TITUS
Vetus Testamentum graece iuxta LXX interpretes
Part No. 226
Previous part

Chapter: 12 
Verse: 1    Καὶ συνήχϑησαν οἱ υἱοὶ Εϕραιμ καὶ ἦλϑον εἰς Σεϕινα καὶ εἶπον πρὸς Ιεϕϑαε Τί ὅτι ἐπορεύϑης πολεμεῖν ἐν τοῖς υἱοῖς Αμμων καὶ ἡμᾶς οὐ κέκληκας πορευϑῆναι μετὰ σοῦ; τὸν οἶκόν σου ἐμπρήσομεν ἐν πυρί.
Verse: 2    καὶ εἶπεν πρὸς αὐτοὺς Ιεϕϑαε ᾽Ανὴρ ἀντιδικῶν ἤμην ἐγὼ καὶ ὁ λαός μου, καὶ οἱ υἱοὶ Αμμων ἐταπείνουν με σϕόδρα· καὶ ἐβόησα πρὸς ὑμᾶς, καὶ οὐκ ἐσώσατέ με ἐκ χειρὸς αὐτῶν.
Verse: 3    καὶ εἶδον ὅτι οὐκ ἦν ὁ σῴζων, καὶ ἐϑέμην τὴν ψυχήν μου ἐν τῇ χειρί μου καὶ διέβην πρὸς τοὺς υἱοὺς Αμμων, καὶ παρέδωκεν αὐτοὺς κύριος ἐν χειρί μου· καὶ ἵνα τί ἀνέβητε πρός με τῇ ἡμέρᾳ ταύτῃ τοῦ πολεμεῖν ἐν ἐμοί;
Verse: 4    καὶ συνήϑροισεν Ιεϕϑαε πάντας τοὺς ἄνδρας Γαλααδ καὶ ἐπολέμει τὸν Εϕραιμ, καὶ ἐπάταξαν ἄνδρες Γαλααδ τὸν Εϕραιμ, ὅτι εἶπαν Οἱ διασεσῳσμένοι τοῦ Εϕραιμ ὑμεῖς, Γαλααδ ἐν μέσῳ Εϕραιμ καὶ ἐν μέσῳ Μανασση.
Verse: 5    καὶ προκατελάβοντο ἄνδρες Γαλααδ τὰς διαβάσεις τοῦ Ιορδάνου τοῦ Εϕραιμ, καὶ ἐγενήϑη ὅτι εἶπαν οἱ διασεσῳσμένοι τοῦ Εϕραιμ Διαβῶμεν, καὶ εἶπαν αὐτοῖς οἱ ἄνδρες Γαλααδ Μὴ ὑμεῖς ἐκ τοῦ Εϕραιμ; καὶ εἶπαν Οὔκ ἐσμεν.
Verse: 6    καὶ εἶπαν αὐτοῖς Εἴπατε δὴ Σύνϑημα· καὶ οὐ κατηύϑυναν τοῦ λαλῆσαι οὕτως. καὶ ἐπελάβοντο αὐτῶν καὶ ἔσϕαξαν αὐτοὺς ἐπὶ τὰς διαβάσεις τοῦ Ιορδάνου, καὶ ἔπεσαν ἐξ Εϕραιμ ἐν τῷ καιρῷ ἐκείνῳ δύο τεσσαράκοντα χιλιάδες.
Verse: 7    Καὶ ἔκρινεν Ιεϕϑαε τὸν Ισραηλ ἓξ ἔτη. καὶ ἀπέϑανεν Ιεϕϑαε ὁ Γαλααδίτης καὶ ἐτάϕη ἐν τῇ πόλει αὐτοῦ Γαλααδ.
Verse: 8    Καὶ ἔκρινεν μετ' αὐτὸν τὸν Ισραηλ Εσεβων ἐκ Βαιϑλεεμ.
Verse: 9    καὶ ἐγένοντο αὐτῷ τριάκοντα υἱοὶ καὶ τριάκοντα ϑυγατέρες ἐξαπεσταλμέναι ἔξω, καὶ τριάκοντα γυναῖκας εἰσήγαγεν τοῖς υἱοῖς αὐτοῦ ἔξωϑεν. καὶ ἔκρινεν τὸν Ισραηλ ἑπτὰ ἔτη.
Verse: 10    καὶ ἀπέϑανεν Εσεβων καὶ ἐτάϕη ἐν Βηϑλεεμ.
Verse: 11    Καὶ ἔκρινεν μετ' αὐτὸν τὸν Ισραηλ Αιλων ὁ Ζαβουλωνίτης. καὶ ἔκρινεν τὸν Ισραηλ δέκα ἔτη.
Verse: 12    καὶ ἀπέϑανεν Αιλων ὁ Ζαβουλωνίτης ἐν Αιλιμ, καὶ ἔϑαψαν αὐτὸν ἐν γῇ Ζαβουλων.
Verse: 13    Καὶ ἔκρινεν μετ' αὐτὸν τὸν Ισραηλ Λαβδων υἱὸς Σελλημ ὁ Φρααϑωνίτης.
Verse: 14    καὶ ἐγένοντο αὐτῷ τεσσαράκοντα υἱοὶ καὶ τριάκοντα υἱοὶ τῶν υἱῶν αὐτοῦ ἐπιβεβηκότες ἐπὶ ἑβδομήκοντα πώλους. καὶ ἔκρινεν τὸν Ισραηλ ὀκτὼ ἔτη.
Verse: 15    καὶ ἀπέϑανεν Λαβδων υἱὸς Σελλημ ὁ Φρααϑωνίτης καὶ ἐτάϕη ἐν Φρααϑων ἐν γῇ Εϕραιμ ἐν ὄρει Λανακ.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.