TITUS
Mahabharata
Part No. 140
Previous part

Chapter: 140 
Adhyāya 140


Verse: 1  {Vaiśaṃpāyana uvāca}
Halfverse: a    tāṃ viditvā ciragatāṃ   hiḍimbo rākṣaseśvaraḥ
   tāṃ viditvā cira-gatāṃ   hiḍimbo rākṣasa_īśvaraḥ /
Halfverse: c    avatīrya drumāt tasmād   ājagāmātʰa pāṇḍavān
   avatīrya drumāt tasmād   ājagāma_atʰa pāṇḍavān /1/

Verse: 2 
Halfverse: a    lohitākṣo mahābāhur   ūrdʰvakeśo mahābalaḥ
   lohita_akṣo mahā-bāhur   ūrdʰva-keśo mahā-balaḥ /
Halfverse: c    megʰasaṃgʰāta varṣmā ca   tīṣkṇa daṃṣṭrojjvalānanaḥ
   megʰa-saṃgʰāta varṣmā ca   tīṣkṇa daṃṣṭra_ujjvala_ānanaḥ /2/

Verse: 3 
Halfverse: a    tam āpatantaṃ dr̥ṭvaiva   tatʰā vikr̥tadarśanam
   tam āpatantaṃ dr̥ṭvā_eva   tatʰā vikr̥ta-darśanam /
Halfverse: c    hiḍimbovāca vitrastā   bʰīmasenam idaṃ vacaḥ
   hiḍimbā_uvāca vitrastā   bʰīma-senam idaṃ vacaḥ /3/

Verse: 4 
Halfverse: a    āpataty eṣa duṣṭātmā   saṃkruddʰaḥ puruṣādakaḥ
   āpataty eṣa duṣṭa_ātmā   saṃkruddʰaḥ puruṣa_adakaḥ /
Halfverse: c    tvām ahaṃ bʰrātr̥bʰiḥ sārdʰaṃ   yad bravīmi tatʰā kuru
   tvām ahaṃ bʰrātr̥bʰiḥ sārdʰaṃ   yad bravīmi tatʰā kuru /4/

Verse: 5 
Halfverse: a    ahaṃ kāmagamā vīra   rakṣobalasamanvitā
   ahaṃ kāma-gamā vīra   rakṣo-bala-samanvitā /
Halfverse: c    āruhemāṃ mama śroṇīṃ   neṣyāmi tvāṃ vihāyasā
   āruha_imāṃ mama śroṇīṃ   neṣyāmi tvāṃ vihāyasā /5/

Verse: 6 
Halfverse: a    prabodʰayainān saṃsuptān   mātaraṃ ca paraṃtapa
   prabodʰaya_enān saṃsuptān   mātaraṃ ca paraṃ-tapa /
Halfverse: c    sarvān eva gamiṣyāmi   gr̥hītvā vo vihāyasā
   sarvān eva gamiṣyāmi   gr̥hītvā vo vihāyasā /6/

Verse: 7  {Bʰīma uvāca}
Halfverse: a    mā bʰais tvaṃ vipulaśroṇinaiṣa   kaś cin mayi stʰite
   mā bʰais tvaṃ vipula-śroṇi-na_eṣa   kaścin mayi stʰite /
Halfverse: c    aham enaṃ haniṣyāmi   prekṣantyās te sumadʰyame
   aham enaṃ haniṣyāmi   prekṣantyās te sumadʰyame /7/

Verse: 8 
Halfverse: a    nāyaṃ pratibalo bʰīru   rākṣasāpasado mama
   na_ayaṃ pratibalo bʰīru   rākṣasa_apasado mama /
Halfverse: c    soḍʰuṃ yudʰi parispandam   atʰavā sarvarākṣasāḥ
   soḍʰuṃ yudʰi parispandam   atʰavā sarva-rākṣasāḥ /8/

Verse: 9 
Halfverse: a    paśya bāhū suvr̥ttau me   hastihastanibʰāv imau
   paśya bāhū suvr̥ttau me   hasti-hasta-nibʰāv imau /
Halfverse: c    ūrū parigʰasaṃkāśau   saṃhataṃ cāpy uro mama
   ūrū parigʰa-saṃkāśau   saṃhataṃ ca_apy uro mama /9/

Verse: 10 
Halfverse: a    vikramaṃ me yatʰendrasya   sādya drakṣyasi śobʰane
   vikramaṃ me yatʰā_indrasya   sā_adya drakṣyasi śobʰane /
Halfverse: c    māvamaṃstʰāḥ pr̥tʰuśroṇimatvā   mām iha mānuṣam
   mā_avamaṃstʰāḥ pr̥tʰu-śroṇi-matvā   mām iha mānuṣam /10/

Verse: 11  {Bʰīma uvāca}
Halfverse: a    nāvamanye naravyāgʰra   tām ahaṃ devarūpiṇam
   na_avamanye nara-vyāgʰra   tām ahaṃ deva-rūpiṇam /
Halfverse: c    dr̥ṣṭāpadānas tu mayā   mānuṣeṣv eva rākṣasaḥ
   dr̥ṣṭa_apadānas tu mayā   mānuṣeṣv eva rākṣasaḥ /11/

Verse: 12  {Vaiśaṃpāyana uvāca}
Halfverse: a    tatʰā saṃjalpatas tasya   bʰīmasenasya bʰārata
   tatʰā saṃjalpatas tasya   bʰīma-senasya bʰārata /
Halfverse: c    vācaḥ śuśrāva tāḥ kruddʰo   rākṣasaḥ puruṣādakaḥ
   vācaḥ śuśrāva tāḥ kruddʰo   rākṣasaḥ puruṣa_adakaḥ /12/

Verse: 13 
Halfverse: a    avekṣamāṇas tasyāś ca   hiḍimbo mānuṣaṃ vapuḥ
   avekṣamāṇas tasyāś ca   hiḍimbo mānuṣaṃ vapuḥ /
Halfverse: c    sragdāma pūritaśikʰaṃ   samagrendu nibʰānanam
   srag-dāma pūrita-śikʰaṃ   samagra_indu nibʰa_ānanam /13/

Verse: 14 
Halfverse: a    subʰrū nāsākṣi keśāntaṃ   sukumāranakʰa tvacam
   subʰrū nāsa_akṣi keśa_antaṃ   sukumāra-nakʰa tvacam /
Halfverse: c    sarvābʰaraṇasaṃyuktaṃ   susūkṣmāmbara vāsasam
   sarva_ābʰaraṇa-saṃyuktaṃ   susūkṣma_ambara vāsasam /14/

Verse: 15 
Halfverse: a    tāṃ tatʰā mānuṣaṃ rūpaṃ   bibʰratīṃ sumanoraham
   tāṃ tatʰā mānuṣaṃ rūpaṃ   bibʰratīṃ sumano-raham /
Halfverse: c    puṃskāmāṃ śaṅkamānaś ca   cukrodʰa puruṣādakaḥ {!}
   puṃs-kāmāṃ śaṅkamānaś ca   cukrodʰa puruṣa_adakaḥ /15/ {!}

Verse: 16 
Halfverse: a    saṃkruddʰo rākṣasas tasyā   bʰaginyāḥ kurusattama
   saṃkruddʰo rākṣasas tasyā   bʰaginyāḥ kuru-sattama /
Halfverse: c    utpʰālya vipule netre   tatas tām idam abravīt
   utpʰālya vipule netre   tatas tām idam abravīt /16/

Verse: 17 
Halfverse: a    ko hi me bʰoktukāmasyā   vigʰnaṃ carati durmatiḥ
   ko hi me bʰoktu-kāmasyā   vigʰnaṃ carati durmatiḥ /
Halfverse: c    na bibʰeṣi hiḍimbe kiṃ   mat kopād vipramohitā
   na bibʰeṣi hiḍimbe kiṃ   mat kopād vipramohitā /17/

Verse: 18 
Halfverse: a    dʰik tvām asati puṃskāme   mama vipriyakāriṇi {!}
   dʰik tvām asati puṃs-kāme   mama vipriya-kāriṇi / {!}
Halfverse: c    pūrveṣāṃ rākṣasendrāṇāṃ   sarveṣām ayaśaḥ kari
   pūrveṣāṃ rākṣasa_indrāṇāṃ   sarveṣām ayaśaḥ kari /18/

Verse: 19 
Halfverse: a    yān imān āśritākārṣīr   apriyaṃ sumahan mama
   yān imān āśritā_akārṣīr   apriyaṃ sumahan mama /
Halfverse: c    eṣa tān adya vai sarvān   haniṣyāmi tvayā saha
   eṣa tān adya vai sarvān   haniṣyāmi tvayā saha /19/

Verse: 20 
Halfverse: a    evam uktvā hiḍimbāṃ sa   hiḍimbo lohitekṣaṇaḥ
   evam uktvā hiḍimbāṃ sa   hiḍimbo lohita_īkṣaṇaḥ /
Halfverse: c    vadʰāyābʰipapātaināṃ   dantair dantān upaspr̥śan
   vadʰāya_abʰipapāta_enāṃ   dantair dantān upaspr̥śan /20/

Verse: 21 
Halfverse: a    tam āpatantaṃ saṃprekṣya   bʰīmaḥ praharatāṃ varaḥ
   tam āpatantaṃ saṃprekṣya   bʰīmaḥ praharatāṃ varaḥ /
Halfverse: c    bʰartsayām āsa tejasvī   tiṣṭʰa tiṣṭʰeti cābravīt
   bʰartsayām āsa tejasvī   tiṣṭʰa tiṣṭʰa_iti ca_abravīt /21/ (E)21



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.