TITUS
Vetus Testamentum graece iuxta LXX interpretes
Part No. 208
Previous part

Chapter: 21 
Verse: 1    Καὶ προσήλϑοσαν οἱ ἀρχιπατριῶται τῶν υἱῶν Λευι πρὸς Ελεαζαρ τὸν ἱερέα καὶ πρὸς ᾽Ιησοῦν τὸν τοῦ Ναυη καὶ πρὸς τοὺς ἀρχιϕύλους πατριῶν ἐκ τῶν ϕυλῶν Ισραηλ
Verse: 2    καὶ εἶπον πρὸς αὐτοὺς ἐν Σηλω ἐν γῇ Χανααν λέγοντες ᾽Ενετείλατο κύριος ἐν χειρὶ Μωυσῆ δοῦναι ἡμῖν πόλεις κατοικεῖν καὶ τὰ περισπόρια τοῖς κτήνεσιν ἡμῶν.
Verse: 3    καὶ ἔδωκαν οἱ υἱοὶ Ισραηλ τοῖς Λευίταις ἐν τῷ κατακληρονομεῖν διὰ προστάγματος κυρίου τὰς πόλεις καὶ τὰ περισπόρια αὐτῶν.
Verse: 4    καὶ ἐξῆλϑεν ὁ κλῆρος τῷ δήμῳ Κααϑ, καὶ ἐγένετο τοῖς υἱοῖς Ααρων τοῖς ἱερεῦσιν τοῖς Λευίταις ἀπὸ ϕυλῆς Ιουδα καὶ ἀπὸ ϕυλῆς Συμεων καὶ ἀπὸ ϕυλῆς Βενιαμιν κληρωτὶ πόλεις δέκα τρεῖς
Verse: 5    καὶ τοῖς υἱοῖς Κααϑ τοῖς καταλελειμμένοις ἐκ τῆς ϕυλῆς Εϕραιμ καὶ ἐκ τῆς ϕυλῆς Δαν καὶ ἀπὸ τοῦ ἡμίσους ϕυλῆς Μανασση κληρωτὶ πόλεις δέκα·
Verse: 6    καὶ τοῖς υἱοῖς Γεδσων ἀπὸ τῆς ϕυλῆς Ισσαχαρ καὶ ἀπὸ τῆς ϕυλῆς Ασηρ καὶ ἀπὸ τῆς ϕυλῆς Νεϕϑαλι καὶ ἀπὸ τοῦ ἡμίσους ϕυλῆς Μανασση ἐν τῷ Βασαν πόλεις δέκα τρεῖς·
Verse: 7    καὶ τοῖς υἱοῖς Μεραρι κατὰ δήμους αὐτῶν ἀπὸ ϕυλῆς Ρουβην καὶ ἀπὸ ϕυλῆς Γαδ καὶ ἀπὸ ϕυλῆς Ζαβουλων κληρωτὶ πόλεις δώδεκα.
Verse: 8    Καὶ ἔδωκαν οἱ υἱοὶ Ισραηλ τοῖς Λευίταις τὰς πόλεις καὶ τὰ περισπόρια αὐτῶν, ὃν τρόπον ἐνετείλατο κύριος τῷ Μωυσῇ, κληρωτί.
Verse: 9    καὶ ἔδωκεν ἡ ϕυλὴ υἱῶν Ιουδα καὶ ἡ ϕυλὴ υἱῶν Συμεων καὶ ἀπὸ τῆς ϕυλῆς υἱῶν Βενιαμιν τὰς πόλεις, καὶ ἐπεκλήϑησαν
Verse: 10    τοῖς υἱοῖς Ααρων ἀπὸ τοῦ δήμου τοῦ Κααϑ τῶν υἱῶν Λευι, ὅτι τούτοις ἐγενήϑη ὁ κλῆρος.
Verse: 11    καὶ ἔδωκεν αὐτοῖς τὴν Καριαϑαρβοκ μητρόπολιν τῶν Ενακ [αὕτη ἐστὶν Χεβρων] ἐν τῷ ὄρει Ιουδα· τὰ δὲ περισπόρια κύκλῳ αὐτῆς
Verse: 12    καὶ τοὺς ἀγροὺς τῆς πόλεως καὶ τὰς κώμας αὐτῆς ἔδωκεν ᾽Ιησοῦς τοῖς υἱοῖς Χαλεβ υἱοῦ Ιεϕοννη ἐν κατασχέσει·
Verse: 13    καὶ τοῖς υἱοῖς Ααρων τὴν πόλιν ϕυγαδευτήριον τῷ ϕονεύσαντι τὴν Χεβρων καὶ τὰ ἀϕωρισμένα τὰ σὺν αὐτῇ καὶ τὴν Λεμνα καὶ τὰ ἀϕωρισμένα τὰ πρὸς αὐτῇ
Verse: 14    καὶ τὴν Αιλωμ καὶ τὰ ἀϕωρισμένα αὐτῇ καὶ τὴν Τεμα καὶ τὰ ἀϕωρισμένα αὐτῇ
Verse: 15    καὶ τὴν Γελλα καὶ τὰ ἀϕωρισμένα αὐτῇ καὶ τὴν Δαβιρ καὶ τὰ ἀϕωρισμένα αὐτῇ
Verse: 16    καὶ Ασα καὶ τὰ ἀϕωρισμένα αὐτῇ καὶ Τανυ καὶ τὰ ἀϕωρισμένα αὐτῇ καὶ Βαιϑσαμυς καὶ τὰ ἀϕωρισμένα αὐτῇ, πόλεις ἐννέα παρὰ τῶν δύο ϕυλῶν τούτων.
Verse: 17    καὶ παρὰ τῆς ϕυλῆς Βενιαμιν τὴν Γαβαων καὶ τὰ ἀϕωρισμένα αὐτῇ καὶ Γαϑεϑ καὶ τὰ ἀϕωρισμένα αὐτῇ
Verse: 18    καὶ Αναϑωϑ καὶ τὰ ἀϕωρισμένα αὐτῇ καὶ Γαμαλα καὶ τὰ ἀϕωρισμένα αὐτῇ, πόλεις τέσσαρες.
Verse: 19    πᾶσαι αἱ πόλεις υἱῶν Ααρων τῶν ἱερέων δέκα τρεῖς.
Verse: 20    Καὶ τοῖς δήμοις υἱοῖς Κααϑ τοῖς Λευίταις τοῖς καταλελειμμένοις ἀπὸ τῶν υἱῶν Κααϑ καὶ ἐγενήϑη πόλις τῶν ὁρίων αὐτῶν ἀπὸ ϕυλῆς Εϕραιμ,
Verse: 21    καὶ ἔδωκαν αὐτοῖς τὴν πόλιν τοῦ ϕυγαδευτηρίου τὴν τοῦ ϕονεύσαντος τὴν Συχεμ καὶ τὰ ἀϕωρισμένα αὐτῇ καὶ Γαζαρα καὶ τὰ πρὸς αὐτὴν καὶ τὰ ἀϕωρισμένα αὐτῇ
Verse: 22    καὶ τὴν Καβσαϊμ καὶ τὰ ἀϕωρισμένα τὰ πρὸς αὐτῇ καὶ τὴν ἄνω Βαιϑωρων καὶ τὰ ἀϕωρισμένα αὐτῇ, πόλεις τέσσαρες.
Verse: 23    καὶ ἐκ τῆς ϕυλῆς Δαν τὴν Ελκωϑαιμ καὶ τὰ ἀϕωρισμένα αὐτῇ καὶ τὴν Γεϑεδαν καὶ τὰ ἀϕωρισμένα αὐτῇ
Verse: 24    καὶ Αιλων καὶ τὰ ἀϕωρισμένα αὐτῇ καὶ Γεϑερεμμων καὶ τὰ ἀϕωρισμένα αὐτῇ, πόλεις τέσσαρες.
Verse: 25    καὶ ἀπὸ τοῦ ἡμίσους ϕυλῆς Μανασση τὴν Ταναχ καὶ τὰ ἀϕωρισμένα αὐτῇ καὶ τὴν Ιεβαϑα καὶ τὰ ἀϕωρισμένα αὐτῇ, πόλεις δύο.
Verse: 26    πᾶσαι πόλεις δέκα καὶ τὰ ἀϕωρισμένα τὰ πρὸς αὐταῖς τοῖς δήμοις υἱῶν Κααϑ τοῖς ὑπολελειμμένοις.
Verse: 27    Καὶ τοῖς υἱοῖς Γεδσων τοῖς Λευίταις ἐκ τοῦ ἡμίσους ϕυλῆς Μανασση τὰς πόλεις τὰς ἀϕωρισμένας τοῖς ϕονεύσασι, τὴν Γαυλων ἐν τῇ Βασανίτιδι καὶ τὰ ἀϕωρισμένα αὐτῇ καὶ τὴν Βοσοραν καὶ τὰ ἀϕωρισμένα αὐτῇ, πόλεις δύο
Verse: 28    καὶ ἐκ τῆς ϕυλῆς Ισσαχαρ τὴν Κισων καὶ τὰ ἀϕωρισμένα αὐτῇ καὶ Δεββα καὶ τὰ ἀϕωρισμένα αὐτῇ
Verse: 29    καὶ τὴν Ρεμμαϑ καὶ τὰ ἀϕωρισμένα αὐτῇ καὶ Πηγὴν γραμμάτων καὶ τὰ ἀϕωρισμένα αὐτῇ, πόλεις τέσσαρες.
Verse: 30    καὶ ἐκ τῆς ϕυλῆς Ασηρ τὴν Βασελλαν καὶ τὰ ἀϕωρισμένα αὐτῇ καὶ Δαββων καὶ τὰ ἀϕωρισμένα αὐτῇ
Verse: 31    καὶ Χελκατ καὶ τὰ ἀϕωρισμένα αὐτῇ καὶ Ρααβ καὶ τὰ ἀϕωρισμένα αὐτῇ, πόλεις τέσσαρες.
Verse: 32    καὶ ἐκ τῆς ϕυλῆς Νεϕϑαλι τὴν πόλιν τὴν ἀϕωρισμένην τῷ ϕονεύσαντι τὴν Καδες ἐν τῇ Γαλιλαίᾳ καὶ τὰ ἀϕωρισμένα αὐτῇ καὶ τὴν Εμμαϑ καὶ τὰ ἀϕωρισμένα αὐτῇ καὶ Θεμμων καὶ τὰ ἀϕωρισμένα αὐτῇ, πόλεις τρεῖς.
Verse: 33    πᾶσαι αἱ πόλεις τοῦ Γεδσων κατὰ δήμους αὐτῶν πόλεις δέκα τρεῖς.
Verse: 34    Καὶ τῷ δήμῳ υἱῶν Μεραρι τοῖς Λευίταις τοῖς λοιποῖς ἐκ τῆς ϕυλῆς υἱῶν Ζαβουλων τὴν Μααν καὶ τὰ περισπόρια αὐτῆς καὶ τὴν Καδης καὶ τὰ περισπόρια αὐτῆς
Verse: 35    καὶ Δεμνα καὶ τὰ περισπόρια αὐτῆς καὶ Σελλα καὶ τὰ περισπόρια αὐτῆς, πόλεις τέσσαρες.
Verse: 36    καὶ πέραν τοῦ Ιορδάνου τοῦ κατὰ Ιεριχω ἐκ τῆς ϕυλῆς Ρουβην τὴν πόλιν τὸ ϕυγαδευτήριον τοῦ ϕονεύσαντος τὴν Βοσορ ἐν τῇ ἐρήμῳ τῇ Μισωρ καὶ τὰ περισπόρια αὐτῆς καὶ τὴν Ιαζηρ καὶ τὰ περισπόρια αὐτῆς
Verse: 37    καὶ τὴν Δεκμων καὶ τὰ περισπόρια αὐτῆς καὶ τὴν Μαϕα καὶ τὰ περισπόρια αὐτῆς, πόλεις τέσσαρες.
Verse: 38    καὶ ἀπὸ τῆς ϕυλῆς Γαδ τὴν πόλιν τὸ ϕυγαδευτήριον τοῦ ϕονεύσαντος τὴν Ραμωϑ ἐν τῇ Γαλααδ καὶ τὰ περισπόρια αὐτῆς καὶ τὴν Καμιν καὶ τὰ περισπόρια αὐτῆς
Verse: 39    καὶ τὴν Εσεβων καὶ τὰ περισπόρια αὐτῆς καὶ τὴν Ιαζηρ καὶ τὰ περισπόρια αὐτῆς· αἱ πᾶσαι πόλεις τέσσαρες.
Verse: 40    πᾶσαι πόλεις τοῖς υἱοῖς Μεραρι κατὰ δήμους αὐτῶν τῶν καταλελειμμένων ἀπὸ τῆς ϕυλῆς Λευι· καὶ ἐγενήϑη τὰ ὅρια πόλεις δέκα δύο.
Verse: 41    Πᾶσαι αἱ πόλεις τῶν Λευιτῶν ἐν μέσῳ κατασχέσεως υἱῶν Ισραηλ τεσσαράκοντα ὀκτὼ πόλεις καὶ τὰ περισπόρια αὐτῶν
Verse: 42    κύκλῳ τῶν πόλεων τούτων, πόλις καὶ τὰ περισπόρια κύκλῳ τῆς πόλεως πάσαις ταῖς πόλεσιν ταύταις.
Verse: 42a    Καὶ συνετέλεσεν ᾽Ιησοῦς διαμερίσας τὴν γῆν ἐν τοῖς ὁρίοις αὐτῶν.
Verse: 42b    καὶ ἔδωκαν οἱ υἱοὶ Ισραηλ μερίδα τῷ ᾽Ιησοῖ κατὰ πρόσταγμα κυρίου· ἔδωκαν αὐτῷ τὴν πόλιν, ἣν ᾐτήσατο· τὴν Θαμνασαραχ ἔδωκαν αὐτῷ ἐν τῷ ὄρει Εϕραιμ.
Verse: 42c    καὶ ᾠκοδόμησεν ᾽Ιησοῦς τὴν πόλιν καὶ ᾤκησεν ἐν αὐτῇ.
Verse: 42d    καὶ ἔλαβεν ᾽Ιησοῦς τὰς μαχαίρας τὰς πετρίνας, ἐν αἷς περιέτεμεν τοὺς υἱοὺς Ισραηλ τοὺς γενομένους ἐν τῇ ὁδῷ ἐν τῇ ἐρήμῳ, καὶ ἔϑηκεν αὐτὰς ἐν Θαμνασαραχ.
Verse: 43    Καὶ ἔδωκεν κύριος τῷ Ισραηλ πᾶσαν τὴν γῆν, ἣν ὤμοσεν δοῦναι τοῖς πατράσιν αὐτῶν, καὶ κατεκληρονόμησαν αὐτὴν καὶ κατῴκησαν ἐν αὐτῇ.
Verse: 44    καὶ κατέπαυσεν αὐτοὺς κύριος κυκλόϑεν, καϑότι ὤμοσεν τοῖς πατράσιν αὐτῶν· οὐκ ἀνέστη οὐϑεὶς κατενώπιον αὐτῶν ἀπὸ πάντων τῶν ἐχϑρῶν αὐτῶν· πάντας τοὺς ἐχϑροὺς αὐτῶν παρέδωκεν κύριος εἰς τὰς χεῖρας αὐτῶν.
Verse: 45    οὐ διέπεσεν ἀπὸ πάντων τῶν ῥημάτων τῶν καλῶν, ὧν ἐλάλησεν κύριος τοῖς υἱοῖς Ισραηλ· πάντα παρεγένετο.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.