TITUS
Novum Testamentum graece
Part No. 229
Previous part

Chapter: 5 
Verse: 1    Πρεσβυτέρους οὖν ἐν ὑμῖν παρακαλῶ ὁ συμπρεσβύτερος καὶ μάρτυς τῶν τοῦ Χριστοῦ παϑημάτων, ὁ καὶ τῆς μελλούσης ἀποκαλύπτεσϑαι δόξης κοινωνός·
Verse: 2    ποιμάνατε τὸ ἐν ὑμῖν ποίμνιον τοῦ ϑεοῦ, ἐπισκοποῦντες μὴ ἀναγκαστῶς ἀλλὰ ἑκουσίως κατὰ ϑεόν, μηδὲ αἰσχροκερδῶς ἀλλὰ προϑύμως,
Verse: 3    μηδ' ὡς κατακυριεύοντες τῶν κλήρων ἀλλὰ τύποι γινόμενοι τοῦ ποιμνίου·
Verse: 4    καὶ ϕανερωϑέντος τοῦ ἀρχιποίμενος κομιεῖσϑε τὸν ἀμαράντινον τῆς δόξης στέϕανον.
Verse: 5    ῾Ομοίως, νεώτεροι, ὑποτάγητε πρεσβυτέροις. πάντες δὲ ἀλλήλοις τὴν ταπεινοϕροσύνην ἐγκομβώσασϑε, ὅτι ῾Ο ϑεὸς ὑπερηϕάνοις ἀντιτάσσεται, ταπεινοῖς δὲ δίδωσιν χάριν.
Verse: 6    Ταπεινώϑητε οὖν ὑπὸ τὴν κραταιὰν χεῖρα τοῦ ϑεοῦ, ἵνα ὑμᾶς ὑψώσῃ ἐν καιρῷ,
Verse: 7    πᾶσαν τὴν μέριμναν ὑμῶν ἐπιρίψαντες ἐπ' αὐτόν, ὅτι αὐτῷ μέλει περὶ ὑμῶν.
Verse: 8    Νήψατε, γρηγορήσατε. ὁ ἀντίδικος ὑμῶν διάβολος ὡς λέων ὠρυόμενος περιπατεῖ ζητῶν [τινα] καταπιεῖν·
Verse: 9    ᾧ ἀντίστητε στερεοὶ τῇ πίστει, εἰδότες τὰ αὐτὰ τῶν παϑημάτων τῇ ἐν [τῷ] κόσμῳ ὑμῶν ἀδελϕότητι ἐπιτελεῖσϑαι.
Verse: 10    ῾Ο δὲ ϑεὸς πάσης χάριτος, ὁ καλέσας ὑμᾶς εἰς τὴν αἰώνιον αὐτοῦ δόξαν ἐν Χριστῷ, ὀλίγον παϑόντας αὐτὸς καταρτίσει, στηρίξει, σϑενώσει, ϑεμελιώσει.
Verse: 11    αὐτῷ τὸ κράτος εἰς τοὺς αἰῶνας· ἀμήν.
Verse: 12    Διὰ Σιλουανοῦ ὑμῖν τοῦ πιστοῦ ἀδελϕοῦ, ὡς λογίζομαι, δι' ὀλίγων ἔγραψα, παρακαλῶν καὶ ἐπιμαρτυρῶν ταύτην εἶναι ἀληϑῆ χάριν τοῦ ϑεοῦ· εἰς ἣν στῆτε.
Verse: 13    ᾽Ασπάζεται ὑμᾶς ἡ ἐν Βαβυλῶνι συνεκλεκτὴ καὶ Μᾶρκος ὁ υἱός μου.
Verse: 14    ἀσπάσασϑε ἀλλήλους ἐν ϕιλήματι ἀγάπης. εἰρήνη ὑμῖν πᾶσιν τοῖς ἐν Χριστῷ.






Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.