TITUS
Rg-Veda: Rg-Veda-Samhita
Part No. 256
Previous part

Hymn: 22_(256) 
Verse: 1 
Halfverse: a    ayáṃ só agnír yásmin sómam índraḥ sutáṃ dadʰé jaṭʰáre vāvaśānáḥ /
   ayáṃ só agnír yásmin sómam índraḥ
   ayám sáḥ agníḥ yásmin sómam índraḥ
   ayáṃ só agnír yásmin sómam índraḥ

Halfverse: b    sutáṃ dadʰé jaṭʰáre vāvaśānáḥ /
   sutám dadʰé jaṭʰáre vāvaśānáḥ /
   sutáṃ dadʰé jaṭʰáre vāvaśānáḥ /

Halfverse: c    sahasríṇaṃ vā́jam átyaṃ ná sáptiṃ sasavā́n sán stūyase jātavedaḥ //
   sahasríṇaṃ vā́jam átyaṃ ná sáptiṃ
   sahasríṇam vā́jam átyam ná sáptim
   sahasríṇaṃ vā́jam átyaṃ ná sáptiṃ

Halfverse: d    sasavā́n sán stūyase jātavedaḥ //
   sasavā́n sán stūyase jātavedaḥ //
   sasavā́n sán stūyase jātavedaḥ //


Verse: 2 
Halfverse: a    ágne yát te diví várcaḥ pr̥tʰivyā́ṃ yád óṣadʰīṣv apsv ā́ yajatra /
   ágne yát te diví várcaḥ pr̥tʰivyā́ṃ
   ágne yát te diví várcaḥ pr̥tʰivyā́m
   ágne yát te diví várcaḥ pr̥tʰivyā́ṃ

Halfverse: b    yád óṣadʰīṣv apsv ā́ yajatra /
   yát óṣadʰīṣu apsú ā́ yajatra /
   yád óṣadʰīṣu apsú ā́ yajatra /

Halfverse: c    yénāntárikṣam urv ā̀tatántʰa tveṣáḥ sá bʰānúr arṇavó nr̥cákṣāḥ //
   yénāntárikṣam urv ā̀tatántʰa
   yéna antárikṣam urú ātatántʰa
   yénāntárikṣam urú ātatántʰa

Halfverse: d    tveṣáḥ sá bʰānúr arṇavó nr̥cákṣāḥ //
   tveṣáḥ sá bʰānúḥ arṇaváḥ nr̥cákṣāḥ //
   tveṣáḥ sá bʰānúr arṇavó nr̥cákṣāḥ //


Verse: 3 
Halfverse: a    ágne divó árṇam ácʰā jigāsy ácʰā devā́m̐ ūciṣe dʰíṣṇyā yé /
   ágne divó árṇam ácʰā jigāsy
   ágne diváḥ árṇam ácʰa+ jigāsi
   ágne divó árṇam ácʰā jigāsi

Halfverse: b    ácʰā devā́m̐ ūciṣe dʰíṣṇyā yé /
   ácʰa+ devā́n ūciṣe dʰíṣṇyāḥ yé /
   ácʰā devā́m̐ ūciṣe dʰíṣṇiyā yé /

Halfverse: c    yā́ rocané parástāt sū́ryasya yā́ś cāvástād upatíṣṭʰanta ā́paḥ //
   yā́ rocané parástāt sū́ryasya
   yā́ḥ rocané parástāt sū́ryasya
   yā́ rocané parástāt sū́riyasya

Halfverse: d    yā́ś cāvástād upatíṣṭʰanta \!\ ā́paḥ //
   yā́ḥ ca avástāt upatíṣṭʰante ā́paḥ //
   yā́ś cāvástād upatíṣṭʰanta ā́paḥ //


Verse: 4 
Halfverse: a    purīṣyā̀so agnáyaḥ prāvaṇébʰiḥ sajóṣasaḥ /
   purīṣyā̀so agnáyaḥ
   purīṣyā̀saḥ agnáyaḥ
   purīṣíyāso agnáyaḥ

Halfverse: b    prāvaṇébʰiḥ sajóṣasaḥ /
   prāvaṇébʰiḥ sajóṣasaḥ /
   prāvaṇébʰiḥ sajóṣasaḥ /

Halfverse: c    juṣántāṃ yajñám adrúho 'namīvā́ íṣo mahī́ḥ //
   juṣántāṃ yajñám adrúho
   juṣántām yajñám adrúhaḥ
   juṣántāṃ yajñám adrúho

Halfverse: d    'namīvā́ íṣo mahī́ḥ //
   anamīvā́ḥ íṣaḥ mahī́ḥ //
   anamīvā́ íṣo mahī́ḥ //


Verse: 5 
Halfverse: a    íḷām agne purudám̐saṃ saníṃ góḥ śaśvattamáṃ hávamānāya sādʰa /
   íḷām agne purudám̐saṃ saníṃ góḥ
   íḷām agne purudáṃsam saním góḥ
   íḷām agne purudáṃsaṃ saníṃ góḥ

Halfverse: b    śaśvattamáṃ hávamānāya sādʰa /
   śaśvattamám hávamānāya sādʰa /
   śaśvattamáṃ hávamānāya sādʰa /

Halfverse: c    syā́n naḥ sūnús tánayo vijā́vā́gne sā́ te sumatír bʰūtv asmé //
   syā́n naḥ sūnús tánayo vijā́vā_
   syā́t naḥ sūnúḥ tánayaḥ vijā́vā
   siyā́n naḥ sūnús tánayo vijā́vā

Halfverse: d    _ágne sā́ te sumatír bʰūtv asmé //
   ágne sā́ te sumatíḥ bʰūtu asmé //
   ágne sā́ te sumatír bʰūtu asmé //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.