TITUS
Mahabharata
Part No. 130
Previous part

Chapter: 130 
Adhyāya 130


Verse: 1  {Vaiśaṃpāyana uvāca}
Halfverse: a    dʰr̥tarāṣṭras tu putrasya   śrutvā vacanam īdr̥śam
   dʰr̥tarāṣṭras tu putrasya   śrutvā vacanam īdr̥śam /
Halfverse: c    muhūrtam iva saṃcintya   duryodʰanam atʰābravīt
   muhūrtam iva saṃcintya   duryodʰanam atʰa_abravīt /1/

Verse: 2 
Halfverse: a    dʰarmanityaḥ sadā pāṇḍur   mamāsīt priyakr̥d dʰitaḥ
   dʰarma-nityaḥ sadā pāṇḍur   mama_āsīt priyakr̥dd^hitaḥ /
Halfverse: c    sarveṣu jñātiṣu tatʰā   mayi tv āsīd viśeṣataḥ
   sarveṣu jñātiṣu tatʰā   mayi tv āsīd viśeṣataḥ /2/

Verse: 3 
Halfverse: a    nāsya kiṃ cin na jānāmi   bʰojanādi cikīrṣitam
   na_asya kiṃcin na jānāmi   bʰojana_ādi cikīrṣitam /
Halfverse: c    nivedayati nityaṃ hi   mama rājyaṃ dʰr̥tavrataḥ
   nivedayati nityaṃ hi   mama rājyaṃ dʰr̥ta-vrataḥ /3/

Verse: 4 
Halfverse: a    tasya putro yatʰā pāṇḍus   tatʰā dʰarmaparāyaṇaḥ
   tasya putro yatʰā pāṇḍus   tatʰā dʰarma-parāyaṇaḥ /
Halfverse: c    guṇavām̐l lokavikʰyātaḥ   paurāṇāṃ ca susaṃmataḥ
   guṇavām̐l loka-vikʰyātaḥ   paurāṇāṃ ca susaṃmataḥ /4/

Verse: 5 
Halfverse: a    sa katʰaṃ śakyam asmābʰir   apakraṣṭuṃ balād itaḥ
   sa katʰaṃ śakyam asmābʰir   apakraṣṭuṃ balād itaḥ /
Halfverse: c    pitr̥paitāmahād rājyāt   sasahāyo viśeṣataḥ
   pitr̥-paitāmahād rājyāt   sasahāyo viśeṣataḥ /5/

Verse: 6 
Halfverse: a    bʰr̥tā hi pāṇḍunāmātyā   balaṃ ca satataṃ bʰr̥tam
   bʰr̥tā hi pāṇḍunā_amātyā   balaṃ ca satataṃ bʰr̥tam /
Halfverse: c    bʰr̥tāḥ putrāś ca pautrāś ca   teṣām api viśeṣataḥ
   bʰr̥tāḥ putrāś ca pautrāś ca   teṣām api viśeṣataḥ /6/

Verse: 7 
Halfverse: a    te purā satkr̥tās tāta   pāṇḍunā pauravā janāḥ
   te purā satkr̥tās tāta   pāṇḍunā pauravā janāḥ /
Halfverse: c    katʰaṃ yudʰiṣṭʰirasyārtʰe   na no hanyuḥ sabāndʰavān
   katʰaṃ yudʰiṣṭʰirasya_artʰe   na no hanyuḥ sabāndʰavān /7/

Verse: 8  {Duryodʰana uvāca}
Halfverse: a    evam etan mayā tāta   bʰāvitaṃ doṣam ātmani
   evam etan mayā tāta   bʰāvitaṃ doṣam ātmani /
Halfverse: c    dr̥ṣṭvā prakr̥tayaḥ sarvā   artʰamānena yojitāḥ
   dr̥ṣṭvā prakr̥tayaḥ sarvā artʰa-mānena yojitāḥ /8/

Verse: 9 
Halfverse: a    dʰruvam asmat sahāyās te   bʰaviṣyanti pradʰānataḥ
   dʰruvam asmat sahāyās te   bʰaviṣyanti pradʰānataḥ /
Halfverse: c    artʰavargaḥ sahāmātyo   matsaṃstʰo 'dya mahīpate
   artʰa-vargaḥ sahāmātyo   matsaṃstʰo_adya mahī-pate /9/

Verse: 10 
Halfverse: a    sa bʰavān pāṇḍavān āśu   vivāsayitum arhati
   sa bʰavān pāṇḍavān āśu   vivāsayitum arhati /
Halfverse: c    mr̥dunaivābʰyupāyena   nagaraṃ vāraṇāvatam
   mr̥dunā_eva_abʰyupāyena   nagaraṃ vāraṇāvatam /10/

Verse: 11 
Halfverse: a    yadā pratiṣṭʰitaṃ rājyaṃ   mayi rājan bʰaviṣyati
   yadā pratiṣṭʰitaṃ rājyaṃ   mayi rājan bʰaviṣyati /
Halfverse: c    tadā kuntī sahāpatyā   punar eṣyati bʰārata
   tadā kuntī sahāpatyā   punar eṣyati bʰārata /11/

Verse: 12  {Dʰr̥tarāṣṭra uvāca}
Halfverse: a    duryodʰana mamāpy etad   dʰr̥di saṃparivartate
   duryodʰana mama_apy etadd   hr̥di samṃarivartate /
Halfverse: c    abʰiprāyasya pāpatvān   naitat tu vivr̥ṇomy aham
   abʰiprāyasya pāpatvān   na_etat tu vivr̥ṇomy aham /12/

Verse: 13 
Halfverse: a    na ca bʰīṣmo na ca droṇo   na kṣattā na ca gautamaḥ
   na ca bʰīṣmo na ca droṇo   na kṣattā na ca gautamaḥ /
Halfverse: c    vivāsyamānān kaunteyān   anumaṃsyanti karhi cit
   vivāsyamānān kaunteyān   anumaṃsyanti karhicit /13/

Verse: 14 
Halfverse: a    samā hi kauraveyāṇāṃ   vayam ete ca putraka
   samā hi kauraveyāṇāṃ   vayam ete ca putraka /
Halfverse: c    naite viṣamam iccʰeyur   dʰarmayuktā manasvinaḥ
   na_ete viṣamam iccʰeyur   dʰarma-yuktā manasvinaḥ /14/

Verse: 15 
Halfverse: a    te vayaṃ kauraveyāṇām   eteṣāṃ ca mahātmanām
   te vayaṃ kauraveyāṇām   eteṣāṃ ca mahātmanām /
Halfverse: c    katʰaṃ na vadʰyatāṃ tāta   gaccʰema jagatas tatʰā
   katʰaṃ na vadʰyatāṃ tāta   gaccʰema jagatas tatʰā /15/

Verse: 16  {Duryodʰana uvāca}
Halfverse: a    madʰyastʰaḥ satataṃ bʰīṣmo   droṇaputro mayi stʰitaḥ
   madʰyastʰaḥ satataṃ bʰīṣmo   droṇa-putro mayi stʰitaḥ /
Halfverse: c    yataḥ putras tato droṇo   bʰavitā nātra sāṃśayaḥ
   yataḥ putras tato droṇo   bʰavitā na_atra sāṃśayaḥ /16/

Verse: 17 
Halfverse: a    kr̥paḥ śāradvataś caiva   yata ete trayas tataḥ
   kr̥paḥ śāradvataś caiva   yata\ ete trayas tataḥ /
Halfverse: c    droṇaṃ ca bʰāgineyaṃ ca   na sa tyakṣyati karhi cit
   droṇaṃ ca bʰāgineyaṃ ca   na sa tyakṣyati karhicit /17/

Verse: 18 
Halfverse: a    kṣattārtʰa baddʰas tv asmākaṃ   praccʰannaṃ tu yataḥ pare
   kṣattā_artʰa baddʰas tv asmākaṃ   praccʰannaṃ tu yataḥ pare /
Halfverse: c    na caikaḥ sa samartʰo 'smān   pāṇḍavārtʰe prabādʰitum
   na ca_ekaḥ sa samartʰo_asmān   pāṇḍava_artʰe prabādʰitum /18/

Verse: 19 
Halfverse: a    sa viśrabdʰaḥ pāṇḍuputrān   saha mātrā vivāsaya
   sa viśrabdʰaḥ pāṇḍu-putrān   saha mātrā vivāsaya /
Halfverse: c    vāraṇāvatam adyaiva   nātra doṣo bʰaviṣyati
   vāraṇāvatam adya_eva   na_atra doṣo bʰaviṣyati /19/

Verse: 20 
Halfverse: a    vinidra karaṇaṃ gʰoraṃ   hr̥di śalyam ivārpitam
   vinidra karaṇaṃ gʰoraṃ   hr̥di śalyam iva_arpitam /
Halfverse: c    śokapāvakam udbʰūtaṃ   karmaṇaitena nāśaya
   śoka-pāvakam udbʰūtaṃ   karmaṇā_etena nāśaya /20/ (E)20



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.