TITUS
Black Yajur-Veda: Kathaka-Samhita
Part No. 8
Previous part

Sthanaka: 8  
Anuvaka: 1  
Line : 12  Pada: a     diśo vai nākalpanta na prājñāyanta *
      FN emended. Ed.: prājāyanta. Raghuvira, KpS, xxv. Mittwede, Textkritische Bemerkungen, p. 61

Pada: b     tata etām agnaye prācīṃ diśam arocayan yat kr̥ttikās \

Line : 13  Pada: c     yat kr̥ttikāsv agnim ādʰatte

Pada: d     prācyām evainaṃ diśy ādʰatte \


Pada: e     eṣa vāvaikaḥ prāṅ avasyati ya āhitāgniḥ

Line : 14  Pada: f     pratyañco 'nye \

Pada: g     āgneyam etan nakṣatraṃ yat kr̥ttikās \

Line : 15  Pada: h     yat kr̥ttikāsv agnim ādʰatte

Pada: i     sva evainaṃ nakṣatra ādʰatte


Pada: j     prajāpater vā etac cʰiro yat kr̥ttikās \

Line : 16  Pada: k     yat kr̥ttikāsv agnim ādʰatte

Pada: l     śīrṣaṇyo mukʰyo bʰavati


Line : 17  Pada: m     sapta vai kr̥ttikās

Pada: n     sapta śīrṣaṇyāḥ prāṇāḥ prāṇā indriyāṇi

Pada: o     prāṇān evendriyāṇy āpnoti


Page: 83  
Line : 1  Pada: p     puṣṭim āvad bʰūyiṣṭʰam ekaṃ nakṣatram \

Pada: q     puṣṭim eva prajāyāḥ paśūnāṃ gaccʰati //


Line : 2  Pada: r     rohiṇyām ādʰeyas \

Pada: s     rohiṇyāṃ vā etaṃ devā ādadʰata

Line : 3  Pada: t     tayā roham arohan \

Pada: u     tad rohiṇyā rohiṇītvam \

Pada: v     rohiṇyāṃ vā etaṃ prajāpatir ādʰatta

Line : 4  Pada: w     tayā roham arohat

Pada: x     tad rohiṇyā rohiṇītvam

Pada: y     eṣa vai manuṣyasya svargo loko yad asmiṃl loke vasīyān bʰavati \

Line : 5  Pada: z     r̥ddʰyā eva rohiṇyām ādʰeyaḥ


Pada: aa     kālakāñjā vai nāmāsurā āsan \

Line : 6  Pada: ab     ta iṣṭakā acinvata

Pada: ac     tad indra iṣṭakām apy upādʰatta

Line : 7  Pada: ad     teṣāṃ mitʰunau divam ākrametām \

Pada: ae     tatas tām āvr̥hat

Pada: af     te 'vākīryanta

Pada: ag     tā etau divyau śvānau

Line : 8  Pada: ah     yo vyavr̥hyata so 'yam ūrṇavābʰis * svair āntrais saṃtitam̐sati * \
      FN Mittwede, Textkritische Bemerkungen, p. 62
      FN Mittwede, Textkritische Bemerkungen, p. 62


Line : 9  Pada: ai     ojo vāvaiṣāṃ tad vīryam ādʰatta \

Pada: aj     ojo vīryaṃ bʰrātr̥vyasyādʰatte yac citrāyām agnim ādʰatte

Line : 10  Pada: ak     tad etad aindraṃ nakṣatram abʰibʰūtimat


Pada: al     pūrvāsu pʰalgunīṣv ādadʰīta yaḥ kāmayeta bʰagī syām iti

Line : 11  Pada: am     bʰagasya vā etan nakṣatram \

Pada: an     bʰagī bʰavati \


Pada: ao     uttarāsv ādadʰīta yaḥ kāmayeta dānakāmā me prajās syur iti \

Line : 12  Pada: ap     aryamṇo vā etan nakṣatram

Line : 13  Pada: aq     eṣo 'ryamā yo dadāti

Pada: ar     dānam imāḥ prajā upajīvanti

Pada: as     dānakāmā asmai bʰavanti


Line : 14  Pada: at     rājanyasyādadʰyāt

Pada: au     sa hi dānam upajīvati


Pada: av     vasantā brāhmaṇenādʰeyas \

Line : 15  Pada: aw     vasanto vai brāhmaṇasyartus

Pada: ax     sva evainam r̥tā ādʰatte

Pada: ay     tejo brahmavarcasam upādʰatte


Line : 16  Pada: az     grīṣme rājanyenādʰeyas \

Pada: ba     grīṣmo vai rājanyasyartus

Pada: bb     sva evainam r̥tā ādʰatte \

Line : 17  Pada: bc     ojo vīryam upādʰatte


Pada: bd     śaradi vaiśyenādʰeyas \

Pada: be     śarad vai vaiśyasyartus

Line : 18  Pada: bf     sva evainam r̥tā ādʰatte \

Pada: bg     ūrjaṃ paśūn upādʰatte //


Pada: bh     somena yajā iti vā agnim ādʰatte

Line : 19  Pada: bi     yasminn eva kasmim̐ś cartā ādadʰīta somena yakṣyamāṇas \

Pada: bj     etad dʰy avardʰayat *
      FN Mittwede, Textkritische Bemerkungen, p. 62


Line : 20  Pada: bk     somena yajate


Pada: bl     pʰalgunīpūrṇamāsa ādʰeyas \

Pada: bm     etad vā r̥tūnāṃ mukʰam

Line : 21  Pada: bn     r̥tumukʰa evainam ādʰatte


Pada: bo     śiśira ādʰeyas \

Pada: bp     śiśiraṃ vā agner janma

Pada: bq     prajātam evainam ādʰatte


Page: 84  
Line : 1  Pada: br     sarvāsu dikṣv r̥dʰnavānīti vā agnim ādʰatte

Pada: bs     sarvāsu dikṣv agniś śiśire

Line : 2  Pada: bt     sarvāsv eva dikṣv r̥dʰnoti yaś śiśire 'gnim ādʰatte


Pada: bu     pūrṇamāse vāmāvasyāyāṃ vādadʰīta \

Line : 3  Pada: bv     etad vai puṇyāham \

Pada: bw     puṇyāha evainam ādʰatte


Pada: bx     tasmād iṣṭyā vāgrāyaṇena vā paśunā vā somena vā pūrṇamāse vāmāvasyāyāṃ vā yajeta \

Line : 5  Pada: by     eṣa vai yajñas \

Pada: bz     yajñam evaitat prati yajñam ālabʰate //


Anuvaka: 2  
Line : 6  Pada: a     yad vā ime vyaitāṃ yad amuṣyā yajñiyam * āsīt tad imām abʰyàsr̥jyatoṣās \
      FN Mittwede, Textkritische Bemerkungen, p. 62

Pada: b     yad ūṣā bʰavanti \

Line : 7  Pada: c     anayor evainaṃ yajñiya ādʰatte


Pada: d     prājāpatyā vā ūṣās \

Pada: e     śvaśśvo bʰūyām̐so bʰavanti

Line : 8  Pada: f     prajananāyaivaite


Pada: g     paśūnāṃ vā etat priyaṃ dʰāma yad ūṣās \

Pada: h     yad ūṣā bʰavanti

Line : 9  Pada: i     paśūnām eva priyaṃ dʰāmopāpnoti \


Pada: j     aleled vā iyaṃ pr̥tʰivī

Pada: k     sābibʰet \

Pada: l     agnir mātidʰakṣyatīti \

Line : 10  Pada: m     abibʰed agnir

Pada: n     haro me vineṣyatīti * \
      FN Mittwede, Textkritische Bemerkungen, p. 62

Pada: o     ārdreva hīyam āsīt

Pada: p     tāṃ devāś śarkarābʰir adr̥m̐ham̐s tejo 'gnā adadʰur

Line : 11  Pada: q     yac cʰarkarā bʰavanti \

Pada: r     imām eva dr̥m̐hati

Line : 12  Pada: s     tejo 'gnau dadʰāti \


Pada: t     abʰimr̥tā vā iyaṃ vr̥treṇa

Pada: u     vamriyas tvai tad vidur yatrāsyā jīvaṃ yajñiyam \

Line : 13  Pada: v     yad valmīkavapā bʰavati * \
      FN emended. Ed.: bʰavanti. Raghuvira, KpS, xxv. Mittwede, Textkritische Bemerkungen, p. 62

Pada: w     asyā evainaṃ jīve yajñiya ādʰatte \


Line : 14  Pada: x     ā́po vā́ idám āsan

Pada: y     salilám evá sá prajā́patir varāhó bʰūtvópanyàmajjat

Line : 15  Pada: z     tásya yā́van múkʰam ā́sīt tā́vatīṃ mŕ̥dam * údaharat
      FN Mittwede, Textkritische Bemerkungen, p. 63

Pada: aa     séyám abʰavat \

Pada: ab     yád varāhávihataṃ bʰávati \

Line : 16  Pada: ac     asyā́m evaínaṃ pratyákṣam ā́dʰatte


Pada: ad     varāhó vā́ asyā́m ánnaṃ paśyati

Pada: ae     tásmā iyáṃ víjihīte

Line : 17  Pada: af     yád varāhávihataṃ bʰávati

Pada: ag     tád evā́nnam ávarunddʰe


Pada: ah     yát tád ā́datta tád áditis \

Line : 18  Pada: ai     yád ápratʰata tát pr̥tʰivī́

Pada: aj     yád ábʰavat tád bʰū́mis \

Pada: ak     yád varāhávihataṃ bʰávati

Pada: al     prátʰata evá prajáyā paśúbʰis \


Line : 19  Pada: am     nā́nā vaí paśūnā́m ánnāny anyád gór ánnam anyád áśvasyānyád ávyā anyád ajā́yā anyát púruṣasyā́pó 'nnam \

Line : 20  Pada: an     yád apá upasr̥játi

Pada: ao     yā́vad evā́nnaṃ tád ávarunddʰe


Line : 21  Pada: ap     páñcaité saṃbʰārā́ḥ

Pada: aq     páñca vaí púruṣe vīryā̀ṇi

Pada: ar     karóty anáyā vīryàṃ karóty anáyā karóty anéna

Page: 85  
Line : 1  Pada: as     yā́vad evá vīryàṃ tád āpnoti tát spr̥ṇoti


Pada: at     páñcaité saṃbʰārā́ḥ

Line : 2  Pada: au     pā́ṅkto yajñás \

Pada: av     yajñám evā́varunddʰe //


Pada: aw     ná vā́ r̥tá ūrjó 'nnaṃ dʰinoti \

Pada: ax     ū́rg udumbáras \

Line : 3  Pada: ay     yád aúdumbarāṇi bʰávanti \

Pada: az     ánna evórjaṃ dadʰāti


Pada: ba     śamīmáyāni bʰavanti

Pada: bb     mitʰunatvā́ya \


Line : 4  Pada: bc     agníṃ vaí sr̥ṣṭáṃ prajā́patis tám̐ śamyā́gre sámainddʰa

Pada: bd     yác cʰamīmáyāni bʰávanti

Line : 5  Pada: be     sváyaivaínam̐ samídʰā sáminddʰe \


Pada: bf     áśvo vaí bʰūtvā́gnír devébʰyó 'pākrāmat

Pada: bg     sá yátrā́tiṣṭʰat tád aśvattʰás sámabʰavat

Line : 6  Pada: bh     tád aśvattʰásyāśvattʰatvám \

Pada: bi     yád ā́śvattʰāni bʰávanti

Line : 7  Pada: bj     yád evā́sya tátra nyàktaṃ tát taís sáṃbʰarati \


Pada: bk     agnír vaí manuṣyaìr devébʰyó 'pākrāmat

Pada: bl     táṃ devā́ amanyantāyáṃ vā́védáṃ bʰaviṣyatī́ti

Line : 8  Pada: bm     tásya marútas stanayitnúnā hŕ̥dayam ā́ccʰindan

Line : 9  Pada: bn     sā́ divyā́śánir abʰavat \

Pada: bo     yád vr̥kṣásyāśánihatasya bʰávati *
      FN Raghuvira, KpS, xxv: bʰavanti. Mittwede, Textkritische Bemerkungen, p. 63

Pada: bp     yád evā́sya tátra nyàktaṃ tát taís sáṃbʰarati


Line : 10  Pada: bq     parṇamáyāni pañcatʰā́ni bʰavanti

Pada: br     pāṅkta tvā́ya //


Anuvaka: 3  
Line : 12  Pada: a     aṣṭāsu prakrameṣu brāhmaṇenādʰeyas \

Pada: b     aṣṭākṣarā gāyatrī

Pada: c     gāyatraccʰandā brāhmaṇas

Line : 13  Pada: d     svasyaivainaṃ cʰandasaḥ prātyenasya ādʰatte

Pada: e     yatʰā pitā putraṃ jinvaty evam evainam̐ svaṃ cʰando jinvati \


Line : 14  Pada: f     ekādaśasu prakrameṣu rājanyenādʰeyas \

Pada: g     ekādaśākṣarā triṣṭup

Line : 15  Pada: h     triṣṭupcʰandā rājanyas

Pada: i     svasyaivainaṃ cʰandasaḥ prātyenasya ādʰatte

Line : 16  Pada: j     yatʰā pitā putraṃ jinvaty evam enam̐ svaṃ cʰando jinvati


Pada: k     dvādaśasu prakrameṣu vaiśyenādʰeyas \

Line : 17  Pada: l     dvādaśākṣarā jagatī

Pada: m     jagaccʰandā vaiśyas

Pada: n     svasyaivainaṃ cʰandasaḥ prātyenasya ādʰatte

Line : 18  Pada: o     yatʰā pitā putraṃ jinvaty evam enam̐ svaṃ cʰando jinvati \


Line : 19  Pada: p     aparimitam avaruṇadʰā iti vā agnim ādʰatte

Pada: q     aparimita ādʰeyas \

Line : 20  Pada: r     aparimitasyāvaruddʰyai


Pada: s     yāvati cakṣuṣā manyeta tāvaty ādadʰīta

Page: 86  
Line : 1  Pada: t     satyaṃ vai cakṣus

Pada: u     satya evainam ādʰatte


Pada: v     pūrvāhna ādʰeyas \

Pada: w     etad vai puṇyāham \

Pada: x     puṇyāha evainam ādʰatte


Line : 2  Pada: y     vyuṣṭāyāṃ purā sūryasyodetor ādʰeyas \

Pada: z     etasmin vai loke prajāpatiḥ prajā asr̥jata

Line : 3  Pada: aa     tāḥ prājāyanta

Pada: ab     prajananāyaivam ādʰeyas \


Pada: ac     āgneyī vai rātry aindram ahar

Line : 4  Pada: ad     yad udite sūrya ādadʰītāgneyād varṇād iyāt \

Pada: ae     yad anudita aindrāt \

Pada: af     anudite 'para ādʰeya udite pūrvas \

Line : 5  Pada: ag     ubʰā evaindrāgnyor varṇā āpnoti \


Pada: ah     asuryā vai rātrī varṇena śukriyam ahar \

Line : 6  Pada: ai     śukriya ādʰatte ya udite sūrya ādʰatte


Pada: aj     naktaṃ vā anuditena divoditena

Line : 7  Pada: ak     divādʰatte ya udite sūrya ādʰatte //


Pada: al     na vai su vidur iva manuṣyā nakṣatram \

Line : 8  Pada: am     mīmām̐santa iva hy uditena vāva puṇyāham \

Pada: an     puṇyāha ādʰatte ya udite sūrya ādʰatte


Line : 9  Pada: ao     sapta te agne samidʰas sapta jihvās saptarṣayas sapta dʰāma priyāṇi

Line : 10  Pada: ap     sapta hotrā anuvidvān * sapta yonīm̐r āpr̥ṇasvā gʰr̥teneti
      FN cf.7.14:77.12: anuvidvā́n. Mittwede, Textkritische Bemerkungen, p. 63

Line : 11  Pada: aq     yāvatīr vā agnes tanvas \

Pada: ar     yo vā asya tā ādadʰāno vitarṣayati vi ha tr̥ṣyati \

Line : 12  Pada: as     etāvatīr vā agnes tanvaḥ ṣoḍʰā saptasapta

Pada: at     tā evāsya prīṇāṭi

Line : 13  Pada: au     na vitr̥ṣyati


Pada: av     pūrṇayā srucā manasā prajāpataye juhoti

Line : 14  Pada: aw     pūrṇaḥ prajāpatiḥ

Pada: ax     prajāpatim evāpnoti //


Anuvaka: 4  
Line : 15  Pada: a     aṅgirasāṃ tvā devānāṃ vratenādadʰa iti brāhmaṇenādʰeyas \

Pada: b     ye vai devānām aṅgirasas te brāhmaṇasya pratyenaso 'gnir vāyur vāg br̥haspatis

Line : 16  Pada: c     tatobandʰur * asya yajñas tataāyanas * \
      FN Raghuvira, KpS, xxv. Mittwede, Textkritische Bemerkungen, p. 63
      FN Raghuvira, KpS, xxv. Mittwede, Textkritische Bemerkungen, p. 63

Line : 17  Pada: d     yatobandʰur * evāsya yajño yataāyanas *
      FN Raghuvira, KpS, xxv. Mittwede, Textkritische Bemerkungen, p. 63
      FN Raghuvira, KpS, xxv. Mittwede, Textkritische Bemerkungen, p. 63

Pada: e     tata enaṃ pratīccʰati \


Line : 18  Pada: f     indrasya tvā marutvato vratenādadʰa iti rājanyenādʰeyas \

Pada: g     ye vai devānāṃ rājānas te rājanyasya pratyenasa indro varuṇo dʰātā tvaṣṭā

Line : 19  Pada: h     tatobandʰur * asya yajñas tataāyanas * \
      FN Raghuvira, KpS, xxv
      FN Raghuvira, KpS, xxv

Line : 20  Pada: i     yatobandʰur * evāsya yajño yataāyanas *
      FN Raghuvira, KpS, xxv
      FN Raghuvira, KpS, xxv

Pada: j     tata enaṃ pratīccʰati


Line : 21  Pada: k     manos tvā grāmaṇyo vratenādadʰa iti vaiśyenādʰeyas \

Pada: l     maruto vai devānāṃ viśas te vaiśyasya pratyenasas

Line : 22  Pada: m     tatobandʰur asya yajñas tataāyanas \

Page: 87  
Line : 1  Pada: n     yatobandʰur evāsya yajño yataāyanas

Pada: o     tata enaṃ pratīccʰati \


Pada: p     iḍā vai manā āsīt

Line : 2  Pada: q     sāsurān agnim ādadʰānān agaccʰat

Pada: r     ta āhavanīyam agra ādadʰata \

Pada: s     atʰa gārhapatyam

Line : 3  Pada: t     atʰaudanapacanam \

Pada: u     tān abravīd āptvā śriyaṃ pratyavārukṣan puṇyā bʰaviṣyanti parā tu bʰaviṣyantīti

Line : 4  Pada: v     sā devān agnim ādadʰānān agaccʰat

Pada: w     ta odanapacanam agra ādadʰata \

Line : 5  Pada: x     atʰa gārhapatyam

Pada: y     atʰāhavanīyam \

Pada: z     tān abravīd āpañ cʰriyaṃ vīmaṃ lokam accʰindan puṇyā bʰaviṣyanti prajā tv eṣāṃ na bʰaviṣyatīti

Line : 6  Pada: aa     seḍaiva manor ādadʰāt

Line : 7  Pada: ab     sābravīt tatʰā te 'gnim ādʰāsyāmi yatʰā manuṣyā devān upa prajaniṣyanta iti

Line : 8  Pada: ac     sā gārhapatyam agra ādadʰāt \

Pada: ad     atʰaudanapacanam

Pada: ae     atʰāhavanīyam

Line : 9  Pada: af     anayor lokayor vyavagr̥hītyai //

Pada: ag     tato manuṣyā devān upa prājāyanta

Line : 10  Pada: ah     prajananāyaivam ādʰeyas \

Pada: ai     atʰo anayor eva lokayor vyavagr̥hītyai


Pada: aj     prajāpatir vai yad agre vyāharat sa satyam eva vyāharat \

Line : 11  Pada: ak     etad vāva sa trir vyāharad bʰūr bʰuvas svar iti \

Pada: al     etad vai vācas satyam \

Line : 12  Pada: am     yad eva vācas satyaṃ tenādʰatte

Pada: an     bʰūṣṇu vai satyam \

Pada: ao     ya evaṃ vidvān etenādʰatte bʰavaty eva \


Line : 13  Pada: ap     ayaṃ vā aparo bʰūr asau pūrvo bʰuvas \

Pada: aq     bʰūr bʰuvar ity apara ādʰeyas

Line : 14  Pada: ar     satyasyānanugatyai


Pada: as     bʰūr bʰuvas svar iti pūrvas

Pada: at     tat puras sarvam āpyate


Pada: au     vāg vai devatāṃ niravadata

Line : 15  Pada: av     niruditadevatā hi vai vāk \

Pada: aw     atʰa tat sarvaṃ na satyaṃ yad vācā śapate yat prāśūr bʰavati

Line : 16  Pada: ax     yāṃ vai tāṃ vāg devatāṃ niravadataiṣā vāva sā yad etā vyāhr̥tayas \

Line : 17  Pada: ay     etad vai vācas sadevam \

Pada: az     yad eva vācas sadevaṃ tenādʰatte \


Pada: ba     ayaṃ vā aparo bʰūr asau pūrvo bʰuvas \

Line : 18  Pada: bb     bʰūr bʰuvar ity apara ādʰeyas \

Pada: bc     ubʰā evainau sahādʰatte \

Pada: bd     eṣa hy etasya yonis \

Line : 19  Pada: be     etasmād dʰy eṣo 'dʰisr̥jyate \

Pada: bf     ayaṃ vāvāgnir yo 'yam antaragni yo 'sau pūrvo 'sā āditya eṣa yo 'sā amuṣmād adʰisr̥jyate yad dvitīyaṃ jyotis tad eva tat \

Line : 21  Pada: bg     bʰūr bʰuvas svar iti pūrva ādʰeyas \

Pada: bh     ubʰā evainau sahādʰatte \

Line : 22  Pada: bi     eṣa hy etasya yonis \

Pada: bj     etasmād dʰy eṣo 'dʰi prahriyate

Pada: bk     yo 'sā amuṣmād adʰi prahriyate yat tr̥tīyaṃ jyotis tad eva tenāpyate \

Page: 88  
Line : 1  Pada: bl     asau vāvaiṣa ādityaḥ pratyaṅṅ ādʰīyate

Line : 2  Pada: bm     tasmād eṣa sarvāḥ prajāḥ pratyaṅ \


Pada: bn     agninā vai devā annam adanti

Pada: bo     pratyag vā annam adyate

Line : 3  Pada: bp     yat pratyaṅṅ ādʰīyate \

Pada: bq     annādyāya


Pada: br     prāco vai devān prajāpatir asr̥jatāpāco 'surān

Line : 4  Pada: bs     so 'surān brahmaṇāpānudata \

Pada: bt     agnir brahma

Pada: bu     yat pratyaṅṅ ādʰīyate

Line : 5  Pada: bv     bʰrātr̥vyasyāpanuttyai \


Pada: bw     imam ardʰam agninā pariyantīmam ardʰam upacaranti

Pada: bx     devānām evārdʰaṃ pariyanti devānām ardʰam upacaranti \


Line : 6  Pada: by     imāṃ diśam abʰyāvr̥tya juhoti \

Line : 7  Pada: bz     etasyāṃ vai devā diśi

Pada: ca     yasyām eva devā diśi tāṃ diśam abʰyāvr̥tya juhoti //


Anuvaka: 5  
Line : 9  Pada: a     agnir vai prāṅ udetuṃ nākāmayata

Pada: b     tam aśvenodavahan

Pada: c     yat pūrvam udavahaṃs tat pūrvavāhaḥ pūrvavāṭtvam

Line : 10  Pada: d     agnir vai prajāpatis tasyāśvaś cakṣur

Pada: e     yad aśvaṃ puro nayanti

Line : 11  Pada: f     svam eva tac cakṣuḥ paśyann anūdeti


Pada: g     stomapurogā vai devā ebʰyo lokebʰyo 'surān prāṇudanta

Line : 12  Pada: h     stomād aśvas saṃbʰūtas \

Pada: i     yad aśvaṃ puro nayanti

Pada: j     stomapurogā evaibʰyo lokebʰyo bʰrātr̥vyaṃ praṇudate \


Line : 13  Pada: k     agniṃ vai jātaṃ rakṣāṃsy adʰūrvan \

Pada: l     tāny enam abʰisamalabʰanta

Line : 14  Pada: m     tāny aśvenāpāhata

Pada: n     yad aśvaṃ puro nayanti

Pada: o     rakṣasām apahatyai \


Line : 15  Pada: p     aśvo vai bʰūtvā yajño manuṣyān atyakrāmat

Pada: q     tam etad atikrāmantaṃ manyante

Pada: r     yad aśvam abʰyāvartayanti

Line : 16  Pada: s     yajñam evaitad yajamānam abʰyāvartayanti \


Pada: t     agnir vā aśvaṃ prāviśat

Line : 17  Pada: u     kr̥ṣṇo bʰūtvā so 'trāgaccʰad yatraiṣa mr̥gaśapʰa iva

Pada: v     tasmād ākramyas \

Pada: w     yad aśvam ākramayati

Line : 18  Pada: x     tam evāvarunddʰe


Pada: y     vāstu vā etat \

Pada: z     atʰo antarhitam iva

Pada: aa     tasmān nākramyas \


Line : 19  Pada: ab     indro vai yatīn sālāvr̥keyebʰyaḥ prāyaccʰat

Pada: ac     teṣām adyamānānām̐ syūmaraśmir r̥ṣir aśvaṃ prāviśat

Line : 20  Pada: ad     tasmād aśvas svam̐ śakr̥d upajigʰrati

Pada: ae     kaccid * r̥ṣiṃ cāgniṃ ca na nirāstʰā3m iti \
      FN emended. Ed.: kaścid. Raghuvira, KpS, xxv. Mittwede, Textkritische Bemerkungen, p. 63

Line : 21  Pada: af     agniṃ vai vibʰājaṃ nāśaknuvan \

Pada: ag     tam aśvena vyabʰajan

Page: 89  
Line : 1  Pada: ah     yad aśvaṃ puro nayanti \

Pada: ai     agner eva vibʰaktyai //

Pada: aj     yau vāva tā r̥ṣiś cāgniś ca te evainaṃ taddevate vibʰajatas \


Line : 2  Pada: ak     aśvo deyaḥ

Pada: al     prājāpatyo vā aśvas \

Pada: am     yad aśvaṃ dadāti

Line : 3  Pada: an     sarvā evāsya tena devatā abʰīṣṭāḥ prītā bʰavanti


Pada: ao     paramā vā eṣā dakṣiṇā yad aśvas \

Line : 4  Pada: ap     yad aśvaṃ dadāti

Pada: aq     paryāptyai


Pada: ar     vahī deyas \

Pada: as     vahino vai paśavo bʰuñjanti

Line : 5  Pada: at     yajño 'gner vahī *
      FN Mittwede, Textkritische Bemerkungen, p. 63: vaho

Pada: au     bʰunakty enam agnir āhitas \


Pada: av     hiraṇyaṃ deyam \

Pada: aw     satejastvāya


Line : 6  Pada: ax     śatamānam \

Pada: ay     vīraṃ vā eṣa janayati yo 'gnim ādʰatte

Pada: az     śatadāyo vīras

Pada: ba     trim̐śanmāne pūrvayor haviṣor deye catvārim̐śanmānam uttame \

Line : 7  Pada: bb     abʰikrāntyai \

Pada: bc     abʰikrāntena hi yajñasyardʰnoti \

Line : 8  Pada: bd     ātmā vai haviḥ pavitram̐ hiraṇyam \

Pada: be     sarveṣv evainam̐ haviṣṣu punāti \


Line : 9  Pada: bf     agnir vai varuṇānīr abʰyakāmayata

Pada: bg     tasya tejaḥ parāpatat

Pada: bh     tad dʰiraṇyam abʰavat \

Line : 10  Pada: bi     yad dʰiraṇyam upāsyati

Pada: bj     svenaivainaṃ tejasā samardʰayati


Pada: bk     nopāsya punar ādadʰīta *
      FN Mittwede, Textkritische Bemerkungen, p. 63: ādadīta

Line : 11  Pada: bl     grasitam asya niṣkʰidati

Pada: bm     kṣodʰuko bʰavati \


Pada: bn     agniṃ vai varuṇānīr abʰyakāmayanta

Line : 12  Pada: bo     tās samabʰavad āpo varuṇānīr

Pada: bp     yad agne reto 'sicyata tad dʰaritam abʰavat \

Pada: bq     yad apāṃ tad rajatam \

Line : 13  Pada: br     tasmād dʰaritarajatābʰyām ubʰayāhiraṇyas \


Pada: bs     yad garbʰasya śamalaṃ tad durvarṇam \

Line : 14  Pada: bt     tasmād brāhmaṇena durvarṇaṃ na bʰartavyam \

Pada: bu     śamalam̐ hi tat \


Pada: bv     hiraṇyam * upāsyati
      FN Raghuvira, KpS, xxv, Mittwede, Textkritische Bemerkungen, p. 63: yad dʰiraṇyam

Pada: bw     svenaivainaṃ retasā samardʰayati //


Anuvaka: 6  
Line : 16  Pada: a     saha vā imā agnes tanva iyam odanapacano 'ntarikṣaṃ gārhapatyo dyaur āhavanīyas \

Line : 17  Pada: b     yo vā asyaitā avyākr̥tyādʰatte na pāpmanā vyāvartate gʰātuko * 'sya rudraḥ paśūn bʰavati
      FN emended. Ed.: gʰātako. Raghuvira, KpS, xxv. Mittwede, Textkritische Bemerkungen, p. 64

Line : 18  Pada: c     yad etair upatiṣṭʰate

Pada: d     tā evāsyaitad vyākr̥tya yatʰāyoni pratiṣṭʰāpyādʰatte vi pāpmanāvartate * 'gʰātuko * 'sya rudraḥ paśūn bʰavati
      FN Mittwede, Textkritische Bemerkungen, p. 64
      FN emended. Ed.: 'gʰātako. Raghuvira, KpS, xxv. Mittwede, Textkritische Bemerkungen, p. 64


Line : 20  Pada: e     dyaur mahnāsīti

Pada: f     mahān agnim ādʰāya bʰavati


Pada: g     bʰūmir bʰūmneti

Pada: h     śvaśśvo bʰūyān bʰavati


Line : 21  Pada: i     tasyās te devy adita upastʰe 'nnādam annādyāyānnapatyāyādadʰa iti \

Line : 22  Pada: j     annādam evainam annādyāyānnapatyāyādʰatte \

Pada: k     annādyāyāgnim ādʰatte 'tty annaṃ ya evaṃ vidvān agnim ādʰatte //


Page: 90  
Line : 1  Pada: l     atʰaitās sarparājñyā r̥cas \

Pada: m     iyaṃ vai sarparājñī \

Line : 2  Pada: n     annam̐ sārparājñam

Pada: o     annādyāyāgnim ādʰatte 'tty annaṃ ya evaṃ vidvān agnim ādʰatte


Line : 3  Pada: p     vasanto vā imāḥ prajā grīṣmāyoparuṇaddʰi

Pada: q     grīṣmo varṣābʰyas \

Line : 4  Pada: r     varṣāś śarade

Pada: s     śarad dʰemantāya

Pada: t     hemantaś śiśirāya

Pada: u     śiśiram agnaye \

Pada: v     agnir yajamānāya \

Line : 5  Pada: w     annādyāyāgnim ādʰatte 'tty annaṃ ya evaṃ vidvān agnim ādʰatte //


Anuvaka: 7  
Line : 6  Pada: a     niruptam̐ havir upasannam aprokṣitaṃ bʰavati \

Pada: b     atʰa madʰyādʰidevanam avokṣyākṣān nyupya juhoti niṣasāda dʰr̥tavrato varuṇaḥ pastyāsv ā sāmrājyāya sukratur iti

Line : 8  Pada: c     trir vai virāḍ vyakramata gārhapatyam āhavanīyaṃ madʰyādʰidevanam \

Line : 9  Pada: d     virāja evainaṃ vikrāntam anuvikramayati

Pada: e     praty eva tiṣṭʰati

Pada: f     gaccʰati pratiṣṭʰām \


Line : 10  Pada: g     dʰarmadʰr̥tyā juhoti

Pada: h     dʰarmadʰr̥tam evainaṃ karoti


Pada: i     savitāraṃ dʰārayitāraṃ gāṃ gʰnanti

Line : 11  Pada: j     tāṃ vidīvyante

Pada: k     tāṃ sabʰāsadbʰya upaharanti

Pada: l     tenāsya so 'bʰīṣṭaḥ prīto bʰavati


Line : 12  Pada: m     pra nūnaṃ brahmaṇaspatir ity āmantraṇe * juhoti mantravatyā vaiśvadevyā
      FN Mittwede, Textkritische Bemerkungen, p. 64

Line : 13  Pada: n     mantram evāsmai gr̥hṇāti

Pada: o     tam abʰisametya mantrayante //


Pada: p     saha vai devāś ca manuṣyāś caudanapacana āsan \

Line : 14  Pada: q     te manuṣyā devān atyacaran \

Pada: r     tebʰyo devā annaṃ pratyuhya gārhapatyam abʰyudakrāman \

Line : 15  Pada: s     tām̐s tasminn anvāgaccʰan \

Pada: t     te manuṣyā eva devān atyacaran \

Line : 16  Pada: u     tebʰyo devāḥ paśūn pratyuhyāhavanīyam abʰyudakrāman \

Pada: v     tām̐s tasminn anvāgaccʰan \

Line : 17  Pada: w     te manuṣyā eva devān atyacaran \

Pada: x     tebʰyo devā yajñaṃ pratyuhya sabʰām abʰyudakrāman \

Line : 18  Pada: y     tām̐s tasyām anvāgaccʰan \

Pada: z     te manuṣyā eva devān atyacaran \

Pada: aa     tebʰyo devā virājaṃ pratyuhyāmantraṇam abʰyudakrāman \

Line : 19  Pada: ab     tām̐s tato nānuprācyavanta \

Pada: ac     ete vai devānām̐ saṃkramās \

Line : 20  Pada: ad     śreyām̐sam̐śreyām̐saṃ lokam abʰyutkrāmati ya evaṃ veda \


Pada: ae     etad vai devānām̐ satyam anabʰijitaṃ yad āmantraṇam \

Line : 21  Pada: af     tasmād āmantraṇam̐ suprātar * gaccʰet
      FN Mittwede, Textkritische Bemerkungen, p. 64

Pada: ag     satyam eva gaccʰati

Page: 91  
Line : 1  Pada: ah     tasmād āmantraṇaṃ nāhuta * eyāt
      FN Mittwede, Textkritische Bemerkungen, p. 64

Pada: ai     tasmād āmantraṇe nānr̥taṃ vadet \


Pada: aj     vahnir vai nāmaudanapacanas \

Line : 2  Pada: ak     āsya vahnir jāyate ya evaṃ veda


Pada: al     gr̥hā gārhapatyas \

Pada: am     gr̥havān bʰavati ya evaṃ veda


Line : 3  Pada: an     dʰiṣṇyā āhavanīyas \

Pada: ao     upainaṃ yajño namati ya evaṃ veda


Line : 4  Pada: ap     sapratʰā madʰyādʰidevanam \

Pada: aq     pratʰate prajayā paśubʰir ya evaṃ veda \


Pada: ar     anāpta āmantraṇam \

Line : 5  Pada: as     nainam āpnoti ya īpsati ya evaṃ veda //


Anuvaka: 8  
Line : 6  Pada: a     ajo deyas

Pada: b     sayonitvāya


Pada: c     vāso deyam \

Pada: d     sarvadevatyaṃ vāsas \

Pada: e     devatānām abʰīṣṭyai


Line : 7  Pada: f     vardʰamānā dakṣiṇā deyā

Pada: g     dakṣiṇāyā vai vr̥ddʰiṃ yajamāno 'nuvardʰate \


Line : 8  Pada: h     upāharantī dakṣiṇā deyā

Pada: i     dʰenur vā upāharantī \

Pada: j     upa hy eṣā paya āharati

Line : 9  Pada: k     nāsyāgnim ādadʰānasya kanīyo bʰavati


Pada: l     dʰenur hotre deyā \

Pada: m     āśiṣām avaruddʰyai \


Line : 10  Pada: n     anaḍvān adʰvaryave

Pada: o     vahny eva yajñasyāvarunddʰe


Pada: p     ratʰo deyas \

Pada: q     devaratʰo vā eṣa prayujyate yad yajñas \

Line : 11  Pada: r     manuṣyaratʰenaiva devaratʰam abʰyātiṣṭʰati


Pada: s     mitʰunau gāvau deyau

Line : 12  Pada: t     mitʰunasyāvaruddʰyai


Pada: u     ṣaḍ deyāḥ

Pada: v     ṣaḍ vā r̥tavas \

Pada: w     r̥tuṣv eva pratitiṣṭʰati


Pada: x     dvādaśa deyās \

Line : 13  Pada: y     dvādaśa māsās saṃvatsaras

Pada: z     saṃvatsarasyāptyai


Pada: aa     yadi dvādaśātipracyaveta caturvim̐śatiṃ dadyāt \

Line : 14  Pada: ab     caturvim̐śatyakṣarā gāyatrī

Pada: ac     gāyatrī yajñamukʰam \

Line : 15  Pada: ad     gāyatrīm eva yajñamukʰaṃ nātikrāmati


Pada: ae     trīṇi havīm̐ṣi bʰavanti

Pada: af     traya ime lokās \

Line : 16  Pada: ag     imān eva lokān āpnoti

Pada: ah     trir virāḍ vyakramata

Pada: ai     virāja evainaṃ vikrāntam anu vikramayati


Line : 17  Pada: aj     yat pavamānam * \
      FN Mittwede, Textkritische Bemerkungen, p. 64: pāvamānam

Pada: ak     punāty evainaṃ tena


Pada: al     yat pāvakam

Pada: am     annaṃ vai pāvakam

Line : 18  Pada: an     annam evāsmai tena prayaccʰati


Pada: ao     yac cʰucaye

Pada: ap     śucim evainaṃ medʰyaṃ yajñiyaṃ tena karoti


Line : 19  Pada: aq     paśumān asāni prajāvān asāni tejasvy asānīti vā agnim ādʰatte

Line : 20  Pada: ar     prāṇo vai pavamānaḥ

Pada: as     prāṇād adʰi paśavaḥ prajāyante

Pada: at     yad agnaye pavamānāya

Line : 21  Pada: au     paśūn evāsmai tena prajanayati \


Pada: av     āpo vai pāvakās \

Pada: aw     adbʰyaḥ prajāḥ prajāyante

Page: 92  
Line : 1  Pada: ax     yad agnaye pāvakāya

Pada: ay     prajām evāsmai tena prajanayati \


Pada: az     asau vā ādityaś śucis \

Line : 2  Pada: ba     eṣa tejasaḥ pradātā

Pada: bb     yad agnaye śucaye \

Pada: bc     asā evāsmā ādityas tejaḥ prayaccʰati


Line : 3  Pada: bd     devāś ca vā asurāś ca saṃyattā āsan

Pada: be     so 'gnir vijayam upayatsu tredʰā tanvo vinyadʰatta paśuṣu tr̥tīyam apsu tr̥tīyam amuṣminn āditye tr̥tīyam \

Line : 5  Pada: bf     yad etāni havīm̐ṣi nirupyante

Pada: bg     tā evāsyaitat tanvas saṃbʰarati

Pada: bh     satanūr evaitat satejā ādʰīyate \


Line : 6  Pada: bi     ime vai lokā etāni havīm̐ṣi

Pada: bj     nānābarhīm̐ṣi bʰavanti \

Line : 7  Pada: bk     imān eva lokān āpr̥ṇāti


Pada: bl     yan nānābarhīm̐ṣi syus \

Pada: bm     lokaṃ prajananāya


Line : 8  Pada: bn     noccʰim̐ṣet \

Pada: bo     ūnaṃ vai prajā upaprajāyante


Pada: bp     samānabarhiṣī uttare kārye

Pada: bq     lokam eva prajananāyākas

Line : 9  Pada: br     tam upaprajāyate


Pada: bs     vidma vā imaṃ lokaṃ vidmemaṃ nāmuṃ paśyāmo vā tu na vā

Line : 10  Pada: bt     tasmāt samānabarhiṣī uttare kārye


Pada: bu     paśavo vā etāni havīm̐ṣi

Line : 11  Pada: bv     gʰr̥taṃ puroḍāśās \

Pada: bw     rudro 'gnis \

Pada: bx     yad amno 'nunirvaped rudrāya paśūn apidadʰyād apaśus syāt

Line : 12  Pada: by     saṃvatsare 'nunirupyam \

Pada: bz     saṃvatsareṇaivainam̐ śamayati


Line : 13  Pada: ca     śitʰilaṃ vā etad yajñasya kriyate 'sayoni yat saṃvatsare 'nunirvapati \

Pada: cb     amna evānunirupyam

Line : 14  Pada: cc     aśitʰilatvāya sayonitvāya //


Anuvaka: 9  
Line : 15  Pada: a     agnir vā imaṃ lokaṃ nopākāmayata

Pada: b     yad asminn āmaṃ mām̐saṃ pacanti yat puruṣaṃ dahanti yat steyaṃ pacanti tad abʰīmaṃ lokaṃ nopākāmayata

Line : 16  Pada: c     sa yad imaṃ lokam upāvartata yā asya yajñiyās tanva āsam̐s tābʰir udakrāmat

Line : 17  Pada: d     tā etāḥ pavamānā pāvakā śucis

Line : 18  Pada: e     tasya yā pavamānā tanūr āsīt paśūm̐s tayā prāviśat \

Line : 19  Pada: f     yā pāvakāpas tayā

Pada: g     yā śucir amum ādityaṃ tayā

Pada: h     prāṇo vai pavamānaḥ

Line : 20  Pada: i     prāṇena paśavo yatās \

Pada: j     yad agnaye pavamānāya

Pada: k     paśūn evāsmai tena yaccʰati \


Line : 21  Pada: l     eṣā vā asya sā tanūr yayā paśūn prāviśad yad idaṃ gʰr̥te hute pratīvārcir ujjvalati \

Page: 93  
Line : 1  Pada: m     eṣā vā asya sā tanūr yayāpaḥ prāviśad yad idam apsu parīva dadr̥śe

Line : 2  Pada: n     yad dʰastā avanijya snātvā śrad iva dʰatte

Pada: o     ya evāpsv agnis sa evainaṃ tat pāvayati sa svadayati

Line : 3  Pada: p     yad agnaye pāvakāya

Pada: q     sapaśum evainaṃ pāvayati \


Pada: r     eṣā vā asya sā tanūr yayāpaḥ prāviśad yad idaṃ gʰr̥te hute śoṇam ivārcir ujjvalati \

Line : 5  Pada: s     eṣā vā asya sā tanūr yayāmum ādityaṃ prāviśad yad idam upariṣṭād vīva bʰāti yaj jyotir iva

Line : 6  Pada: t     yad agnaye śucaye \

Pada: u     āvirbʰūtyā eva gʰoṣāyaiva ślokāyaiva ruca eva \


Line : 7  Pada: v     eṣā vā asya sā tanūr yayāmum ādityaṃ prāviśad yad idaṃ gʰr̥te hute suvarṇam ivārcir ujjvalati

Line : 8  Pada: w     yad etāni havīm̐ṣi nirupyante

Pada: x     tā evāsyaitat tanvas saṃbʰarati

Line : 9  Pada: y     satanūr evaitat satejā ādʰīyate \


Pada: z     ime vai lokā etāni havīm̐ṣi

Line : 10  Pada: aa     nānābarhīm̐ṣi bʰavanti

Pada: ab     nānā hīme lokāḥ pratiṣṭʰitāḥ //


Anuvaka: 10  
Line : 12  Pada: a     gāyatrīs saṃyājyā bʰavanti

Pada: b     gāyatro vā agnir gāyatraccʰandās \

Pada: c     āgneyam etat kriyate yad agnyādʰeyam

Line : 13  Pada: d     agnā evaitad agniḥ pratitiṣṭʰann eti yad āgneyāni havīm̐ṣi \


Line : 14  Pada: e     agnināgnis samidʰyata ity uttarayor haviṣor anuvākyāṃ kuryāt

Pada: f     tejasa āyatanāya \


Line : 15  Pada: g     urvaśī vai purūravasy āsīt

Pada: h     sāntarvatī devān punaḥ parait

Pada: i     so 'do deveṣv āyur ajāyata

Line : 16  Pada: j     tām anvāgaccʰat

Pada: k     tāṃ punar ayācata

Pada: l     tām asmai na punar adadus

Line : 17  Pada: m     tasmā āyuṃ prāyaccʰann eṣa āyur iti \

Pada: n     agniṃ cokʰyam ukʰāyām̐ samupyaitam ādʰatsva tena prajaniṣyasa iti

Line : 18  Pada: o     sa vr̥kṣasya śākʰāyām agnim āsajyāyunā grāmam abʰyavait

Line : 19  Pada: p     sa punar aimīty ed * vr̥kṣasyāgre 'gniṃ jvalantam \
      FN emended. Ed.: aid. Raghuvira, KpS, xxv. Mittwede, Textkritische Bemerkungen, p. 64

Pada: q     so 'ciked ayaṃ vāva so 'gnir iti

Line : 20  Pada: r     tasyāraṇī ādāyāgniṃ matʰitvādʰatta

Pada: s     tena prājāyata

Page: 94  
Line : 1  Pada: t     yad ārohasyāraṇī bʰavataḥ

Pada: u     prajananāya \


Pada: v     adityai gʰr̥te carum amāvasyāyāṃ paśukāmo 'nunirvapet \

Line : 2  Pada: w     iyam aditis \

Pada: x     asyām adʰi paśavaḥ prajāyante

Pada: y     yajñamukʰam agnyādʰeyam \

Line : 3  Pada: z     yajñamukʰam evālabʰya paśūn avarunddʰe


Pada: aa     cātuṣprāśyo bʰavati \

Pada: ab     ācaturam̐ hīme paśavas \

Line : 4  Pada: ac     dvandvaṃ mitʰunās

Pada: ad     te vīryakr̥tas \


Pada: ae     agnīṣomīyam ekādaśakapālaṃ pūrṇamāse 'nunirvapet \

Line : 5  Pada: af     āgneyo vai brāhmaṇas \

Pada: ag     devatayā somarājā

Pada: ah     yajñamukʰam agnyādʰeyam \

Line : 6  Pada: ai     yajñamukʰam evākramya svārājyam upaiti //


Pada: aj     devān vai yajño nābʰyanamat

Line : 7  Pada: ak     te 'śrāmyan

Pada: al     yajño no nābʰinamatīti

Pada: am     teṣām agnīṣomā evāgre yajño 'bʰyanamat

Line : 8  Pada: an     te 'vidur

Pada: ao     agnīṣomau vai no 'gre yajño 'bʰyanān \

Pada: ap     tayor yajñasyābʰinatim iccʰāmahā iti

Line : 9  Pada: aq     te 'bruvan

Pada: ar     yuvāṃ vai no 'gre yajño 'bʰyanān

Pada: as     yuvayor no 'dʰi yajño 'bʰinamatv iti

Line : 10  Pada: at     tā abruvatām * \
      FN Mittwede, Textkritische Bemerkungen, p. 65

Pada: au     vāryaṃ vr̥ṇāvahai \

Pada: av     āvām evāgra ājyabʰāgau yajān iti

Line : 11  Pada: aw     tasmād agnīṣomā evāgra ājyabʰāgau yajanti

Line : 12  Pada: ax     vāryavr̥tam̐ hy enayor


Pada: ay     yad agnīṣomīyam anunirvapati

Pada: az     yajñasyābʰinatyai \

Pada: ba     ato hi devān agre yajño 'bʰyanamat \


Line : 13  Pada: bb     yad anyad anunirvaped devatayā yajñam antardadʰyāt \

Pada: bc     mitʰunaṃ vā agniś ca somaś ca

Line : 14  Pada: bd     somo retodʰā agniḥ prajanayitā \

Pada: be     agnir vāvedam̐ sarvam

Line : 15  Pada: bf     āpa oṣadʰayo vanaspatayas tad eva somas \

Pada: bg     etau vai no devānāṃ nediṣṭʰam

Line : 16  Pada: bh     etau hi paśyāmas \

Pada: bi     yatʰā vā idaṃ manuṣyā upāsata evam etaṃ devā upāsata

Line : 17  Pada: bj     te 'cikayur

Pada: bk     uddʰr̥tena tvā anenābʰijayemeti

Pada: bl     tam udaharanta

Pada: bm     tenābʰyajayan \

Line : 18  Pada: bn     abʰijityā evaiṣa uddʰriyate \


Pada: bo     agnir vai nirādʰānād abibʰet \

Pada: bp     nātidūra ādʰeyas \

Line : 19  Pada: bq     anirādʰānāya * //
      FN emended. Ed.: ādʰeyo nirādʰānāya. Mittwede, Textkritische Bemerkungen, p. 65


Anuvaka: 11  
Line : 20  Pada: a     agniṃ vai sr̥ṣṭam agnihotram anvasr̥jyata

Pada: b     tasmād agnim āhitam agnihotreṇānūddravanti \

Line : 21  Pada: c     āgneyī sāyam āhutis saurī prātar

Pada: d     yad āgneyyā prātar juhuyāt prajananaṃ purastāt pariharet \

Line : 22  Pada: e     ayatʰāpūrvaṃ kuryāt


Pada: f     pūrṇayā srucā manasā prajāpataye juhoti

Page: 95  
Line : 1  Pada: g     pūrṇaḥ prajāpatiḥ

Pada: h     prajāpatim evāpnoti


Pada: i     pūrṇo vai prajāpatis samr̥ddʰibʰir ūno vyr̥ddʰibʰiḥ

Line : 2  Pada: j     pūrṇaḥ puruṣaḥ kāmair ūnas samr̥ddʰibʰiḥ

Pada: k     pūrṇayaiva pūrṇās * samr̥ddʰīr avarunddʰe \
      FN Mittwede, Textkritische Bemerkungen, p. 65


Line : 3  Pada: l     ānītā vā anyeṣāṃ devānām̐ smo 'nānītā anyeṣām \

Line : 4  Pada: m     sam̐sparśenānyeṣāṃ jīvāmas sakāśenānyeṣām \

Pada: n     pr̥tʰivyā vātasyāpāṃ teṣām ānītās smas teṣām̐ sam̐sparśena jīvāmas \

Line : 5  Pada: o     agnes sūryasya divas teṣām anānītās smas teṣām̐ sakāśena jīvāmas

Line : 6  Pada: p     tān evālabdʰa

Pada: q     ta enam āneṣata


Pada: r     śreyaso vrātasya bʰavati

Line : 7  Pada: s     nāsya manuṣyāḥ pāpavasīyasasyeśate ya evaṃ veda //


Pada: t     yad ātmanālabʰeta pramāyukas syāt \

Line : 8  Pada: u     ājyena cauṣadʰībʰiś * cālabʰate \
      FN Mittwede, Textkritische Bemerkungen, p. 65

Pada: v     apramāyuko bʰavati \


Line : 9  Pada: w     ānīto vā eṣa devānāṃ ya āhitāgnis \

Pada: x     adanty asyānnam \


Pada: y     pūrṇayā srucā juhoti

Line : 10  Pada: z     pūrṇayāgnaye 'lam akar

Pada: aa     alam asmai bʰavati \


Pada: ab     oṣadʰayaś ca vai vanaspatayaś ca divā samadadʰus

Line : 11  Pada: ac     ta ito 'nyat sarvam abādʰanta

Pada: ad     sa prajāpatir amanyateme vāvedam abʰūvann iti

Line : 12  Pada: ae     so 'gnim̐ sr̥ṣṭvā tam ādʰatta

Pada: af     tenainān nyabʰāvayat \

Pada: ag     bʰrātr̥vyasahano vāvaiṣa ādʰīyate hutādyāya \

Line : 13  Pada: ah     eṣa vā ahutādyo 'lam agnyādʰeyāya sann anāhitāgnis \

Line : 14  Pada: ai     hutam evaitena svaditam atti //


Anuvaka: 12  
Line : 15  Pada: a     ādʰéyo 'gnī́3r nā́dʰéyā́3 íti mīmām̐sante śvò 'gním ādʰāsyámānenā́3 íti \

Line : 16  Pada: b     ādʰéya evá \

Pada: c     ayajñó hy èṣá yò 'nagnís \


Pada: d     ajó baddʰás tā́ṃ rātrīṃ vaset \

Line : 17  Pada: e     agnitejasáṃ vā́ ajás

Pada: f     tád evá tám agním ā́dʰatte


Pada: g     kalmā́ṣas syāt

Pada: h     sá hí sarvadevatyàs \


Line : 18  Pada: i     yás tám̐ śvò 'gním ādʰāsyán syā́t sá tā́ṃ rā́trīṃ vratáṃ caret \

Pada: j     ná mām̐sám aśnīyā́n

Page: 96  
Line : 1  Pada: k     ná stríyam úpeyāt


Pada: l     sárvo vaí púruṣo 'gnimā́n

Pada: m     agnír asmād ápakrāmet \

Pada: n     eṣá hy ètásya yónis \

Line : 2  Pada: o     etásmād dʰy èṣó 'dʰi sr̥jyáte yás tám uddʰárati


Pada: p     yó dákṣiṇo brahmavarcasā́yaivaíṣá matʰyate \

Line : 3  Pada: q     átʰo agníbʰyām evaínam̐ sáyoniṃ karoti


Pada: r     durgópas tú \

Pada: s     áharahar asya mantʰeyur


Line : 4  Pada: t     yáta evá kútas cā́haret \

Pada: u     eṣā́ vā́ asyā́navaruddʰā tanū́s

Pada: v     tā́m evā́varunddʰe


Line : 5  Pada: w     yátra dī́pyamānaṃ parāpaśyet táta ā́haret \

Pada: x     devátā vā́ etā́ āvír bʰavanti

Line : 6  Pada: y     tā́ evā́varunddʰe


Pada: z     bʰŕ̥jjanād ā́hared ánnakāmasya \

Pada: aa     eṣā́ vā́ asyānnādī́tanū́s

Line : 7  Pada: ab     tā́m evā́varunddʰe //


Pada: ac     yó brāmaṇó vā vaíśyo vā puṣṭó 'sura iva syā́t tásya gr̥hā́d ā́haret \

Line : 8  Pada: ad     yaívá sā́ púṣṭir yád ánnaṃ tád ávarunddʰe

Pada: ae     gr̥hé tv asya táto nā́śnīyāt


Line : 9  Pada: af     trír údyaccʰate

Pada: ag     tráya imé lokā́s \

Pada: ah     imā́n evá lokā́n āpnoti


Pada: ai     yád udyáccʰate \

Line : 10  Pada: aj     imáṃ téna lokám āpnoti


Pada: ak     yát prā́ṅ uddrávati \

Pada: al     antárikṣaṃ téna


Pada: am     yád ā́dadʰāti \

Pada: an     amúṃ téna


Line : 11  Pada: ao     nā́dʰā́ya púnar údgr̥hṇīyāt \

Pada: ap     apakramás sá

Pada: aq     pā́pīyān bʰavati


Pada: ar     prāṇébʰyo vaí prajā́patiḥ prajā́ asr̥jata

Line : 12  Pada: as     tā́ḥ prā́jāyanta

Pada: at     táyā mā́trayódgr̥hṇīyāt

Pada: au     prajánanāya


Line : 13  Pada: av     nā́tyúdgr̥hṇīyāt \

Pada: aw     agnír asya prāṇā́n úddahet prámīyeta


Pada: ax     nā́dʰó dadʰnuyāt * \
      FN emended. Ed.: dagʰnuyāt.

Pada: ay     apakramás sá

Line : 14  Pada: az     pā́pīyān bʰavati //


Anuvaka: 13  
Line : 15  Pada: a     ahutādo vā etasya purā devās \

Pada: b     atʰaitad dʰutāda upāvartate

Pada: c     te 'syorjāpakrāmanti \

Line : 16  Pada: d     ūrjam evāvarunddʰe

Pada: e     tān eva bʰāginaḥ karoti

Pada: f     yajanty amuṣmiñ juhvaty asmin pacanty amuṣmin \

Line : 17  Pada: g     anantarayāyaitasya \

Pada: h     atʰo vaiśvānaratāyām evainam upātiṣṭʰipat \


Line : 18  Pada: i     ye vai yajñenāyajantārdʰnuvam̐s te

Pada: j     na vai su vidur * iva manuṣyā yajñam \
      FN Mittwede, Textkritische Bemerkungen, p. 66

Page: 97  
Line : 1  Pada: k     tasmān na sarva ivardʰnoti


Pada: l     dakṣiṇāvadbʰyām̐ ha sma vai purā darśapūrṇamāsābʰyāṃ yajante

Line : 2  Pada: m     ya eṣa odanaḥ pacyate

Pada: n     dakṣiṇām evaitāṃ dadāti

Pada: o     yajñasyarddʰyai \


Line : 3  Pada: p     iṣṭī vā etena yad yajate

Pada: q     ya eṣa odanaḥ pacyate tena pūrtī \

Pada: r     eṣa vāveṣṭāpūrtī ya etaṃ pacati //


Line : 4  Pada: s     prajāpatir vai devebʰyo bʰāgadʰeyāni vyādiśat \

Line : 5  Pada: t     yajñam eva so 'manyatātmānam antaragām iti

Pada: u     sa etam odanam apaśyat

Pada: v     tam ātmane bʰāgam akalpayat

Line : 6  Pada: w     prajāpater vā eṣa bʰāgas \

Pada: x     mahāntam aparimitaṃ pacet \

Line : 7  Pada: y     aparimitaḥ prajāpatiḥ

Pada: z     prajāpatim evāpnoti


Pada: aa     devāś ca vā asurāś cāspardʰanta

Line : 8  Pada: ab     te devāḥ prajāpatim evābʰyayajanta \

Pada: ac     anyo 'nyasyāsann asurā ajuhavus

Pada: ad     te devā etam odanam apacan \

Line : 9  Pada: ae     taṃ prajāpataye bʰāgam anuniravapan \

Pada: af     tam bʰāgaṃ paśyan

Pada: ag     prajāpatir devān upāvartata

Line : 10  Pada: ah     tato devā abʰavan parāsurā abʰavan

Pada: ai     ya evaṃ vidvān anvāhāryam āharati bʰavaty ātmanā parāsya bʰrātr̥vyo bʰavati \


Line : 11  Pada: aj     īḍyā vā anye devās saparyeṇyā anye

Line : 12  Pada: ak     devā īḍyā brāhmaṇās saparyeṇyās \

Pada: al     yajñenaiveḍyān prīṇāty anvāhāryeṇa saparyeṇyān \

Line : 13  Pada: am     tasyobʰaye prītā yajñe bʰavanti


Pada: an     prajāpater bʰāgo 'sy ūrjasvān payasvān

Line : 14  Pada: ao     akṣito 'sy akṣityai tvā \

Pada: ap     akṣito nāmāsi

Pada: aq     mā me kṣeṣṭʰāḥ

Line : 15  Pada: ar     prāṇāpānau me pāhi

Pada: as     samānavyānau me pāhi \

Pada: at     udānarūpe me pāhi \

Line : 16  Pada: au     ūrg asi \

Pada: av     ūrjaṃ mayi dʰehi \

Pada: aw     ā mā gamyās \

Pada: ax     iti

Pada: ay     prajāpatim eva samakṣam r̥dʰnoti //


Anuvaka: 14  
Line : 18  Pada: a     punarādʰeya ādʰīyate devānāṃ jyotiṣā saha /

Line : 19  Pada: b     agne sahasram ābʰara rūpaṃrūpaṃ vayovayaḥ //

Line : 20  Pada: c     yat te manyuparoptasya pr̥tʰivīm anudadʰvase /

Line : 21  Pada: d     ādityā viśve tad devā vasavaḥ punar ābʰaran //

Page: 98  
Line : 1  Pada: e     yat te kruddʰaḥ parovapa * manyunā yad avartyā /
      FN Mittwede, Textkritische Bemerkungen, p. 67

Line : 2  Pada: f     sukalpam agne tat tava punas tvoddīpayāmasi //

Line : 3  Pada: g     punas tvādityā rudrā vasavas samindʰatāṃ punar brahmāṇo vasudʰītam * agne /
      FN Mittwede, Textkritische Bemerkungen, p. 67

Line : 4  Pada: h     ihaiva dʰehy adʰi dakṣam ugram aśvāvad gomad yavamat suvīryam //

Line : 5  Pada: i     punas tvā mitrāvaruṇau punar indraḥ punar bʰagaḥ /

Line : 6  Pada: j     punas tvā viśve devā brāhmaṇā udadīdipan /

Line : 7  Pada: k     punar ūrjā nivartasva punar agna iṣāyuṣā /

Line : 8  Pada: l     punar naḥ pāhy am̐hasaḥ //

Line : 9  Pada: m     saha rayyā nivartasvāgne pinvasva dʰārayā /

Line : 10  Pada: n     viśvapsnyā viśvatas pari //

Line : 11  Pada: o     ketas suketas saketas te na ādityā juṣāṇā asya haviṣo vyantu svāhā

Line : 12  Pada: p     salilas saligas sagaras te na ādityā juṣāṇā asya haviṣo vyantu svāhā

Line : 13  Pada: q     divo jyotir * vivasva āditya te no devā deveṣu satyāṃ devahūtim āsuvadʰvam
      FN emended. Ed.: jyote. cf. 9.3:106.17. Raghuvira, KpS, xxv. Mittwede, Textkritische Bemerkungen, p. 67

Line : 14  Pada: r     ādityebʰyas svāhā //


Anuvaka: 15  
Line : 15  Pada: a     agner vai bʰāgaḥ punarādʰeyam \

Pada: b     taṃ bʰāgaṃ prepsan vyardʰayati

Pada: c     yady ādʰāya manyeta vyr̥dʰyate 'syā * iti punar ādadʰīta
      FN Raghuvira, KpS, xxv, Mittwede, Textkritische Bemerkungen, p. 67: sya

Line : 16  Pada: d     yaṃ bʰāgaṃ prepsan vyardʰayati taṃ prāpyārdʰayaty eva


Line : 17  Pada: e     sarvam āgneyaṃ kriyate

Pada: f     yad kiṃca sarvam agnaye bʰāgaṃ prādāt sarvām r̥dʰhim r̥dʰnoti


Line : 18  Pada: g     na saṃbʰr̥tyās saṃbʰārā ity āhur na yajuṣ kāryam iti

Pada: h     saṃbʰr̥tasaṃbʰāro hy eṣa kr̥tayajus


Line : 19  Pada: i     tat tan na sūrkṣyam \

Pada: j     saṃbʰr̥tyā eva saṃbʰārāḥ kāryaṃ yajuḥ


Pada: k     punarutsyūtaṃ vāso deyaṃ punarutsr̥ṣṭo 'naḍvān punarniṣkr̥to ratʰas \

Page: 99  
Line : 1  Pada: l     etāni vai punarādʰeyasya rūpāṇi

Line : 2  Pada: m     rūpair evainat samardʰayati \


Pada: n     agnir vā utsīdann apa oṣadʰīr anūtsīdati \

Line : 3  Pada: o     āpa etā oṣadʰayo yad darbʰās \

Pada: p     yad darbʰā upolapā bʰavanti \

Pada: q     adbʰya evainam oṣadʰībʰyo * 'dʰyavarunddʰe //
      FN Mittwede, Textkritische Bemerkungen, p. 67


Line : 4  Pada: r     devāś ca vā asurāś ca saṃyattā āsan \

Pada: s     te devā vijayam upayanto 'gnau priyās tanvas saṃnyadadʰata

Line : 5  Pada: t     yadi jayememā upāvartemahi yadi no jayeyur imā abʰyupadʰāvemeti

Line : 6  Pada: u     te 'bʰijityānvaiccʰan sarveṣāṃ nas saheti

Line : 7  Pada: v     so 'gnir abravīd yo mā maddevatyam ādadʰātai sa etābʰis tanūbʰis saṃbʰavād iti

Line : 8  Pada: w     taṃ devā ādadʰata

Pada: x     ta etābʰis tanūbʰis samabʰavan \

Pada: y     etābʰir eva tanūbʰis saṃbʰavati ya evaṃ vidvān etam ādʰatte

Line : 9  Pada: z     tvaṣṭā paśukāma ādʰatta

Pada: aa     ta ime tvāṣṭrāḥ paśavas

Line : 10  Pada: ab     tenarddʰās \

Pada: ac     manuḥ puṣṭikāma ādʰatta

Pada: ad     sa imān poṣān apuṣyat

Line : 11  Pada: ae     tenarddʰāḥ

Pada: af     prajāpatiḥ prajākāma ādʰatta

Pada: ag     tā imāḥ prājāpatyāḥ prajāḥ prājāyanta

Line : 12  Pada: ah     tenarddʰās \

Pada: ai     yo vai tam ādʰatta sa tena vasunā samabʰavat

Pada: aj     tasmāt punarvasus

Line : 13  Pada: ak     tasmāt punarvasā ādʰeyas \


Pada: al     ārdʰnod vai sa yas tam ādʰatta

Pada: am     tasmād anūrādʰās

Line : 14  Pada: an     tasmād anūrādʰeṣv ādʰeyaḥ //


Anuvaka: 16  
Line : 15  Pada: a     gʰarmáṃ ná sā́man tapatā suvr̥ktíbʰir júṣṭaṃ gírvaṇase br̥hát /

Line : 16  Pada: b     āmā́su pakvám aíraya ā́ sū́ryaṃ rohayo diví //

Line : 17  Pada: c     ā́ yásmin saptá vāsavā́ róhanti pūrvyā rúhaḥ * /
      FN MS.4.12.2:181.15: pū́rvyā rúhaḥ.

Line : 18  Pada: d     ŕ̥ṣir ha dīrgʰaśrúttama índrasya gʰarmó átitʰiḥ //

Page: 100  
Line : 1  Pada: e     indriyā́ṇi śatakrato yā́ te jáneṣu pañcásu /

Line : 2  Pada: f     índra tā́ni ta ā́vr̥ṇe //

Line : 3  Pada: g     ánu te dāyi mahá indriyā́ya satrā́ te víśvam ánu vr̥trahátye /

Line : 4  Pada: h     ánu kṣatrám ánu sáho yajaténdra devébʰir ánu te nr̥ṣáhye //

Line : 5  Pada: i     índram íd gātʰíno br̥hád índram arkébʰir arkíṇaḥ /

Line : 6  Pada: j     índraṃ vā́ṇīr anūṣata //

Line : 7  Pada: k     evéd índraṃ vŕ̥ṣaṇaṃ vájrabāhuṃ vásiṣṭʰāso abʰyàrcanty arkaíḥ /

Line : 8  Pada: l     sá nas stutó vīrávad dʰātu gómad yūyáṃ pāta svastíbʰis sádā naḥ //

Line : 9  Pada: m     sáṃ yát ta indra manyávas sáṃ cakrā́ṇi dadʰanviré /

Line : 10  Pada: n     ádʰa tvé ádʰa sū́rye //

Line : 11  Pada: o     ā́ te mahá indroty ùgra sámanyavo yát * samáranta sénāḥ /
      FN Corrigenda. Mittwede, Textkritische Bemerkungen, p. 67

Line : 12  Pada: p     pátāti didyún náryasya bāhvór mā́ te máno viṣvadryàg vícārīt //

Line : 13  Pada: q     stʰiráṃ mánaś cakr̥ṣe jātá indra véṣīd éko yudʰáye bʰūyasaś cit /

Line : 14  Pada: r     áśmānaṃ cic cʰávasā didyuto ví vidó gávām ūrvám usríyāṇām //

Line : 15  Pada: s     yó jātá evá pratʰamó mánasvān devó devā́n krátunā paryábʰūṣat /

Line : 16  Pada: t     yásya śuṣmā́d ródasī ábʰyasetāṃ nr̥mṇásya mahnā́ sá janāsa índraḥ //

Line : 17  Pada: u     índras sutrā́mā svávām̐ ávobʰis sumr̥ḍīkó bʰavatu viśvávedāḥ /

Line : 18  Pada: v     bā́dʰatāṃ dvéṣo ábʰayaṃ kr̥ṇotu suvī́ryasya pátayas syāma //

Line : 19  Pada: w     tásya vayám̐ sumataú yajñíyasyā́pi bʰadré saumanasé syāma /

Line : 20  Pada: x     sá sutrā́mā svávām̐ índro asmé ārā́c cid dvéṣas sanutár yuyotu //

Line : 21  Pada: y     am̐homúce prábʰaremā manīṣā́ṃ bʰūyiṣṭʰadā́vne sumatím āvr̥ṇānā́ḥ /

Line : 22  Pada: z     idám indra práti havyáṃ juṣasva satyā́s santu yájamānasya kā́māḥ //

Page: 101  
Line : 1  Pada: aa     vivéṣa yán mā dʰiṣáṇā jajā́na stávai purā́ pā́ryād índram áhnaḥ /

Line : 2  Pada: ab     ám̐haso yátra pīpárad yátʰā no nāvéva yā́ntam ubʰáye havante //

Line : 3  Pada: ac     ánavas te rátʰam áśvāya takṣan tváṣṭā vájraṃ puruhūta dyumántam /

Line : 4  Pada: ad     brahmā́ṇa índraṃ maháyanto arkaír ávardʰayann áhaye hántavā́ u //

Line : 5  Pada: ae     vŕ̥ṣṇe yát te vŕ̥ṣaṇo arkám árcān índra grā́vāṇo áditis sajóṣāḥ /

Line : 6  Pada: af     anaśvā́so yé paváyo 'ratʰā́ índreṣitā abʰyávartanta dásyūn //

Line : 7  Pada: ag     ánu tvā́higʰne ádʰa deva devā́ mádan víśve kavítamaṃ kavīnā́m /

Line : 8  Pada: ah     káro yátra várivo bādʰitā́ya divé jánāya tanvè gr̥ṇānáḥ //

Line : 9  Pada: ai     ánu dyā́vāpr̥tʰivī́ tát ta ójó 'martyā jihata indra devā́ḥ /

Line : 10  Pada: aj     kr̥ṣvā́ kr̥tno ákr̥taṃ yát te ásty uktʰáṃ návīyo janayasva yajñaíḥ //

Line : 11  Pada: ak     abʰí prábʰara dʰr̥ṣatā́ dʰr̥ṣanmanaś śrávaś cit te asad br̥hát /

Line : 12  Pada: al     árṣantv ā́po jávasā ví mātáro háno vr̥tráṃ jáyā svàḥ //

Line : 13  Pada: am     asmā́ íd u prábʰarā tū́tujāno vr̥trā́ya vájram ī́śānaḥ kiyedʰā́ḥ /

Line : 14  Pada: an     gór ná párva víradā tiraścéṣyann árṇām̐sy apā́ṃ carádʰyai //

Line : 15  Pada: ao     utá bruvantu jantáva úd agnír vr̥trahā́jani /

Line : 16  Pada: ap     dʰanaṃjayó ráṇeraṇe //

Line : 17  Pada: aq     mámāgne várcaḥ //

Line : 18  Pada: ar     índra kṣatrám abʰí vāmám ójó 'jāyatʰā vr̥ṣabʰa carṣaṇīnā́m /

Line : 19  Pada: as     ápānudo jánam amitrayántam urúṃ devébʰyo akr̥ṇor u lokám //

Line : 20  Pada: at     mr̥gó ná bʰīmáḥ kucaró giriṣṭʰā́ḥ parāváta ā́jagantʰā párasyāḥ /

Line : 21  Pada: au     sr̥kám̐ sam̐śā́ya pavím indra tigmáṃ ví śátrūn tāḍʰi ví mŕ̥dʰo nudasva //


Anuvaka: 17  
Page: 102  
Line : 1  Pada: a     revátīr nas sadʰamā́da índre santu tuvívājāḥ /

Line : 2  Pada: b     kṣumánto yā́bʰir mádema //

Line : 3  Pada: c     tā́ asya námasā sáhas saparyánti prácetasaḥ /

Line : 4  Pada: d     vratā́ny asya saścire purū́ṇi pūrvácittaye

Pada: e     vásvīr ánu svarā́jyam //

Line : 5  Pada: f     indrāṇī́ pátyā sújitaṃ jigāyód ám̐śena pativídye bibʰeda /

Line : 6  Pada: g     trim̐śád yásyā jagʰánaṃ * yójanāny upástʰa índram̐ stʰáviraṃ bibʰarti //
      FN emended. Ed.: jagʰánáṃ.

Line : 7  Pada: h     sénā ha nā́ma pr̥tʰivī́ dʰanaṃjayā́ viśvávyacā áditis sū́ryatvak /

Line : 8  Pada: i     indrāṇī́ prāsáhā saṃjáyantī máyi púṣṭiṃ púṣṭipatnī dadʰātu //

Line : 9  Pada: j     indrāṇī́m āsú nā́riṣu supátnīm ahám aśravam /

Line : 10  Pada: k     nahy àsyā aparáṃ caná jarásā márate pátir

Pada: l     víśvasmād índra úttaraḥ //

Line : 11  Pada: m     nā́hám indrāṇi rāraṇa sákʰyur vr̥ṣā́kaper r̥té /

Line : 12  Pada: n     yásyedám ápyam̐ havíḥ priyáṃ devéṣu gáccʰati

Pada: o     víśvasmād índra úttaraḥ //

Line : 13  Pada: p     prā́cyāṃ diśí tvám indrāsi rā́jotódīcyāṃ vr̥trahan vr̥trahā́si /

Line : 14  Pada: q     yátra yánti sravatyàs táj jitáṃ te dakṣiṇató vr̥ṣabʰó hávya edʰi //

Line : 15  Pada: r     asyéd evá práririce mahitváṃ diváḥ pr̥tʰivyā́ḥ páry antárikṣāt /

Line : 16  Pada: s     svarā́ḍ índro dáma ā́ viśvágūrtas svarír ámatro vavakṣe ráṇāya //

Line : 17  Pada: t     tvám indrāsy adʰirājás tváṃ bʰavā́dʰipatir jánānām /

Line : 18  Pada: u     daívīr víśas tvám utā́ vírājaújasvat kṣatrám ajáraṃ te astu //

Line : 19  Pada: v     hiraṇyagarbʰás \

Pada: w     yáḥ prāṇatáḥ //

Line : 20  Pada: x     sómāpūṣaṇā jánanā rayīṇā́ṃ jánanā divó jánanā pr̥tʰivyā́ḥ /

Line : 21  Pada: y     jātaú víśvasya bʰúvanasya gopaú devā́ akr̥ṇvann amŕ̥tasya nā́bʰim //

Page: 103  
Line : 1  Pada: z     imaú devaú jā́yamānau juṣantemaú támām̐si gūhatām ájuṣṭā /

Line : 2  Pada: aa     ābʰyā́m índraḥ pakvám āmā́sv antás somāpūṣábʰyāṃ janad usríyāsu //

Line : 3  Pada: ab     priyā́ vo nā́ma huve turā́ṇām /(8.17:103.4) ā́ yát tr̥pán maruto vāvaśānā́ḥ //

Line : 5  Pada: ac     śriyáse káṃ bʰānúbʰis sáṃmimikṣire té raśmíbʰis tá ŕ̥kvabʰis sukʰādáyaḥ /

Line : 6  Pada: ad     té vā́śīmanta iṣmíṇo ábʰīravo vidré priyásya mā́rutasya dʰā́mnaḥ //

Line : 7  Pada: ae     índraṃ vo viśvátas pári hávāmahe jánebʰyaḥ /

Line : 8  Pada: af     asmā́kam astu kévalaḥ //

Line : 9  Pada: ag     ā́ no víśvābʰir ūtíbʰis sajóṣā bráhma juṣāṇó haryaśva yāhi /

Line : 10  Pada: ah     várīvr̥jat stʰávirebʰis suśiprāsmé dádʰad vŕ̥ṣaṇam̐ śúṣmam indra //

Line : 11  Pada: ai     máruto yád dʰa vo divás sumnāyánto hávāmahe /

Line : 12  Pada: aj     ā́ tū́ na úpagantana //

Line : 13  Pada: ak     yūyám asmā́n nayata vásyo áccʰā nír am̐hatíbʰyo maruto gr̥ṇānā́ḥ /

Line : 14  Pada: al     juṣádʰvaṃ no havyádātiṃ yajatrā vayám̐ syāma pátayo rayīṇā́m //

Line : 15  Pada: am     sá yudʰmás sátvā kʰajakŕ̥t samádvā tuvimrakṣó nadanumā́m̐ r̥jīṣī́ /

Line : 16  Pada: an     br̥hádreṇuś cyávano mā́nuṣīṇām ékaḥ kr̥ṣṭīnā́m abʰavat sahā́vā //

Line : 17  Pada: ao     sáṃ yád dʰánanta manyúbʰir jánāsaś śū́rā yahvī́ṣv óṣadʰīṣu vikṣú /

Line : 18  Pada: ap     ádʰa smā no maruto rudriyāsas trātā́ro bʰūta pŕ̥tanāsv aryáḥ //

Line : 19  Pada: aq     éndra sānasíṃ rayím̐ sajítvānam̐ sadāsáham /

Line : 20  Pada: ar     várṣiṣṭʰam ūtáye bʰara //

Line : 21  Pada: as     svastáye vājíbʰiś ca praṇetas sáṃ yán mahī́r iṣá āsátsi pūrvī́ḥ /

Line : 22  Pada: at     rāyó vantā́ro br̥hatás syāmāsmé astu bʰága indra prajā́vān //

Page: 104  
Line : 1  Pada: au     yā́ vaś śárma śaśamānā́ya sánti tridʰā́tūni dāśúṣe yaccʰatā́dʰi /

Line : 2  Pada: av     asmábʰyaṃ tā́ni maruto víyanta rayíṃ no dʰatta vr̥ṣaṇas suvī́ram //


Line : 3  Pada: aw     iti śrīyajuṣi kāṭʰake carakaśākʰāyāmiṭʰimikāyāṃ diśastʰānakaṃ nāmāṣṭamaṃ stʰānakaṃ saṃpūrṇam //


Next part


This text is part of the TITUS edition of Black Yajur-Veda: Kathaka-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.