TITUS
Vetus Testamentum graece iuxta LXX interpretes
Part No. 1120
Previous part

Chapter: 4 
Verse: 1    Καὶ σύ, υἱὲ ἀνϑρώπου, λαβὲ σεαυτῷ πλίνϑον καὶ ϑήσεις αὐτὴν πρὸ προσώπου σου καὶ διαγράψεις ἐπ' αὐτὴν πόλιν τὴν Ιερουσαλημ
Verse: 2    καὶ δώσεις ἐπ' αὐτὴν περιοχὴν καὶ οἰκοδομήσεις ἐπ' αὐτὴν προμαχῶνας καὶ περιβαλεῖς ἐπ' αὐτὴν χάρακα καὶ δώσεις ἐπ' αὐτὴν παρεμβολὰς καὶ τάξεις τὰς βελοστάσεις κύκλῳ·
Verse: 3    καὶ σὺ λαβὲ σεαυτῷ τήγανον σιδηροῦν καὶ ϑήσεις αὐτὸ τοῖχον σιδηροῦν ἀνὰ μέσον σοῦ καὶ ἀνὰ μέσον τῆς πόλεως καὶ ἑτοιμάσεις τὸ πρόσωπόν σου ἐπ' αὐτήν, καὶ ἔσται ἐν συγκλεισμῷ, καὶ συγκλείσεις αὐτήν· σημεῖόν ἐστιν τοῦτο τοῖς υἱοῖς Ισραηλ.
Verse: 4    καὶ σὺ κοιμηϑήσῃ ἐπὶ τὸ πλευρόν σου τὸ ἀριστερὸν καὶ ϑήσεις τὰς ἀδικίας τοῦ οἴκου Ισραηλ ἐπ' αὐτοῦ κατὰ ἀριϑμὸν τῶν ἡμερῶν πεντήκοντα καὶ ἑκατόν, ἃς κοιμηϑήσῃ ἐπ' αὐτοῦ, καὶ λήμψῃ τὰς ἀδικίας αὐτῶν.
Verse: 5    καὶ ἐγὼ δέδωκά σοι τὰς δύο ἀδικίας αὐτῶν εἰς ἀριϑμὸν ἡμερῶν ἐνενήκοντα καὶ ἑκατὸν ἡμέρας. καὶ λήμψῃ τὰς ἀδικίας τοῦ οἴκου Ισραηλ
Verse: 6    καὶ συντελέσεις ταῦτα πάντα· καὶ κοιμηϑήσῃ ἐπὶ τὸ πλευρόν σου τὸ δεξιὸν καὶ λήμψῃ τὰς ἀδικίας τοῦ οἴκου Ιουδα τεσσαράκοντα ἡμέρας. ἡμέραν εἰς ἐνιαυτὸν τέϑεικά σοι.
Verse: 7    καὶ εἰς τὸν συγκλεισμὸν Ιερουσαλημ ἑτοιμάσεις τὸ πρόσωπόν σου καὶ τὸν βραχίονά σου στερεώσεις καὶ προϕητεύσεις ἐπ' αὐτήν.
Verse: 8    καὶ ἐγὼ ἰδοὺ δέδωκα ἐπὶ σὲ δεσμούς, καὶ μὴ στραϕῇς ἀπὸ τοῦ πλευροῦ σου ἐπὶ τὸ πλευρόν σου, ἕως οὗ συντελεσϑῶσιν αἱ ἡμέραι τοῦ συγκλεισμοῦ σου.
Verse: 9    καὶ σὺ λαβὲ σεαυτῷ πυροὺς καὶ κριϑὰς καὶ κύαμον καὶ ϕακὸν καὶ κέγχρον καὶ ὄλυραν καὶ ἐμβαλεῖς αὐτὰ εἰς ἄγγος ἓν ὀστράκινον καὶ ποιήσεις αὐτὰ σαυτῷ εἰς ἄρτους, καὶ κατ' ἀριϑμὸν τῶν ἡμερῶν, ἃς σὺ καϑεύδεις ἐπὶ τοῦ πλευροῦ σου, ἐνενήκοντα καὶ ἑκατὸν ἡμέρας ϕάγεσαι αὐτά.
Verse: 10    καὶ τὸ βρῶμά σου, ὃ ϕάγεσαι, ἐν σταϑμῷ εἴκοσι σίκλους τὴν ἡμέραν· ἀπὸ καιροῦ ἕως καιροῦ ϕάγεσαι αὐτά.
Verse: 11    καὶ ὕδωρ ἐν μέτρῳ πίεσαι τὸ ἕκτον τοῦ ιν· ἀπὸ καιροῦ ἕως καιροῦ πίεσαι.
Verse: 12    καὶ ἐγκρυϕίαν κρίϑινον ϕάγεσαι αὐτά· ἐν βολβίτοις κόπρου ἀνϑρωπίνης ἐγκρύψεις αὐτὰ κατ' ὀϕϑαλμοὺς αὐτῶν
Verse: 13    καὶ ἐρεῖς Τάδε λέγει κύριος ὁ ϑεὸς τοῦ Ισραηλ Οὕτως ϕάγονται οἱ υἱοὶ Ισραηλ ἀκάϑαρτα ἐν τοῖς ἔϑνεσιν.
Verse: 14    καὶ εἶπα Μηδαμῶς, κύριε ϑεὲ τοῦ Ισραηλ· ἰδοὺ ἡ ψυχή μου οὐ μεμίανται ἐν ἀκαϑαρσίᾳ, καὶ ϑνησιμαῖον καὶ ϑηριάλωτον οὐ βέβρωκα ἀπὸ γενέσεώς μου ἕως τοῦ νῦν, οὐδὲ εἰσελήλυϑεν εἰς τὸ στόμα μου πᾶν κρέας ἕωλον.
Verse: 15    καὶ εἶπεν πρός με ᾽Ιδοὺ δέδωκά σοι βόλβιτα βοῶν ἀντὶ τῶν βολβίτων τῶν ἀνϑρωπίνων, καὶ ποιήσεις τοὺς ἄρτους σου ἐπ' αὐτῶν.
Verse: 16    καὶ εἶπεν πρός με Υἱὲ ἀνϑρώπου, ἰδοὺ ἐγὼ συντρίβω στήριγμα ἄρτου ἐν Ιερουσαλημ, καὶ ϕάγονται ἄρτον ἐν σταϑμῷ καὶ ἐν ἐνδείᾳ καὶ ὕδωρ ἐν μέτρῳ καὶ ἐν ἀϕανισμῷ πίονται,
Verse: 17    ὅπως ἐνδεεῖς γένωνται ἄρτου καὶ ὕδατος· καὶ ἀϕανισϑήσεται ἄνϑρωπος καὶ ἀδελϕὸς αὐτοῦ καὶ τακήσονται ἐν ταῖς ἀδικίαις αὐτῶν.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.