TITUS
Novum Testamentum graece
Part No. 191
Previous part

Chapter: 2 
Verse: 1    ᾽Ερωτῶμεν δὲ ὑμᾶς, ἀδελϕοί, ὑπὲρ τῆς παρουσίας τοῦ κυρίου ἡμῶν ᾽Ιησοῦ Χριστοῦ καὶ ἡμῶν ἐπισυναγωγῆς ἐπ' αὐτόν,
Verse: 2    εἰς τὸ μὴ ταχέως σαλευϑῆναι ὑμᾶς ἀπὸ τοῦ νοὸς μηδὲ ϑροεῖσϑαι μήτε διὰ πνεύματος μήτε διὰ λόγου μήτε δι' ἐπιστολῆς ὡς δι' ἡμῶν, ὡς ὅτι ἐνέστηκεν ἡ ἡμέρα τοῦ κυρίου.
Verse: 3    μή τις ὑμᾶς ἐξαπατήσῃ κατὰ μηδένα τρόπον· ὅτι ἐὰν μὴ ἔλϑῃ ἡ ἀποστασία πρῶτον καὶ ἀποκαλυϕϑῇ ὁ ἄνϑρωπος τῆς ἀνομίας, ὁ υἱὸς τῆς ἀπωλείας,
Verse: 4    ὁ ἀντικείμενος καὶ ὑπεραιρόμενος ἐπὶ πάνταλεγόμενον ϑεὸν ἢ σέβασμα, ὥστε αὐτὸν εἰς τὸν ναὸν τοῦ ϑεοῦ καϑίσαι, ἀποδεικνύντα ἑαυτὸν ὅτι ἔστιν ϑεός.
Verse: 5    Οὐ μνημονεύετε ὅτι ἔτι ὢν πρὸς ὑμᾶς ταῦτα ἔλεγον ὑμῖν;
Verse: 6    καὶ νῦν τὸ κατέχον οἴδατε, εἰς τὸ ἀποκαλυϕϑῆναι αὐτὸν ἐν τῷ ἑαυτοῦ καιρῷ.
Verse: 7    τὸ γὰρ μυστήριον ἤδη ἐνεργεῖται τῆς ἀνομίας· μόνον ὁ κατέχων ἄρτι ἕως ἐκ μέσου γένηται.
Verse: 8    καὶ τότε ἀποκαλυϕϑήσεται ὁ ἄνομος, ὃν ὁ κύριος [᾽Ιησοῦς] ἀνελεῖ τῷ πνεύματι τοῦ στόματος αὐτοῦκαὶ καταργήσει τῇ ἐπιϕανείᾳ τῆς παρουσίας αὐτοῦ,
Verse: 9    οὗ ἐστιν ἡ παρουσία κατ' ἐνέργειαν τοῦ Σατανᾶ ἐν πάσῃ δυνάμει καὶ σημείοις καὶ τέρασιν ψεύδους
Verse: 10    καὶ ἐν πάσῃ ἀπάτῃ ἀδικίας τοῖς ἀπολλυμένοις, ἀνϑ' ὧν τὴν ἀγάπην τῆς ἀληϑείας οὐκ ἐδέξαντο εἰς τὸ σωϑῆναι αὐτούς.
Verse: 11    καὶ διὰ τοῦτο πέμπει αὐτοῖς ὁ ϑεὸς ἐνέργειαν πλάνης εἰς τὸ πιστεῦσαι αὐτοὺς τῷ ψεύδει,
Verse: 12    ἵνα κριϑῶσιν πάντες οἱ μὴ πιστεύσαντες τῇ ἀληϑείᾳ ἀλλὰ εὐδοκήσαντες τῇ ἀδικίᾳ.
Verse: 13    ῾Ημεῖς δὲ ὀϕείλομεν εὐχαριστεῖν τῷ ϑεῷ πάντοτε περὶ ὑμῶν, ἀδελϕοὶ ἠγαπημένοι ὑπὸ κυρίου, ὅτι εἵλατο ὑμᾶς ὁ ϑεὸς ἀπαρχὴν εἰς σωτηρίαν ἐν ἁγιασμῷ πνεύματος καὶ πίστει ἀληϑείας,
Verse: 14    εἰς ὃ ἐκάλεσεν ὑμᾶς διὰ τοῦ εὐαγγελίου ἡμῶν, εἰς περιποίησιν δόξης τοῦ κυρίου ἡμῶν ᾽Ιησοῦ Χριστοῦ.
Verse: 15    ἄρα οὖν, ἀδελϕοί, στήκετε, καὶ κρατεῖτε τὰς παραδόσεις ἃς ἐδιδάχϑητε εἴτε διὰ λόγου εἴτε δι' ἐπιστολῆς ἡμῶν.
Verse: 16    Αὐτὸς δὲ ὁ κύριος ἡμῶν ᾽Ιησοῦς Χριστὸς καὶ [ὁ] ϑεὸς ὁ πατὴρ ἡμῶν, ὁ ἀγαπήσας ἡμᾶς καὶ δοὺς παράκλησιν αἰωνίαν καὶ ἐλπίδα ἀγαϑὴν ἐν χάριτι,
Verse: 17    παρακαλέσαι ὑμῶν τὰς καρδίας καὶ στηρίξαι ἐν παντὶ ἔργῳ καὶ λόγῳ ἀγαϑῷ.

Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.