TITUS
Mahabharata
Part No. 133
Previous part

Chapter: 133 
Adhyāya 133


Verse: 1  {Vaiśaṃpāyana uvāca}
Halfverse: a    pāṇḍavās tu ratʰān yuktvā   sadaśvair anilopamaiḥ
   pāṇḍavās tu ratʰān yuktvā   sadaśvair anila_upamaiḥ /
Halfverse: c    ārohamāṇā bʰīṣmasya   pādau jagr̥hur ārtavat
   ārohamāṇā bʰīṣmasya   pādau jagr̥hur ārtavat /1/

Verse: 2 
Halfverse: a    rājñaś ca dʰr̥tarāṣṭrasya   droṇasya ca mahātmanaḥ
   rājñaś ca dʰr̥tarāṣṭrasya   droṇasya ca mahātmanaḥ /
Halfverse: c    anyeṣāṃ caiva vr̥ddʰānāṃ   vidurasya kr̥pasya ca
   anyeṣāṃ caiva vr̥ddʰānāṃ   vidurasya kr̥pasya ca /2/

Verse: 3 
Halfverse: a    evaṃ sarvān kurūn vr̥ddʰān   abʰivādya yatavratāḥ
   evaṃ sarvān kurūn vr̥ddʰān   abʰivādya yata-vratāḥ /
Halfverse: c    samāliṅgya samānāṃś ca   balaiś cāpy abʰivāditāḥ
   samāliṅgya samānāṃś ca   balaiś ca_apy abʰivāditāḥ /3/

Verse: 4 
Halfverse: a    sarvā mātr̥̄s tatʰāpr̥ṣṭvā   kr̥tvā caiva pradakṣiṇam
   sarvā mātr̥̄s tatʰā_apr̥ṣṭvā   kr̥tvā caiva pradakṣiṇam /
Halfverse: c    sarvāḥ prakr̥tayaś caiva   prayayur vāraṇā vatam
   sarvāḥ prakr̥tayaś caiva   prayayur vāraṇā vatam /4/

Verse: 5 
Halfverse: a    viduraś ca mahāprājñas   tatʰānye kurupuṃgavāḥ
   viduraś ca mahā-prājñas   tatʰā_anye kuru-puṃgavāḥ /
Halfverse: c    paurāś ca puruṣavyāgʰrān   anvayuḥ śokakarśitāḥ
   paurāś ca puruṣa-vyāgʰrān   anvayuḥ śoka-karśitāḥ /5/

Verse: 6 
Halfverse: a    tatra kec cid bruvanti sma   brāhmaṇā nirbʰayās tadā
   tatra keccid bruvanti sma   brāhmaṇā nirbʰayās tadā /
Halfverse: c    śocamānāḥ pāṇḍuputrān   atīva bʰaratarṣabʰa
   śocamānāḥ pāṇḍu-putrān   atīva bʰarata-r̥ṣabʰa /6/

Verse: 7 
Halfverse: a    viṣamaṃ paśyate rājā   sarvatʰā tamasāvr̥taḥ
   viṣamaṃ paśyate rājā   sarvatʰā tamasā_āvr̥taḥ /
Halfverse: c    dʰr̥tarāṣṭraḥ sudurbuddʰir   na ca dʰarmaṃ prapaśyati
   dʰr̥tarāṣṭraḥ sudurbuddʰir   na ca dʰarmaṃ prapaśyati /7/

Verse: 8 
Halfverse: a    na hi pāpam apāpātmā   rocayiṣyati pāṇḍavaḥ
   na hi pāpam apāpa_ātmā   rocayiṣyati pāṇḍavaḥ /
Halfverse: c    bʰīmo vā balināṃ śreṣṭʰaḥ   kaunteyo vā dʰanaṃjayaḥ
   bʰīmo vā balināṃ śreṣṭʰaḥ   kaunteyo vā dʰanaṃjayaḥ /
Halfverse: e    kuta eva mahāprājñau   mādrīputrau kariṣyataḥ
   kuta\ eva mahā-prājñau   mādrī-putrau kariṣyataḥ /8/

Verse: 9 
Halfverse: a    tad rājyaṃ pitr̥taḥ prāptaṃ   dʰr̥tarāṣṭro na mr̥ṣyate
   tad rājyaṃ pitr̥taḥ prāptaṃ   dʰr̥tarāṣṭro na mr̥ṣyate /
Halfverse: c    adʰarmam akʰilaṃ kiṃ nu   bʰīṣmo 'yam anumanyate
   adʰarmam akʰilaṃ kiṃ nu   bʰīṣmo_ayam anumanyate /
Halfverse: e    vivāsyamānān astʰāne   kauneyān bʰaratarṣabʰān
   vivāsyamānān astʰāne   kauneyān bʰarata-r̥ṣabʰān /9/

Verse: 10 
Halfverse: a    piteva hi nr̥po 'smākam   abʰūc cʰāṃtanavaḥ purā
   pitā_iva hi nr̥po_asmākam   abʰūt śāṃtanavaḥ purā /
Halfverse: c    vicitravīryo rājarṣiḥ   pāṇḍuś ca kurunandanaḥ
   vicitra-vīryo rāja-r̥ṣiḥ   pāṇḍuś ca kuru-nandanaḥ /10/

Verse: 11 
Halfverse: a    sa tasmin puruṣavyāgʰre   diṣṭa bʰāvaṃ gate sati
   sa tasmin puruṣa-vyāgʰre   diṣṭa bʰāvaṃ gate sati /
Halfverse: c    rājaputrān imān bālān   dʰr̥tarāṣṭro na mr̥ṣyate
   rāja-putrān imān bālān   dʰr̥tarāṣṭro na mr̥ṣyate /11/

Verse: 12 
Halfverse: a    vayam etad amr̥ṣyantaḥ   sarva eva purottamāt
   vayam etad amr̥ṣyantaḥ   sarva\ eva pura_uttamāt /
Halfverse: c    gr̥hān vihāya gaccʰāmo   yatra yāti yutʰiṣṭʰiraḥ
   gr̥hān vihāya gaccʰāmo   yatra yāti yutʰiṣṭʰiraḥ /12/

Verse: 13 
Halfverse: a    tāṃs tatʰā vādinaḥ paurān   duḥkʰitān duḥkʰakarśitaḥ
   tāṃs tatʰā vādinaḥ paurān   duḥkʰitān duḥkʰa-karśitaḥ /
Halfverse: c    uvāca paramaprīto   dʰarmarājo yudʰiṣṭʰiraḥ
   uvāca parama-prīto   dʰarma-rājo yudʰiṣṭʰiraḥ /13/

Verse: 14 
Halfverse: a    pitā mānyo guruḥ śreṣṭʰo   yad āha pr̥tʰivīpatiḥ
   pitā mānyo guruḥ śreṣṭʰo   yad āha pr̥tʰivī-patiḥ /
Halfverse: c    aśaṅkamānais tat kāryam   asmābʰir iti no vratam
   aśaṅkamānais tat kāryam   asmābʰir iti no vratam /14/

Verse: 15 
Halfverse: a    bʰavantaḥ suhr̥do 'smākam   asmān kr̥tvā pradakṣiṇam
   bʰavantaḥ suhr̥do_asmākam   asmān kr̥tvā pradakṣiṇam /
Halfverse: c    āśīrbʰir abʰinandyāsmān   nivartadʰvaṃ yatʰā gr̥ham
   āśīrbʰir abʰinandya_asmān   nivartadʰvaṃ yatʰā gr̥ham /15/

Verse: 16 
Halfverse: a    yadā tu kāryam asmākaṃ   bʰavadbʰir upapatsyate
   yadā tu kāryam asmākaṃ   bʰavadbʰir upapatsyate /
Halfverse: c    tadā kariṣyatʰa mama   priyāṇi ca hitāni ca
   tadā kariṣyatʰa mama   priyāṇi ca hitāni ca /16/

Verse: 17 
Halfverse: a    te tatʰeti pratijñāya   kr̥tvā caitān pradakṣiṇam
   te tatʰā_iti pratijñāya   kr̥tvā ca_etān pradakṣiṇam /
Halfverse: c    āśīrbʰir abʰinandyaināñ   jagmur nagaram eva hi
   āśīrbʰir abʰinandya_enān   jagmur nagaram eva hi /17/

Verse: 18 
Halfverse: a    paureṣu tu nivr̥tteṣu   viduraḥ sarvadʰarmavit
   paureṣu tu nivr̥tteṣu   viduraḥ sarva-dʰarmavit /
Halfverse: c    bodʰayan pāṇḍavaśreṣṭʰam   idaṃ vacanam abravīt
   bodʰayan pāṇḍava-śreṣṭʰam   idaṃ vacanam abravīt /
Halfverse: e    prājñaḥ prājñaṃ pralāpajñaḥ   samyag dʰarmārtʰadarśivān
   prājñaḥ prājñaṃ pralāpajñaḥ   samyag dʰarma_artʰa-darśivān /18/

Verse: 19 
Halfverse: a    vijñāyedaṃ tatʰā kuryād   āpadaṃ nistared yatʰā
   vijñāya_idaṃ tatʰā kuryād   āpadaṃ nistared yatʰā /
Halfverse: c    alohaṃ niśitaṃ śastraṃ   śarīraparikartanam
   alohaṃ niśitaṃ śastraṃ   śarīra-parikartanam /
Halfverse: e    yo vetti na tam āgʰnanti   pratigʰātavidaṃ dviṣaḥ
   yo vetti na tam āgʰnanti   pratigʰātavidaṃ dviṣaḥ /19/

Verse: 20 
Halfverse: a    kakṣagʰnaḥ śiśiragʰnaś ca   mahākakṣe bilaukasaḥ
   kakṣagʰnaḥ śiśiragʰnaś ca   mahā-kakṣe bila_okasaḥ /
Halfverse: c    na dahed iti cātmānaṃ   yo rakṣati sa jīvati
   na dahed iti ca_ātmānaṃ   yo rakṣati sa jīvati /20/

Verse: 21 
Halfverse: a    nācakṣur vetti pantʰānaṃ   nācakṣur vindate diśaḥ
   na_acakṣur vetti pantʰānaṃ   na_acakṣur vindate diśaḥ /
Halfverse: c    nādʰr̥tir bʰūtim āpnoti   budʰyasvaivaṃ prabodʰitaḥ
   na_adʰr̥tir bʰūtim āpnoti   budʰyasva_evaṃ prabodʰitaḥ /21/

Verse: 22 
Halfverse: a    anāptair dattam ādatte   naraḥ śastram alohajam
   anāptair dattam ādatte   naraḥ śastram alohajam /
Halfverse: c    śvāvic cʰaraṇam āsādya   pramucyeta hutāśanāt
   śvāvit śaraṇam āsādya   pramucyeta huta_aśanāt /22/

Verse: 23 
Halfverse: a    caran mārgān vijānāti   nakṣatrair vindate diśaḥ
   caran mārgān vijānāti   nakṣatrair vindate diśaḥ /
Halfverse: c    ātmanā cātmanaḥ pañca   pīḍayan nānupīḍyate
   ātmanā ca_ātmanaḥ pañca   pīḍayan na_anupīḍyate /23/

Verse: 24 
Halfverse: a    anuśiṣṭvānugatvā ca   kr̥tvā caināṃ pradakṣiṇam
   anuśiṣṭvā_anugatvā ca   kr̥tvā ca_enāṃ pradakṣiṇam /
Halfverse: c    pāṇḍavān abʰyanujñāya   viduraḥ prayayau gr̥hān
   pāṇḍavān abʰyanujñāya   viduraḥ prayayau gr̥hān /24/

Verse: 25 
Halfverse: a    nivr̥tte vidure caiva   bʰīṣme paurajane gr̥hān
   nivr̥tte vidure caiva   bʰīṣme paurajane gr̥hān /
Halfverse: c    ajātaśatrum āmantrya   kuntī vacanam abravīt
   ajāta-śatrum āmantrya   kuntī vacanam abravīt /25/

Verse: 26 
Halfverse: a    kṣattā yad abravīd vākyaṃ   janamadʰye 'bruvann iva
   kṣattā yad abravīd vākyaṃ   jana-madʰye_abruvann iva /
Halfverse: c    tvayā ca tat tatʰety ukto   jānīmo na ca tad vayam
   tvayā ca tat tatʰā_ity ukto   jānīmo na ca tad vayam /26/

Verse: 27 
Halfverse: a    yadi tac cʰakyam asmābʰiḥ   śrotuṃ na ca sadoṣavat
   yadi tat śakyam asmābʰiḥ   śrotuṃ na ca sadoṣavat /
Halfverse: c    śrotum iccʰāmi tat sarvaṃ   saṃvādaṃ tava tasya ca
   śrotum iccʰāmi tat sarvaṃ   saṃvādaṃ tava tasya ca /27/

Verse: 28  {Yayātir uvāca}
Halfverse: a    viṣād agneś ca boddʰavyam   iti māṃ viduro 'bravīt
   viṣād agneś ca boddʰavyam   iti māṃ viduro_abravīt /
Halfverse: c    pantʰāś ca vo nāviditaḥ   kaś cit syād iti cābravīt
   pantʰāś ca vo na_aviditaḥ   kaścit syād iti ca_abravīt /28/

Verse: 29 
Halfverse: a    jitendriyaś ca vasudʰāṃ   prāpsyasīti ca mābravīt
   jita_indriyaś ca vasudʰāṃ   prāpsyasi_iti ca mā_abravīt /
Halfverse: c    vijñātam iti tat sarvam   ity ukto viduro mayā
   vijñātam iti tat sarvam   ity ukto viduro mayā /29/

Verse: 30  {Vaiśaṃpāyana uvāca}
Halfverse: a    aṣṭame 'hani rohiṇyāṃ   prayātāḥ pʰalgunasya te
   aṣṭame_ahani rohiṇyāṃ   prayātāḥ pʰalgunasya te /
Halfverse: c    vāraṇāvatam āsādya   dadr̥śur nāgaraṃ janam
   vāraṇāvatam āsādya   dadr̥śur nāgaraṃ janam /30/ (E)30



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.