TITUS
Vetus Testamentum graece iuxta LXX interpretes
Part No. 312
Previous part

Chapter: 21 
Verse: 1    Καὶ ἐγένετο λιμὸς ἐν ταῖς ἡμέραις Δαυιδ τρία ἔτη, ἐνιαυτὸς ἐχόμενος ἐνιαυτοῦ, καὶ ἐζήτησεν Δαυιδ τὸ πρόσωπον τοῦ κυρίου. καὶ εἶπεν κύριος ᾽Επὶ Σαουλ καὶ ἐπὶ τὸν οἶκον αὐτοῦ ἀδικία διὰ τὸ αὐτὸν ϑανάτῳ αἱμάτων περὶ οὗ ἐϑανάτωσεν τοὺς Γαβαωνίτας.
Verse: 2    καὶ ἐκάλεσεν ὁ βασιλεὺς Δαυιδ τοὺς Γαβαωνίτας καὶ εἶπεν πρὸς αὐτούς· καὶ οἱ Γαβαωνῖται οὐχ υἱοὶ Ισραηλ εἰσίν, ὅτι ἀλλ' ἢ ἐκ τοῦ λείμματος τοῦ Αμορραίου, καὶ οἱ υἱοὶ Ισραηλ ὤμοσαν αὐτοῖς· καὶ ἐζήτησεν Σαουλ πατάξαι αὐτοὺς ἐν τῷ ζηλῶσαι αὐτὸν τοὺς υἱοὺς Ισραηλ καὶ Ιουδα.
Verse: 3    καὶ εἶπεν Δαυιδ πρὸς τοὺς Γαβαωνίτας Τί ποιήσω ὑμῖν καὶ ἐν τίνι ἐξιλάσομαι καὶ εὐλογήσετε τὴν κληρονομίαν κυρίου;
Verse: 4    καὶ εἶπαν αὐτῷ οἱ Γαβαωνῖται Οὐκ ἔστιν ἡμῖν ἀργύριον καὶ χρυσίον μετὰ Σαουλ καὶ μετὰ τοῦ οἴκου αὐτοῦ, καὶ οὐκ ἔστιν ἡμῖν ἀνὴρ ϑανατῶσαι ἐν Ισραηλ. καὶ εἶπεν Τί ὑμεῖς λέγετε καὶ ποιήσω ὑμῖν;
Verse: 5    καὶ εἶπαν πρὸς τὸν βασιλέα ῾Ο ἀνὴρ συνετέλεσεν ἐϕ' ἡμᾶς καὶ ἐδίωξεν ἡμᾶς, ὃς παρελογίσατο ἐξολεϑρεῦσαι ἡμᾶς· ἀϕανίσωμεν αὐτὸν τοῦ μὴ ἑστάναι αὐτὸν ἐν παντὶ ὁρίῳ Ισραηλ·
Verse: 6    δότω ἡμῖν ἑπτὰ ἄνδρας ἐκ τῶν υἱῶν αὐτοῦ, καὶ ἐξηλιάσωμεν αὐτοὺς τῷ κυρίῳ ἐν Γαβαων Σαουλ ἐκλεκτοὺς κυρίου. καὶ εἶπεν ὁ βασιλεύς ᾽Εγὼ δώσω.
Verse: 7    καὶ ἐϕείσατο ὁ βασιλεὺς ἐπὶ Μεμϕιβοσϑε υἱὸν Ιωναϑαν υἱοῦ Σαουλ διὰ τὸν ὅρκον κυρίου τὸν ἀνὰ μέσον αὐτῶν, ἀνὰ μέσον Δαυιδ καὶ ἀνὰ μέσον Ιωναϑαν υἱοῦ Σαουλ.
Verse: 8    καὶ ἔλαβεν ὁ βασιλεὺς τοὺς δύο υἱοὺς Ρεσϕα ϑυγατρὸς Αια, οὓς ἔτεκεν τῷ Σαουλ, τὸν Ερμωνι καὶ τὸν Μεμϕιβοσϑε, καὶ τοὺς πέντε υἱοὺς Μιχολ ϑυγατρὸς Σαουλ, οὓς ἔτεκεν τῷ Εσριηλ υἱῷ Βερζελλι τῷ Μοουλαϑι,
Verse: 9    καὶ ἔδωκεν αὐτοὺς ἐν χειρὶ τῶν Γαβαωνιτῶν, καὶ ἐξηλίασαν αὐτοὺς ἐν τῷ ὄρει ἔναντι κυρίου, καὶ ἔπεσαν οἱ ἑπτὰ αὐτοὶ ἐπὶ τὸ αὐτό· καὶ αὐτοὶ δὲ ἐϑανατώϑησαν ἐν ἡμέραις ϑερισμοῦ ἐν πρώτοις ἐν ἀρχῇ ϑερισμοῦ κριϑῶν.
Verse: 10    καὶ ἔλαβεν Ρεσϕα ϑυγάτηρ Αια τὸν σάκκον καὶ ἔπηξεν αὑτῇ πρὸς τὴν πέτραν ἐν ἀρχῇ ϑερισμοῦ κριϑῶν, ἕως ἔσταξεν ἐπ' αὐτοὺς ὕδωρ ἐκ τοῦ οὐρανοῦ, καὶ οὐκ ἔδωκεν τὰ πετεινὰ τοῦ οὐρανοῦ καταπαῦσαι ἐπ' αὐτοὺς ἡμέρας καὶ τὰ ϑηρία τοῦ ἀγροῦ νυκτός.
Verse: 11    καὶ ἀπηγγέλη τῷ Δαυιδ ὅσα ἐποίησεν Ρεσϕα ϑυγάτηρ Αια παλλακὴ Σαουλ, καὶ ἐξελύϑησαν, καὶ κατέλαβεν αὐτοὺς Δαν υἱὸς Ιωα ἐκ τῶν ἀπογόνων τῶν γιγάντων,
Verse: 12    καὶ ἐπορεύϑη Δαυιδ καὶ ἔλαβεν τὰ ὀστᾶ Σαουλ καὶ τὰ ὀστᾶ Ιωναϑαν τοῦ υἱοῦ αὐτοῦ παρὰ τῶν ἀνδρῶν υἱῶν Ιαβις Γαλααδ, οἳ ἔκλεψαν αὐτοὺς ἐκ τῆς πλατείας Βαιϑσαν, ὅτι ἔστησαν αὐτοὺς ἐκεῖ οἱ ἀλλόϕυλοι ἐν ἡμέρᾳ, ᾗ ἐπάταξαν οἱ ἀλλόϕυλοι τὸν Σαουλ ἐν Γελβουε,
Verse: 13    καὶ ἀνήνεγκεν ἐκεῖϑεν τὰ ὀστᾶ Σαουλ καὶ τὰ ὀστᾶ Ιωναϑαν τοῦ υἱοῦ αὐτοῦ καὶ συνήγαγεν τὰ ὀστᾶ τῶν ἐξηλιασμένων.
Verse: 14    καὶ ἔϑαψαν τὰ ὀστᾶ Σαουλ καὶ τὰ ὀστᾶ Ιωναϑαν τοῦ υἱοῦ αὐτοῦ καὶ τῶν ἡλιασϑέντων ἐν γῇ Βενιαμιν ἐν τῇ πλευρᾷ ἐν τῷ τάϕῳ Κις τοῦ πατρὸς αὐτοῦ καὶ ἐποίησαν πάντα, ὅσα ἐνετείλατο ὁ βασιλεύς. καὶ ἐπήκουσεν ὁ ϑεὸς τῇ γῇ μετὰ ταῦτα.
Verse: 15    Καὶ ἐγενήϑη ἔτι πόλεμος τοῖς ἀλλοϕύλοις μετὰ Ισραηλ. καὶ κατέβη Δαυιδ καὶ οἱ παῖδες αὐτοῦ μετ' αὐτοῦ καὶ ἐπολέμησαν μετὰ τῶν ἀλλοϕύλων, καὶ ἐξελύϑη Δαυιδ.
Verse: 16    καὶ Ιεσβι, ὃς ἦν ἐν τοῖς ἐκγόνοις τοῦ Ραϕα καὶ ὁ σταϑμὸς τοῦ δόρατος αὐτοῦ τριακοσίων σίκλων ὁλκὴ χαλκοῦ καὶ αὐτὸς περιεζωσμένος κορύνην, καὶ διενοεῖτο πατάξαι τὸν Δαυιδ.
Verse: 17    καὶ ἐβοήϑησεν αὐτῷ Αβεσσα υἱὸς Σαρουιας καὶ ἐπάταξεν τὸν ἀλλόϕυλον καὶ ἐϑανάτωσεν αὐτόν. τότε ὤμοσαν οἱ ἄνδρες Δαυιδ λέγοντες Οὐκ ἐξελεύσῃ ἔτι μεϑ' ἡμῶν εἰς πόλεμον καὶ οὐ μὴ σβέσῃς τὸν λύχνον Ισραηλ.
Verse: 18    καὶ ἐγενήϑη μετὰ ταῦτα ἔτι πόλεμος ἐν Γεϑ μετὰ τῶν ἀλλοϕύλων. τότε ἐπάταξεν Σεβοχα ὁ Αστατωϑι τὸν Σεϕ τὸν ἐν τοῖς ἐκγόνοις τοῦ Ραϕα.
Verse: 19    καὶ ἐγένετο ὁ πόλεμος ἐν Γοβ μετὰ τῶν ἀλλοϕύλων. καὶ ἐπάταξεν Ελεαναν υἱὸς Αριωργιμ ὁ Βαιϑλεεμίτης τὸν Γολιαϑ τὸν Γεϑϑαῖον, καὶ τὸ ξύλον τοῦ δόρατος αὐτοῦ ὡς ἀντίον ὑϕαινόντων.
Verse: 20    καὶ ἐγένετο ἔτι πόλεμος ἐν Γεϑ. καὶ ἦν ἀνὴρ μαδων, καὶ οἱ δάκτυλοι τῶν χειρῶν αὐτοῦ καὶ οἱ δάκτυλοι τῶν ποδῶν αὐτοῦ ἓξ καὶ ἕξ, εἴκοσι τέσσαρες ἀριϑμῷ, καί γε αὐτὸς ἐτέχϑη τῷ Ραϕα.
Verse: 21    καὶ ὠνείδισεν τὸν Ισραηλ, καὶ ἐπάταξεν αὐτὸν Ιωναϑαν υἱὸς Σεμεϊ ἀδελϕοῦ Δαυιδ.
Verse: 22    οἱ τέσσαρες οὗτοι ἐτέχϑησαν ἀπόγονοι τῶν γιγάντων ἐν Γεϑ τῷ Ραϕα οἶκος, καὶ ἔπεσαν ἐν χειρὶ Δαυιδ καὶ ἐν χειρὶ τῶν δούλων αὐτοῦ.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.