TITUS
Rg-Veda: Rg-Veda-Samhita
Part No. 257
Previous part

Hymn: 23_(257) 
Verse: 1 
Halfverse: a    nírmatʰitaḥ súdʰita ā́ sadʰástʰe yúvā kavír adʰvarásya praṇetā́ /
   nírmatʰitaḥ súdʰita ā́ sadʰástʰe
   nírmatʰitaḥ súdʰitaḥ ā́ sadʰástʰe
   nírmatʰitaḥ súdʰita ā́ sadʰástʰe

Halfverse: b    yúvā kavír adʰvarásya praṇetā́ /
   yúvā kavíḥ adʰvarásya praṇetā́ /
   yúvā kavír adʰvarásya praṇetā́ /

Halfverse: c    jū́ryatsv agnír ajáro váneṣv átrā dadʰe amŕ̥taṃ jātávedāḥ //
   jū́ryatsv agnír ajáro váneṣv
   jū́ryatsu agníḥ ajáraḥ váneṣu
   jū́ryatsu agnír ajáro váneṣu

Halfverse: d    átrā dadʰe amŕ̥taṃ jātávedāḥ //
   átra+ dadʰe amŕ̥tam jātávedāḥ //
   átrā dadʰe amŕ̥taṃ jātávedāḥ //


Verse: 2 
Halfverse: a    ámantʰiṣṭām bʰā́ratā revád agníṃ deváśravā devávātaḥ sudákṣam /
   ámantʰiṣṭām bʰā́ratā revád agníṃ
   ámantʰiṣṭām bʰā́ratā revát agním
   ámantʰiṣṭām bʰā́ratā revád agníṃ

Halfverse: b    deváśravā devávātaḥ sudákṣam /
   deváśravāḥ devávātaḥ sudákṣam /
   deváśravā devávātaḥ sudákṣam /

Halfverse: c    ágne ví paśya br̥hatā́bʰí rāyéṣā́ṃ no netā́ bʰavatād ánu dyū́n //
   ágne ví paśya br̥hatā́bʰí rāyā́_
   ágne ví paśya br̥hatā́ abʰí rāyā́
   ágne ví paśya br̥hatā́bʰí rāyā́

Halfverse: d    _iṣā́ṃ no netā́ bʰavatād ánu dyū́n //
   iṣā́m naḥ netā́ bʰavatāt ánu dyū́n //
   iṣā́ṃ no netā́ bʰavatād ánu dyū́n //


Verse: 3 
Halfverse: a    dáśa kṣípaḥ pūrvyáṃ sīm ajījanan sújātam mātŕ̥ṣu priyám /
   dáśa kṣípaḥ pūrvyáṃ sīm ajījanan
   dáśa kṣípaḥ pūrvyám sīm ajījanan
   dáśa kṣípaḥ pūrviyáṃ sīm ajījanan

Halfverse: b    sújātam mātŕ̥ṣu priyám /
   sújātam mātŕ̥ṣu priyám /
   sújātam mātŕ̥ṣu priyám /

Halfverse: c    agníṃ stuhi daivavātáṃ devaśravo yó jánānām ásad vaśī́ //
   agníṃ stuhi daivavātáṃ devaśravo
   agním stuhi daivavātám devaśravaḥ
   agníṃ stuhi daivavātáṃ devaśravo

Halfverse: d    yó jánānām ásad vaśī́ //
   yáḥ jánānām ásat vaśī́ //
   yó jánānām ásad vaśī́ //


Verse: 4 
Halfverse: a    ní tvā dadʰe vára ā́ pr̥tʰivyā́ íḷāyās padé sudinatvé áhnām /
   ní tvā dadʰe vára ā́ pr̥tʰivyā́
   ní tvā dadʰe váre ā́ pr̥tʰivyā́ḥ
   ní tvā dadʰe ? vára ā́ pr̥tʰivyā́

Halfverse: b    íḷāyās padé sudinatvé áhnām /
   íḷāyāḥ padé sudinatvé áhnām /
   íḷāyās padé sudinatvé áhnām /

Halfverse: c    dr̥ṣádvatyām mā́nuṣa āpayā́yāṃ sárasvatyāṃ revád agne didīhi //
   dr̥ṣádvatyām mā́nuṣa āpayā́yāṃ
   dr̥ṣádvatyām mā́nuṣe āpayā́yām
   dr̥ṣádvatyām mā́nuṣa āpayā́yāṃ

Halfverse: d    sárasvatyāṃ revád agne didīhi //
   sárasvatyām revát agne didīhi //
   sárasvatyāṃ revád agne didīhi //


Verse: 5 
Halfverse: a    íḷām agne purudám̐saṃ saníṃ góḥ śaśvattamáṃ hávamānāya sādʰa /
   íḷām agne purudám̐saṃ saníṃ góḥ
   íḷām agne purudáṃsam saním góḥ
   íḷām agne purudáṃsaṃ saníṃ góḥ

Halfverse: b    śaśvattamáṃ hávamānāya sādʰa /
   śaśvattamám hávamānāya sādʰa /
   śaśvattamáṃ hávamānāya sādʰa /

Halfverse: c    syā́n naḥ sūnús tánayo vijā́vā́gne sā́ te sumatír bʰūtv asmé //
   syā́n naḥ sūnús tánayo vijā́vā_
   syā́t naḥ sūnúḥ tánayaḥ vijā́vā
   siyā́n naḥ sūnús tánayo vijā́vā

Halfverse: d    _ágne sā́ te sumatír bʰūtv asmé //
   ágne sā́ te sumatíḥ bʰūtu asmé //
   ágne sā́ te sumatír bʰūtu asmé //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.