TITUS
Mahabharata
Part No. 120
Previous part

Chapter: 120 
Adhyāya 120


Verse: 1  {Janamejaya uvāca}
Halfverse: a    kr̥pasyāpi mahābrahman   saṃbʰavaṃ vaktum arhasi
   kr̥pasya_api mahā-brahman   saṃbʰavaṃ vaktum arhasi /
Halfverse: c    śarastambʰāt katʰaṃ jajñe   katʰaṃ cāstrāṇy avāptavān
   śara-stambʰāt katʰaṃ jajñe   katʰaṃ ca_astrāṇy avāptavān /1/

Verse: 2  {Vaiśaṃpāyana uvāca}
Halfverse: a    maharṣer gatamasyāsīc   cʰaradvān nāma nāmataḥ
   maharṣer gatamasya_āsīt   śaradvān nāma nāmataḥ /
Halfverse: c    putraḥ kila mahārāja   jātaḥ saha śarair vibʰo
   putraḥ kila mahā-rāja   jātaḥ saha śarair vibʰo /2/

Verse: 3 
Halfverse: a    na tasya vedādʰyayane   tatʰā buddʰir ajāyata
   na tasya veda_adʰyayane   tatʰā buddʰir ajāyata /
Halfverse: c    yatʰāsya buddʰir abʰavad   dʰanurvede paraṃtapa
   yatʰā_asya buddʰir abʰavad   dʰanur-vede paraṃ-tapa /3/

Verse: 4 
Halfverse: a    adʰijagmur yatʰā vedāṃs   tapasā brahmavādinaḥ
   adʰijagmur yatʰā vedāṃs   tapasā brahma-vādinaḥ /
Halfverse: c    tatʰā sa tapasopetaḥ   sarvāṇy astrāṇy avāpa ha
   tatʰā sa tapasā_upetaḥ   sarvāṇy astrāṇy avāpa ha /4/

Verse: 5 
Halfverse: a    dʰanurveda paratvāc ca   tapasā vipulena ca
   dʰanur-veda paratvāc ca   tapasā vipulena ca /
Halfverse: c    bʰr̥śaṃ saṃtāpayām āsa   devarājaṃ sa gautamaḥ
   bʰr̥śaṃ saṃtāpayām āsa   deva-rājaṃ sa gautamaḥ /5/

Verse: 6 
Halfverse: a    tato jālapadīṃ nāma   devakanyāṃ sureśvaraḥ
   tato jālapadīṃ nāma   deva-kanyāṃ sura_īśvaraḥ /
Halfverse: c    prāhiṇot tapaso vigʰnaṃ   kuru tasyeti kaurava
   prāhiṇot tapaso vigʰnaṃ   kuru tasya_iti kaurava /6/

Verse: 7 
Halfverse: a    sābʰigamyāśrama padaṃ   ramaṇīyaṃ śaradvataḥ
   sā_abʰigamya_āśrama padaṃ   ramaṇīyaṃ śaradvataḥ /
Halfverse: c    dʰanur bāṇadʰaraṃ bālā   lobʰayām āsa gautamam
   dʰanur bāṇa-dʰaraṃ bālā   lobʰayām āsa gautamam /7/

Verse: 8 
Halfverse: a    tām ekavasanāṃ dr̥ṣṭvā   gautamo 'psarasaṃ vane
   tām eka-vasanāṃ dr̥ṣṭvā   gautamo_apsarasaṃ vane /
Halfverse: c    loke 'pratimasaṃstʰānām   utpʰullanayano 'bʰavat
   loke_apratima-saṃstʰānām   utpʰulla-nayano_abʰavat /8/

Verse: 9 
Halfverse: a    dʰanuś ca hi śarāś cāsya   karābʰyāṃ prāpatan bʰuvi
   dʰanuś ca hi śarāś ca_asya   karābʰyāṃ prāpatan bʰuvi /
Halfverse: c    vepatʰuś cāsya tāṃ dr̥ṣṭvā   śarīre samajāyata
   vepatʰuś ca_asya tāṃ dr̥ṣṭvā   śarīre samajāyata /9/ ՙ

Verse: 10 
Halfverse: a    sa tu jñānagarīyastvāt   tapasaś ca samanvayāt
   sa tu jñāna-garīyastvāt   tapasaś ca samanvayāt /
Halfverse: c    avatastʰe mahāprājño   dʰairyeṇa parameṇa ha
   avatastʰe mahā-prājño   dʰairyeṇa parameṇa ha /10/

Verse: 11 
Halfverse: a    yas tv asya sahasā rājan   vikāraḥ samapadyata
   yas tv asya sahasā rājan   vikāraḥ samapadyata /
Halfverse: c    tena susrāva reto 'sya   sa ca tan nāvabudʰyata
   tena susrāva reto_asya   sa ca tan na_avabudʰyata /11/

Verse: 12 
Halfverse: a    sa vihāyāśramaṃ taṃ ca   tāṃ caivāpsarasaṃ muniḥ
   sa vihāya_āśramaṃ taṃ ca   tāṃ caiva_apsarasaṃ muniḥ /
Halfverse: c    jagāma retas tat tasya   śarastambe papāta ha
   jagāma retas tat tasya   śara-stambe papāta ha /12/

Verse: 13 
Halfverse: a    śarastambe ca patitaṃ   dvidʰā tad abʰavan nr̥pa
   śara-stambe ca patitaṃ   dvidʰā tad abʰavan nr̥pa /
Halfverse: c    tasyātʰa mitʰunaṃ jajñe   gautamasya śaradvataḥ
   tasya_atʰa mitʰunaṃ jajñe   gautamasya śaradvataḥ /13/

Verse: 14 
Halfverse: a    mr̥gayāṃ carato rājñaḥ   śaṃtanos tu yadr̥ccʰayā
   mr̥gayāṃ carato rājñaḥ   śaṃtanos tu yadr̥ccʰayā /
Halfverse: c    kaś cit senā caro 'raṇye   mitʰunaṃ tad apaśyata
   kaścit senā caro_araṇye   mitʰunaṃ tad apaśyata /14/

Verse: 15 
Halfverse: a    dʰanuś ca saśaraṃ dr̥ṣṭvā   tatʰā kr̥ṣṇājināni ca
   dʰanuś ca saśaraṃ dr̥ṣṭvā   tatʰā kr̥ṣṇa_ajināni ca /
Halfverse: c    vyavasya brāhmaṇāpatyaṃ   dʰanurvedāntagasya tat
   vyavasya brāhmaṇa_apatyaṃ   dʰanur-veda_antagasya tat /
Halfverse: e    sa rājñe darśayām āsa   mitʰunaṃ saśaraṃ tadā
   sa rājñe darśayām āsa   mitʰunaṃ saśaraṃ tadā /15/

Verse: 16 
Halfverse: a    sa tad ādāya mitʰunaṃ   rājātʰa kr̥payānvitaḥ
   sa tad ādāya mitʰunaṃ   rājā_atʰa kr̥payā_anvitaḥ /
Halfverse: c    ājagāma gr̥hān eva   mama putrāv iti bruvan
   ājagāma gr̥hān eva   mama putrāv iti bruvan /16/

Verse: 17 
Halfverse: a    tataḥ saṃvardʰayām āsa   saṃskāraiś cāpy ayojayat
   tataḥ saṃvardʰayām āsa   saṃskāraiś ca_apy ayojayat /
Halfverse: c    gautamo 'pi tadāpetya   dʰanurveda paro 'bʰavat
   gautamo_api tadā_apetya   dʰanur-veda paro_abʰavat /17/

Verse: 18 
Halfverse: a    kr̥payā yan mayā bālāv   imau saṃvardʰitāv iti
   kr̥payā yan mayā bālāv   imau saṃvardʰitāv iti /
Halfverse: c    tasmāt tayor nāma cakre   tad eva sa mahīpatiḥ
   tasmāt tayor nāma cakre   tad eva sa mahī-patiḥ /18/

Verse: 19 
Halfverse: a    nihitau gautamas tatra   tapasā tāv avindata
   nihitau gautamas tatra   tapasā tāv avindata /
Halfverse: c    āgamya cāsmai gotrādi   sarvam ākʰyātavāṃs tadā
   āgamya ca_asmai gotra_ādi   sarvam ākʰyātavāṃs tadā /19/

Verse: 20 
Halfverse: a    caturvidʰaṃ dʰanurvedam   astrāṇi vividʰāni ca
   catur-vidʰaṃ dʰanur-vedam   astrāṇi vividʰāni ca /
Halfverse: c    nikʰilenāsya tat sarvaṃ   guhyam ākʰyātavāṃs tadā
   nikʰilena_asya tat sarvaṃ   guhyam ākʰyātavāṃs tadā /
Halfverse: e    so 'cireṇaiva kālena   paramācāryatāṃ gataḥ
   so_acireṇa_eva kālena   parama_ācāryatāṃ gataḥ /20/

Verse: 21 
Halfverse: a    tato 'dʰijagmuḥ sarve te   dʰanurvedaṃ mahāratʰāḥ
   tato_adʰijagmuḥ sarve te   dʰanur-vedaṃ mahā-ratʰāḥ /
Halfverse: c    dʰr̥tarāṣṭrātmajāś caiva   pāṇḍavāś ca mahābalāḥ
   dʰr̥tarāṣṭra_ātmajāś caiva   pāṇḍavāś ca mahā-balāḥ /
Halfverse: e    vr̥ṣṇayaś ca nr̥pāś cānye   nānādeśasamāgatāḥ
   vr̥ṣṇayaś ca nr̥pāś ca_anye   nānā-deśa-samāgatāḥ /21/ (E)21



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.