TITUS
Novum Testamentum graece
Part No. 130
Previous part

Chapter: 11 
Verse: 1    Λέγω οὖν, μὴ ἀπώσατο ὁ ϑεὸς τὸν λαὸν αὐτοῦ; μὴ γένοιτο· καὶ γὰρ ἐγὼ ᾽Ισραηλίτης εἰμί, ἐκ σπέρματος ᾽Αβραάμ, ϕυλῆς Βενιαμείν.
Verse: 2    οὐκ ἀπώσατο ὁ ϑεὸς τὸν λαὸν αὐτοῦ ὃν προέγνω. ἢ οὐκ οἴδατε ἐν ᾽Ηλίᾳ τί λέγει ἡ γραϕή; ὡς ἐντυγχάνει τῷ ϑεῷ κατὰ τοῦ ᾽Ισραήλ,
Verse: 3    Κύριε, τοὺς προϕήτας σου ἀπέκτειναν, τὰ ϑυσιαστήριά σου κατέσκαψαν, κἀγὼ ὑπελείϕϑην μόνος, καὶ ζητοῦσιν τὴν ψυχήν μου.
Verse: 4    ἀλλὰ τί λέγει αὐτῷ ὁ χρηματισμός; Κατέλιπον ἐμαυτῷ ἑπτακισχιλίους ἄνδρας, οἵτινες οὐκ ἔκαμψαν γόνυ τῇ Βάαλ.
Verse: 5    οὕτως οὖν καὶ ἐν τῷ νῦν καιρῷ λεῖμμα κατ' ἐκλογὴν χάριτος γέγονεν·
Verse: 6    εἰ δὲ χάριτι, οὐκέτι ἐξ ἔργων, ἐπεὶ ἡ χάρις οὐκέτι γίνεται χάρις.
Verse: 7    τί οὖν; ὃ ἐπιζητεῖ ᾽Ισραήλ, τοῦτο οὐκ ἐπέτυχεν, ἡ δὲ ἐκλογὴ ἐπέτυχεν· οἱ δὲ λοιποὶ ἐπωρώϑησαν,
Verse: 8    καϑὼς γέγραπται, ῎Εδωκεν αὐτοῖς ὁ ϑεὸς πνεῦμα κατανύξεως, ὀϕϑαλμοὺς τοῦ μὴ βλέπειν καὶ ὦτα τοῦ μὴ ἀκούειν, ἕως τῆς σήμερον ἡμέρας.
Verse: 9    καὶ Δαυὶδ λέγει, Γενηϑήτω ἡ τράπεζα αὐτῶν εἰς παγίδακαὶ εἰς ϑήραν καὶ εἰς σκάνδαλον καὶ εἰς ἀνταπόδομα αὐτοῖς,
Verse: 10    σκοτισϑήτωσαν οἱ ὀϕϑαλμοὶ αὐτῶν τοῦ μὴ βλέπειν, καὶ τὸν νῶτον αὐτῶν διὰ παντὸς σύγκαμψον.
Verse: 11    Λέγω οὖν, μὴ ἔπταισαν ἵνα πέσωσιν; μὴ γένοιτο· ἀλλὰ τῷ αὐτῶν παραπτώματι ἡ σωτηρία τοῖς ἔϑνεσιν, εἰς τὸ παραζηλῶσαι αὐτούς.
Verse: 12    εἰ δὲ τὸ παράπτωμα αὐτῶν πλοῦτος κόσμου καὶ τὸ ἥττημα αὐτῶν πλοῦτος ἐϑνῶν, πόσῳ μᾶλλον τὸ πλήρωμα αὐτῶν.
Verse: 13    ῾Υμῖν δὲ λέγω τοῖς ἔϑνεσιν. ἐϕ' ὅσον μὲν οὖν εἰμι ἐγὼ ἐϑνῶν ἀπόστολος, τὴν διακονίαν μου δοξάζω,
Verse: 14    εἴ πως παραζηλώσω μου τὴν σάρκα καὶ σώσω τινὰς ἐξ αὐτῶν.
Verse: 15    εἰ γὰρ ἡ ἀποβολὴ αὐτῶν καταλλαγὴ κόσμου, τίς ἡ πρόσλημψις εἰ μὴ ζωὴ ἐκ νεκρῶν;
Verse: 16    εἰ δὲ ἡ ἀπαρχὴ ἁγία, καὶ τὸ ϕύραμα· καὶ εἰ ἡ ῥίζα ἁγία, καὶ οἱ κλάδοι.
Verse: 17    Εἰ δέ τινες τῶν κλάδων ἐξεκλάσϑησαν, σὺ δὲ ἀγριέλαιος ὢν ἐνεκεντρίσϑης ἐν αὐτοῖς καὶ συγκοινωνὸς τῆς ῥίζης τῆς πιότητος τῆς ἐλαίας ἐγένου,
Verse: 18    μὴ κατακαυχῶ τῶν κλάδων· εἰ δὲ κατακαυχᾶσαι, οὐ σὺ τὴν ῥίζαν βαστάζεις ἀλλὰ ἡ ῥίζα σέ.
Verse: 19    ἐρεῖς οὖν, ᾽Εξεκλάσϑησαν κλάδοι ἵνα ἐγὼ ἐγκεντρισϑῶ.
Verse: 20    καλῶς· τῇ ἀπιστίᾳ ἐξεκλάσϑησαν, σὺ δὲ τῇ πίστει ἕστηκας. μὴ ὑψηλὰ ϕρόνει, ἀλλὰ ϕοβοῦ·
Verse: 21    εἰ γὰρ ὁ ϑεὸς τῶν κατὰ ϕύσιν κλάδων οὐκ ἐϕείσατο, οὐδὲ σοῦ ϕείσεται.
Verse: 22    ἴδε οὖν χρηστότητα καὶ ἀποτομίαν ϑεοῦ· ἐπὶ μὲν τοὺς πεσόντας ἀποτομία, ἐπὶ δὲ σὲ χρηστότης ϑεοῦ, ἐὰν ἐπιμένῃς τῇ χρηστότητι, ἐπεὶ καὶ σὺ ἐκκοπήσῃ.
Verse: 23    κἀκεῖνοι δέ, ἐὰν μὴ ἐπιμένωσιν τῇ ἀπιστίᾳ, ἐγκεντρισϑήσονται· δυνατὸς γάρ ἐστιν ὁ ϑεὸς πάλιν ἐγκεντρίσαι αὐτούς.
Verse: 24    εἰ γὰρ σὺ ἐκ τῆς κατὰ ϕύσιν ἐξεκόπης ἀγριελαίου καὶ παρὰ ϕύσιν ἐνεκεντρίσϑης εἰς καλλιέλαιον, πόσῳ μᾶλλον οὗτοι οἱ κατὰ ϕύσιν ἐγκεντρισϑήσονται τῇ ἰδίᾳ ἐλαίᾳ.
Verse: 25    Οὐ γὰρ ϑέλω ὑμᾶς ἀγνοεῖν, ἀδελϕοί, τὸ μυστήριον τοῦτο, ἵνα μὴ ἦτε [ἐν] ἑαυτοῖς ϕρόνιμοι, ὅτι πώρωσις ἀπὸ μέρους τῷ ᾽Ισραὴλ γέγονεν ἄχρις οὗ τὸ πλήρωμα τῶν ἐϑνῶν εἰσέλϑῃ,
Verse: 26    καὶ οὕτως πᾶς ᾽Ισραὴλ σωϑήσεται· καϑὼς γέγραπται, ῞Ηξει ἐκ Σιὼν ὁ ῥυόμενος, ἀποστρέψει ἀσεβείας ἀπὸ ᾽Ιακώβ·
Verse: 27    καὶ αὕτη αὐτοῖς ἡ παρ' ἐμοῦ διαϑήκη, ὅταν ἀϕέλωμαι τὰς ἁμαρτίας αὐτῶν.
Verse: 28    κατὰ μὲν τὸ εὐαγγέλιον ἐχϑροὶ δι' ὑμᾶς, κατὰ δὲ τὴν ἐκλογὴν ἀγαπητοὶ διὰ τοὺς πατέρας·
Verse: 29    ἀμεταμέλητα γὰρ τὰ χαρίσματα καὶ ἡ κλῆσις τοῦ ϑεοῦ.
Verse: 30    ὥσπερ γὰρ ὑμεῖς ποτε ἠπειϑήσατε τῷ ϑεῷ, νῦν δὲ ἠλεήϑητε τῇ τούτων ἀπειϑείᾳ,
Verse: 31    οὕτως καὶ οὗτοι νῦν ἠπείϑησαν τῷ ὑμετέρῳ ἐλέει ἵνα καὶ αὐτοὶ νῦν ἐλεηϑῶσιν·
Verse: 32    συνέκλεισεν γὰρ ὁ ϑεὸς τοὺς πάντας εἰς ἀπείϑειαν ἵνα τοὺς πάντας ἐλεήσῃ.
Verse: 33    ῍Ω βάϑος πλούτου καὶ σοϕίας καὶ γνώσεως ϑεοῦ· ὡς ἀνεξεραύνητα τὰ κρίματα αὐτοῦ καὶ ἀνεξιχνίαστοι αἱ ὁδοὶ αὐτοῦ.
Verse: 34    Τίσγὰρ ἔγνω νοῦν κυρίου; ἢ τίς σύμβουλος αὐτοῦ ἐγένετο;
Verse: 35    ἢ τίς προέδωκεν αὐτῷ, καὶ ἀνταποδοϑήσεται αὐτῷ;
Verse: 36    ὅτι ἐξ αὐτοῦ καὶ δι' αὐτοῦ καὶ εἰς αὐτὸν τὰ πάντα· αὐτῷ ἡ δόξα εἰς τοὺς αἰῶνας· ἀμήν.

Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.