēnd mard ud kanīg ud hąn

Verse: A       [zan ī ābustan sōg nē stānišn
Verse: B       u-š +dāyag nē nihišn
Verse: C       u-š sar-ā-barag nē kunišn
Verse: D       u-š pušt darmān nē kunišn
Verse: E       u-š dārūg ī pad haftag nē xwarišn
Verse: F       u-š dārūg ī nišāstag nē xwarišn
Verse: G       ka ō gyān mad ēstēd dārūg ī tēz pādixšāy xwarišn
Verse: H       gōgušnasp guft ay ka-š ēk bār gād u-š kār ō dārūg ābustanīhā]


Paragraph: 15  Link to avesta
Verse: a    yō. +kainīnəm. upāiti.
Verse: b    stātō.ratūm. vā. astātō.ratūm. vā. +paradātąm. vā. aparadātąm. vā. puϑrąmca. hē. daδāiti.
Verse: c    vīspəm. ā. am̨āt̰. ϑrāϑrəm. kərənauuāt̰. yat̰. aēša. yō. apərənāiiūkō. uzjasāt̰.

Paragraph: 15-Ptl 
Verse: a    MNW OL knyk՚n' QDM lpd [AYḴ-š՚n' SLYTWN-yt']
Verse: b    +՚st՚dynyt-lt՚n' [MNW ḆYN h՚nk' ABY-tl՚n' +W šwd AYT] W +՚n՚st՚dynyt-lt՚n' [+MNW LOYT']
Verse: c    AP-š hm՚y MN ZK srd՚lyh +՚y kwnd OD AMT ZK MNW ՚pwln՚dk LALA YHMTWN-yt'

Paragraph: 15-Pts 
Verse: a    kē ō kanīgān abar rawad [kū-šān gāyēd]
Verse: b    astāyēnīd-radān [kē andar xānag pidarān ud šōy ast] ud anastāyēnīd-radān [kē nēst]
Verse: c    Sine PT
Verse: d    u-š hamē az ān sālārīh ē kunad tā ka ān kē aburnāyag ul rasēd


Paragraph: 16  Link to avesta
Verse: a    yezi. nōit̰. harəϑrəm. baraiti.
Verse: b    aētaδa. aēša. yō. apərənāiiūkō. aδāitiiō.aŋharəϑrəm. +irišiiāt̰.
Verse: c    para. hē. +irišiṇtō. +raēšəm. cikaiiat̰. +baoδō.varštahe. ciϑaiia.

Paragraph: 16-Ptl 
Verse: a    AP-š LA srd՚lyh bld
Verse: b    ՚ytwn' ZK MNW ՚pwln՚dk MN ՚d՚tyh՚ srd՚lyh lyšyt'
Verse: c    BRA ZK y OLE lyš ME lyšyt' twcyt PWN bwtwkwlšt' twcšn'

Paragraph: 16-Pts 
Verse: a    u-š nē sālārīh barad
Verse: b    ēdōn ān kē aburnāyag az adādīhā-sālārīh rēšīd
Verse: c    bē ān ī ōy rēš cē rēšēd tōzēd pad bōdōwaršt tōzišn


Paragraph: 17  Link to avesta
Verse: a    dātarə. gaēϑanąm. astuuaitinąm. aṣ̌āum. yezica. frajasāt̰. +aṇtarə. +sairi. varəzāne.
Verse: b    kam̨āt̰. mazdaiiasnanąm. harəϑrəm. barāt̰.

Paragraph: 17-Ptl 
Verse: a    d՚t՚l HT-c pr՚c YHMTWN-yt' AYḴ ŠKBHWN-yt wlcšn' [y ՚pwln՚dk-1]
Verse: b    [՚-š] MNW MN mẕdysṉ՚n' srd՚lyh YḆLWN-yhyt

Paragraph: 17-Pts 
Verse: a    dādār agar-iz frāz rasēd kū nibayēd warzišn [ī aburnāyag-ē]
Verse: b    [ā-š] kē az mazdēsnān sālārīh barīhēd


Paragraph: 18  Link to avesta
Verse: a    āat̰. mraot̰. ahurō. mazdå. yō. +kainīnəm. upāiti.
Verse: b    +stātō.ratūm. vā. astātō.ratūm. vā. paradātąm. vā. aparadātąm. vā.
Verse: c    vīspəm. ā. am̨āt̰. ϑrāϑrəm. kərənauuāt̰. yat̰. aēša. yō. apərənāiiūkō. uzjasāt̰.

Paragraph: 18-Ptl 
Verse: a    AP-š gwpt' ՚whrmẕd AYḴ MNW ZK knyk QDM lpd [ZK hm gwgwšnsp gwpt' ՚y ḆYN wl՚wmndyh ՚y kwnd l՚mšn' +՚y OḆYDWN-šn' AP-š ḆYN OL bwn kwnšn']
Verse: b    Sine PT
Verse: c    AP-š hm՚y MN ZK srd՚lyh +՚y kwnd OD AMT ZK MNW ՚pwln՚dk LALA YHMTWN-yt'

Paragraph: 18-Pts 
Verse: a    u-š guft ohrmazd kū kē ān kanīg abar rawēd [ān ham gōgušnasp guft ay andar warōmandīh ē kunad rāmišn ē kunišn u-š andar ō bun kunišn]
Verse: b    Sine PT
Verse: c    u-š hamē az ān sālārīh ē kunad tā ka ān kē aburnāyag ul rasēd


Paragraph: 19  Link to avesta
Verse: a    yezi. nōit̰. harəϑrəm. baraiti.
Verse: b    aētaδa. +hē. vīspå. +hāirišīš. +frāšnaoiti. +bipaitištānaca. +caϑβarə.paitištānaca.
Verse: c    aēša. +bipaitištāna. yā. kaine. +aēša. caϑβarə.paitištāna. <yā. gaδβa.>;

Paragraph: 19-Ptl 
Verse: a    AP-š LA srd՚lyh bld
Verse: b    ՚ytwn' OL hlwspyn' m՚tk՚n' pr՚c OZLWN-šn' [AYḴ-š HNA-c k՚l KN OḆYDWN-šn'] +2-ptyšt՚n'-c 4-ptyšt՚n'
Verse: c    ZK 2-ptyšt՚n' MNW knyk' ZK 4-ptyšt՚n' MNW KLBA

Paragraph: 19-Pts 
Verse: a    u-š nē sālārīh barad
Verse: b    ēdōn ō harwispīn mādigān frāz šawišn [kū-š ēd-iz kār ōh kunišn] dō-padištān-iz cahār-padištān
Verse: c    ān dō-padištān kē kanīg ān cahār-padištān kē sag


Paragraph: 20  Link to avesta
Verse: a    dātarə. gaēϑanąm. astuuaitinąm. aṣ̌āum. yezi. tat̰. frajasāt̰. +aṇtarə. +sairi. varəzāne.
Verse: b    kam̨āt̰. mazdaiiasnanąm. harəϑrəm. barāt̰.

Paragraph: 20-Ptl 
Verse: a    d՚t՚l HT-c pr՚c YHMTWN-yt' AYḴ ḆYN ŠKBHWN-yt' wlcšn [<y> KLBA]
Verse: b    [՚-š] MNW MN m՚zdys̱n՚n' srd՚lyh YḆLWN-yhyt

Paragraph: 20-Pts 
Verse: a    dādār agar-iz frāz rasēd kū nibayēd warzišn [<ī> sag]
Verse: b    [ā-š] kē az māzdēsnān sālārīh barīhēd


Paragraph: 21  Link to avesta
Verse: a    āat̰. mraot̰. ahurō. mazdå. yō. hē. aŋhat̰. nazdištəm. +nmānəm. uzdasta. aētam̨āiiuš. paiti. harəϑrəm.
Verse: b    vīspəm. ā. am̨āt̰. ϑrāϑrəm. kərənauuāt̰. yat̰. aēte. +yōi. spāna. uzjasąn.

Paragraph: 21-Ptl 
Verse: a    AP-š gwpt' ՚whrmẕd AYḴ MNW MN OLE nzdst m՚n' LALA YHBWN-t' YKOYMWN-yt' [AYḴ-š h՚nk BBA nzd] ՚-š PWN OLE QDM srd՚lyh
Verse: b    AP-š hm՚y MN ZK srd՚lyh <՚y kwnd OD AMT ZK MNW KLBA LALA YHMTWN-d>

Paragraph: 21-Pts 
Verse: a    u-š guft ohrmazd kū kē ān ōy nazdist mān ul dād ēstēd [kū-š xānag dar nazd] ā-š pad ōy abar sālārīh
Verse: b    u-š hamē az ān sālārīh <ē kunad tā ka ān kē sag ul rasēnd>


Paragraph: 22  Link to avesta
Verse: a    <yezi. nōit̰. harəϑrəm. baraiti.>;
Verse: b    aētaδa. aēte. +yōi. +spāna. +aδāitiiō.aŋharəϑrəm. +irišiiąn.
Verse: c    para. +aēšąm. +irišiṇtąm. +raēšəm. +cikaiiən. baoδō.varštahe. ciϑaiia.

Paragraph: 22-Ptl 
Verse: a    <AP-š LA srd՚lyh> bld
Verse: b    ՚ytwn' OLE-š՚n' KLBA MN ՚d՚tyh՚ srd՚lyh lyšynd
Verse: c    BRA ZK y OLE-š՚n' lyš ME lyšynd twcynd PWN bwtwkwlšt twcšn'

Verse: A       [՚y ẔNE KLBA-HD PWN l՚s y štr' YHWWN-t YKOYMWN-yt' ՚ywk MNW h՚nk' BBA nzd OLE BRA plwlšn'
Verse: B       AMT' YMYTWN-yt' OLE BRA YḆLWN-šn'
Verse: C       ZK y PWN 4 y hwsp՚lm ՚ycnd HWE-d ՚knyn' BBA l՚st' KRA ՚ywk 3 LYLYA BRA plwlšn'
Verse: D       W AHL AMT twb՚nklyh pyt՚k BRA OL OLE y twb՚nkl ՚psp՚lšn'
Verse: E       AMT LA BRA OL OLE y ŠPYL ՚psp՚lšn'
Verse: F       gwgwšnsp' gwpt ՚y hm՚y BRA OL OLE y ŠPYL ՚psp՚lšn' W ZK PWN gyw՚k hmb՚lšn' ՚-š՚n' PWN ՚knyn' BRA plwlšn'
Verse: G       AMT BRA YMYTWN-yt' ՚-š՚n' PWN ՚knyn' BRA YḆLWN-šn'
Verse: H       ZK PWN gyw՚k hmb՚lšn' ՚-m LA lwšnk
Verse: I       AYḴ ՚ytwn' YHWWN-yt cygwn PWN l՚s y štr' ՚ywp ՚ytwn' YHWWN-yt' cygwn PWN gyw՚k y +hmb՚lšn']

Paragraph: 22-Pts 
Verse: a    <u-š nē sālārīh> barad
Verse: b    ēdōn awēšān sag az adādīhā-sālārīh rēšēnd
Verse: c    bē ān ī awēšān rēš cē rēšēnd tōzēnd pad bōdōwaršt tōzišn

Verse: A       [ay ēn sag-ē pad rāh ī šahr būd ēstēd ēk kē xānag dar nazd ōy bē parwarišn
Verse: B       ka mīrēd ōy bē barišn
Verse: C       ān ī pad cahār ī huspārom ē-cand hēnd āgenēn dar rāst har ēk sē šab bē parwarišn
Verse: D       ud pas ka tuwāngarīh paydāg bē ō ōy ī tuwāngar abespārišn
Verse: E       ka nē bē ō ōy ī weh abespārišn
Verse: F       gōgušnasp guft ay hamē bē ō ōy ī weh abespārišn ud ān pad gyāg hambārišn ā-šān pad āgenēn bē parwarišn
Verse: G       ka bē mīrēd ā-šān pad āgenēn bē barišn
Verse: H       ān pad gyāg hambārišn ā-m nē rōšnag
Verse: I       kū ēdōn bawēd cīyōn pad rāh ī šahr ayāb ēdōn bawēd cīyōn pad gyāg ī hambārišn]


Paragraph: 23  Link to avesta
Verse: a    dātarə. gaēϑanąm. astuuaitinąm. aṣ̌āum. yezica. aēša. gaδβa. +uštrō.stānaēšuua. frajasāt̰.
Verse: b    kam̨āt̰. mazdaiiasnanąm. harəϑrəm. barāt̰.

Paragraph: 23-Ptl 
Verse: a    d՚t՚l HT ZK MNW KLBA ḆYN GMRA-st՚n' pr՚c YHMTWN-yt'
Verse: b    [՚-š] MNW MN m՚zdys̱n՚n srd՚lyh YḆLWN-yhyt

Paragraph: 23-Pts 
Verse: a    dādār agar ān kē sag andar uštarestān frāz rasēd
Verse: b    [ā-š] kē az māzdēsnān sālārīh barīhēd


Paragraph: 24  Link to avesta
Verse: a    āat̰. mraot̰. ahurō. mazdå. yō. aētəm. uštrō.stānəm. uzdasta. yeŋ́hå. +vā. +aēšō. +uštrō.stāniš. aŋhat̰.
Verse: b    aētam̨āiiuš. paiti. harəϑrəm.
Verse: c    vīspəm. ā. am̨āt̰. ϑrāϑrəm. kərənauuāt̰. yat̰. aēte. yōi. spāna. uzjasąn.

Paragraph: 24-Ptl 
Verse: a    AP-š gwpt' ՚whrmẕd AYḴ ZK MNW ՚wštlst՚n' LALA YHBWN-yt [AYḴ OLE krt OLE y NPŠE] ՚ywp ՚wštlst՚n' [LA OLE krt' BRA OLE y NPŠE]
Verse: b    +՚-š PWN OLE QDM srd՚lyh
Verse: c    Sine PT

Paragraph: 24-Pts 
Verse: a    u-š guft ohrmazd kū ān kē uštarestān ul dahēd [kū ōy kard ōy ī xwēš] ayāb uštarestān [nē ōy kard bē ōy ī xwēš]
Verse: b    ā-š pad ōy abar sālārīh
Verse: c    Sine PT


Paragraph: 25  Link to avesta
Verse: a    yezi. nōit̰. harəϑrəm. baraiti.
Verse: b    aētaδa. aēte. yōi. spāna. aδāitiiō.aŋharəϑrəm. irišiiąn.
Verse: c    para. aēšąm. irišiṇtąm. raēšəm. cikaiiən. baoδō.varštahe. ciϑaiia.

Paragraph: 25-Ptl 
Verse: a    Sine PT


Paragraph: 26  Link to avesta
Verse: a    dātarə. gaēϑanąm. astuuaitinąm. aṣ̌āum. yezica. aēša. gaδβa. +aspō.stānaēšuua. frajasāt̰.
Verse: b    kam̨āt̰. mazdaiiasnanąm. harəϑrəm. barāt̰.

Paragraph: 26-Ptl 
Verse: a    d՚t՚l HT-c ZK MNW KLBA ḆYN ՚spst՚n' pr՚c YHMTWN-yt'
Verse: b    [՚-š] MNW MN m՚ẕdys̱ṉ՚n' srd՚lyh +YḆLWN-yhyt

Paragraph: 26-Pts 
Verse: a    dādār agar-iz ān kē sag andar aspestān frāz rasēd
Verse: b    [ā-š] kē az māzdēsnān sālārīh +barīhēd


Paragraph: 27  Link to avesta
Verse: a    āat̰. mraot̰. ahurō. mazdå. yō. aētəm. aspō.stānəm. uzdasta.
Verse: b    aētam̨āiiuš. paiti. harəϑrəm.
Verse: c    vīspəm. ā. am̨āt̰. ϑrāϑrəm. kərənauuāt̰. yat̰. aēte. yōi. spāna. uzjasąn.

Paragraph: 27-Ptl 
Verse: a    AP-š gwpt' ՚whrmẕd AYḴ ZK MNW ՚spst՚n' LALA YHBWN-t' [AYḴ OLE krt' OLE <y> NPŠE]
Verse: b    ՚-š PWN OLE QDM srd՚lyh
Verse: c    Sine PT

Paragraph: 27-Pts 
Verse: a    u-š guft ohrmazd kū ān kē aspestān ul dād [kū ōy kard ōy <ī> xwēš]
Verse: b    ā-š pad ōy abar sālārīh
Verse: c    Sine PT


Paragraph: 28  Link to avesta
Verse: a    yezi. nōit̰. harəϑrəm. baraiti.
Verse: b    aētaδa. aēte. yōi. spāna. aδāitiiō.aŋharəϑrəm. irišiiąn.
Verse: c    para. aēšąm. irišiṇtąm. raēšə̄. cikaiiən. baoδō.varštahe. ciϑaiia.

Paragraph: 28-Ptl 
Verse: a    Sine PT


Paragraph: 29  Link to avesta
Verse: a    dātarə. gaēϑanąm. astuuaitinąm. aṣ̌āum. yezica. aēša. gaδβa. +gaostānaēšuua. frajasāt̰.
Verse: b    kam̨āt̰. mazdaiiasnanąm. harəϑrəm. barāt̰.

Paragraph: 29-Ptl 
Verse: a    d՚t՚l HT-c ZK MNW KLBA ḆYN gwst՚n' pr՚c YHMTWN-yt'
Verse: b    [՚-š] MNW MN m՚zdys̱n՚n' srd՚lyh +YḆLWN-yhyt

Paragraph: 29-Pts 
Verse: a    dādār agar-iz ān kē sag andar gōstān frāz rasēd
Verse: b    [ā-š] kē az māzdēsnān sālārīh barīhēd


Paragraph: 30  Link to avesta
Verse: a    āat̰. mraot̰. ahurō. mazdå. yō. aētəm. +gaostānəm. uzdasta. yeŋ́hå. +vā. +aēšō. +gaostāniš. aŋhat̰.
Verse: b    aētam̨āiiuš. paiti. harəϑrəm.
Verse: c    vīspəm. ā. am̨āt̰. ϑrāϑrəm. kərənauuāt̰. yat̰. aēte. yōi. spāna. uzjasąn.

Paragraph: 30-Ptl 
Verse: a    AP-š gwpt' ՚whrmẕd AYḴ ZK MNW gwst՚n' LALA YHBWN-t' [AYḴ OLE krt' OLE y NPŠE] ՚ywp-š ZK TWRA-st՚n' [krt' OLE y NPŠE ՚ywp LA krt BRA OLE y NPŠE]
Verse: b    ՚-š <PWN> OLE QDM srd՚lyh
Verse: c    Sine PT

Paragraph: 30-Pts 
Verse: a    u-š guft ohrmazd kū ān kē gōstān ul dād [kū ōy kard ōy ī xwēš] ayāb-aš ān gōstān [kard ōy ī xwēš ayāb nē kard bē ōy ī xwēš] ā-š <pad> ōy abar sālārīh
Verse: b    Sine PT


Paragraph: 31  Link to avesta
Verse: a    yezi. nōit̰. harəϑrəm. baraiti.
Verse: b    aētaδa. aēte. yōi. spāna. aδāitiiō.aŋharəϑrəm. irišiiąn.
Verse: c    para. aēšąm. irišiṇtąm. raēšəm. cikaiiən. baoδō.varštahe. ciϑaiia.

Paragraph: 31-Ptl 
Verse: a    Sine PT


Paragraph: 32  Link to avesta
Verse: a    dātarə. gaēϑanąm. astuuaitinąm. aṣ̌āum. yezica. aēša. gaδβa. +pasuš.hastaēšuua. frajasāt̰.
Verse: b    kam̨āt̰. mazdaiiasnanąm. harəϑrəm. barāt̰.

Paragraph: 32-Ptl 
Verse: a    d՚t՚l HT-c ZK MNW KLBA ḆYN p՚hst՚n' pr՚c YHMTWN-yt'
Verse: b    [՚-š] MNW MN m՚zdys̱n՚n' srd՚lyh +YḆLWN-yhyt

Paragraph: 32-Pts 
Verse: a    dādār agar-iz ān kē sag andar pahestān frāz rasēd
Verse: b    [ā-š] kē az māzdēsnān sālārīh +barīhēd


Paragraph: 33  Link to avesta
Verse: a    āat̰. mraot̰. ahurō. mazdå. yō. aētəm. pasuš.hastəm. uzdasta. yeŋ́hå. +vā. +aēšō. pasuš.hastiš. aŋhat̰.
Verse: b    aētam̨āiiuš. paiti. harəϑrəm.
Verse: c    vīspəm. ā. am̨āt̰. ϑrāϑrəm. kərənauuāt̰. yat̰. aēte. yōi. spāna. uzjasąn.

Paragraph: 33-Ptl 
Verse: a    AP-š gwpt' ՚whrmẕd AYḴ MNW ZK +p՚hst՚n' LALA YHBWN-t' [AYḴ OLE krt' OLE y NPŠE] ՚ywp-š ZK +p՚hst՚n' AYT' [LA OLE krt' BRA OLE y NPŠE]
Verse: b    ՚-š PWN OLE QDM srd՚lyh
Verse: c    Sine PT

Paragraph: 33-Pts 
Verse: a    u-š guft ohrmazd kū kē ān +pahestān ul dād [kū ōy kard ōy ī xwēš] ayāb-aš ān +pahestān ast [nē ōy kard bē ōy ī xwēš]
Verse: b    ā-š pad ōy abar sālārīh
Verse: c    Sine PT


Paragraph: 34  Link to avesta
Verse: a    yezi. nōit̰. harəϑrəm. baraiti.
Verse: b    aētaδa. aēte. yōi. spāna. aδāitiiō.aŋharəϑrəm. irišiiąn.
Verse: c    para. aēšąm. irišiṇtąm. raēšəm. cikaiiən. baoδō.varštahe. ciϑaiia.

Paragraph: 34-Ptl 
Verse: a    Sine PT


Paragraph: 35  Link to avesta
Verse: a    dātarə. gaēϑanąm. astuuaitinąm. aṣ̌āum. yezica. aēša. gaδβa. +uzdaēzaēšuua. frajasāt̰.
Verse: b    kam̨āt̰. mazdaiiasnanąm. harəϑrəm. barāt̰.

Paragraph: 35-Ptl 
Verse: a    d՚t՚l HT-c ZK MNW KLBA LALA dysyt' pr՚c YHMTWN-yt' [՚ytwn' p՚s-1]
Verse: b    [՚-š] MNW MN m՚zdys̱n՚n' srd՚lyh YḆLWN-yhyt'

Paragraph: 35-Pts 
Verse: a    dādār agar-iz ān kē sag ul dēsīd frāz rasēd [ēdōn pās-ē]
Verse: b    [ā-š] kē az māzdēsnān sālārīh barīhēd


Paragraph: 36  Link to avesta
Verse: a    āat̰. mraot̰. ahurō. mazdå. yō. aētəm. uzdaēzəm. uzdišta. yeŋ́hå. +vā. +aēšō. uzdaēziš. aŋhat̰.
Verse: b    aētam̨āiiuš. paiti. harəϑrəm.
Verse: c    vīspəm. ā. am̨āt̰. ϑrāϑrəm. kərənauuāt̰. yat̰. aēte. yōi. spāna. uzjasąn.

Paragraph: 36-Ptl 
Verse: a    AP-š gwpt' ՚whrmẕd AYḴ MNW ZK LALA dysyt' [AYḴ OLE krt' OLE y NPŠE] ՚ywp-š ZK LALA dysyt' AYT' [LA OLE krt' BRA OLE <y> NPŠE]
Verse: b    ՚-š PWN OLE QDM srd՚lyh
Verse: c    Sine PT

Paragraph: 36-Pts 
Verse: a    u-š guft ohrmazd kū kē ān ul dēsīd [kū ōy kard ōy ī xwēš] ayāb-aš ān ul dēsīd ast [nē ōy kard bē ōy <ī> xwēš]
Verse: b    ā-š pad ōy abar sālārīh
Verse: c    Sine PT


Paragraph: 37  Link to avesta
Verse: a    yezi. nōit̰. harəϑrəm. baraiti.
Verse: b    aētaδa. aēte. yōi. spāna. aδāitiiō.aŋharəϑrəm. irišiiąn.
Verse: c    para. aēšąm. irišiṇtąm. raēšəm. cikaiiən. baoδō.varštahe. ciϑaiia.

Paragraph: 37-Ptl 
Verse: a    Sine PT


Paragraph: 38  Link to avesta
Verse: a    dātarə. gaēϑanąm. astuuaitinąm. aṣ̌āum. yezica. aēša. gaδβa. +auua.kaṇtaēšuua. frajasāt̰.
Verse: b    kam̨āt̰. mazdaiiasnanąm. harəϑrəm. barāt̰.

Paragraph: 38-Ptl 
Verse: a    d՚t՚l HT-c ZK MNW KLBA ḆYN plwt knšnyh pr՚c YHMTWN-yt' [slgynšn-HD]
Verse: b    [՚-š] MNW MN m՚ẕdys̱n՚n' srd՚lyh YḆLWN-yhyt'

Paragraph: 38-Pts 
Verse: a    dādār agar-iz ān kē sag andar frōd kanišnīh frāz rasēd [sargēnišn-ē]
Verse: b    [ā-š] kē az māzdēsnān sālārīh barīhēd


Paragraph: 39  Link to avesta
Verse: a    āat̰. mraot̰. ahurō. mazdå. yō. aētəm. auua.kanəm. +auua.kaṇta. yeŋ́hå. +vā. +aēšō. +auua.kaniš. aŋhat̰.
Verse: b    aētam̨āiiuš. paiti. harəϑrəm.
Verse: c    vīspəm. ā. am̨āt̰. ϑrāϑrəm. kərənauuāt̰. yat̰. aēte. +yōi. spāna. uzjasąn.

Paragraph: 39-Ptl 
Verse: a    AP-š gwpt' ՚whrmẕd AYḴ +MNW ZK plwt knšnyh plwt' HPLWN-t' [AYḴ OLE HPLWN-t' OLE y NPŠE] ՚ywp-š ZK plwt-knšnyh AYT' [OLE LA HPLWN-t' BRA OLE y NPŠE]
Verse: b    ՚-š PWN OLE QDM srd՚lyh
Verse: c    Sine PT

Paragraph: 39-Pts 
Verse: a    u-š guft ohrmazd kū +kē ān frōd kanišnīh frōd kand [kū ōy kand ōy ī xwēš] ayāb-aš ān frōd kanišnīh ast [ōy nē kand bē ōy ī xwēš]
Verse: b    ā-š pad ōy abar sālārīh
Verse: c    Sine PT


Paragraph: 40  Link to avesta
Verse: a    yezi. nōit̰. harəϑrəm. baraiti.
Verse: b    +aētaδa. aēte. +yōi. spāna. +aδāitiiō.aŋharəϑrəm. +irišiiąn.
Verse: c    para. +aēšąm. +irišiṇtąm. +raēšəm. <cikaiiən.>; baoδō.varštahe. ciϑaiia.

Paragraph: 40-Ptl 
Verse: a    Sine PT


Paragraph: 41  Link to avesta
Verse: a    dātarə. gaēϑanąm. astuuaitinąm. aṣ̌āum. yezica. aēša. gaδβa. auui. maδəme. vā. vāstre. vā. frajasāt̰.
Verse: b    kam̨āt̰. mazdaiiasnanąm. harəϑrəm. barāt̰.

Paragraph: 41-Ptl 
Verse: a    d՚t՚l HT-c ZK MNW KLBA QDM PWN mdy՚nk y w՚stl pr՚c YHMTWN-yt
Verse: b    [՚-š] MNW MN m՚zdys̱n՚n' srd՚lyh QDM YḆLWN-yhyt'

Paragraph: 41-Pts 
Verse: a    dādār agar-iz ān kē sag abar pad mayānag ī wāstar frāz rasēd
Verse: b    [ā-š] kē az māzdēsnān sālārīh abar barīhēd


Paragraph: 42  Link to avesta
Verse: a    āat̰. mraot̰. ahurō. mazdå. yō. aētəm. vāstri. uzdasta. yeŋ́hå. +vā. +aēšō. vāstriš. aŋhat̰.
Verse: b    aētam̨āiiuš. paiti. harəϑrəm.
Verse: c    vīspəm. ā. am̨āt̰. ϑrāϑrəm. kərənauuāt̰. yat̰. aēte. yōi. spāna. uzjasąn. yezi. nōit̰. harəϑrəm. baraiti. aētaδa. aēte. yōi. spāna. aδāitiiō.aŋharəϑrəm. irišiiąn. para. aēšąm. irišiṇtąm. raēšəm. cikaēn. baoδō.varštahe. ciϑaiia.

Paragraph: 42-Ptl 
Verse: a    AP-š gwpt ՚whrmẕd AYḴ MNW ZK w՚stl LALA dysyt' [AYḴ KN ZLYTWN-t' OLE <y> NPŠE] ՚ywp-š ZK w՚stl AYT' [LA OLE ZLYTWN-t' BRA OLE <y> NPŠE]
Verse: b    ՚-š PWN OLE QDM srd՚lyh [՚y KN +pyt՚kynynd AYḴ ptyd՚lk y OL bl YHMTWN-yt' OL glwk՚n-d՚l mt' YHWWN-yt' ZK y OL bwn YHMTWN-yt' OL pšyh]
Verse: c    Sine PT

Paragraph: 42-Pts 
Verse: a    u-š guft ohrmazd kū kē ān wāstar ul dēsīd [kū ōy kišt ōy <ī> xwēš] ayāb-aš ān wāstar ast [nē ōy kišt bē ōy <ī> xwēš]
Verse: b    ā-š pad ōy abar sālārīh [ay ōh paydāgēnēd kū petyārag ī ō bar rasēd ō grawagān-dār mad bawēd ān ī ō bun rasēd ō fšī]
Verse: c    Sine PT


Paragraph: 43  Link to avesta
Verse: a    upāca. hē. +gātūm. +baraiiən. +nəmō.vaṇtāhuua. kąmcit̰. vā. +starətaēšinąm.
Verse: b    vīspəm. ā. am̨āt̰. ϑrāϑrəm. +kərənauuāt̰. <yat̰. aēte. yōi. spāna. xvā.zaēnəm. xvā.draonəm. bauuąn.>;

Paragraph: 43-Ptl 
Verse: a    BRA-c OL ZK y +OLE g՚s +՚y YḆLWN-x1 nmt' vanaza ZK ՚ywp kt՚l-c-HD ZK y wstlšn՚wmnd [՚wlwl swptk'-1 pldck'-1]
Verse: b    Sine PT

Paragraph: 43-Pts 
Verse: a    bē-z ō ān ī +ōy gāh ē barēnd namad vanaza ān ayāb kadār-iz-ē ān ī wistarišnōmand [urwar suftag-ē pardazag-ē]
Verse: b    Sine PT


Paragraph: 44  Link to avesta
Verse: a    dātarə. gaēϑanąm. astuuaitinąm. aṣ̌āum. yat̰. aēte. +yōi. spāna. xvā.zaēnəm. +xvā.draonəm. bauuąn.

Paragraph: 44-Ptl 
Verse: a    d՚t՚l AYMT OLE-š՚n' KLBA NPŠE-zyn' NPŠE-swl YHWWN-՚nd

Paragraph: 44-Pts 
Verse: a    dādār kay awēšān sag xwēš-zēn xwēš-sūr bawānd


Paragraph: 45  Link to avesta
Verse: a    āat̰. mraot̰. ahurō. mazdå. yauuat̰. aēte. <yōi.>; spāna. biš. hapta. nmāna. +pairi.tacąhi. bauuąn.
Verse: b    vasō. pascaēta. fraxštāite. +aiβi.gāme. iϑa. hama.
Verse: c    +xšuuaš. måŋhō. +sunō. ϑrāϑrəm. hapta. sarəδa. apərənāiiūkahe.
Verse: d    āϑrō. ahurahe. mazdå. puϑrəm. auuaϑa. nāirikaiiāi.

Paragraph: 45-Ptl 
Verse: a    AP-š gwpt ՚whrmẕd AYḴ OD OLE-š՚n' KLBA 2 7 m՚n' pyl՚mwn' BRA +t՚ht՚l YHWWN-d
Verse: b    PWN k՚mk AHL pr՚c ՚y ŠḆKWN-x2 PWN ẕmst՚n' ՚ytwn' PWN h՚myn'
Verse: c    6 BYRH KLBA sl՚dšn' [AYḴ-š p՚nkyh ywdtl ՚p՚yt' krtn'] 7 ŠNT' ՚pwln՚dk'
Verse: d    ՚thš <y> ՚whrmẕd BRE hm՚k n՚ylyk

Verse: A       [hm՚k ՚y OD-š PWN ẔNE ptm՚nk BRA twb՚n' OZLWN-tn'
Verse: B       hm՚k AMT BRA OZLWN-yt LA ŠLYTA BRA AMT LAWHL HYTYWN-yt
Verse: C       OD 6 BYRH hm՚y AMT' BRA OZLWN-yt' LA ŠLYTA BRA AMT LAWHL ŠḆKWN-x2
Verse: D       AMT zm plwt' YKOYMWN-yt' ՚-š ẔNE hdyb՚l՚wmndyh MN pyš pyt՚k hm՚y KN kwnšn']

Paragraph: 45-Pts 
Verse: a    u-š guft ohrmazd kū tā awēšān sag dō haft mān pērāmōn bē +tāxtār bawēnd
Verse: b    pad kāmag pas frāz ē hilēd pad zamestān ēdōn pad hāmīn
Verse: c    šaš māh sag srāyišn [kū-š pānagīh juttar abāyēd kardan] haft sāl aburnāyag
Verse: d    ātaxš <ī> ohrmazd pus hamāg nārīg

Verse: A       [hamāg ay tā-š pad ēn paymānag bē tuwān šudan
Verse: B       hamāg ka bē šawēd nē pādixšāy bē ka abāz ānayēd
Verse: C       tā šaš māh hamē ka bē šawēd nē pādixšāy bē ka abāz hilēd
Verse: D       ka zam frōd ēstēd ā-š ēn ayārōmandīh az pēš paydāg hamē ōh kunišn]


Paragraph: 46  Link to avesta
Verse: a    dātarə. gaēϑanąm. astuuaitinąm. aṣ̌āum. yezi. vasən. mazdaiiasna. juuō.daxštəm. +maēϑanəm.
Verse: b    kuϑa. tē. vərəziiąn. aēte. yōi. mazdaiiasna.

Paragraph: 46-Ptl 
Verse: a    d՚t՚l HT-š՚n k՚mk HWE-՚t' m՚zdys̱n՚n' ZK y zywndk [KLBA] dhšk msynytn' [gpl krtn']
Verse: b    cygwn OLE-š՚n' [wn՚s l՚d AYḴ OD LA YHWWN-՚t] wlc՚nd OLE-š՚n' MNW m՚zdys̱n' [HWE-d]

Paragraph: 46-Pts 
Verse: a    dādār agar-ašān kāmag hād māzdēsnān ān ī zīndag [sag] daxšag mehēnīdan [gabr kardan]
Verse: b    cīyōn awēšān [wināh rāy kū tā nē bawād] warzānd awēšān kē māzdēsn [hēnd]


Paragraph: 47  Link to avesta
Verse: a    āat̰. mraot̰. ahurō. mazdå. aētaδa. hē. aēte. mazdaiiasna. aŋ́hå. zəmō. auua.kanəm. auua.kanaiiən. maiδiiōi. +pasuš.hastaēšuua.
Verse: b    maiδiiōi. paitištāne. +xrūždisme. maiδiiōi. narš. varədusme.

Paragraph: 47-Ptl 
Verse: a    AP-š gwpt' ՚whrmẕd AYḴ ՚ytwn' OLE [wn՚s l՚d AYḴ OD LA YHWWN-՚t'] OLE-š՚n [MNW] mẕdys̱n [HWE-d] ẔNE ẕmyk PWN plwt' knšnyh plwt' ՚y HPLWN-d ḆYN +mdy՚n' <y> +p՚hst՚n'
Verse: b    OD OL mdy՚n' y ptyšt՚n' AMT sht' [ẕmyk] OD OL GBRA mdy՚n' AMT' nlm

Paragraph: 47-Pts 
Verse: a    u-š guft ohrmazd kū ēdōn ōy [wināh rāy kū tā nē bawād] awēšān [kē] mazdēsn [hēnd] ēn zamīg pad frōd kanišnīh frōd ē kanēnd andar +mayān <ī> +pahestān
Verse: b    tā ō mayān ī padištān ka saxt [zamīg] tā ō mard mayān ka narm


Paragraph: 48  Link to avesta
Verse: a    paoiriiāi. +nidarəzaiiən. +apərənāiiūkəm. auuaϑa. ātrəm. ahurahe. mazdå. puϑrəm.
Verse: b    vīspəm. ā. am̨āt̰. ϑrāϑrəm. +kərənauuāt̰. yauuat̰. +aēšō. spā. aniia. +jaså.
Verse: c    aiβica. aparəm. paitica. aparəm. apāca. pauruuaēibiia. nōit̰. dim. auuaϑa. +irišiiąn.

Paragraph: 48-Ptl 
Verse: a    pltwm-š BRA ՚y ASLWN-d MN ՚pwln՚dk [HNA AYḴ OD-š՚n' LA gc՚t'] ՚ytwn' MN' ՚thš y ՚whrmẕd BRE [AYḴ OD-š ḆYN LA lyšyt]
Verse: b    AP-š hm՚y MN ZK srd՚lyh +՚y kwnd OD AMT ZK OL ZK' y ZK-՚y KLBA BRA YHMTWN-yt'
Verse: c    QDM AMT MN AHL [AYḴ ZK AYŠ LAWHL wltyt] AYḴ LA ZK y AHL OLE y pyš ՚ytwn' lyšyt

Paragraph: 48-Pts 
Verse: a    fradom-aš bē ē bandēnd az aburnāyag [ēd kū tā-šān nē gazād] ēdōn az ātaxš ī ohrmazd pus [kū tā-š andar nē rēšēd]
Verse: b    u-š hamē az ān sālārīh +ē kunad tā ka ān tā ān ī any sag bē rasēd
Verse: c    abar ka az pas [kū ān kas abāz wardēd] kū nē ān ī pas ōy ī pēš ēdōn rēšēd


Paragraph: 49  Link to avesta
Verse: a    yō. gaδβąm. yąm. apuϑrąm. ϑraiiąm. +baozdri. barəϑrica. puϑrāca. +paēmainica. aiiatāca. taēca. +aētaδaca. puϑrəm. baraiti. sunąm. +baozdri.

Paragraph: 49-Ptl 
Verse: a    MNW KLBA y ՚pws +3-yn' bwlt՚l [tn' y NPŠE] BRE W pym +SGYTWN-t-c ՚-lpt-c ՚ytwn'-c BRE' bld [cygwn] KLBA-՚n' bwlt՚lyh

Paragraph: 49-Pts 
Verse: a    kē sag ī abus +sēyēn burdār [tan ī xwēš] pus ud pēm +raft-iz a-raft-iz ēdōn-iz pus barad [cīyōn] sagān burdārīh


Paragraph: 50  Link to avesta
Verse: a    dātarə. gaēϑanąm. astuuaitinąm. aṣ̌āum. yō. gaδβąm. +jaiṇti. yąm. apuϑrąm. ϑraiiąm. +baozdri. +barəϑrica. puϑrāca. +paēmainica. aiiatāca. taēca. +aētaδaca. puϑrəm. baraiti. sunąm. +baozdri.
Verse: b    kā. hē. asti. ciϑa.

Paragraph: 50-Ptl 
Verse: a    d՚t՚l MNW KLBA y ՚pws +3-yn' bwlt՚l [tn' y NPŠE] BRE W pym SGYTWN-t-c ՚-SGYTWN-t-c +՚ytwn'-c +BRE bld [cygwn] KLBA-՚n' bwlt՚lyh
Verse: b    kt՚l OLE AYT' twcšn'

Paragraph: 50-Pts 
Verse: a    dādār kē sag ī abus +sēyēn burdār [tan ī xwēš] ud pus pēm raft-iz a-raft-iz +ēdōn-iz pus barad [cīyōn] sagān burdārīh
Verse: b    kadār ōy ast tōzišn


Paragraph: 51  Link to avesta
Verse: a    āat̰. mraot̰. ahurō. mazdå. hapta. sata. upāzananąm. upāzōit̰. aspahe. aštraiia. hapta. sata. +sraošō.caranaiia.
Verse: b    aṣ̌əm. vohū. vahištəm. astī. uštā. astī. uštā. ahmāi. hiiat̰. aṣ̌āi. vahištāi. aṣ̌əm. (= Y 27.14 Link to avestaLink to yasna)

Paragraph: 51-Ptl 
Verse: a    AP-š gwpt' ՚whrmẕd AYḴ 700 PWN QDM znšnyh QDM znšn' ՚sp' ՚štl 700 slwšwcln՚m [՚y ẔNE KLBA y whwnzg ՚pwsyh l՚d gl՚y YHWWN-t' MNW ywdtl YMRWN-yt' wyšhwlw']
Verse: b    ՚h՚ldyh ՚p՚tyh <y> +p՚hlwm <AYT'>;

Paragraph: 51-Pts 
Verse: a    u-š guft ohrmazd kū haft sad pad abar zanišnīh abar zanišn asp aštar haft sad srōšōcarnām [ay ēn sag ī wohunazg ābusīh rāy grāy būd kē juttar gōwēd wišhorw]
Verse: b    ahlāyīh ābādīh <ī> +pahlom <ast>

This text is part of the TITUS edition of Pahlavi Translation of the Avesta: Videvdad.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.