TITUS
Mahabharata
Part No. 131
Previous part

Chapter: 131 
Adhyāya 131


Verse: 1  {Vaiśaṃpāyana uvāca}
Halfverse: a    tato duryodʰano rājā   sarvās tāḥ prakr̥tīḥ śanaiḥ
   tato duryodʰano rājā   sarvās tāḥ prakr̥tīḥ śanaiḥ /
Halfverse: c    artʰamānapradānābʰyāṃ   saṃjahāra sahānujaḥ
   artʰa-māna-pradānābʰyāṃ   saṃjahāra sahānujaḥ /1/

Verse: 2 
Halfverse: a    dʰr̥tarāṣṭra prayuktās tu   ke cit kuśalamantriṇaḥ
   dʰr̥tarāṣṭra prayuktās tu   kecit kuśala-mantriṇaḥ /
Halfverse: c    katʰayāṃ cakrire ramyaṃ   nagaraṃ vāraṇāvatam
   katʰayāṃ cakrire ramyaṃ   nagaraṃ vāraṇāvatam /2/

Verse: 3 
Halfverse: a    ayaṃ samājaḥ sumahān   ramaṇīyatamo bʰuvi
   ayaṃ samājaḥ sumahān   ramaṇīyatamo bʰuvi /
Halfverse: c    upastʰitaḥ paśupater   nagare vāraṇāvate
   upastʰitaḥ paśu-pater   nagare vāraṇāvate /3/

Verse: 4 
Halfverse: a    sarvaratnasamākīrṇe   puṃsāṃ deśe manorame
   sarva-ratna-samākīrṇe   puṃsāṃ deśe mano-rame /
Halfverse: c    ity evaṃ dʰr̥tarāṣṭrasya   vacanāc cakrire katʰāḥ
   ity evaṃ dʰr̥tarāṣṭrasya   vacanāc cakrire katʰāḥ /4/

Verse: 5 
Halfverse: a    katʰyamāne tatʰā ramye   nagare vāraṇāvate
   katʰyamāne tatʰā ramye   nagare vāraṇāvate /
Halfverse: c    gamane pāṇḍuputrāṇāṃ   jajñe tatra matir nr̥pa
   gamane pāṇḍu-putrāṇāṃ   jajñe tatra matir nr̥pa /5/

Verse: 6 
Halfverse: a    yadā tv amanyata nr̥po   jātakautūhalā iti
   yadā tv amanyata nr̥po   jāta-kautūhalā\ iti /
Halfverse: c    uvācainān atʰa tadā   pāṇḍavān ambikā sutaḥ
   uvāca_enān atʰa tadā   pāṇḍavān ambikā sutaḥ /6/

Verse: 7 
Halfverse: a    mameme puruṣā nityaṃ   katʰayanti punaḥ punaḥ
   mama_ime puruṣā nityaṃ   katʰayanti punaḥ punaḥ /
Halfverse: c    ramaṇīyataraṃ loke   nagaraṃ vāraṇāvatam
   ramaṇīyataraṃ loke   nagaraṃ vāraṇāvatam /7/

Verse: 8 
Halfverse: a    te tāta yadi manyadʰvam   utsavaṃ vāraṇāvate
   te tāta yadi manyadʰvam   utsavaṃ vāraṇāvate /
Halfverse: c    sagaṇāḥ sānuyātrāś ca   viharadʰvaṃ yatʰāmarāḥ
   sagaṇāḥ sānuyātrāś ca   viharadʰvaṃ yatʰā_amarāḥ /8/

Verse: 9 
Halfverse: a    brāhmaṇebʰyaś ca ratnāni   gāyanebʰyaś ca sarvaśaḥ
   brāhmaṇebʰyaś ca ratnāni   gāyanebʰyaś ca sarvaśaḥ /
Halfverse: c    prayaccʰadʰvaṃ yatʰākāmaṃ   devā iva suvarcasaḥ
   prayaccʰadʰvaṃ yatʰā-kāmaṃ   devā\ iva suvarcasaḥ /9/

Verse: 10 
Halfverse: a    kaṃ cit kālaṃ vihr̥tyaivam   anubʰūya parāṃ mudam
   kaṃcit kālaṃ vihr̥tya_evam   anubʰūya parāṃ mudam /
Halfverse: c    idaṃ vai hāstinapuraṃ   sukʰinaḥ punar eṣyatʰa
   idaṃ vai hāstina-puraṃ   sukʰinaḥ punar eṣyatʰa /10/

Verse: 11 
Halfverse: a    dʰr̥tarāṣṭrasya taṃ kāmam   anubuddʰvā yudʰiṣṭʰiraḥ
   dʰr̥tarāṣṭrasya taṃ kāmam   anubuddʰvā yudʰiṣṭʰiraḥ /
Halfverse: c    ātmanaś cāsahāyatvaṃ   tatʰeti pratyuvāca tam
   ātmanaś ca_asahāyatvaṃ   tatʰā_iti pratyuvāca tam /11/

Verse: 12 
Halfverse: a    tato bʰīṣmaṃ mahāprājñaṃ   viduraṃ ca mahāmatim
   tato bʰīṣmaṃ mahā-prājñaṃ   viduraṃ ca mahā-matim /
Halfverse: c    droṇaṃ ca bāhlikaṃ caiva   somadattaṃ ca kauravam
   droṇaṃ ca bāhlikaṃ caiva   soma-dattaṃ ca kauravam /12/

Verse: 13 
Halfverse: a    kr̥pam ācārya putraṃ ca   gāndʰārīṃ ca yaśasvinīm
   kr̥pam ācārya putraṃ ca   gāndʰārīṃ ca yaśasvinīm /
Halfverse: c    yudʰiṣṭʰiraḥ śanair dīnam   uvācedaṃ vacas tadā
   yudʰiṣṭʰiraḥ śanair dīnam   uvāca_idaṃ vacas tadā /13/

Verse: 14 
Halfverse: a    ramaṇīye janākīrṇe   nagare vāraṇāvate
   ramaṇīye jana_ākīrṇe   nagare vāraṇāvate /
Halfverse: c    sagaṇās tāta vatsyāmo   dʰr̥tarāṣṭrasya śāsanāt
   sagaṇās tāta vatsyāmo   dʰr̥tarāṣṭrasya śāsanāt /14/

Verse: 15 
Halfverse: a    prasannamanasaḥ sarve   puṇyā vāco vimuñcata
   prasanna-manasaḥ sarve   puṇyā vāco vimuñcata /
Halfverse: c    āśīrbʰir vardʰitān asmān   na pāpaṃ prasahiṣyati
   āśīrbʰir vardʰitān asmān   na pāpaṃ prasahiṣyati /15/

Verse: 16 
Halfverse: a    evam uktās tu te sarve   pāṇḍuputreṇa kauravāḥ
   evam uktās tu te sarve   pāṇḍu-putreṇa kauravāḥ /
Halfverse: c    prasannavadanā bʰūtvā   te 'bʰyavartanta pāṇḍavān
   prasanna-vadanā bʰūtvā   te_abʰyavartanta pāṇḍavān /16/

Verse: 17 
Halfverse: a    svasty astu vaḥ patʰi sadā   bʰūtebʰyaś caiva sarvaśaḥ
   svasty astu vaḥ patʰi sadā   bʰūtebʰyaś caiva sarvaśaḥ /
Halfverse: c    mā ca vo 'stv aśubʰaṃ kiṃ cit   sarvataḥ pāṇḍunandanāḥ
   mā ca vo_astv aśubʰaṃ kiṃcit   sarvataḥ pāṇḍu-nandanāḥ /17/

Verse: 18 
Halfverse: a    tataḥ kr̥tasvasty ayanā   rājyalābʰāya pāṇḍavāḥ
   tataḥ kr̥ta-svasty ayanā   rājya-lābʰāya pāṇḍavāḥ /
Halfverse: c    kr̥tvā sarvāṇi kāryāṇi   prayayur vāraṇāvatam
   kr̥tvā sarvāṇi kāryāṇi   prayayur vāraṇāvatam /18/ (E)18



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.