TITUS
Mahabharata
Part No. 137
Previous part

Chapter: 137 
Adhyāya 137


Verse: 1  {Vaiśaṃpāyana uvāca}
Halfverse: a    atʰa rātryāṃ vyatītāyām   aśoṣo nāgaro janaḥ
   atʰa rātryāṃ vyatītāyām   aśoṣo nāgaro janaḥ /
Halfverse: c    tatrājagāma tvarito   didr̥kṣuḥ pāṇḍunandanān
   tatra_ājagāma tvarito   didr̥kṣuḥ pāṇḍu-nandanān /1/

Verse: 2 
Halfverse: a    nirvāpayanto jvalanaṃ   te janā dadr̥śus tataḥ
   nirvāpayanto jvalanaṃ   te janā dadr̥śus tataḥ /
Halfverse: c    jātuṣaṃ tadgr̥haṃ dagdʰam   amātyaṃ ca purocanam
   jātuṣaṃ tad-gr̥haṃ dagdʰam   amātyaṃ ca purocanam /2/

Verse: 3 
Halfverse: a    nūnaṃ duryodʰanenedaṃ   vihitaṃ pāpakarmaṇā
   nūnaṃ duryodʰanena_idaṃ   vihitaṃ pāpa-karmaṇā /
Halfverse: c    pāṇḍavānāṃ vināśāya   ity evaṃ cukruṣur janāḥ
   pāṇḍavānāṃ vināśāya ity evaṃ cukruṣur janāḥ /3/

Verse: 4 
Halfverse: a    vidite dʰr̥tarāṣṭrasya   dʰārtarāṣṭro na saṃśayaḥ
   vidite dʰr̥tarāṣṭrasya   dʰārtarāṣṭro na saṃśayaḥ /
Halfverse: c    dagdʰavān pāṇḍudāyādān   na hy enaṃ pratiṣiddʰavān
   dagdʰavān pāṇḍu-dāyādān   na hy enaṃ pratiṣiddʰavān /4/

Verse: 5 
Halfverse: a    nūnaṃ śāṃtanavo bʰīṣmo   na dʰarmam anuvartate
   nūnaṃ śāṃtanavo bʰīṣmo   na dʰarmam anuvartate /
Halfverse: c    droṇaś ca viduraś caiva   kr̥paś cānye ca kauravāḥ
   droṇaś ca viduraś caiva   kr̥paś ca_anye ca kauravāḥ /5/

Verse: 6 
Halfverse: a    te vayaṃ dʰr̥tarāṣṭrasya   preṣayāmo durātmanaḥ
   te vayaṃ dʰr̥tarāṣṭrasya   preṣayāmo durātmanaḥ /
Halfverse: c    saṃvr̥ttas te paraḥ kāmaḥ   pāṇḍavān dagdʰavān asi
   saṃvr̥ttas te paraḥ kāmaḥ   pāṇḍavān dagdʰavān asi /6/

Verse: 7 
Halfverse: a    tato vyapohamānās te   pāṇḍavārtʰe hutāśanam
   tato vyapohamānās te   pāṇḍava_artʰe huta_aśanam /
Halfverse: c    niṣādīṃ dadr̥śur dagdʰāṃ   pañca putrām anāgasam
   niṣādīṃ dadr̥śur dagdʰāṃ   pañca putrām anāgasam /7/

Verse: 8 
Halfverse: a    kʰanakena tu tenaiva   veśma śodʰayatā bilam
   kʰanakena tu tena_eva   veśma śodʰayatā bilam /
Halfverse: c    pāṃsubʰiḥ pratyapihitaṃ   puruṣais tair alakṣitam
   pāṃsubʰiḥ pratyapihitaṃ   puruṣais tair alakṣitam /8/

Verse: 9 
Halfverse: a    tatas te preṣayām āsur   dʰr̥tarāṣṭrasya nāgarāḥ
   tatas te preṣayām āsur   dʰr̥tarāṣṭrasya nāgarāḥ /
Halfverse: c    pāṇḍavān agninā dagdʰān   amātyaṃ ca purocanam
   pāṇḍavān agninā dagdʰān   amātyaṃ ca purocanam /9/

Verse: 10 
Halfverse: a    śrutvā tu dʰr̥tarāṣṭras tad   rājā sumahad apriyam
   śrutvā tu dʰr̥tarāṣṭras tad   rājā sumahad apriyam /
Halfverse: c    vināśaṃ pāṇḍuputrāṇāṃ   vilalāpa suduḥkʰitaḥ
   vināśaṃ pāṇḍu-putrāṇāṃ   vilalāpa suduḥkʰitaḥ /10/

Verse: 11 
Halfverse: a    adya pāṇḍur mr̥to rājā   bʰrātā mama sudurlabʰaḥ
   adya pāṇḍur mr̥to rājā   bʰrātā mama sudurlabʰaḥ /
Halfverse: c    teṣu vīreṣu dagdʰeṣu   mātrā saha viśeṣataḥ
   teṣu vīreṣu dagdʰeṣu   mātrā saha viśeṣataḥ /11/

Verse: 12 
Halfverse: a    gaccʰantu puruṣāḥ śīgʰraṃ   nagaraṃ vāraṇāvatam
   gaccʰantu puruṣāḥ śīgʰraṃ   nagaraṃ vāraṇāvatam /
Halfverse: c    satkārayantu tān vīrān   kunti rājasutāṃ ca tām
   sat-kārayantu tān vīrān   kunti rāja-sutāṃ ca tām /12/

Verse: 13 
Halfverse: a    kārayantu ca kulyāni   śubʰrāṇi ca mahānti ca
   kārayantu ca kulyāni   śubʰrāṇi ca mahānti ca /
Halfverse: c    ye ca tatra mr̥tās teṣāṃ   suhr̥do 'rcantu tān api
   ye ca tatra mr̥tās teṣāṃ   suhr̥do_arcantu tān api /13/

Verse: 14 
Halfverse: a    evaṃgate mayā śakyaṃ   yad yat kārayituṃ hitam
   evaṃ-gate mayā śakyaṃ   yad yat kārayituṃ hitam /
Halfverse: c    pāṇḍavānāṃ ca kuntyāś ca   tat sarvaṃ kriyatāṃ dʰanaiḥ
   pāṇḍavānāṃ ca kuntyāś ca   tat sarvaṃ kriyatāṃ dʰanaiḥ /14/

Verse: 15 
Halfverse: a    evam uktvā tataś cakre   jñātibʰiḥ parivāritaḥ
   evam uktvā tataś cakre   jñātibʰiḥ parivāritaḥ /
Halfverse: c    udakaṃ pāṇḍuputrāṇāṃ   dʰr̥tarāṣṭro 'mbikā sutaḥ
   udakaṃ pāṇḍu-putrāṇāṃ   dʰr̥tarāṣṭro_ambikā sutaḥ /15/

Verse: 16 
Halfverse: a    cukruśuḥ kauravāḥ sarve   bʰr̥śaṃ śokaparāyaṇāḥ
   cukruśuḥ kauravāḥ sarve   bʰr̥śaṃ śoka-parāyaṇāḥ /
Halfverse: c    viduras tv alpaśaś cakre   śokaṃ veda paraṃ hi saḥ
   viduras tv alpaśaś cakre   śokaṃ veda paraṃ hi saḥ /16/

Verse: 17 
Halfverse: a    pāṇḍavāś cāpi nirgatya   nagarād vāraṇāvatāt
   pāṇḍavāś ca_api nirgatya   nagarād vāraṇāvatāt /
Halfverse: c    javena prayayū rājan   dakṣiṇāṃ diśam āśritāḥ
   javena prayayū rājan   dakṣiṇāṃ diśam āśritāḥ /17/

Verse: 18 
Halfverse: a    vijñāya niśi pantʰānaṃ   nakṣatrair dakṣiṇāmukʰāḥ
   vijñāya niśi pantʰānaṃ   nakṣatrair dakṣiṇā-mukʰāḥ /
Halfverse: c    yatamānā vanaṃ rājan   gahanaṃ pratipedire
   yatamānā vanaṃ rājan   gahanaṃ pratipedire /18/

Verse: 19 
Halfverse: a    tataḥ śrāntāḥ pipāsārtā   nidrāndʰāḥ pāṇḍunandanāḥ
   tataḥ śrāntāḥ pipāsa_ārtā   nidrā_andʰāḥ pāṇḍu-nandanāḥ /
Halfverse: c    punar ūcur mahāvīryaṃ   bʰīmasenam idaṃ vacaḥ
   punar ūcur mahā-vīryaṃ   bʰīmasenam idaṃ vacaḥ /19/

Verse: 20 
Halfverse: a    itaḥ kaṣṭataraṃ kiṃ nu   yad vayaṃ gahane vane
   itaḥ kaṣṭataraṃ kiṃ nu   yad vayaṃ gahane vane /
Halfverse: c    diśaś ca na prajānīmo   gantuṃ caiva na śakrumaḥ
   diśaś ca na prajānīmo   gantuṃ caiva na śakrumaḥ /20/

Verse: 21 
Halfverse: a    taṃ ca pāpaṃ na jānīmo   yadi dagdʰaḥ purocanaḥ
   taṃ ca pāpaṃ na jānīmo   yadi dagdʰaḥ purocanaḥ /
Halfverse: c    katʰaṃ nu vipramucyema   bʰayād asmād alakṣitāḥ
   katʰaṃ nu vipramucyema   bʰayād asmād alakṣitāḥ /21/

Verse: 22 
Halfverse: a    punar asmān upādāya   tatʰaiva vraja bʰārata
   punar asmān upādāya   tatʰaiva vraja bʰārata /
Halfverse: c    tvaṃ hi no balavān eko   yatʰā satatagas tatʰā
   tvaṃ hi no balavān eko   yatʰā satatagas tatʰā /22/

Verse: 23 
Halfverse: a    ity ukto dʰarmarājena   bʰīmaseno mahābalaḥ
   ity ukto dʰarma-rājena   bʰīma-seno mahā-balaḥ /
Halfverse: c    ādāya kuntīṃ bʰrātr̥̄ṃś ca   jagāmāśu mahābalaḥ
   ādāya kuntīṃ bʰrātr̥̄ṃś ca   jagāma_āśu mahā-balaḥ /23/ (E)23



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.