TITUS
Mahabharata
Part No. 887
Previous part

Chapter: 27 
Adhyāya 27


Verse: 1  {Arjuna uvāca}
Halfverse: a    saṃnyāsaṃ karmaṇāṃ kr̥ṣṇa   punar yogaṃ ca śaṃsasi
   saṃnyāsaṃ karmaṇāṃ kr̥ṣṇa   punar yogaṃ ca śaṃsasi /
Halfverse: c    yac cʰreya etayor ekaṃ   tan me brūhi suniścitam
   yat śreya\ etayor ekaṃ   tan me brūhi suniścitam /1/

Verse: 2  {Śrī-Bʰagavān uvāca}
Halfverse: a    saṃnyāsaḥ karmayogaś ca   niḥśreyasakarāv ubʰau
   saṃnyāsaḥ karma-yogaś ca   niḥśreyasa-karāv ubʰau / ՙ
Halfverse: c    tayos tu karmasaṃnyāsāt   karmayogo viśiṣyate
   tayos tu karma-saṃnyāsāt   karma-yogo viśiṣyate /2/

Verse: 3 
Halfverse: a    jñeyaḥ sa nityasaṃnyāsī   yo na dveṣṭi na kāṅkṣati
   jñeyaḥ sa nitya-saṃnyāsī   yo na dveṣṭi na kāṅkṣati /
Halfverse: c    nirdvandvo hi mahābāho   sukʰaṃ bandʰāt pramucyate
   nirdvandvo hi mahā-bāho   sukʰaṃ bandʰāt pramucyate /3/

Verse: 4 
Halfverse: a    sāṃkʰyayogau pr̥tʰag bālāḥ   pravadanti na paṇḍitāḥ
   sāṃkʰya-yogau pr̥tʰag bālāḥ   pravadanti na paṇḍitāḥ /
Halfverse: c    ekam apy āstʰitaḥ samyag   ubʰayor vindate pʰalam
   ekam apy āstʰitaḥ samyag   ubʰayor vindate pʰalam /4/

Verse: 5 
Halfverse: a    yat sāṃkʰyaiḥ prāpyate stʰānaṃ   tad yogair api gamyate
   yat sāṃkʰyaiḥ prāpyate stʰānaṃ   tad yogair api gamyate /
Halfverse: c    ekaṃ sāṃkʰyaṃ ca yogaṃ ca   yaḥ paśyati sa paśyati
   ekaṃ sāṃkʰyaṃ ca yogaṃ ca   yaḥ paśyati sa paśyati /5/

Verse: 6 
Halfverse: a    saṃnyāsas tu mahābāho   duḥkʰam āptum ayogataḥ
   saṃnyāsas tu mahā-bāho   duḥkʰam āptum ayogataḥ /
Halfverse: c    yogayukto munir brahma   nacireṇādʰigaccʰati
   yoga-yukto munir brahma   nacireṇa_adʰigaccʰati /6/

Verse: 7 
Halfverse: a    yogayukto viśuddʰātmā   vijitātmā jitendriyaḥ
   yoga-yukto viśuddʰa_ātmā   vijita_ātmā jita_indriyaḥ /
Halfverse: c    sarvabʰūtātmabʰūtātmā   kurvann api na lipyate
   sarva-bʰūta_ātma-bʰūta_ātmā   kurvann api na lipyate /7/

Verse: 8 
Halfverse: a    naiva kiṃ cit karomīti   yukto manyeta tattvavit
   na_eva kiṃcit karomi_iti   yukto manyeta tattvavit /
Halfverse: c    paśyañ śr̥ṇvan spr̥śañ jigʰrann   aśnan gaccʰan svapañ śvasan
   paśyan śr̥ṇvan spr̥śan jigʰrann   aśnan gaccʰan svapan śvasan /8/

Verse: 9 
Halfverse: a    pralapan visr̥jan gr̥hṇann   unmiṣan nimiṣann api
   pralapan visr̥jan gr̥hṇann   unmiṣan nimiṣann api /
Halfverse: c    indriyāṇīndriyārtʰeṣu   vartanta iti dʰārayan
   indriyāṇi_indriya_artʰeṣu   vartanta\ iti dʰārayan /9/ ՙ

Verse: 10 
Halfverse: a    brahmaṇy ādʰāya karmāṇi   saṅgaṃ tyaktvā karoti yaḥ
   brahmaṇy ādʰāya karmāṇi   saṅgaṃ tyaktvā karoti yaḥ /
Halfverse: c    lipyate na sa pāpena   padmapatram ivāmbʰasā
   lipyate na sa pāpena   padma-patram iva_ambʰasā /10/

Verse: 11 
Halfverse: a    kāyena manasā buddʰyā   kevalair indriyair api
   kāyena manasā buddʰyā   kevalair indriyair api /
Halfverse: c    yoginaḥ karma kurvanti   saṅgaṃ tyaktvātmaśuddʰaye
   yoginaḥ karma kurvanti   saṅgaṃ tyaktvā_ātma-śuddʰaye /11/

Verse: 12 
Halfverse: a    yuktaḥ karmapʰalaṃ tyaktvā   śāntim āpnoti naiṣṭʰikīm
   yuktaḥ karma-pʰalaṃ tyaktvā   śāntim āpnoti naiṣṭʰikīm /
Halfverse: c    ayuktaḥ kāmakāreṇa   pʰale sakto nibadʰyate
   ayuktaḥ kāma-kāreṇa   pʰale sakto nibadʰyate /12/

Verse: 13 
Halfverse: a    sarvakarmāṇi manasā   saṃnyasyāste sukʰaṃ vaśī
   sarva-karmāṇi manasā   saṃnyasya_āste sukʰaṃ vaśī /
Halfverse: c    navadvāre pure dehī   naiva kurvan na kārayan
   nava-dvāre pure dehī   na_eva kurvan na kārayan /13/

Verse: 14 
Halfverse: a    na kartr̥tvaṃ na karmāṇi   lokasya sr̥jati prabʰuḥ
   na kartr̥tvaṃ na karmāṇi   lokasya sr̥jati prabʰuḥ /
Halfverse: c    na karmapʰalasaṃyogaṃ   svabʰāvas tu pravartate
   na karma-pʰala-saṃyogaṃ   svabʰāvas tu pravartate /14/

Verse: 15 
Halfverse: a    nādatte kasya cit pāpaṃ   na caiva sukr̥taṃ vibʰuḥ
   na_ādatte kasyacit pāpaṃ   na ca_eva sukr̥taṃ vibʰuḥ /
Halfverse: c    ajñānenāvr̥taṃ jñānaṃ   tena muhyanti jantavaḥ
   ajñānena_āvr̥taṃ jñānaṃ   tena muhyanti jantavaḥ /15/

Verse: 16 
Halfverse: a    jñānena tu tad ajñānaṃ   yeṣāṃ nāśitam ātmanaḥ
   jñānena tu tad ajñānaṃ   yeṣāṃ nāśitam ātmanaḥ /
Halfverse: c    teṣām ādityavaj jñānaṃ   prakāśayati tatparam
   teṣām ādityavat jñānaṃ   prakāśayati tat-param /16/

Verse: 17 
Halfverse: a    tadbuddʰayas tadātmānas   tanniṣṭʰās tatparāyaṇāḥ
   tad-buddʰayas tad-ātmānas   tad-niṣṭʰās tat-parāyaṇāḥ /
Halfverse: c    gaccʰanty apunarāvr̥ttiṃ   jñānanirdʰūtakalmaṣāḥ
   gaccʰanty apunar-āvr̥ttiṃ   jñāna-nirdʰūta-kalmaṣāḥ /17/

Verse: 18 
Halfverse: a    vidyāvinayasaṃpanne   brāhmaṇe gavi hastini
   vidyā-vinaya-saṃpanne   brāhmaṇe gavi hastini /
Halfverse: c    śuni caiva śvapāke ca   paṇḍitāḥ samadarśinaḥ
   śuni ca_eva śvapāke ca   paṇḍitāḥ samadarśinaḥ /18/

Verse: 19 
Halfverse: a    ihaiva tair jitaḥ sargo   yeṣāṃ sāmye stʰitaṃ manaḥ
   iha_eva tair jitaḥ sargo   yeṣāṃ sāmye stʰitaṃ manaḥ /
Halfverse: c    nirdoṣaṃ hi samaṃ brahma   tasmād brahmaṇi te stʰitāḥ
   nirdoṣaṃ hi samaṃ brahma   tasmād brahmaṇi te stʰitāḥ /19/

Verse: 20 
Halfverse: a    na prahr̥ṣyet priyaṃ prāpya   nodvijet prāpya cāpriyam
   na prahr̥ṣyet priyaṃ prāpya   na_udvijet prāpya ca_apriyam /
Halfverse: c    stʰirabuddʰir asaṃmūḍʰo   brahmavid brahmaṇi stʰitaḥ
   stʰira-buddʰir asaṃmūḍʰo   brahmavid brahmaṇi stʰitaḥ /20/

Verse: 21 
Halfverse: a    bāhyasparśeṣv asaktātmā   vindaty ātmani yat sukʰam
   bāhya-sparśeṣv asakta_ātmā   vindaty ātmani yat sukʰam /
Halfverse: c    sa brahmayogayuktātmā   sukʰam akṣayam aśnute
   sa brahma-yoga-yukta_ātmā   sukʰam akṣayam aśnute /21/ 3

Verse: 22 
Halfverse: a    ye hi saṃsparśajā bʰogā   duḥkʰayonaya eva te
   ye hi saṃsparśajā bʰogā   duḥkʰa-yonaya\ eva te / ՙ
Halfverse: c    ādyantavantaḥ kaunteya   na teṣu ramate budʰaḥ
   ādy-anta-vantaḥ kaunteya   na teṣu ramate budʰaḥ /22/

Verse: 23 
Halfverse: a    śaknotīhaiva yaḥ soḍʰuṃ   prāk śarīravimokṣaṇāt
   śaknoti_iha_eva yaḥ soḍʰuṃ   prāk śarīra-vimokṣaṇāt /
Halfverse: c    kāmakrodʰodbʰavaṃ vegaṃ   sa yuktaḥ sa sukʰī naraḥ
   kāma-krodʰa_udbʰavaṃ vegaṃ   sa yuktaḥ sa sukʰī naraḥ /23/

Verse: 24 
Halfverse: a    yo 'ntaḥsukʰo 'ntarārāmas   tatʰāntarjyotir eva yaḥ
   yo_antaḥ-sukʰo_antar-ārāmas   tatʰā_antar-jyotir eva yaḥ /
Halfverse: c    sa yogī brahmanirvāṇaṃ   brahmabʰūto 'dʰigaccʰati
   sa yogī brahma-nirvāṇaṃ   brahma-bʰūto_adʰigaccʰati /24/

Verse: 25 
Halfverse: a    labʰante brahmanirvāṇam   r̥ṣayaḥ kṣīṇakalmaṣāḥ
   labʰante brahma-nirvāṇam   r̥ṣayaḥ kṣīṇa-kalmaṣāḥ /
Halfverse: c    cʰinnadvaidʰā yatātmānaḥ   sarvabʰūtahite ratāḥ
   cʰinna-dvaidʰā yata_ātmānaḥ   sarva-bʰūta-hite ratāḥ /25/

Verse: 26 
Halfverse: a    kāmakrodʰaviyuktānāṃ   yatīnāṃ yatacetasām
   kāma-krodʰa-viyuktānāṃ   yatīnāṃ yata-cetasām /
Halfverse: c    abʰito brahmanirvāṇaṃ   vartate viditātmanām
   abʰito brahma-nirvāṇaṃ   vartate vidita_ātmanām /26/

Verse: 27 
Halfverse: a    sparśān kr̥tvā bahir bāhyāṃś   cakṣuś caivāntare bʰruvoḥ
   sparśān kr̥tvā bahir bāhyāṃś   cakṣuś ca_eva_antare bʰruvoḥ /
Halfverse: c    prāṇāpānau samau kr̥tvā   nāsābʰyantaracāriṇau
   prāṇa_apānau samau kr̥tvā   nāsa_abʰyantara-cāriṇau /27/

Verse: 28 
Halfverse: a    yatendriyamanobuddʰir   munir mokṣaparāyaṇaḥ
   yata_indriya-mano-buddʰir   munir mokṣa-parāyaṇaḥ /
Halfverse: c    vigateccʰābʰayakrodʰo   yaḥ sadā mukta eva saḥ
   vigata_iccʰā-bʰaya-krodʰo   yaḥ sadā mukta\ eva saḥ /28/ ՙ

Verse: 29 
Halfverse: a    bʰoktāraṃ yajñatapasāṃ   sarvalokamaheśvaram
   bʰoktāraṃ yajña-tapasāṃ   sarva-loka-mahā_īśvaram /
Halfverse: c    suhr̥daṃ sarvabʰūtānāṃ   jñātvā māṃ śāntim r̥ccʰati
   suhr̥daṃ sarva-bʰūtānāṃ   jñātvā māṃ śāntim r̥ccʰati /29/ (E)29



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.