TITUS
Mahabharata
Part No. 106
Previous part

Chapter: 106 
Adhyāya 106


Verse: 1  {Vaiśaṃpāyana uvāca}
Halfverse: a    dʰr̥tarāṣṭrābʰyanujñātaḥ   svabāhuvijitaṃ dʰanam
   dʰr̥tarāṣṭra_abʰyanujñātaḥ   sva-bāhu-vijitaṃ dʰanam /
Halfverse: c    bʰīṣmāya satyavatyai ca   mātre copajahāra saḥ
   bʰīṣmāya satyavatyai ca   mātre ca_upajahāra saḥ /1/

Verse: 2 
Halfverse: a    vidurāya ca vai pāṇḍuḥ   preṣayām āsa tad dʰanam
   vidurāya ca vai pāṇḍuḥ   preṣayām āsa tad dʰanam /
Halfverse: c    suhr̥daś cāpi dʰarmātmā   dʰanena samatarpayat
   suhr̥daś cāpi dʰarma_ātmā   dʰanena samatarpayat /2/

Verse: 3 
Halfverse: a    tataḥ satyavatīṃ bʰīṣmaḥ   kausalyāṃ ca yaśasvinīm
   tataḥ satyavatīṃ bʰīṣmaḥ   kausalyāṃ ca yaśasvinīm /
Halfverse: c    śubʰaiḥ pāṇḍujitai ratnais   toṣayām āsa bʰārata
   śubʰaiḥ pāṇḍu-jitai ratnais   toṣayām āsa bʰārata /3/

Verse: 4 
Halfverse: a    nananda mātā kausalyā   tam apratimatejasam
   nananda mātā kausalyā   tam apratima-tejasam /
Halfverse: c    jayantam iva paulomī   pariṣvajya nararṣabʰam
   jayantam iva paulomī   pariṣvajya nara-r̥ṣabʰam /4/

Verse: 5 
Halfverse: a    tasya vīrasya vikrāntaiḥ   sahasraśatadakṣiṇaiḥ
   tasya vīrasya vikrāntaiḥ   sahasra-śata-dakṣiṇaiḥ /
Halfverse: c    aśvamedʰa śatair īje   dʰr̥tarāṣṭro mahāmakʰaiḥ
   aśva-medʰa śatair īje   dʰr̥tarāṣṭro mahā-makʰaiḥ /5/

Verse: 6 
Halfverse: a    saṃprayuktaś ca kuntyā ca   mādryā ca bʰaratarṣabʰa
   saṃprayuktaś ca kuntyā ca   mādryā ca bʰarata-r̥ṣabʰa /
Halfverse: c    jitatandrīs tadā pāṇḍur   babʰūva vanagocaraḥ
   jita-tandrīs tadā pāṇḍur   babʰūva vana-gocaraḥ /6/

Verse: 7 
Halfverse: a    hitvā prāsādanilayaṃ   śubʰāni śayanāni ca
   hitvā prāsāda-nilayaṃ   śubʰāni śayanāni ca /
Halfverse: c    araṇyanityaḥ satataṃ   babʰūva mr̥gayā paraḥ
   araṇya-nityaḥ satataṃ   babʰūva mr̥gayā paraḥ /7/

Verse: 8 
Halfverse: a    sa caran dakṣiṇaṃ pārśvaṃ   ramyaṃ himavato gireḥ
   sa caran dakṣiṇaṃ pārśvaṃ   ramyaṃ himavato gireḥ /
Halfverse: c    uvāsa giripr̥ṣṭʰeṣu   mahāśālavaneṣu ca
   uvāsa giri-pr̥ṣṭʰeṣu   mahā-śāla-vaneṣu ca /8/

Verse: 9 
Halfverse: a    rarāja kuntyā mādryā ca   pāṇḍuḥ saha vane vasan
   rarāja kuntyā mādryā ca   pāṇḍuḥ saha vane vasan /
Halfverse: c    kareṇvor iva madʰyastʰaḥ   śrīmān pauraṃdaro gajaḥ
   kareṇvor iva madʰyastʰaḥ   śrīmān pauraṃdaro gajaḥ /9/

Verse: 10 
Halfverse: a    bʰārataṃ saha bʰāryābʰyāṃ   bāṇakʰaḍgadʰanurdʰaram
   bʰārataṃ saha bʰāryābʰyāṃ   bāṇa-kʰaḍga-dʰanur-dʰaram /
Halfverse: c    vicitrakavacaṃ vīraṃ   paramāstra vidaṃ nr̥pam
   vicitra-kavacaṃ vīraṃ   parama_astra vidaṃ nr̥pam /
Halfverse: e    devo 'yam ity amanyanta   carantaṃ vanavāsinaḥ
   devo_ayam ity amanyanta   carantaṃ vana-vāsinaḥ /10/

Verse: 11 
Halfverse: a    tasya kāmāṃś ca bʰogāṃś ca   narā nityam atandritāḥ
   tasya kāmāṃś ca bʰogāṃś ca   narā nityam atandritāḥ /
Halfverse: c    upajahrur vanānteṣu   dʰr̥tarāṣṭreṇa coditāḥ
   upajahrur vana_anteṣu   dʰr̥tarāṣṭreṇa coditāḥ /11/

Verse: 12 
Halfverse: a    atʰa pāraśavīṃ kanyāṃ   devalasya mahīpateḥ
   atʰa pāraśavīṃ kanyāṃ   devalasya mahī-pateḥ /
Halfverse: c    rūpayauvana saṃpannāṃ   sa śuśrāvāpagā sutaḥ
   rūpa-yauvana saṃpannāṃ   sa śuśrāva_āpagā sutaḥ /12/

Verse: 13 
Halfverse: a    tatas tu varayitvā tām   ānāyya puruṣarṣabʰaḥ
   tatas tu varayitvā tām   ānāyya puruṣa-r̥ṣabʰaḥ /
Halfverse: c    vivāhaṃ kārayām āsa   vidurasya mahāmateḥ
   vivāhaṃ kārayām āsa   vidurasya mahā-mateḥ /13/

Verse: 14 
Halfverse: a    tasyāṃ cotpādayām āsa   viduraḥ kurunandanaḥ
   tasyāṃ ca_utpādayām āsa   viduraḥ kuru-nandanaḥ /
Halfverse: c    putrān vinayasaṃpannān   ātmanaḥ sadr̥śān guṇaiḥ
   putrān vinaya-saṃpannān   ātmanaḥ sadr̥śān guṇaiḥ /14/ (E)14



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.