TITUS
Vetus Testamentum graece iuxta LXX interpretes
Part No. 211
Previous part

Chapter: 24 
Verse: 1    Καὶ συνήγαγεν ᾽Ιησοῦς πάσας ϕυλὰς Ισραηλ εἰς Σηλω καὶ συνεκάλεσεν τοὺς πρεσβυτέρους αὐτῶν καὶ τοὺς γραμματεῖς αὐτῶν καὶ τοὺς δικαστὰς αὐτῶν καὶ ἔστησεν αὐτοὺς ἀπέναντι τοῦ ϑεοῦ.
Verse: 2    καὶ εἶπεν ᾽Ιησοῦς πρὸς πάντα τὸν λαόν Τάδε λέγει κύριος ὁ ϑεὸς Ισραηλ Πέραν τοῦ ποταμοῦ κατῴκησαν οἱ πατέρες ὑμῶν τὸ ἀπ' ἀρχῆς, Θαρα ὁ πατὴρ Αβρααμ καὶ ὁ πατὴρ Ναχωρ, καὶ ἐλάτρευσαν ϑεοῖς ἑτέροις.
Verse: 3    καὶ ἔλαβον τὸν πατέρα ὑμῶν τὸν Αβρααμ ἐκ τοῦ πέραν τοῦ ποταμοῦ καὶ ὡδήγησα αὐτὸν ἐν πάσῃ τῇ γῇ καὶ ἐπλήϑυνα αὐτοῦ σπέρμα καὶ ἔδωκα αὐτῷ τὸν Ισαακ
Verse: 4    καὶ τῷ Ισαακ τὸν Ιακωβ καὶ τὸν Ησαυ· καὶ ἔδωκα τῷ Ησαυ τὸ ὄρος τὸ Σηιρ κληρονομῆσαι αὐτῷ, καὶ Ιακωβ καὶ οἱ υἱοὶ αὐτοῦ κατέβησαν εἰς Αἴγυπτον καὶ ἐγένοντο ἐκεῖ εἰς ἔϑνος μέγα καὶ πολὺ καὶ κραταιόν.
Verse: 5    καὶ ἐκάκωσαν αὐτοὺς οἱ Αἰγύπτιοι, καὶ ἐπάταξεν κύριος τὴν Αἴγυπτον ἐν οἷς ἐποίησεν αὐτοῖς, καὶ μετὰ ταῦτα ἐξήγαγεν ὑμᾶς
Verse: 6    ἐξ Αἰγύπτου, καὶ εἰσήλϑατε εἰς τὴν ϑάλασσαν τὴν ἐρυϑράν. καὶ κατεδίωξαν οἱ Αἰγύπτιοι ὀπίσω τῶν πατέρων ὑμῶν ἐν ἅρμασιν καὶ ἐν ἵπποις εἰς τὴν ϑάλασσαν τὴν ἐρυϑράν,
Verse: 7    καὶ ἀνεβοήσαμεν πρὸς κύριον, καὶ ἔδωκεν νεϕέλην καὶ γνόϕον ἀνὰ μέσον ἡμῶν καὶ ἀνὰ μέσον τῶν Αἰγυπτίων καὶ ἐπήγαγεν ἐπ' αὐτοὺς τὴν ϑάλασσαν, καὶ ἐκάλυψεν αὐτούς, καὶ εἴδοσαν οἱ ὀϕϑαλμοὶ ὑμῶν ὅσα ἐποίησεν κύριος ἐν γῇ Αἰγύπτῳ. καὶ ἦτε ἐν τῇ ἐρήμῳ ἡμέρας πλείους.
Verse: 8    καὶ ἤγαγεν ὑμᾶς εἰς γῆν Αμορραίων τῶν κατοικούντων πέραν τοῦ Ιορδάνου, καὶ παρετάξαντο ὑμῖν, καὶ παρέδωκεν αὐτοὺς κύριος εἰς τὰς χεῖρας ὑμῶν, καὶ κατεκληρονομήσατε τὴν γῆν αὐτῶν καὶ ἐξωλεϑρεύσατε αὐτοὺς ἀπὸ προσώπου ὑμῶν.
Verse: 9    καὶ ἀνέστη Βαλακ ὁ τοῦ Σεπϕωρ βασιλεὺς Μωαβ καὶ παρετάξατο τῷ Ισραηλ καὶ ἀποστείλας ἐκάλεσεν τὸν Βαλααμ ἀράσασϑαι ὑμῖν·
Verse: 10    καὶ οὐκ ἠϑέλησεν κύριος ὁ ϑεός σου ἀπολέσαι σε, καὶ εὐλογίαν εὐλόγησεν ὑμᾶς, καὶ ἐξείλατο ὑμᾶς ἐκ χειρῶν αὐτῶν καὶ παρέδωκεν αὐτούς.
Verse: 11    καὶ διέβητε τὸν Ιορδάνην καὶ παρεγενήϑητε εἰς Ιεριχω· καὶ ἐπολέμησαν πρὸς ὑμᾶς οἱ κατοικοῦντες Ιεριχω, ὁ Αμορραῖος καὶ ὁ Χαναναῖος καὶ ὁ Φερεζαῖος καὶ ὁ Ευαῖος καὶ ὁ Ιεβουσαῖος καὶ ὁ Χετταῖος καὶ ὁ Γεργεσαῖος, καὶ παρέδωκεν αὐτοὺς κύριος εἰς τὰς χεῖρας ὑμῶν.
Verse: 12    καὶ ἐξαπέστειλεν προτέραν ὑμῶν τὴν σϕηκιάν, καὶ ἐξέβαλεν αὐτοὺς ἀπὸ προσώπου ὑμῶν, δώδεκα βασιλεῖς τῶν Αμορραίων, οὐκ ἐν τῇ ῥομϕαίᾳ σου οὐδὲ ἐν τῷ τόξῳ σου.
Verse: 13    καὶ ἔδωκεν ὑμῖν γῆν, ἐϕ' ἣν οὐκ ἐκοπιάσατε ἐπ' αὐτῆς, καὶ πόλεις, ἃς οὐκ ᾠκοδομήσατε, καὶ κατῳκίσϑητε ἐν αὐταῖς· καὶ ἀμπελῶνας καὶ ἐλαιῶνας, οὓς οὐκ ἐϕυτεύσατε, ὑμεῖς ἔδεσϑε.
Verse: 14    καὶ νῦν ϕοβήϑητε κύριον καὶ λατρεύσατε αὐτῷ ἐν εὐϑύτητι καὶ ἐν δικαιοσύνῃ καὶ περιέλεσϑε τοὺς ϑεοὺς τοὺς ἀλλοτρίους, οἷς ἐλάτρευσαν οἱ πατέρες ὑμῶν ἐν τῷ πέραν τοῦ ποταμοῦ καὶ ἐν Αἰγύπτῳ, καὶ λατρεύετε κυρίῳ.
Verse: 15    εἰ δὲ μὴ ἀρέσκει ὑμῖν λατρεύειν κυρίῳ, ἕλεσϑε ὑμῖν ἑαυτοῖς σήμερον, τίνι λατρεύσητε, εἴτε τοῖς ϑεοῖς τῶν πατέρων ὑμῶν τοῖς ἐν τῷ πέραν τοῦ ποταμοῦ, εἴτε τοῖς ϑεοῖς τῶν Αμορραίων, ἐν οἷς ὑμεῖς κατοικεῖτε ἐπὶ τῆς γῆς αὐτῶν· ἐγὼ δὲ καὶ ἡ οἰκία μου λατρεύσομεν κυρίῳ, ὅτι ἅγιός ἐστιν.
Verse: 16    Καὶ ἀποκριϑεὶς ὁ λαὸς εἶπεν Μὴ γένοιτο ἡμῖν καταλιπεῖν κύριον ὥστε λατρεύειν ϑεοῖς ἑτέροις.
Verse: 17    κύριος ὁ ϑεὸς ἡμῶν, αὐτὸς ϑεός ἐστιν· αὐτὸς ἀνήγαγεν ἡμᾶς καὶ τοὺς πατέρας ἡμῶν ἐξ Αἰγύπτου καὶ διεϕύλαξεν ἡμᾶς ἐν πάσῃ τῇ ὁδῷ, ᾗ ἐπορεύϑημεν ἐν αὐτῇ, καὶ ἐν πᾶσιν τοῖς ἔϑνεσιν, οὓς παρήλϑομεν δι' αὐτῶν·
Verse: 18    καὶ ἐξέβαλεν κύριος τὸν Αμορραῖον καὶ πάντα τὰ ἔϑνη τὰ κατοικοῦντα τὴν γῆν ἀπὸ προσώπου ἡμῶν. ἀλλὰ καὶ ἡμεῖς λατρεύσομεν κυρίῳ· οὗτος γὰρ ϑεὸς ἡμῶν ἐστιν.
Verse: 19    καὶ εἶπεν ᾽Ιησοῦς πρὸς τὸν λαόν Οὐ μὴ δύνησϑε λατρεύειν κυρίῳ, ὅτι ϑεὸς ἅγιός ἐστιν, καὶ ζηλώσας οὗτος οὐκ ἀνήσει ὑμῶν τὰ ἁμαρτήματα καὶ τὰ ἀνομήματα ὑμῶν·
Verse: 20    ἡνίκα ἐὰν ἐγκαταλίπητε κύριον καὶ λατρεύσητε ϑεοῖς ἑτέροις, καὶ ἐπελϑὼν κακώσει ὑμᾶς καὶ ἐξαναλώσει ὑμᾶς ἀνϑ' ὧν εὖ ἐποίησεν ὑμᾶς.
Verse: 21    καὶ εἶπεν ὁ λαὸς πρὸς ᾽Ιησοῦν Οὐχί, ἀλλὰ κυρίῳ λατρεύσομεν.
Verse: 22    καὶ εἶπεν ᾽Ιησοῦς πρὸς τὸν λαόν Μάρτυρες ὑμεῖς καϑ' ὑμῶν, ὅτι ὑμεῖς ἐξελέξασϑε κύριον λατρεύειν αὐτῷ·
Verse: 23    καὶ νῦν περιέλεσϑε τοὺς ϑεοὺς τοὺς ἀλλοτρίους τοὺς ἐν ὑμῖν καὶ εὐϑύνατε τὴν καρδίαν ὑμῶν πρὸς κύριον ϑεὸν Ισραηλ.
Verse: 24    καὶ εἶπεν ὁ λαὸς πρὸς ᾽Ιησοῦν Κυρίῳ λατρεύσομεν καὶ τῆς ϕωνῆς αὐτοῦ ἀκουσόμεϑα.
Verse: 25    Καὶ διέϑετο ᾽Ιησοῦς διαϑήκην πρὸς τὸν λαὸν ἐν τῇ ἡμέρᾳ ἐκείνῃ καὶ ἔδωκεν αὐτῷ νόμον καὶ κρίσιν ἐν Σηλω ἐνώπιον τῆς σκηνῆς τοῦ ϑεοῦ Ισραηλ.
Verse: 26    καὶ ἔγραψεν τὰ ῥήματα ταῦτα εἰς βιβλίον, νόμον τοῦ ϑεοῦ· καὶ ἔλαβεν λίϑον μέγαν καὶ ἔστησεν αὐτὸν ᾽Ιησοῦς ὑπὸ τὴν τερέμινϑον ἀπέναντι κυρίου.
Verse: 27    καὶ εἶπεν ᾽Ιησοῦς πρὸς τὸν λαόν ᾽Ιδοὺ ὁ λίϑος οὗτος ἔσται ἐν ὑμῖν εἰς μαρτύριον, ὅτι αὐτὸς ἀκήκοεν πάντα τὰ λεχϑέντα αὐτῷ ὑπὸ κυρίου, ὅ τι ἐλάλησεν πρὸς ἡμᾶς σήμερον· καὶ ἔσται οὗτος ἐν ὑμῖν εἰς μαρτύριον ἐπ' ἐσχάτων τῶν ἡμερῶν, ἡνίκα ἐὰν ψεύσησϑε κυρίῳ τῷ ϑεῷ μου.
Verse: 28    καὶ ἀπέστειλεν ᾽Ιησοῦς τὸν λαόν, καὶ ἐπορεύϑησαν ἕκαστος εἰς τὸν τόπον αὐτοῦ.
Verse: 29    καὶ ἐλάτρευσεν Ισραηλ τῷ κυρίῳ πάσας τὰς ἡμέρας ᾽Ιησοῦ καὶ πάσας τὰς ἡμέρας τῶν πρεσβυτέρων, ὅσοι ἐϕείλκυσαν τὸν χρόνον μετὰ ᾽Ιησοῦ καὶ ὅσοι εἴδοσαν πάντα τὰ ἔργα κυρίου, ὅσα ἐποίησεν τῷ Ισραηλ.
Verse: 30    Καὶ ἐγένετο μετ' ἐκεῖνα καὶ ἀπέϑανεν ᾽Ιησοῦς υἱὸς Ναυη δοῦλος κυρίου ἑκατὸν δέκα ἐτῶν.
Verse: 31    καὶ ἔϑαψαν αὐτὸν πρὸς τοῖς ὁρίοις τοῦ κλήρου αὐτοῦ ἐν Θαμναϑασαχαρα ἐν τῷ ὄρει τῷ Εϕραιμ ἀπὸ βορρᾶ τοῦ ὄρους Γαας·
Verse: 31a    ἐκεῖ ἔϑηκαν μετ' αὐτοῦ εἰς τὸ μνῆμα, εἰς ὃ ἔϑαψαν αὐτὸν ἐκεῖ, τὰς μαχαίρας τὰς πετρίνας, ἐν αἷς περιέτεμεν τοὺς υἱοὺς Ισραηλ ἐν Γαλγαλοις, ὅτε ἐξήγαγεν αὐτοὺς ἐξ Αἰγύπτου, καϑὰ συνέταξεν αὐτοῖς κύριος, καὶ ἐκεῖ εἰσιν ἕως τῆς σήμερον ἡμέρας.
Verse: 32    καὶ τὰ ὀστᾶ Ιωσηϕ ἀνήγαγον οἱ υἱοὶ Ισραηλ ἐξ Αἰγύπτου καὶ κατώρυξαν ἐν Σικιμοις ἐν τῇ μερίδι τοῦ ἀγροῦ, οὗ ἐκτήσατο Ιακωβ παρὰ τῶν Αμορραίων τῶν κατοικούντων ἐν Σικιμοις ἀμνάδων ἑκατὸν καὶ ἔδωκεν αὐτὴν Ιωσηϕ ἐν μερίδι.
Verse: 33    Καὶ ἐγένετο μετὰ ταῦτα καὶ Ελεαζαρ υἱὸς Ααρων ὁ ἀρχιερεὺς ἐτελεύτησεν καὶ ἐτάϕη ἐν Γαβααϑ Φινεες τοῦ υἱοῦ αὐτοῦ, ἣν ἔδωκεν αὐτῷ ἐν τῷ ὄρει τῷ Εϕραιμ.
Verse: 33a    ἐν ἐκείνῃ τῇ ἡμέρᾳ λαβόντες οἱ υἱοὶ Ισραηλ τὴν κιβωτὸν τοῦ ϑεοῦ περιεϕέροσαν ἐν ἑαυτοῖς, καὶ Φινεες ἱεράτευσεν ἀντὶ Ελεαζαρ τοῦ πατρὸς αὐτοῦ, ἕως ἀπέϑανεν καὶ κατωρύγη ἐν Γαβααϑ τῇ ἑαυτοῦ.
Verse: 33b    οἱ δὲ υἱοὶ Ισραηλ ἀπήλϑοσαν ἕκαστος εἰς τὸν τόπον αὐτῶν καὶ εἰς τὴν ἑαυτῶν πόλιν. καὶ ἐσέβοντο οἱ υἱοὶ Ισραηλ τὴν ᾽Αστάρτην καὶ Ασταρωϑ καὶ τοὺς ϑεοὺς τῶν ἐϑνῶν τῶν κύκλῳ αὐτῶν· καὶ παρέδωκεν αὐτοὺς κύριος εἰς χεῖρας Εγλωμ τῷ βασιλεῖ Μωαβ, καὶ ἐκυρίευσεν αὐτῶν ἔτη δέκα ὀκτώ. //




Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.