TITUS
Mahabharata
Part No. 107
Previous part

Chapter: 107 
Adhyāya 107


Verse: 1  {Vaiśaṃpāyana uvāca}
Halfverse: a    tataḥ putraśataṃ jajñe   gāndʰāryāṃ janamejaya
   tataḥ putra-śataṃ jajñe   gāndʰāryāṃ janamejaya /
Halfverse: c    dʰr̥tarāṣṭrasya vaiśyāyām   ekaś cāpi śatāt paraḥ
   dʰr̥tarāṣṭrasya vaiśyāyām   ekaś ca_api śatāt paraḥ /1/

Verse: 2 
Halfverse: a    pāṇḍoḥ kuntyāṃ ca mādryāṃ ca   pañca putrā mahāratʰāḥ
   pāṇḍoḥ kuntyāṃ ca mādryāṃ ca   pañca putrā mahā-ratʰāḥ /
Halfverse: c    devebʰyaḥ samapadyanta   saṃtānāya kulasya vai
   devebʰyaḥ samapadyanta   saṃtānāya kulasya vai /2/

Verse: 3  {Janamejaya uvāca}
Halfverse: a    katʰaṃ putraśataṃ jajñe   gāndʰāryāṃ dvijasattama
   katʰaṃ putra-śataṃ jajñe   gāndʰāryāṃ dvija-sattama /
Halfverse: c    kiyatā caiva kālena   teṣām āyuś ca kiṃ param
   kiyatā caiva kālena   teṣām āyuś ca kiṃ param /3/

Verse: 4 
Halfverse: a    katʰaṃ caikaḥ sa vaiśyāyāṃ   dʰr̥tarāṣṭra suto 'bʰavat
   katʰaṃ ca_ekaḥ sa vaiśyāyāṃ   dʰr̥tarāṣṭra suto_abʰavat /
Halfverse: c    katʰaṃ ca sadr̥śīṃ bʰāryāṃ   gāndʰārīṃ dʰarmacāriṇīm
   katʰaṃ ca sadr̥śīṃ bʰāryāṃ   gāndʰārīṃ dʰarma-cāriṇīm / ՙ
Halfverse: e    ānukūlye vartamānāṃ   dʰr̥tarāṣṭro 'tyavartata
   ānukūlye vartamānāṃ   dʰr̥tarāṣṭro_atyavartata /4/

Verse: 5 
Halfverse: a    katʰaṃ ca śaptasya sataḥ   pāṇḍos tena mahātmanā
   katʰaṃ ca śaptasya sataḥ   pāṇḍos tena mahātmanā /
Halfverse: c    samutpannā daivatebʰyaḥ   pañca putrā mahāratʰāḥ
   samutpannā daivatebʰyaḥ   pañca putrā mahā-ratʰāḥ /5/

Verse: 6 
Halfverse: a    etad vidvan yatʰāvr̥ttʰaṃ   vistareṇa tapodʰana
   etad vidvan yatʰā-vr̥ttʰaṃ   vistareṇa tapo-dʰana /
Halfverse: c    katʰayasva na me tr̥ptiḥ   katʰyamāneṣu bandʰuṣu
   katʰayasva na me tr̥ptiḥ   katʰyamāneṣu bandʰuṣu /6/

Verse: 7  {Vaiśampāyana uvāca}
Halfverse: a    kṣuc cʰramābʰipariglānaṃ   dvaipāyanam upastʰitam
   kṣut śrama_abʰipariglānaṃ   dvaipāyanam upastʰitam / q
Halfverse: c    toṣayām āsa gāndʰārī   vyāsas tasyai varaṃ dadau
   toṣayām āsa gāndʰārī   vyāsas tasyai varaṃ dadau /7/

Verse: 8 
Halfverse: a    sā vavre sadr̥śaṃ bʰartuḥ   putrāṇāṃ śatam ātmanaḥ
   sā vavre sadr̥śaṃ bʰartuḥ   putrāṇāṃ śatam ātmanaḥ /
Halfverse: c    tataḥ kālena sā garbʰaṃ   dʰr̥tarāṣṭrād atʰāgrahīt
   tataḥ kālena sā garbʰaṃ   dʰr̥tarāṣṭrād atʰa_agrahīt /8/

Verse: 9 
Halfverse: a    saṃvatsaradvayaṃ taṃ tu   gāndʰārī garbʰam āhitam
   saṃvatsara-dvayaṃ taṃ tu   gāndʰārī garbʰam āhitam /
Halfverse: c    aprajā dʰārayām āsa   tatas tāṃ duḥkʰam āviśat
   aprajā dʰārayām āsa   tatas tāṃ duḥkʰam āviśat /9/

Verse: 10 
Halfverse: a    śrutvā kuntīsutaṃ jātaṃ   bālārkasamatejasam
   śrutvā kuntī-sutaṃ jātaṃ   bāla_arka-sama-tejasam /
Halfverse: c    udarasyātmanaḥ stʰairyam   upalabʰyānvacintayat
   udarasya_ātmanaḥ stʰairyam   upalabʰya_anvacintayat /10/

Verse: 11 
Halfverse: a    ajñātaṃ dʰr̥tarāṣṭrasya   yatnena mahatā tataḥ
   ajñātaṃ dʰr̥tarāṣṭrasya   yatnena mahatā tataḥ /
Halfverse: c    sodaraṃ pātayām āsa   gāndʰārī duḥkʰamūrccʰitā
   sodaraṃ pātayām āsa   gāndʰārī duḥkʰa-mūrccʰitā /11/

Verse: 12 
Halfverse: a    tato jajñe māṃsapeśī   lohāṣṭʰīleva saṃhatā
   tato jajñe māṃsa-peśī   loha_aṣṭʰīlā_iva saṃhatā /
Halfverse: c    dvivarṣasaṃbʰr̥tāṃ kukṣau   tām utsraṣṭuṃ pracakrame
   dvi-varṣa-saṃbʰr̥tāṃ kukṣau   tām utsraṣṭuṃ pracakrame /12/

Verse: 13 
Halfverse: a    atʰa dvaipāyano jñātvā   tvaritaḥ samupāgamat
   atʰa dvaipāyano jñātvā   tvaritaḥ samupāgamat /
Halfverse: c    tāṃ sa māṃsamayīṃ peśīṃ   dadarśa japatāṃ varaḥ
   tāṃ sa māṃsamayīṃ peśīṃ   dadarśa japatāṃ varaḥ /13/

Verse: 14 
Halfverse: a    tato 'bravīt saubaleyīṃ   kim idaṃ te cikīrṣitam
   tato_abravīt saubaleyīṃ   kim idaṃ te cikīrṣitam /
Halfverse: c    sā cātmano mataṃ satyaṃ   śaśaṃsa paramarṣaye
   sā ca_ātmano mataṃ satyaṃ   śaśaṃsa parama-r̥ṣaye /14/

Verse: 15 
Halfverse: a    jyeṣṭʰaṃ kuntīsutaṃ jātaṃ   śrutvā ravisamaprabʰam
   jyeṣṭʰaṃ kuntī-sutaṃ jātaṃ   śrutvā ravi-sama-prabʰam /
Halfverse: c    duḥkʰena parameṇedam   udaraṃ pātitaṃ mayā
   duḥkʰena parameṇa_idam   udaraṃ pātitaṃ mayā /15/

Verse: 16 
Halfverse: a    śataṃ ca kila putrāṇāṃ   vitīrṇaṃ me tvayā purā
   śataṃ ca kila putrāṇāṃ   vitīrṇaṃ me tvayā purā /
Halfverse: c    iyaṃ ca me māṃsapeśī   jātā putraśatāya vai
   iyaṃ ca me māṃsa-peśī   jātā putra-śatāya vai /16/

Verse: 17  {Vyāsa uvāca}
Halfverse: a    evam etat saubaleyi   naitaj jātv anyatʰā bʰavet
   evam etat saubaleyi   na_etaj jātv anyatʰā bʰavet /
Halfverse: c    vitatʰaṃ noktapūrvaṃ me   svaireṣv api kuto 'nyatʰā
   vitatʰaṃ na_ukta-pūrvaṃ me   svaireṣv api kuto_anyatʰā /17/

Verse: 18 
Halfverse: a    gʰr̥tapūrṇaṃ kuṇḍa śataṃ   kṣipram eva vidʰīyatām
   gʰr̥ta-pūrṇaṃ kuṇḍa śataṃ   kṣipram eva vidʰīyatām /
Halfverse: c    śītābʰir adbʰir aṣṭʰīlām   imāṃ ca pariṣiñcata
   śītābʰir adbʰir aṣṭʰīlām   imāṃ ca pariṣiñcata /18/

Verse: 19  {Vaiśampāyana uvāca}
Halfverse: a    sā sicyamānā aṣṭʰīlā   abʰavac cʰatadʰā tadā
   sā sicyamānā\ aṣṭʰīlā abʰavat śatadʰā tadā / ՙ
Halfverse: c    aṅguṣṭʰa parva mātrāṇāṃ   garbʰāṇāṃ pr̥tʰag eva tu
   aṅguṣṭʰa parva mātrāṇāṃ   garbʰāṇāṃ pr̥tʰag eva tu /19/

Verse: 20 
Halfverse: a    ekādʰika śataṃ pūrṇaṃ   yatʰāyogaṃ viśāṃ pate
   eka_adʰika śataṃ pūrṇaṃ   yatʰā-yogaṃ viśāṃ pate /
Halfverse: c    māṃsapeśyās tadā rājan   kramaśaḥ kālaparyayāt
   māṃsa-peśyās tadā rājan   kramaśaḥ kāla-paryayāt /20/

Verse: 21 
Halfverse: a    tatas tāṃs teṣu kuṇḍeṣu   garbʰān avadadʰe tadā
   tatas tāṃs teṣu kuṇḍeṣu   garbʰān avadadʰe tadā /
Halfverse: c    svanugupteṣu deśeṣu   rakṣāṃ ca vyadadʰāt tataḥ
   svanugupteṣu deśeṣu   rakṣāṃ ca vyadadʰāt tataḥ /21/

Verse: 22 
Halfverse: a    śaśāsa caiva bʰagavān   kālenaitāvatā punaḥ
   śaśāsa caiva bʰagavān   kālena_etāvatā punaḥ /
Halfverse: c    vigʰaṭṭanīyāny etāni   kuṇḍānīti sma saubalīm
   vigʰaṭṭanīyāny etāni   kuṇḍāni_iti sma saubalīm /22/

Verse: 23 
Halfverse: a    ity uktvā bʰagavān vyāsas   tatʰā pratividʰāya ca
   ity uktvā bʰagavān vyāsas   tatʰā pratividʰāya ca /
Halfverse: c    jagāma tapase dʰīmān   himavantaṃ śiloccayam
   jagāma tapase dʰīmān   himavantaṃ śila_uccayam /23/

Verse: 24 
Halfverse: a    jajñe krameṇa caitena   teṣāṃ duryodʰano nr̥paḥ
   jajñe krameṇa ca_etena   teṣāṃ duryodʰano nr̥paḥ /
Halfverse: c    janmatas tu pramāṇena   jyeṣṭʰo rājā yudʰiṣṭʰiraḥ
   janmatas tu pramāṇena   jyeṣṭʰo rājā yudʰiṣṭʰiraḥ /24/

Verse: 25 
Halfverse: a    jātamātre sute tasmin   dʰr̥tarāṣṭro 'bravīd idam
   jāta-mātre sute tasmin   dʰr̥tarāṣṭro_abravīd idam /
Halfverse: c    samānīya bahūn viprān   bʰīṣmaṃ viduram eva ca
   samānīya bahūn viprān   bʰīṣmaṃ viduram eva ca /25/

Verse: 26 
Halfverse: a    yudʰiṣṭʰiro rājaputro   jyeṣṭʰo naḥ kulavardʰanaḥ
   yudʰiṣṭʰiro rāja-putro   jyeṣṭʰo naḥ kula-vardʰanaḥ /
Halfverse: c    prāptaḥ svaguṇato rājyaṃ   na tasmin vācyam asti naḥ
   prāptaḥ sva-guṇato rājyaṃ   na tasmin vācyam asti naḥ /26/

Verse: 27 
Halfverse: a    ayaṃ tv anantaras tasmād   api rājā bʰaviṣyati
   ayaṃ tv anantaras tasmād   api rājā bʰaviṣyati /
Halfverse: c    etad dʰi brūta me satyaṃ   yad atra bʰavitā dʰruvam
   etadd^hi brūta me satyaṃ   yad atra bʰavitā dʰruvam /27/

Verse: 28 
Halfverse: a    vākyasyaitasya nidʰane   dikṣu sarvāsu bʰārata
   vākyasya_etasya nidʰane   dikṣu sarvāsu bʰārata /
Halfverse: c    kravyādāḥ prāṇadan gʰorāḥ   śivāś cāśiva śaṃsinaḥ
   kravya_adāḥ prāṇadan gʰorāḥ   śivāś ca_aśiva śaṃsinaḥ /28/

Verse: 29 
Halfverse: a    lakṣayitvā nimittāni   tāni gʰorāṇi sarvaśaḥ
   lakṣayitvā nimittāni   tāni gʰorāṇi sarvaśaḥ /
Halfverse: c    te 'bruvan brāhmaṇā rājan   viduraś ca mahāmatiḥ
   te_abruvan brāhmaṇā rājan   viduraś ca mahā-matiḥ /29/

Verse: 30 
Halfverse: a    vyaktaṃ kulānta karaṇo   bʰavitaiṣa sutas tava
   vyaktaṃ kula_anta karaṇo   bʰavitā_eṣa sutas tava /
Halfverse: c    tasya śāntiḥ parityāge   puṣṭyā tv apanayo mahān
   tasya śāntiḥ parityāge   puṣṭyā tv apanayo mahān /30/

Verse: 31 
Halfverse: a    śatam ekonam apy astu   putrāṇāṃ te mahīpate
   śatam ekonam apy astu   putrāṇāṃ te mahī-pate /
Halfverse: c    ekena kuru vai kṣemaṃ   lokasya ca kulasya ca
   ekena kuru vai kṣemaṃ   lokasya ca kulasya ca /31/

Verse: 32 
Halfverse: a    tyajed ekaṃ kulasyārtʰe   grāmasyārtʰe kulaṃ tyajet
   tyajed ekaṃ kulasya_artʰe   grāmasya_artʰe kulaṃ tyajet /
Halfverse: c    grāmaṃ janapadasyārtʰe   ātmārtʰe pr̥tʰivīṃ tyajet
   grāmaṃ jana-padasya_artʰe ātma_artʰe pr̥tʰivīṃ tyajet /32/ ՙ

Verse: 33 
Halfverse: a    sa tatʰā vidureṇoktas   taiś ca sarvair dvijottamaiḥ
   sa tatʰā vidureṇa_uktas   taiś ca sarvair dvija_uttamaiḥ /
Halfverse: c    na cakāra tatʰā rājā   putrasneha samanvitaḥ
   na cakāra tatʰā rājā   putra-sneha samanvitaḥ /33/

Verse: 34 
Halfverse: a    tataḥ putraśataṃ sarvaṃ   dʰr̥tarāṣṭrasya pārtʰiva
   tataḥ putra-śataṃ sarvaṃ   dʰr̥tarāṣṭrasya pārtʰiva /
Halfverse: c    māsamātreṇa saṃjajñe   kanyā caikā śatādʰikā
   māsa-mātreṇa saṃjajñe   kanyā ca_ekā śata_adʰikā /34/

Verse: 35 
Halfverse: a    gāndʰāryāṃ kliśyamānāyām   udareṇa vivardʰatā
   gāndʰāryāṃ kliśyamānāyām   udareṇa vivardʰatā /
Halfverse: c    dʰr̥tarāṣṭraṃ mahābāhuṃ   vaiśyā paryacarat kila
   dʰr̥tarāṣṭraṃ mahā-bāhuṃ   vaiśyā paryacarat kila /35/

Verse: 36 
Halfverse: a    tasmin saṃvatsare rājan   dʰr̥tarāṣṭrān mahāyaśāḥ
   tasmin saṃvatsare rājan   dʰr̥tarāṣṭrān mahā-yaśāḥ /
Halfverse: c    jajñe dʰīmāṃs tatas tasyāṃ   yuyutsuḥ karaṇo nr̥pa
   jajñe dʰīmāṃs tatas tasyāṃ   yuyutsuḥ karaṇo nr̥pa /36/

Verse: 37 
Halfverse: a    evaṃ putraśataṃ jajñe   dʰr̥tarāṣṭrasya dʰīmataḥ
   evaṃ putra-śataṃ jajñe   dʰr̥tarāṣṭrasya dʰīmataḥ /
Halfverse: c    mahāratʰānāṃ vīrāṇāṃ   kanyā caikātʰa duḥśalā
   mahā-ratʰānāṃ vīrāṇāṃ   kanyā ca_ekā_atʰa duḥśalā /37/ (E)37



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.