TITUS
Black Yajur-Veda: Kathaka-Samhita
Part No. 9
Previous part

Sthanaka: 9  
Anuvaka: 1  
Line : 5  Pada: a     agnir vā utsīdan saṃvatsaram anūtsīdati

Pada: b     saptadaśa sāmidʰenīḥ kāryās

Line : 6  Pada: c     saptadaśo vai saṃvatsaraḥ pañcartavo dvādaśa māsās \

Pada: d     eṣa vāva sa saṃvatsaras

Line : 7  Pada: e     saṃvatsarād evainam adʰyavarunddʰe


Pada: f     tad āhuḥ

Pada: g     pañcadaśaiva kāryā na saptadaśeti \

Pada: h     etad dʰi saṃvatsarasya saṃkramaṇataraṃ yat pañcadaśa

Line : 8  Pada: i     pañcadaśa sāmidʰenīr anūcyante

Pada: j     pañcadaśārdʰamāsasya rātrayas

Line : 9  Pada: k     tābʰir eva tā āpyante

Pada: l     yāvanti vai sāmidʰenīnām akṣarāṇi tāvanti saṃvatsarasyāhāni

Line : 10  Pada: m     tair eva tāny āpyante \


Pada: n     agnir vā utsīdan saṃvatsaram anūtsīdati

Line : 11  Pada: o     ṣaḍ vā r̥tavas saṃvatsaras \

Pada: p     yat ṣaḍ vibʰaktayas

Pada: q     saṃvatsarād evainam adʰyavarunddʰe //


Line : 12  Pada: r     saṃvatsaro vā agnir vaiśvānaras \

Pada: s     ṣaḍ r̥tavas

Pada: t     tasmāt ṣaḍ vibʰaktayas \


Line : 13  Pada: u     yad dvyakṣarās satīś caturakṣarāḥ kriyante \

Pada: v     ācaturaṃ * hīme paśavas \
      FN Mittwede, Textkritische Bemerkungen, p. 67

Pada: w     dvandvaṃ mitʰunās

Line : 14  Pada: x     te vīryakr̥tas \

Pada: y     yad vā idam agniṃ bahudʰā viharanti yad imān poṣān pupoṣa

Line : 15  Pada: z     tasmād agnir evaitāvatīr vibʰaktīr aśnute nānyā devatās \


Pada: aa     yajñamukʰaṃ vai prayājās \

Line : 16  Pada: ab     yat prayājān antariyād yajñamukʰam antariyāt \

Pada: ac     annaṃ vai prayājās \

Pada: ad     yat prayājān antariyād annam antariyāt \

Line : 17  Pada: ae     yaṃ kāmayetardʰnuyād iti tasyopariṣṭāt prayajānāṃ * vibʰaktīḥ kuryāt \
      FN emended. Ed.: prajānāṃ. Raghuvira, KpS, xxv. Mittwede, Textkritische Bemerkungen, p. 68

Page: 105  
Line : 1  Pada: af     vīryaṃ vai prayājās \

Pada: ag     vīryaṃ vibʰaktayas \

Pada: ah     vīryād evādʰi vaṣaṭ karoty ajiram r̥ddʰim abʰikrāmati //


Line : 2  Pada: ai     nānāgneyaṃ kriyata ity āhuḥ kasmāt savibʰaktayaḥ prayājā bʰavantīti

Line : 3  Pada: aj     saṃvatsaraṃ vā ete parījyante

Pada: ak     yat prayājās

Line : 4  Pada: al     tenāgneyaṃ tena nānāgneyaṃ kriyate //


Pada: am     punar ūrjā nivartasva punar agna iṣāyuṣā punar naḥ pāhy am̐hasa iti purastāt prayājānāṃ juhuyāt

Line : 5  Pada: an     saha rayyā nivartasvāgne pinvasva dʰārayā viśvapsnyā viśvatas parīty upariṣṭād anuyājānāṃ juhuyāt \

Line : 7  Pada: ao     ūrjā vā eṣa paśubʰir utsīdan sahotsīdati

Pada: ap     punar evorjaṃ paśūn avarunddʰe \

Pada: aq     atʰo ubʰayata eva yajñasyāśiṣardʰnoti //


Anuvaka: 2  
Line : 9  Pada: a     nānāgneyaṃ kriyata ity āhuḥ kasmād ājyabʰāgau yajantīti

Pada: b     cakṣuṣī vā ete yajñasya yad ājyabʰāgau

Line : 10  Pada: c     yad ājyabʰāgā antariyāc cakṣuṣī yajñasyāntariyāt \

Line : 11  Pada: d     agna āyūm̐ṣi pavasa ity etām̐ somasyājyabʰāgasya loke kuryāt \

Pada: e     yad āgneyam \

Line : 12  Pada: f     tenāgneyī

Pada: g     yat pāvamānam \

Pada: h     tena saumī

Pada: i     nānāgneyaṃ kriyate na somam antareti \


Line : 13  Pada: j     agnir mūrdʰā divaḥ kakud ity etām̐ somasyājyabʰāgasya loke kuryāt prajākāmasya vā paśukāmasya vā

Line : 14  Pada: k     yan mitʰunā

Pada: l     tena prajananavatī

Pada: m     yad retasvatī

Line : 15  Pada: n     tena saumī

Pada: o     nānāgneyaṃ kriyate na somam antareti //


Pada: p     vīrahā vā eṣa devānāṃ yo 'gnim utsādayate

Line : 16  Pada: q     śatadāyo vīras \

Pada: r     yad etāś śatākṣarā akṣarapaṅktayas \

Line : 17  Pada: s     vīram evaitad devānām avadayate \


Pada: t     anyasyai vai pramāyā ādʰeyo 'nyasyai punarādʰeyas \

Line : 18  Pada: u     na vai tām ādʰeyena spr̥ṇoti yasyai punarādʰeyaḥ

Pada: v     punarādʰeyena vāva tām̐ spr̥ṇoti

Line : 19  Pada: w     jarā vai devahitam āyus

Pada: x     tāvatīr hi samā jīvati

Pada: y     tasmād āhuś śatadāyo vīra iti

Line : 20  Pada: z     yad etāś śatākṣarā akṣarapaṅktayo bʰavanti

Line : 21  Pada: aa     yāvad eva vīryaṃ tad āpnoti tat spr̥ṇoti \


Pada: ab     āyuṣā vā eṣa vīryeṇa vyr̥dʰyate yo 'gnim utsādayate

Page: 106  
Line : 1  Pada: ac     śatāyur vai puruṣaś śatavīryas \

Pada: ad     āyur vīryaṃ hiraṇyam \

Pada: ae     yad dʰiraṇyam̐ śatamānaṃ dadāti \

Line : 2  Pada: af     āyur eva vīryaṃ punar ālabʰate * //
      FN emended. Ed.: ālabʰeta. Raghuvira, KpS, xxv. Mittwede, Textkritische Bemerkungen, p. 68


Anuvaka: 3  
Line : 3  Pada: a     yajñena vā eṣa vyr̥dʰyate yo 'gnim utsādayate

Pada: b     pāṅkto yajñas \

Pada: c     yat pañcakapālas \

Line : 4  Pada: d     yajñam evālabʰate


Pada: e     tad āhus \

Pada: f     aṣṭākapāla eva kāryo na pañcakapāla iti \

Line : 5  Pada: g     aṣṭākṣarā gāyatrī gāyatro 'gnir gāyatraccʰandās \

Pada: h     āgneyam etat kriyate yat punarādʰeyam \

Line : 6  Pada: i     tasmād aṣṭākapālas


Pada: j     tat tan na sūrkṣyam \

Pada: k     pañcakapāla eva kāryas \

Pada: l     agnir vā utsīdan saṃvatsaram anūtsīdati

Line : 7  Pada: m     pañca vā r̥tavas saṃvatsaraḥ

Pada: n     pañcatʰād vā adʰy r̥toṣ ṣaṣṭʰa * r̥tur babʰūva
      FN emended. Ed.: ṣaṣṭa. Mittwede, Textkritische Bemerkungen, p. 68

Line : 8  Pada: o     samānam etad yat pañcatʰaś cartʰuṣ ṣaṣṭʰaś * ca
      FN emended. Ed.: ṣaṣṭaś. Mittwede, Textkritische Bemerkungen, p. 68

Pada: p     yat pañcakapālas

Line : 9  Pada: q     saṃvatsarād evainam adʰy avarunddʰe


Pada: r     pañca vā r̥tavaḥ prajananam r̥tavas \

Pada: s     yat pañcakapālaḥ

Line : 10  Pada: t     prajananāya


Pada: u     prajananaṃ vā r̥tavo 'gniḥ prajanayitā

Pada: v     yat pañcakapālaḥ

Line : 11  Pada: w     prajananād evainaṃ prajanayitā prajanayati \


Pada: x     ādityā vā itas sarveṇaiva sahāmuṃ lokam āyan \

Line : 12  Pada: y     te 'muṃ lokaṃ gatvā vyatr̥ṣyan \

Pada: z     te 'vidur amutaḥpradānād * vā ihājagāmeti
      FN Mittwede, Textkritische Bemerkungen, p. 68

Line : 13  Pada: aa     ta etaṃ punar ādadʰata

Pada: ab     tenārdʰnuvan \

Pada: ac     ādityā vā asmiṃl loka r̥ddʰā ādityā amuṣmin

Line : 14  Pada: ad     paśavo 'sminn r̥tavo 'muṣminm \

Pada: ae     ubʰayor eva lokayor r̥dʰnoti ya evaṃ vidvān etam ādʰatte


Line : 15  Pada: af     ketas suketas saketas te na ādityā juṣāṇā asya haviṣo vyantu svāhā

Line : 16  Pada: ag     salilas saligas sagaras te na ādityā juṣāṇā asya haviṣo vyantu svāhā

Line : 17  Pada: ah     divo jyotir vivasva āditya te no devā deveṣu satyāṃ devahūtim āsuvadʰvam

Line : 18  Pada: ai     ādityebʰyas svāhā \

Page: 107  
Line : 1  Pada: aj     iti \

Pada: ak     etair vai te tam ādadʰata

Pada: al     tenārdʰnuvan

Pada: am     yadā vā etair ādʰatte 'tʰāhitas \

Pada: an     ādityo hi punarādʰeyaḥ //


Anuvaka: 4  
Line : 3  Pada: a     āgneyò 'ṣṭā́kapālas

Pada: b     saumyáś carús

Pada: c     sāvitró dvā́daśakapālas

Pada: d     sārasvatáś carúḥ

Line : 4  Pada: e     pauṣṇáś carúr

Pada: f     mārutás saptákapālas \

Pada: g     vaiśvadevy ā̀míkṣā

Pada: h     dyāvāpr̥tʰivyà ékakapālas \

Line : 5  Pada: i     āgneyò 'ṣṭā́kapālas

Pada: j     saumyáś carús

Pada: k     sāvitrò 'ṣṭā́kapālas

Pada: l     sārasvatáś carúḥ

Line : 6  Pada: m     pauṣṇáś carúr

Pada: n     aindrāgnó dvā́daśakapālas \

Pada: o     māruty ā̀míkṣā

Pada: p     vāruṇy ā̀míkṣā

Line : 7  Pada: q     kāyá ékakapālas \


Pada: r     námas ta ātāna \

Pada: s     anarvā́ préhi

Pada: t     gʰr̥tásya kulyā́m ánu sahá prajáyā sahá rāyáspóṣeṇa //

Line : 9  Pada: u     pragʰāsyā̀n havāmahe marúto yajñávāhasaḥ /

Line : 10  Pada: v     karambʰéṇa sajóṣasaḥ //

Line : 11  Pada: w     mó ṣū́ ṇa indrā́tra pr̥tsú devā ástu sma te śuṣminn avayā́ḥ /

Line : 12  Pada: x     mahī́ devásya mīḍʰúṣo 'vayā́ havíṣmato marúto vándate gī́ḥ //

Line : 13  Pada: y     yád grā́me yád áraṇye yát sabʰā́yāṃ yád indriyé /

Line : 14  Pada: z     yád énaś cakr̥mā́ vayáṃ yád ápsaś * cakr̥mā́ vayám /
      FN Mittwede, Textkritische Bemerkungen, p. 68

Line : 15  Pada: aa     yád ékasyā́pi dʰármaṇy etát tád ávayajāmahe // svā́hā //

Line : 16  Pada: ab     ákran kárma karmakŕ̥tas sahá vācā́ mayobʰúvā /

Line : 17  Pada: ac     devébʰyaḥ kárma kr̥tvā́staṃ préta sudānavaḥ //


Anuvaka: 5  
Line : 18  Pada: a     agnáyé 'nīkavate prātár aṣṭā́kapālo marúdbʰyas sāṃtapanébʰyo madʰyáṃdine carúr marúdbʰyo gr̥hamedʰébʰyas sárvāsāṃ dugdʰé sāyám odanó nídʰīyate

Line : 20  Pada: b     sáṃtatyai //


Page: 108  
Line : 1  Pada: c     pūrṇā́ darve párāpata súpūrṇā púnar ā́pata /

Line : 2  Pada: d     vasná iva víkrīṇāvahā íṣam ū́rjam̐ śatakrato //

Line : 3  Pada: e     dehí me dádāmi te ní me dʰehi ní te dadʰe /

Line : 4  Pada: f     nihā́ram ín ní me hara nihā́raṃ níharāmi te /

Line : 5  Pada: g     apāmítyam iva sáṃ bʰaréṣam ū́rjam̐ śatakrato //

Line : 6  Pada: h     marúdbʰyaḥ krīḍíbʰyaḥ prātás saptákapālas sākám̐ sū́ryasya raśmíbʰis \


Pada: i     āgneyò 'ṣṭā́kapālas saumyáś carús sāvitrò 'ṣṭā́kapālas sārasvatáś carúḥ pauṣṇáś carúr aindrāgná ékādaśakapāla aindráś carúr vaiśvakarmaṇá ékakapālas \


Line : 8  Pada: j     ágne vér hotráṃ vér dūtyàm

Line : 9  Pada: k     ūrdʰvò 'dʰvarè 'stʰās \

Pada: l     ávatāṃ tvā dyā́vāpr̥tʰivī́

Pada: m     áva tváṃ dyā́vāpr̥tʰivī́

Line : 10  Pada: n     sviṣṭakŕ̥d índrāya devébʰyo bʰava

Pada: o     juṣāṇó asyá havíṣo gʰr̥tásya vīhi svā́hā //


Anuvaka: 6  
Line : 12  Pada: a     sómāya pitr̥máta ā́jyam \

Pada: b     pitŕ̥bʰyo barhiṣádbʰyaṣ ṣáṭkapālaḥ puroḍā́śaḥ

Line : 13  Pada: c     pitŕ̥bʰyo 'gniṣvāttébʰyo dʰānā́s \

Pada: d     agnáye kavyavā́hanāya mantʰás \


Pada: e     etát te tata yé ca tvā́nu \

Line : 14  Pada: f     etát te pitāmaha yé ca tvā́nu \

Pada: g     etát te prapitāmaha yé ca tvā́nu \

Pada: h     átra pitaro mādayadʰvam //

Line : 16  Pada: i     susaṃdŕ̥śaṃ tvā vayáṃ mágʰavan mandiṣīmáhi /

Line : 17  Pada: j     prá nūnáṃ pūrṇávandʰura stutó yāsi váśām̐ ánu

Pada: k     yójā nv ìndra te hárī //

Line : 18  Pada: l     páreta pitaras somyāso gambʰīrébʰiḥ patʰíbʰiḥ pūrviṇébʰiḥ * /
      FN Mittwede, Textkritische Bemerkungen, p. 68

Line : 19  Pada: m     dattvā́yāsmábʰyaṃ dráviṇehá bʰadráṃ rayíṃ ca nas sárvavīraṃ níyaccʰata //

Line : 20  Pada: n     ámīmadanta pitáraḥ //

Page: 109  
Line : 1  Pada: o     ayā́ viṣṭʰā́ janáyan kárvarāṇi sá hí gʰŕ̥ṇir urúr várāya gātúḥ /

Line : 2  Pada: p     sá pratyúdaid dʰarúṇaṃ mádʰvo ágram̐ svā́ yát tanū́ tanvàm aírayata //

Line : 3  Pada: q     ákṣann ámīmadanta hy áva priyā́ adʰūṣata /

Line : 4  Pada: r     ástoṣata svábʰānavo víprā náviṣṭʰayā matī́

Pada: s     yójā nv ìndra te hárī //

Line : 5  Pada: t     námo vaḥ pitaro manyáve

Pada: u     námo vaḥ pitaraś śúṣmāya

Pada: v     námo vaḥ pitaro jīvā́ya

Line : 6  Pada: w     námo vaḥ pitaro rásāya

Pada: x     námo vaḥ pitaraḥ krūrā́ya

Pada: y     námo vaḥ pitaro bálāya

Line : 7  Pada: z     námo námo vaḥ pitaras

Pada: aa     svadʰā́ vaḥ pitaras \

Pada: ab     yā́tra pitaras svadʰā́ yátra yūyám̐ stʰá sā́ yuṣmā́su táyā yūyáṃ yatʰābʰāgáṃ mādayadʰvam \

Line : 8  Pada: ac     yéhá pitara ū́rg yátra vayám̐ smás sā́smā́su tásyai vayáṃ jyógjīvanto * bʰūyāsma //
      FN Mittwede, Textkritische Bemerkungen, p. 69: jyóg jī́vanto

Line : 10  Pada: ad     máno nv ā́huvāmahe nārāśam̐séna stómena /

Line : 11  Pada: ae     pitr̥̄ṇā́ṃ ca mánmabʰiḥ //

Line : 12  Pada: af     ā́ na etu mánaḥ púnaḥ krátve dákṣāya jīváse /

Line : 13  Pada: ag     jyók ca sū́ryaṃ dr̥śé //

Line : 14  Pada: ah     púnar naḥ pitaro máno dádātu daívyo jánaḥ /

Line : 15  Pada: ai     jīváṃ vrā́tam̐ sacemahi //

Line : 16  Pada: aj     ā́ te agna idʰīmahi dyumántaṃ devājáram /

Line : 17  Pada: ak     yád dʰa syā́ te pánīyasī samíd dīdáyati dyávi /

Line : 18  Pada: al     íṣam̐ stotŕ̥bʰya ā́bʰara //

Line : 19  Pada: am     yád antárikṣaṃ pr̥tʰivī́m utá dyā́ṃ yát pitáraṃ mātáraṃ vā jihim̐simá /

Line : 20  Pada: an     agnír nas tásmād énaso gā́rhapatyaḥ prámuñcatu

Pada: ao     cakr̥má yā́ni duṣkr̥tā́ //


Anuvaka: 7  
Page: 110  
Line : 1  Pada: a     rúdrākʰúṃ te paśúṃ karomi téna tvā paśúbʰyo nirávadaye \

Pada: b     eṣá te rudra bʰāgás

Line : 2  Pada: c     sahá svásrā́mbikayā

Pada: d     táṃ juṣasva svā́hā //

Line : 3  Pada: e     ávāmba rudrám adimahy áva deváṃ tryàmbakam /

Line : 4  Pada: f     yátʰā no vásyasas kárad yátʰā naś śréyasas kárat \

Pada: g     yátʰā no vyavasāyáyāt //

Line : 5  Pada: h     bʰeṣajáṃ gávé 'śvāya púruṣāya sugáṃ meṣā́ya meṣyaì /

Line : 6  Pada: i     átʰo asmábʰyaṃ bʰeṣajám̐ súbʰeṣajaṃ yátʰāsati //

Line : 7  Pada: j     tryàmbakaṃ yajāmahe sugandʰíṃ rayipóṣaṇam /

Line : 8  Pada: k     urvārukám iva bándʰanān mr̥tyór mukṣīya mā́mŕ̥tāt //

Line : 9  Pada: l     bʰágas stʰa bʰágasya vo lapsīya \

Pada: m     eṣá te rudra bʰāgás

Pada: n     ténāvaséna paró mū́javató 'tīhi

Line : 10  Pada: o     kŕ̥ttivāsāḥ pínākahastó 'vatatadʰanvā //

Pada: p     édʰo 'sy edʰiṣīmáhi

Line : 11  Pada: q     samíd asi sámedʰiṣīmahi

Pada: r     téjo 'si téjo máyi dʰehi //


Anuvaka: 8  
Line : 12  Pada: a     cíttis srúk *
      FN < srúj

Pada: b     cittám * ā́jyam \
      FN emended. Ed.: cíttam. Mittwede, Textkritische Bemerkungen, p. 69

Pada: c     vā́g védis \

Pada: d     ā́dʰītaṃ barhíḥ

Pada: e     kéto agnís \

Pada: f     víjñātam agníd

Line : 13  Pada: g     vācáspátir hótā

Pada: h     mána upavaktā́

Pada: i     prāṇó havís

Pada: j     sā́mādʰvaryúr

Pada: k     índraṃ gaccʰa svā́hā

Line : 14  Pada: l     pr̥tʰivī́ hótā

Pada: m     dyaúr adʰvaryús

Pada: n     tváṣṭāgnín *
      FN < tváṣṭāgnít

Pada: o     mitrá * upavaktā́
      FN emended. Ed.: mítra. Mittwede, Textkritische Bemerkungen, p. 69

Pada: p     vā́caspate vācó vīryèṇa sáṃbʰr̥tatam enā́yakṣase

Line : 15  Pada: q     yajñápataye vā́ryam ā́ svàs karas \

Line : 16  Pada: r     vācáspátis sómaṃ pibatu

Pada: s     jajánad índram indriyā́ya svā́hā

Pada: t     sómas sómasya purogā́s \

Line : 17  Pada: u     śukráś śukrásya purogā́s \

Pada: v     śrātā́s ta indra sómā vā́tāpe havanaśrútas svā́hā \

Line : 18  Pada: w     agnír hótā \

Pada: x     aśvínādʰvaryū́

Pada: y     rudrò 'gníd

Pada: z     bŕ̥haspátir upavaktā́

Pada: aa     vā́caspate hŕ̥d vídʰe nāman

Page: 111  
Line : 1  Pada: ab     vācáspátis sómam apāt \

Pada: ac     ā́smā́su nr̥mṇáṃ dʰāt svā́hā

Pada: ad     sómas sómasya purogā́s \

Line : 2  Pada: ae     śukráś śukrásya purogā́s \

Pada: af     śrātā́s ta indra sómā vā́tāpe havanaśrútas svā́hā //


Anuvaka: 9  
Line : 4  Pada: a     devásya tvā savitúḥ prasavè 'śvínor bāhúbʰyāṃ pūṣṇó hástābʰyāṃ prátigr̥hṇāmi

Line : 5  Pada: b     váruṇas tvā nayatu devi dakṣiṇe yamā́yāśvam \

Pada: c     ténāmr̥tatvám aśīya

Line : 6  Pada: d     váyo dātré bʰūyā́n máyo máhyaṃ pratigrahītré

Pada: e     devásya tvā savitúḥ prasavè 'śvíno bāhúbʰyāṃ pūṣṇó hástābʰyāṃ prátigr̥hṇāmi

Line : 7  Pada: f     váruṇas tvā nayatu devi dakṣiṇe 'gnáye híraṇyam \

Line : 8  Pada: g     ténāmr̥tatvám aśīya

Pada: h     váyo dātré bʰūyā́n máyo máhyaṃ pratigrahītré

Line : 9  Pada: i     devásya tvā savitúḥ prasavè 'śvínor bāhúbʰyāṃ pūṣṇó hástābʰyāṃ prátigr̥hṇāmi

Line : 10  Pada: j     váruṇas tvā nayatu devi dakṣiṇe rudrā́ya gā́m \

Pada: k     ténāmr̥tatvám aśīya

Line : 11  Pada: l     váyo dātré bʰūyā́nmáyo máhyaṃ pratigrahītré //

Pada: m     devásya tvā savitúḥ prasavè 'śvínor bāhúbʰyāṃ pūṣṇó hástābʰyāṃ prátigr̥hṇāmi

Line : 12  Pada: n     gnā́s tvākr̥ntan \

Pada: o     apáso 'tanvata

Line : 13  Pada: p     várutrīr avayan

Pada: q     váruṇas tvā nayatu devi dakṣiṇe bŕ̥haspátaye vā́sas

Pada: r     ténāmr̥tatvám aśīya

Line : 14  Pada: s     váyo dātré bʰūyā́n máyo máhyaṃ pratigrahītré

Pada: t     devásya tvā savitúḥ prasavè 'śvínor bāhubʰyāṃ pūṣṇó hástābʰyāṃ prátigr̥hṇāmi

Line : 15  Pada: u     váruṇas tvā nayatu devi dakṣiṇa uttānā́yāṅgirasā́yā́prāṇat

Line : 16  Pada: v     ténāmr̥tatvám aśīya

Pada: w     váyo dātré bʰūyā́n máyo máhyaṃ pratigrahītré

Line : 17  Pada: x     devásya tvā savitúḥ prasavè 'śvínor bāhúbʰyāṃ pūṣṇó hástābʰyāṃ prátigr̥hṇāmi

Line : 18  Pada: y     váruṇas tvā nayatu devi dakṣiṇe prajā́pataye púruṣam \

Line : 19  Pada: z     ténāmr̥tatvám aśīya

Pada: aa     váyo dātré bʰūyā́n máyo máhyaṃ pratigrahītré

Line : 20  Pada: ab     ká idáṃ kásmā adāt

Pada: ac     kā́maḥ kā́māya

Pada: ad     kā́mo dātā́

Pada: ae     kā́maḥ pratigrahītā́

Line : 21  Pada: af     kā́mas samudrám ā́viśat

Pada: ag     kā́mena tvā prátigr̥hṇāmi

Pada: ah     kā́maitát te

Pada: ai     mahāhavir hotā

Page: 112  
Line : 1  Pada: aj     satyahavir adʰvaryur

Pada: ak     acittapājā agnit \

Pada: al     acittamanā upavaktā \

Pada: am     anādʰr̥ṣyaś cāpratidʰr̥ṣyaś cābʰigarau \

Line : 2  Pada: an     ayāsya udgātā

Pada: ao     vācaspate vidʰe nāman

Pada: ap     vidʰema te nāma

Line : 3  Pada: aq     vidʰes tvam asmākaṃ nāma

Pada: ar     mā devānāṃ tantuś cʰedi mā manuṣyāṇām //


Anuvaka: 10  
Line : 4  Pada: a     agnir yajurbʰis

Pada: b     savitā stomais \

Pada: c     indra uktʰāmadais \

Pada: d     br̥haspatiś cʰandobʰis \

Pada: e     viṣṇur dīkṣātapobʰyām

Line : 5  Pada: f     aditis sadohavirdʰānābʰyām

Pada: g     ādityā ājyais \

Pada: h     mitrāvaruṇau dʰiṣṇyebʰir agnibʰis \

Line : 6  Pada: i     maruto 'paś ca barhiś ca

Pada: j     tvaṣṭā samidʰā \

Pada: k     aśvinā āśirā

Line : 7  Pada: l     pūṣā svagākāraiḥ

Pada: m     pr̥tʰivy agnes \

Pada: n     vāg vātasya

Pada: o     senendrasya

Pada: p     dʰenā br̥haspateḥ

Line : 8  Pada: q     patʰyā pūṣṇas \

Pada: r     gāyatrī vasūnām \

Pada: s     triṣṭub rudrāṇām \

Pada: t     jagaty ādityānām

Pada: u     anuṣṭum mitrasya

Line : 9  Pada: v     virāḍ varuṇasya

Pada: w     paṅktir viṣṇos \

Pada: x     dīkṣā somasya //


Anuvaka: 11  
Line : 10  Pada: a     prajāpatir akāmayata syāt prajāyeyeti *
      FN Mittwede, Textkritische Bemerkungen, p. 69: bahuḥ syāṃ prajāyeyeti

Pada: b     sa daśadʰātmānaṃ vyadʰatta

Pada: c     tasya cittis srug āsīc cittam ājyaṃ vāg vedir ādʰītaṃ barhiḥ keto agnir vijñātam agnid vācaspatir hotā mana upavaktā prāṇo havis sāmādʰvaryus

Line : 12  Pada: d     sa daśadʰātmānaṃ vidʰāya mitʰunaṃ kr̥tvā sa āyatanam aiccʰat

Line : 13  Pada: e     sa trivr̥tam evāyatanam acāyat prāṇān \


Line : 14  Pada: f     tataḥ prajā asr̥jata

Pada: g     tata ūrdʰvo 'nya udatr̥ṇat pañcadaśo 'vāṅ anyo 'vātr̥ṇat pañcadaśas \

Line : 15  Pada: h     ya ūrdʰva udatr̥ṇat sa pūrvapakṣas

Pada: i     tena devān asr̥jata

Line : 16  Pada: j     tam ūrdʰvam āpyāyamānaṃ devā ūrdʰvā anvāpyāyanta

Pada: k     yo 'vāṅ avātr̥ṇat so 'parapakṣas

Line : 17  Pada: l     tenāsurān asr̥jata

Pada: m     tam apadʰvam̐samānam asurā avāñco 'nuprādʰvam̐santa

Line : 18  Pada: n     dakṣiṇam̐ hastam anu devān asr̥jata

Pada: o     te vīryāvanto 'bʰavan

Pada: p     savyam̐ hastam anv asurān \

Line : 19  Pada: q     te mr̥ddʰā abʰavan \

Pada: r     tasmād dakṣiṇo 'rdʰa ātmano vīryāvattaras

Line : 20  Pada: s     satyena devān asr̥jata te satyam abʰavan \

Pada: t     anr̥tenāsurām̐s te 'nr̥tam abʰavan \

Pada: u     ahnā devān asr̥jata te śuklaṃ varṇam apuṣyan

Page: 113  
Line : 1  Pada: v     rātryāsurām̐s te kr̥ṣṇā abʰavan


Pada: w     sa vai tad evaiccʰad yasmin hoṣyāmīti

Line : 2  Pada: x     sa indram eva vīryam antarātmann apaśyat

Pada: y     sarvam anyaj jātam āsīt

Line : 3  Pada: z     sa indraṃ gaccʰa svāhety apānīt \

Pada: aa     vīryaṃ vai prāṇo vīryam indras \

Pada: ab     vīrya eva vīryam ādadʰāt


Line : 4  Pada: ac     te caturhotrā somagr̥hapatayo nyasīdann indraṃ janayāmeti

Line : 5  Pada: ad     teṣāṃ pr̥tʰivī hotāsīd dyaur adʰvaryus tvaṣṭāgnin mitra upavaktā

Pada: ae     ta etau grahā agr̥hṇata

Line : 6  Pada: af     ta āyatanam aiccʰan \

Pada: ag     ta ekavim̐śam evāyatanam acāyan \

Pada: ah     ta indram ajanayan \


Line : 7  Pada: ai     te pañcahotrā varuṇagr̥hapatayo nyasīdan svar ayāmeti

Pada: aj     teṣām agnir hotāsīd aśvinādʰvaryū yad aśvinā tena pañcahotrā rudro 'gnid br̥haspatir upavaktā

Line : 9  Pada: ak     ta etau grahā agr̥hṇata

Pada: al     ta āyatanam aiccʰan \

Pada: am     te triṇavam evāyatanam acāyan \

Line : 10  Pada: an     te svar āyan \

Pada: ao     tam̐ setuṃ kr̥tvā tat paśavo 'sr̥jyanta

Pada: ap     tān devatābʰyo 'nayan yamāyāśvam agnaye hiraṇyaṃ rudrāya gāṃ br̥haspataye vāsa uttānāyāṅgirasāyāprāṇat prajāpataye puruṣam //


Anuvaka: 12  
Line : 13  Pada: a     tásya yamásyā́śvaṃ pratijagr̥húṣo 'rdʰám indriyásyā́pākrāmat

Pada: b     sá eténa prátyagr̥hṇāt

Line : 14  Pada: c     sò 'rdʰám indriyásyópādʰatta

Pada: d     yá etád vidvā́n áśvaṃ pratigr̥hṇā́ty ardʰám indriyásyópadʰatte

Line : 15  Pada: e     yá etád ávidvān pratigr̥hṇā́ty ardʰám asyendriyásyā́pakrāmati


Line : 16  Pada: f     tásyāgnér híraṇyaṃ pratijagr̥húṣas tŕ̥tīyam indriyásyā́pākrāmat

Pada: g     sá eténa prátyagr̥hṇāt

Line : 17  Pada: h     sá tŕ̥tīyam indriyásyópādʰatta

Pada: i     yá etád vidvā́n híraṇyaṃ pratigr̥hṇā́ti tŕ̥tīyam indriyásyópadʰatte

Line : 18  Pada: j     yá etád ávidvān pratigr̥hṇā́ti tŕ̥tīyam asyendriyásyā́pakrāmati


Line : 19  Pada: k     tásya rudrásya gā́ṃ pratijagr̥húṣaś caturtʰám indriyásyā́pākrāmat

Line : 20  Pada: l     sá eténa prátyagr̥hṇāt

Pada: m     sá caturtʰám indriyásyópādʰatta

Pada: n     yá etád vidvā́n gā́ṃ pratigr̥hṇā́ti caturtʰám indriyásyópadʰatte

Page: 114  
Line : 1  Pada: o     yá etád ávidvān pratigr̥hṇā́ti caturtʰám asyendriyásyā́pakrāmati //


Line : 2  Pada: p     tásya bŕ̥haspáter vā́saḥ pratijagr̥húṣaḥ pañcamám indriyásyā́pākrāmat

Line : 3  Pada: q     sá eténa prátyagr̥hṇāt

Pada: r     sá pañcamám indriyásyópādʰatta

Line : 4  Pada: s     yá etád vidvā́n vā́saḥ pratigr̥hṇā́ti pañcamám indriyásyópadʰatte

Line : 5  Pada: t     yá etád ávidvān pratigr̥hṇā́ti pañcamám asyéndriyásyā́pakrāmati


Pada: u     tásyottānásyāṅgirasásyā́prāṇat pratijagr̥húṣaḥ ṣaṣṭʰám indriyásyā́pākrāmat

Line : 6  Pada: v     sá eténa prátyagr̥hṇāt

Line : 7  Pada: w     sá ṣaṣṭʰám indriyásyópādʰatta

Pada: x     yá etád vidvā́n áprāṇat pratigr̥hṇā́ti ṣaṣṭʰám indriyásyópadʰatte

Line : 8  Pada: y     yá etád ávidvān pratigr̥hṇā́ti ṣaṣṭʰám asyendriyásyā́pakrāmati


Line : 9  Pada: z     tásya prajā́pateḥ púruṣaṃ pratijagr̥húṣas saptamám indriyásyā́pākrāmat

Line : 10  Pada: aa     sá eténa prátyagr̥hṇāt

Pada: ab     sá saptamám indriyásyópādʰatta

Pada: ac     yá etád vidvā́n púruṣaṃ pratigr̥hṇā́ti saptamám indriyásyópadʰatte

Line : 11  Pada: ad     yá etád ávidvān pratigr̥hṇā́ti saptamám asyendriyásyā́pakrāmati //


Line : 12  Pada: ae     ká idáṃ kásmā adāt kā́maḥ kā́māyéti

Line : 13  Pada: af     kāmó hí dātā́ kā́maḥ pratigrahītā́


Pada: ag     kā́mas samudrám ā́viśad íti

Line : 14  Pada: ah     samudrá iva hí kā́mó 'parimitaḥ


Pada: ai     kā́mena tvā prátigr̥hṇāmi kā́maitát ta íti

Line : 15  Pada: aj     kā́menaivá pratigr̥hṇā́ti

Pada: ak     kā́me prátiṣṭʰāpayati


Pada: al     ná ha vaí tásminn amúṣmiṃl loké dákṣiṇām iccʰanti

Line : 16  Pada: am     yá eváṃ vidvā́n dákṣiṇāṃ pratigr̥hṇā́ti yás táṃ deváṃ véda yó 'gre dákṣiṇā ánayat prá tā́vad āpnoti yā́vad dákṣiṇānāṃ netrám \

Line : 18  Pada: an     yá u tā́n véda yébʰyas sá tád ánayad dakṣiṇī́yo bʰavati


Line : 19  Pada: ao     yás táṃ pratigraháṃ véda yéna té pratyágr̥hṇan vásīyān bʰavati pratigŕ̥hya

Pada: ap     vásīyām̐so hí té pratigŕ̥hyā́bʰavan \


Line : 20  Pada: aq     té devā́s svàr itvā́ vyàtr̥ṣyan \

Pada: ar     tè 'vidur amútaḥpradānād vā́ ihā́jagāméti //

Page: 115  
Line : 1  Pada: as     tá ŕ̥ṣīn abruvann áto no yūyáṃ práyaccʰatéti

Pada: at     saptáhotr̥̄n kénāyátanenéti \

Line : 2  Pada: au     átraivá vetsyatʰéti

Pada: av     té saptáhotrāryamágr̥hapatayo nyàsīdan sáṃtanavāméti

Line : 3  Pada: aw     téṣāṃ mahā́havir hótā́sīt satyáhavir adʰvaryúr ácittapājā agníd ácittamanā upavaktā́nādʰr̥ṣyáś cāpratidʰr̥ṣyáś cābʰigarā́ ayā́sya udgātā́

Line : 5  Pada: ax     tá etáṃ gráham agr̥hṇata

Pada: ay     tá āyátanam aíccʰan \

Pada: az     té trayastrim̐śám evā́yátanam acāyan \

Line : 6  Pada: ba     ténedám̐ sámatanvan \

Pada: bb     trayastrim̐śéna ca ha vā́ idám̐ saptáhotrā ca sáṃtataṃ yád idáṃ devamanuṣyā́ anyò 'nyásmai pradádati

Line : 7  Pada: bc     sáṃtatam asmā áviccʰinnaṃ prádīyate yá eváṃ véda //


Anuvaka: 13  
Line : 9  Pada: a     prajāpatir daśahotā

Pada: b     darśapūrṇamāsau caturhotā

Pada: c     cāturmāsyāni pañcahotā

Line : 10  Pada: d     saumyo 'dʰvaras saptahotā \

Pada: e     agnihotraṃ daśahotā

Pada: f     darśapūrṇamāsau caturhotā

Line : 11  Pada: g     paśuyajñaṣ ṣaḍḍʰotā

Pada: h     saumyo 'dʰvaras saptahotā

Pada: i     prāṇo daśahotā

Pada: j     cakṣuś caturhotā

Line : 12  Pada: k     śrotraṃ pañcahotā

Pada: l     vāk cātmā ca saptahotā \

Pada: m     āyuṣe kam agnihotram̐ hūyate sarvam āyur eti ya evaṃ veda

Line : 13  Pada: n     cakṣuṣe kaṃ pūrṇamā ijyate na cakṣuṣo gr̥haye * ya evaṃ veda
      FN Mittwede, Textkritische Bemerkungen, p. 69

Line : 14  Pada: o     śrotrāya kam amāvasyejyate na śrotrasya gr̥haye ya evaṃ veda //

Line : 15  Pada: p     vāce cātmane ca kaṃ saumyo 'dʰvara ijyate na vāco nātmano gr̥haye ya evaṃ veda


Line : 16  Pada: q     prajāpatir daśahotā \

Pada: r     ekas san bʰūyiṣṭʰabʰāg vyāhr̥tīnām utaikas san bahur bʰavati ya evaṃ veda


Line : 17  Pada: s     tejase kaṃ pūrṇamā ijyate \

Pada: t     āgneyo vai brāhmaṇas \

Pada: u     gāyatro 'gnir gāyatraccʰandās

Line : 18  Pada: v     sve eva devate saprastʰe akar

Pada: w     nāsyānyo yogakṣemasyeśe ya evaṃ veda \


Line : 19  Pada: x     āyuṣe kam amāvasyejyate

Pada: y     sarvam āyur eti ya evaṃ veda


Pada: z     svargāya kam̐ saumyo 'dʰvara ijyate

Line : 20  Pada: aa     svargam eva tenaiti //


Anuvaka: 14  
Line : 21  Pada: a     yaḥ prajayā paśubʰir naiva * prabʰaved varāsīṃ paridʰāya taptaṃ piban dvādaśa rātrīr adʰaś śayīta
      FN emended. Ed.: eva. Mittwede, Textkritische Bemerkungen, p. 69

Page: 116  
Line : 1  Pada: b     dvādaśyāḥ prātaḥ prāṅ uddrutya daśahotāraṃ vyācakṣīta \

Pada: c     amitʰuno hi vā eṣo 'tʰa na prabʰavati

Line : 2  Pada: d     prajāpatir daśahotā

Pada: e     daśadʰaivātmānaṃ vidʰāya mitʰunaṃ kr̥tvā pra prajayā pra paśubʰir jāyate


Line : 3  Pada: f     caturhotrā yājayet putrakāmam \

Line : 4  Pada: g     caturhotrā vai devā indram ajanayan \

Pada: h     indriyaṃ putraḥ

Pada: i     putram evāsmai janayati

Line : 5  Pada: j     na tv enam aparo 'nujāyate

Pada: k     sarveṇa hīndriyeṇa sarveṇa vīryeṇa jāyate


Line : 6  Pada: l     varo dakṣiṇā

Pada: m     varo hi putras \


Pada: n     caturhotrā yājayed rājānam̐ saṃgrāme saṃyatte

Line : 7  Pada: o     caturhotrā vai devā indram ajanayan

Pada: p     yatareṣām indro bʰavati te saṃgrāmaṃ jayanti \

Line : 8  Pada: q     indram evāsmai janayati

Pada: r     jayati saṃgrāmam \


Pada: s     yat tatra vindate * tato dakṣiṇā
      FN Mittwede, Textkritische Bemerkungen, p. 70: vindeta

Line : 9  Pada: t     samr̥ddʰyai


Pada: u     pañcahotrā yājayet paśukāmam \

Pada: v     pañcahotrā vai devāḥ paśūn asr̥janta

Line : 10  Pada: w     sarvān evāsmai paśūñ janayati


Pada: x     tasyaitāś catasro dakṣiṇā aśvo hiraṇyaṃ gaur vāsas


Line : 11  Pada: y     saptahotrā yājayed yo yajñasya sam̐stʰām anu pāpīyān syāt \

Pada: z     vi vā eṣa ccʰinatti yo yajñasya sam̐stʰām anu pāpīyān bʰavati

Line : 12  Pada: aa     parāṅ eva saṃkrāmati

Line : 13  Pada: ab     saptahotrā vai devās svar āyan

Pada: ac     saptahotredam̐ samatanvan

Pada: ad     sam eva tanoti

Pada: ae     na tataḥ pāpīyān bʰavati yādr̥ṅ san * yajate
      FN Corrigenda. cf. MS.1.9.6:138.9, KpS.45.6:329.22. Mittwede, Textkritische Bemerkungen, p. 70


Line : 14  Pada: af     yaś * caturhotr̥̄n anusavanaṃ tarpayitavyān veda tr̥pyati prajayā paśubʰir upainam̐ somapītʰo namati //
      FN emended. Ed.: yac. Mittwede, Textkritische Bemerkungen, p. 70


Line : 15  Pada: ag     daśahotāraṃ vyākʰyāya bahiṣpavamānenodgāyet

Line : 16  Pada: ah     prajāpatir daśahotā

Pada: ai     praiva janayati


Pada: aj     caturhotāraṃ vyākʰyāyājyair udgāyet \

Line : 17  Pada: ak     caturhotrā vai devā indram ajanayan \

Pada: al     indram evāsmai janayati

Line : 18  Pada: am     sendraṃ tat savanaṃ karoti


Pada: an     pañcahotāraṃ vyākʰyāya mādʰyaṃdinena pavamānenodgāyet

Line : 19  Pada: ao     pañcahotrā vai devā asurān prāṇudanta

Pada: ap     pañcahotrā paśūn asr̥janta

Line : 20  Pada: aq     bʰrātr̥vyam eva parāṇudya paśūn sr̥jate


Pada: ar     saptahotāraṃ vyākʰyāyārbʰaveṇa pavamānenodgāyet

Line : 21  Pada: as     saptahotrā vai devās svar āyan

Pada: at     saptahotredam̐ samatanvan

Pada: au     sam eva tanoti //


Line : 22  Pada: av     daśahotāram̐ sāmidʰenīṣv anūcyamānāsu vyācakṣīta

Pada: aw     prajāpatir daśahotā

Line : 23  Pada: ax     praiva janayati


Pada: ay     caturhotāraṃ prayājānāṃ purastād vyācakṣīta

Pada: az     caturhotrā vai devā indram ajanayan \

Page: 117  
Line : 1  Pada: ba     indram evāsmai janayati

Pada: bb     sendraṃ yajñaṃ karoti


Pada: bc     pañcahotāram̐ haviṣām avadīyamāne vyācakṣīta

Line : 2  Pada: bd     pañcahotrā vai devā asurān prāṇudanta

Line : 3  Pada: be     pañcahotrā paśūn asr̥janta

Pada: bf     bʰrātr̥vyam eva parāṇudya paśūn sr̥jate


Pada: bg     saptahotāram anuyājānām upariṣṭād vyācakṣīta

Line : 4  Pada: bh     saptahotrā vai devās svar āyan

Pada: bi     saptahotredam̐ samatanvan

Line : 5  Pada: bj     sam eva tanoti


Pada: bk     caturhotrā pūrṇamāse havīm̐ṣy āsannāny abʰimr̥śet \

Pada: bl     caturhotrā vai devā indram ajanayan

Line : 6  Pada: bm     prajananaṃ pūrṇamāḥ

Pada: bn     praiva janayati


Pada: bo     pañcahotrāmāvasyāyām̐ havīm̐ṣy āsannāṇy abʰimr̥śet

Line : 7  Pada: bp     pañcahotrā vai devās svar āyan

Pada: bq     svargyāmāvasyā

Line : 8  Pada: br     svargasyaivaiṣa lokasya parigrahaḥ //


Anuvaka: 15  
Line : 9  Pada: a     annaṃ vai caturhotāras \

Pada: b     annavān bʰavati ya evaṃ veda


Pada: c     yad eka eva caturhotety āhuḥ kasmāt sarve caturhotāra ucyanta iti

Line : 10  Pada: d     catvāro vā ete yajñās

Pada: e     teṣāṃ catvāro hotāras

Line : 11  Pada: f     tad eṣāṃ caturhotr̥tvam \


Pada: g     saṃvatsaraṃ caturṇām eko nāśnīyāt

Line : 12  Pada: h     tad eṣāṃ vratam

Pada: i     eṣā vā anāhitāgner iṣṭir yac caturhotāras \

Pada: j     annādyāyaivaitāṃ vidus

Line : 13  Pada: k     tejase vīryāya


Pada: l     sarparājñyā r̥gbʰir daśame 'hann udgātodgāyet \

Pada: m     iyaṃ vai sarparājñī \

Line : 14  Pada: n     annaṃ caturhotāras \

Pada: o     annam evāptvānnam avarunddʰe \


Pada: p     aprayuktā vā ete 'navaruddʰā yac caturhotāras \

Line : 15  Pada: q     yac caturhotr̥̄n hotā vadati

Pada: r     tān eva prayuṅkte

Pada: s     tān avarunddʰe \


Line : 16  Pada: t     etad vai devānām̐ stotram aniruktaṃ yat sarparājñyā r̥cas

Pada: u     tasyai tad uktʰam aniruktaṃ yac caturhotāras \

Line : 17  Pada: v     manasā prastauti manasodgāyati manasā pratiharati

Line : 18  Pada: w     reta evaitad udgātāraḥ prasiñcanti

Pada: x     yac caturhotr̥̄n hotā vadati

Pada: y     reta eva prasiktam̐ hotā prajanayati \


Line : 19  Pada: z     agnyādʰeye vyācakṣīta

Pada: aa     brahmaṇo vā etad udaraṇaṃ yad agnyādʰeyam \

Line : 20  Pada: ab     brahmaṇa etad udaraṇaṃ yac caturhotāras \

Pada: ac     brahmaṇa etad udaraṇaṃ yad asā āditya udeti

Line : 21  Pada: ad     sarvam eva brahma sr̥jate \


Pada: ae     atʰaite saṃbʰārās

Pada: af     saha vai devānāṃ cāsurāṇāṃ ca yajñau pratatā āstām \

Line : 22  Pada: ag     yad eva devā akurvata tad asurā akurvata

Page: 118  
Line : 1  Pada: ah     te devā yajñam ādāya vyakrāman \

Pada: ai     tam upari samabʰaran \

Pada: aj     tenāsurān parābʰāvayan

Pada: ak     yat samabʰaram̐s tat saṃbʰārāṇām̐ saṃbʰāratvam \


Line : 2  Pada: al     samr̥tasoma eteṣāṃ caturbʰiścaturbʰiḥ pracariṣyañ juhuyāt

Line : 3  Pada: am     pūrva eva yajñaṃ pūrvo devatā gr̥hṇāti

Pada: an     sayajño bʰavaty ayajña itaras \


Line : 4  Pada: ao     dīkṣāyāṃ vācayet \

Pada: ap     etāvān vai yajñas \

Pada: aq     yāvān eva yajñas taṃ gr̥hītvā dīkṣate


Pada: ar     dvādaśāhe vācayet \

Line : 5  Pada: as     etāvān vai yajño yāvān dvādaśāhas \

Pada: at     yāvān eva yajño yāvān dvādaśāhas taṃ gr̥hītvā dīkṣate \


Line : 6  Pada: au     atʰaitāḥ patnyas \

Pada: av     dakṣiṇato vai devānām asurā yajñam abʰyajayan \

Line : 7  Pada: aw     teṣām āgnīdʰram anabʰijitam āsīt

Pada: ax     tad devāḥ patnībʰis saṃprāpadyanta

Line : 8  Pada: ay     te 'surā hlīkāḥ patnīḥ prakʰyāya punar āvartanta *
      FN Mittwede, Textkritische Bemerkungen, p. 70: apāvartanta

Pada: az     tān devās tato 'nūttʰāya mādʰyaṃdinena pavamānenābʰyajayan


Line : 9  Pada: ba     yasya patnīr vidvān agnid bʰavati \

Pada: bb     abʰi bʰrātr̥vyasya gr̥hān abʰi paśūn ārohati

Line : 10  Pada: bc     nāsya bʰrātr̥vyo gr̥hān na paśūn abʰyārohati


Line : 11  Pada: bd     yasya patnīr vidvān agnit pātnīvatasya yajati

Pada: be     vidvān patnīṃ tarpayati

Line : 12  Pada: bf     tr̥ptā patnī reto dʰatte

Pada: bg     retasaḥ prajāḥ prajāyante

Pada: bh     prajaniṣṇuḥ prajayā ca paśubʰiś ca bʰavati //


Anuvaka: 16  
Line : 14  Pada: a     prajā́s sr̥ṣṭvā́ sò 'kāmayata yajñám̐ sr̥jeyéti

Pada: b     sá etám̐ saptáhotāram apaśyat

Line : 15  Pada: c     táṃ mánasānūddrútyājuhot

Pada: d     téna yajñám asr̥jata

Pada: e     sò 'smād yajñás sr̥ṣṭáḥ párāṅ ait

Line : 16  Pada: f     táṃ gráheṇānūddrútyāgr̥hṇāt

Pada: g     tád gráhasya grahatvám \

Pada: h     dīkṣiṣyámāṇas saptáhotrā purástāj juhuyāt \

Line : 17  Pada: i     yajñám evá sr̥ṣṭvā́lábʰya prátanute


Pada: j     gráho bʰavati

Pada: k     yajñásya sr̥ṣṭásya dʰŕ̥tyai


Line : 18  Pada: l     yajñám̐ sr̥ṣṭvā́ sò 'kāmayata darśapūrṇamāsaú sr̥jeyéti

Pada: m     sá etáṃ cáturhotāram apaśyat

Line : 19  Pada: n     táṃ mánasānūddrútyājuhot

Pada: o     téna darśapūrṇamāsā́ asr̥jata

Pada: p     tā́ asmād darśapūrṇamāsaú sr̥ṣṭaú párāñcā aitām \

Line : 20  Pada: q     taú gráheṇānūddrútyāgr̥hṇāt

Pada: r     tád gráhasya grahatvám \

Line : 21  Pada: s     darśapūrṇamāsā́ ālapsyámānaś cáturhotrā purástāj juhuyāt \

Pada: t     darśapūrṇamāsā́ evá sr̥ṣṭvā́lábʰya prátanute


Page: 119  
Line : 1  Pada: u     gráho bʰavati

Pada: v     darśapūrṇamāsáyos sr̥ṣṭáyor dʰŕ̥tyai


Line : 2  Pada: w     darśapūrṇamāsaú sr̥ṣṭvā́ sò 'kāmayata cāturmāsyā́ni sr̥jeyéti

Line : 3  Pada: x     sá etáṃ páñcahotāram apaśyat

Pada: y     táṃ mánasānūddrútyājuhot

Pada: z     téna cāturmāsyā́ny asr̥jata

Line : 4  Pada: aa     tā́ny asmāc cāturmāsyā́ni sr̥ṣṭā́ni párāñcy āyan \

Pada: ab     tā́ni gráheṇānūddrútyāgr̥hṇāt

Line : 5  Pada: ac     tád gráhasya grahatvám \

Pada: ad     cāturmāsyā́ny ālapsyámānaḥ páñcahotrā purástāj juhuyāt \

Line : 6  Pada: ae     cāturmāsyā́ny evá sr̥ṣṭvā́lábʰya prátanute


Pada: af     gráho bʰavati

Pada: ag     cāturmāsyā́nām̐ sr̥ṣṭā́nāṃ dʰŕ̥tyai \


Line : 7  Pada: ah     abʰicáran dáśahotrā juhuyāt \

Pada: ai     náva vaí púruṣe prāṇā́ nā́bʰir daśamī́

Line : 8  Pada: aj     prāṇā́n evā́syópadāsayati


Pada: ak     svákr̥ta íriṇe pradaré vā juhuyāt \

Pada: al     etád vā́ asyā́ nírr̥tigr̥hītam \

Line : 9  Pada: am     nírr̥tyaivaínaṃ grāhayati


Pada: an     váṣaṭkaroti \

Pada: ao     etád vaí vācáḥ krūrám \

Line : 10  Pada: ap     vācá evaínaṃ krūréṇa právr̥ścati \


Pada: aq     áṅgirasaś ca vā́ ādityā́ś ca svargé lokè 'spardʰanta

Line : 11  Pada: ar     tá ādityā́ etáṃ páñcahotāram apaśyan \

Pada: as     táṃ mánasānūddrútyājuhavus

Pada: at     táta ādityā́s svargáṃ lokám ā́yan \

Line : 12  Pada: au     ápā́ṅgiraso 'bʰram̐śanta

Pada: av     té 'ṅgirasa ādityā́n abruvan kvà stʰa katʰáṃ vo havyáṃ vakṣyāma íti

Line : 13  Pada: aw     ccʰándassv íty abruvan gāyatryā́ṃ vásavas triṣṭúbʰi rudrā́ jágatyām ādityā́ íti \

Line : 14  Pada: ax     átra vaí devébʰyas sadbʰyó havyám uhyate

Line : 15  Pada: ay     yá eváṃ devā́n upadéśanād védopadéśanavān bʰavati


Pada: az     yás svargákāmas syā́t sá etáṃ páñcahotāraṃ mánasānūddrútya juhuyāt

Line : 16  Pada: ba     páñca vā́ r̥távas \

Pada: bb     r̥távas saṃvatsarás

Line : 17  Pada: bc     saṃvatsarás svargó lokás \

Pada: bd     r̥túṣv evá saṃvatsaré pratiṣṭʰā́ya svargáṃ lokám eti //


Line : 18  Pada: be     yó 'brāhmaṇo * vidyā́m anū́cya néva roceta sá etā́m̐ś cáturhotr̥̄n áraṇyaṃ parétya darbʰastambám * udgrátʰya brāhmaṇáṃ dakṣiṇató niṣā́dya vyā́cakṣīta \
      FN Mittwede, Textkritische Bemerkungen, p. 70: yó brāhmaṇó
      FN emended. Ed.: darbʰastámbam. Mittwede, Textkritische Bemerkungen, p. 70

Line : 20  Pada: bf     etád vaí devā́nāṃ bráhmā́niruktaṃ yác cáturhotāras

Pada: bg     tád enaṃ nirucyámānaṃ prakāśáṃ gamayati


Page: 120  
Line : 1  Pada: bh     darbʰastambám * udgrátʰya vyā́caṣṭe \
      FN emended. Ed.: darbʰastámbam. Mittwede, Textkritische Bemerkungen, p. 70

Pada: bi     agnír vaí darbʰastambás \

Pada: bj     agnimáty evá vyā́caṣṭe


Line : 2  Pada: bk     brāhmaṇó dakṣiṇatá āste

Pada: bl     brāhmaṇó vaí prajā́nām upadraṣṭā́ \

Pada: bm     upadraṣṭr̥máty evá vyā́caṣṭe \


Line : 3  Pada: bn     īśvaráṃ vā́ etā́ ubʰaú yásó 'rtor yó * vyācáṣṭe yáś ca dakṣiṇatá ā́ste
      FN Mittwede, Textkritische Bemerkungen, p. 70: yáś ca

Line : 4  Pada: bo     yó dakṣiṇatá ā́ste tásmai váraṃ dadyāt \

Pada: bp     yád evá tátra yáśa r̥ccʰáti tád váreṇā́varunddʰe //


Anuvaka: 17  
Line : 6  Pada: a     aindrāgnam ekādaśakapālaṃ nirvaped bʰrātr̥vyavān

Pada: b     ojo vai vīryam indrāgnī

Line : 7  Pada: c     ojasaivainaṃ vīryeṇābʰibʰavati \


Pada: d     aindrāgnam ekādaśakapālaṃ nirvapet sajātakāmas \

Line : 8  Pada: e     ojo vai vīryam indrāgnī

Pada: f     ojasaivainān vīryeṇādʰastād upāsyate


Pada: g     na vā eta etaṃ prayāntam akāmā anuprayānti \

Line : 9  Pada: h     ojo vīryam indrāgnī

Pada: i     yad aindrāgnas \

Line : 10  Pada: j     oja evaiṣāṃ vīryaṃ saṃgr̥hma prayāti taṃ prayāntam akāmā anuprayānti \


Pada: k     aindrāgnam ekādaśakapālaṃ nirvapet prajākāmaḥ

Line : 11  Pada: l     prajāpater vai prajās sisr̥kṣamāṇasya * tasyendrāgnī prajā apāgūhatām \
      FN emended. Ed.: sisr̥kṣamānasya. Mittwede, Textkritische Bemerkungen, p. 70

Line : 12  Pada: m     so 'ved indrāgnī vai me prajā apāgʰukṣatām iti

Line : 13  Pada: n     sa etam aindrāgnam apaśyad ekādaśakapālam \

Pada: o     tato vai tasmai tau prajāḥ punar adattām

Line : 14  Pada: p     indrāgnī etasya prajām apagūhato yo 'laṃ prajāyai san prajāṃ na vindate

Line : 15  Pada: q     tā eva bʰāgadʰeyenopadʰāvati

Pada: r     tā asmai prītau prajāṃ punardattaḥ


Line : 16  Pada: s     punardātr̥matī yājyānuvākye bʰavatas

Pada: t     samr̥ddʰyai \


Pada: u     aindrāgnam ekādaśakapālaṃ nirvapet saṃgrāmam abʰiprayān

Line : 17  Pada: v     ojo vai vīryam indrāgnī

Pada: w     ojasaivainaṃ vīryeṇābʰiprayāti \


Line : 18  Pada: x     aindrāgnam ekādaśakapālaṃ nirvapet saṃgrāmam āgatya \

Pada: y     ojo vai vīryam indrāgnī

Line : 19  Pada: z     ojasaivainaṃ vīryeṇa jayati \


Pada: aa     aindrāgnam ekādaśakapālaṃ nirvapet saṃgrāmaṃ jitvā \

Line : 20  Pada: ab     ojasā vā eṣa vīryeṇa vyr̥dʰyate yas saṃgrāmaṃ jayati

Pada: ac     sarveṇa hīndriyeṇa sarveṇa vīryeṇa jayati \


Line : 21  Pada: ad     ojo vīryam indrāgnī

Pada: ae     yad aindrāgnas \

Pada: af     indrāgnī evainam ojasā vīryeṇa samardʰayatas \


Line : 22  Pada: ag     aindrāgnam ekādaśakapālaṃ nirvapet pauṣṇaṃ carum̐ saniṃ prayan \

Page: 121  
Line : 1  Pada: ah     ojo vai vīryam indrāgnī

Pada: ai     ojasaiva vīryeṇa praiti


Pada: aj     pūṣā vīryasyānupradātā

Line : 2  Pada: ak     yat pauṣṇaḥ

Pada: al     pūṣaivāsmai vīryam anuprayaccʰati \


Pada: am     aindrāgnam ekādaśakapālaṃ nirvapet pauṣṇaṃ caruṃ kṣetrasya pataye caruṃ yaḥ kāmayetāsyāṃ me janatāyām r̥dʰyeteti \


Line : 4  Pada: an     ojo vai vīryam indrāgnī

Pada: ao     yad aindrāgnas \

Pada: ap     indrāgnī evāsmā ojasā vīryeṇa lokaṃ vindataḥ


Line : 5  Pada: aq     pūṣā vīryasyānupradātā

Pada: ar     yat pauṣṇaḥ

Pada: as     pūṣaivāsmai vīryam anuprayaccʰati \


Line : 6  Pada: at     iyaṃ kṣetrasya patnī *
      FN emended. Ed.: patir. Mittwede, Textkritische Bemerkungen, p. 71

Pada: au     yat kṣetrapatyas \

Pada: av     asyām eva pratitiṣṭʰati //


Anuvaka: 18  
Line : 8  Pada: a     káyā śubʰā́ sávayasas sánīḍās samānyā́ marútas sáṃmimikṣuḥ /

Line : 9  Pada: b     káyā matī́ kúta étāsa eté 'rcanti śúṣmaṃ vŕ̥ṣaṇo vasūyā́ //

Line : 10  Pada: c     kásya bráhmāṇi jujuṣur yúvānaḥ kó adʰvaré marúta ā́vavarta /

Line : 11  Pada: d     śyenā́m̐ iva dʰrájato antárikṣe kéna mahā́ mánasā rīramāma //

Line : 12  Pada: e     kútas tvám indra mā́hinas sánn éko yāsi satpate kíṃ ta ittʰā́ /

Line : 13  Pada: f     sáṃpr̥ccʰase samarāṇáś śubʰānaír vocés tán no harivo yát te asmé //

Line : 14  Pada: g     bráhmāṇi me matáyaś śám̐ sutā́saś śuṣma iyarti prábʰr̥to me ádriḥ /

Line : 15  Pada: h     ā́śāsate prátiharyanty uktʰémā́ hárī vahatas tā́ no áccʰa //

Line : 16  Pada: i     áto vayám antamébʰir yujānā́s svákṣatrebʰis tanvàś śúmbʰamānāḥ /

Line : 17  Pada: j     máhobʰir étām̐ úpayujmahe nv índra svadʰā́m ánu hí no babʰū́tʰa //

Line : 18  Pada: k     kvà syā́ vo marutas svadʰā́sīd yán mā́m ékam̐ samádʰattāhihátye /

Line : 19  Pada: l     ahám̐ hy ùgrás taviṣás túviṣmān víśvasya śátror ánamaṃ vadʰasnaíḥ //

Page: 122  
Line : 1  Pada: m     bʰū́ri cakartʰa yújyebʰir asmé samānébʰir vr̥ṣabʰa paúm̐syebʰiḥ /

Line : 2  Pada: n     bʰū́rīṇi hí kr̥ṇávāmā śaviṣṭʰéndra krátvā maruto yád váśāma //

Line : 3  Pada: o     vádʰīṃ vr̥tráṃ maruta indriyéṇa svéna bʰā́mena taviṣó babʰūvā́n /

Line : 4  Pada: p     ahám etā́ mánave viśváścandrās sugā́ apáś cakara vájrabāhuḥ //

Line : 5  Pada: q     ánuttam ā́ te magʰavan nákir nú ná tvā́vām̐ asti devátā vídānaḥ /

Line : 6  Pada: r     ná jā́yamāno náśate ná jātó yā́ni kariṣyā́ kr̥ṇuhí pravr̥ddʰa //

Line : 7  Pada: s     ékasya cin me vibʰv àstv ójo yā́ nú dadʰr̥ṣvā́n kr̥ṇávai manīṣā́ /

Line : 8  Pada: t     ahám̐ hy ùgró maruto vídāno yā́ni cyávam índra íd īśa eṣām //

Line : 9  Pada: u     ámandan mā marutas stómo átra yán me naraś śrútyaṃ bráhma cakrá /

Line : 10  Pada: v     índrāya vŕ̥ṣṇe súmakʰāya máhyam̐ sákʰye sákʰāyas tanvè tanū́bʰiḥ //

Line : 11  Pada: w     evéd eté práti mā rócamānā ánedyaś śráva éṣo dádʰānāḥ /

Line : 12  Pada: x     saṃcákṣyā marutaś candrávarṇā áccʰānta me cʰadáyātʰā ca nūnám //

Line : 13  Pada: y     kó nv átra maruto māmahe vaḥ práyātana sákʰīm̐r áccʰā sakʰāyaḥ /

Line : 14  Pada: z     mánmāni citrā apivātáyanta eṣā́ṃ bʰūta návedā ma r̥tā́nām //

Line : 15  Pada: aa     ā́ yád duvasyā́d duváse ná kārúr asmā́ñ cakré mānyásya medʰā́ /

Line : 16  Pada: ab     ó ṣú vartá maruto vípram áccʰemā́ bráhmāṇi jaritā́ vo arcat //

Line : 17  Pada: ac     eṣá vas stómo maruta iyáṃ gī́r māndāryásya mānyásya kāróḥ /

Line : 18  Pada: ad     éṣā́yāsīṣṭa tanvè vayā́ṃ vidyā́meṣáṃ vr̥jánaṃ jīrádānum //


Anuvaka: 19  
Line : 19  Pada: a     máruto yád dʰa vo divás \

Pada: b     yūyám asmā́n

Pada: c     índraṃ vaḥ //

Page: 123  
Line : 1  Pada: d     ā́ te śúṣmo vr̥ṣabʰá etu paścā́d óttarā́d adʰarā́d ā́ purástāt /

Line : 2  Pada: e     ā́ viśváto abʰí sámetv arvā́ṅ índra dyumnám̐ svàrvad dʰehy asmé //

Line : 3  Pada: f     tvā́ yujā́ táva tát soma sakʰyá índro apó mánave sasrútas kaḥ /

Line : 4  Pada: g     áhann áhim áriṇāt saptá síndʰūm̐r ápāvr̥ṇod ápihiteva kʰā́ni //

Line : 5  Pada: h     r̥dūdáreṇa sákʰyā saceya yó mā ná ríṣyed dʰaryaśva pītáḥ /

Line : 6  Pada: i     ayáṃ yás sómo nyádʰāyy asmé tásmā índraṃ pratíram emy ā́yuḥ //

Line : 7  Pada: j     ágne nákṣatram

Pada: k     ágre * br̥hán \
      FN emended. Ed.: ágne. cf. 16.8:230.3

Pada: l     úd u tyám \

Pada: m     citráṃ devā́nām //

Line : 8  Pada: n     áyukta saptá śundʰyúvas sū́ro rátʰasya naptyàḥ /

Line : 9  Pada: o     tā́bʰir yāti sváyuktibʰiḥ //

Line : 10  Pada: p     saptá tvā haríto rátʰe váhanti deva sūrya /

Line : 11  Pada: q     śocíṣkeśaṃ vicakṣaṇa //

Line : 12  Pada: r     ayáṃ pūṣā́ rayír bʰágas sómaḥ punānó arṣati /

Line : 13  Pada: s     pátir víśvasya bʰū́mano vyàkʰyad ródasī ubʰé //

Line : 14  Pada: t     váyas suparṇā́ úpasedur índraṃ priyámedʰā ŕ̥ṣayo nā́dʰamānāḥ /

Line : 15  Pada: u     ápa dʰvāntám ūrṇuhí pūrdʰí cákṣur mumugdʰy àsmā́n nidʰáyeva baddʰā́n //

Line : 16  Pada: v     yátʰā ha tyád vasavaḥ //

Line : 17  Pada: w     cákṣur me dʰehi cákṣuṣe cákṣur vikʰyaí tanū́bʰyaḥ /

Line : 18  Pada: x     sáṃ cedáṃ ví ca paśyema //

Line : 19  Pada: y     susaṃdŕ̥śaṃ tvā vayáṃ prátipaśyema sūrya /

Line : 20  Pada: z     vípaśyema nr̥cákṣasaḥ //

Line : 21  Pada: aa     ágne trī́ te vā́jinā trī́ ṣadʰástʰā tisrás te jihvā́ r̥tajāta pūrvī́ḥ /

Line : 22  Pada: ab     tisrá u te tanvò devávātās tā́bʰir naḥ pāhi gíro áprayuccʰan //

Page: 124  
Line : 1  Pada: ac     vidmā́ te agne tredʰā́ trayā́ṇi vidmā́ te sádma víbʰr̥taṃ purutrā́ /

Line : 2  Pada: ad     vidmā́ te nā́ma paramáṃ gúhā yád vidmā́ tám útsaṃ yáta ājagántʰa //

Line : 3  Pada: ae     índra tridʰā́tu śaraṇáṃ trivárūtʰam̐ svastimát /

Line : 4  Pada: af     cʰardír yaccʰa magʰávadbʰyaś ca máhyaṃ ca yāváyā didyúm ebʰyaḥ //

Line : 5  Pada: ag     átividdʰā vitʰuréṇā cid ástrā trís saptá sā́nu sám̐hitā girīṇā́m /

Line : 6  Pada: ah     ná tád devó ná mártyas tuturyād yā́ni právr̥ddʰo vr̥ṣabʰáś cakā́ra //

Line : 7  Pada: ai     yás tastámbʰa sáhasā ví jmó ántān bŕ̥haspátis triṣadʰastʰó ráveṇa /

Line : 8  Pada: aj     táṃ pratnā́sa ŕ̥ṣayo dī́dʰyānāḥ puró víprā dadʰire mandrájihvam //

Line : 9  Pada: ak     vibʰídyā púram̐ śayátʰem ápācīṃ nís trī́ṇi sākám udadʰér akr̥ntat /

Line : 10  Pada: al     bŕ̥haspátir uṣásam̐ sū́ryaṃ gā́m arkáṃ viveda stanáyann iva dyaúḥ //


Line : 11  Pada: am     iti śrīyajuṣi kāṭʰake carakaśākʰāyām iṭʰimikāyām utsīdanaṃ nāma navamaṃ stʰānakaṃ smāpūrṇam //


Next part


This text is part of the TITUS edition of Black Yajur-Veda: Kathaka-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.