TITUS
Novum Testamentum graece
Part No. 109
Previous part

Chapter: 18 
Verse: 1    Μετὰ ταῦτα χωρισϑεὶς ἐκ τῶν ᾽Αϑηνῶν ἦλϑεν εἰς Κόρινϑον.
Verse: 2    καὶ εὑρών τινα ᾽Ιουδαῖον ὀνόματι ᾽Ακύλαν, Ποντικὸν τῷ γένει, προσϕάτως ἐληλυϑότα ἀπὸ τῆς ᾽Ιταλίας καὶ Πρίσκιλλαν γυναῖκα αὐτοῦ διὰ τὸ διατεταχέναι Κλαύδιον χωρίζεσϑαι πάντας τοὺς ᾽Ιουδαίους ἀπὸ τῆς ῾Ρώμης, προσῆλϑεν αὐτοῖς,
Verse: 3    καὶ διὰ τὸ ὁμότεχνον εἶναι ἔμενεν παρ' αὐτοῖς καὶ ἠργάζετο· ἦσαν γὰρ σκηνοποιοὶ τῇ τέχνῃ.
Verse: 4    διελέγετο δὲ ἐν τῇ συναγωγῇ κατὰ πᾶν σάββατον, ἔπειϑέν τε ᾽Ιουδαίους καὶ ῞Ελληνας.
Verse: 5    ῾Ως δὲ κατῆλϑον ἀπὸ τῆς Μακεδονίας ὅ τε Σίλας καὶ ὁ Τιμόϑεος, συνείχετο τῷ λόγῳ ὁ Παῦλος, διαμαρτυρόμενος τοῖς ᾽Ιουδαίοις εἶναι τὸν Χριστόν, ᾽Ιησοῦν.
Verse: 6    ἀντιτασσομένων δὲ αὐτῶν καὶ βλασϕημούντων ἐκτιναξάμενος τὰ ἱμάτια εἶπεν πρὸς αὐτούς, Τὸ αἷμα ὑμῶν ἐπὶ τὴν κεϕαλὴν ὑμῶν· καϑαρὸς ἐγώ· ἀπὸ τοῦ νῦν εἰς τὰ ἔϑνη πορεύσομαι.
Verse: 7    καὶ μεταβὰς ἐκεῖϑεν εἰσῆλϑεν εἰς οἰκίαν τινὸς ὀνόματι Τιτίου ᾽Ιούστου σεβομένου τὸν ϑεόν, οὗ ἡ οἰκία ἦν συνομοροῦσα τῇ συναγωγῇ.
Verse: 8    Κρίσπος δὲ ὁ ἀρχισυνάγωγος ἐπίστευσεν τῷ κυρίῳ σὺν ὅλῳ τῷ οἴκῳ αὐτοῦ, καὶ πολλοὶ τῶν Κορινϑίων ἀκούοντες ἐπίστευον καὶ ἐβαπτίζοντο.
Verse: 9    εἶπεν δὲ ὁ κύριος ἐν νυκτὶ δι' ὁράματος τῷ Παύλῳ, Μὴ ϕοβοῦ, ἀλλὰ λάλει καὶ μὴ σιωπήσῃς,
Verse: 10    διότι ἐγώ εἰμι μετὰ σοῦ καὶ οὐδεὶς ἐπιϑήσεταί σοι τοῦ κακῶσαί σε, διότι λαός ἐστί μοι πολὺς ἐν τῇ πόλει ταύτῃ.
Verse: 11    ᾽Εκάϑισεν δὲ ἐνιαυτὸν καὶ μῆνας ἓξ διδάσκων ἐν αὐτοῖς τὸν λόγον τοῦ ϑεοῦ.
Verse: 12    Γαλλίωνος δὲ ἀνϑυπάτου ὄντος τῆς ᾽Αχαίας κατεπέστησαν ὁμοϑυμαδὸν οἱ ᾽Ιουδαῖοι τῷ Παύλῳ καὶ ἤγαγον αὐτὸν ἐπὶ τὸ βῆμα,
Verse: 13    λέγοντες ὅτι Παρὰ τὸν νόμον ἀναπείϑει οὗτος τοὺς ἀνϑρώπους σέβεσϑαι τὸν ϑεόν.
Verse: 14    μέλλοντος δὲ τοῦ Παύλου ἀνοίγειν τὸ στόμα εἶπεν ὁ Γαλλίων πρὸς τοὺς ᾽Ιουδαίους, Εἰ μὲν ἦν ἀδίκημά τι ἢ ῥᾳδιούργημα πονηρόν, ὦ ᾽Ιουδαῖοι, κατὰ λόγον ἂν ἀνεσχόμην ὑμῶν·
Verse: 15    εἰ δὲ ζητήματά ἐστιν περὶ λόγου καὶ ὀνομάτων καὶ νόμου τοῦ καϑ' ὑμᾶς, ὄψεσϑε αὐτοί· κριτὴς ἐγὼ τούτων οὐ βούλομαι εἶναι.
Verse: 16    καὶ ἀπήλασεν αὐτοὺς ἀπὸ τοῦ βήματος.
Verse: 17    ἐπιλαβόμενοι δὲ πάντες Σωσϑένην τὸν ἀρχισυνάγωγον ἔτυπτον ἔμπροσϑεν τοῦ βήματος· καὶ οὐδὲν τούτων τῷ Γαλλίωνι ἔμελεν.
Verse: 18    ῾Ο δὲ Παῦλος ἔτι προσμείνας ἡμέρας ἱκανὰς τοῖς ἀδελϕοῖς ἀποταξάμενος ἐξέπλει εἰς τὴν Συρίαν, καὶ σὺν αὐτῷ Πρίσκιλλα καὶ ᾽Ακύλας, κειράμενος ἐν Κεγχρεαῖς τὴν κεϕαλήν, εἶχεν γὰρ εὐχήν.
Verse: 19    κατήντησαν δὲ εἰς ῎Εϕεσον, κἀκείνους κατέλιπεν αὐτοῦ, αὐτὸς δὲ εἰσελϑὼν εἰς τὴν συναγωγὴν διελέξατο τοῖς ᾽Ιουδαίοις.
Verse: 20    ἐρωτώντων δὲ αὐτῶν ἐπὶ πλείονα χρόνον μεῖναι οὐκ ἐπένευσεν,
Verse: 21    ἀλλὰ ἀποταξάμενος καὶ εἰπών, Πάλιν ἀνακάμψω πρὸς ὑμᾶς τοῦ ϑεοῦ ϑέλοντος, ἀνήχϑη ἀπὸ τῆς ᾽Εϕέσου·
Verse: 22    καὶ κατελϑὼν εἰς Καισάρειαν, ἀναβὰς καὶ ἀσπασάμενος τὴν ἐκκλησίαν, κατέβη εἰς ᾽Αντιόχειαν,
Verse: 23    καὶ ποιήσας χρόνον τινὰ ἐξῆλϑεν, διερχόμενος καϑεξῆς τὴν Γαλατικὴν χώραν καὶ Φρυγίαν, ἐπιστηρίζων πάντας τοὺς μαϑητάς.
Verse: 24    ᾽Ιουδαῖος δέ τις ᾽Απολλῶς ὀνόματι, ᾽Αλεξανδρεὺς τῷ γένει, ἀνὴρ λόγιος, κατήντησεν εἰς ῎Εϕεσον, δυνατὸς ὢν ἐν ταῖς γραϕαῖς.
Verse: 25    οὗτος ἦν κατηχημένος τὴν ὁδὸν τοῦ κυρίου, καὶ ζέων τῷ πνεύματι ἐλάλει καὶ ἐδίδασκεν ἀκριβῶς τὰ περὶ τοῦ ᾽Ιησοῦ, ἐπιστάμενος μόνον τὸ βάπτισμα ᾽Ιωάννου.
Verse: 26    οὗτός τε ἤρξατο παρρησιάζεσϑαι ἐν τῇ συναγωγῇ· ἀκούσαντες δὲ αὐτοῦ Πρίσκιλλα καὶ ᾽Ακύλας προσελάβοντο αὐτὸν καὶ ἀκριβέστερον αὐτῷ ἐξέϑεντο τὴν ὁδὸν τοῦ ϑεοῦ.
Verse: 27    βουλομένου δὲ αὐτοῦ διελϑεῖν εἰς τὴν ᾽Αχαίαν προτρεψάμενοι οἱ ἀδελϕοὶ ἔγραψαν τοῖς μαϑηταῖς ἀποδέξασϑαι αὐτόν· ὃς παραγενόμενος συνεβάλετο πολὺ τοῖς πεπιστευκόσιν διὰ τῆς χάριτος·
Verse: 28    εὐτόνως γὰρ τοῖς ᾽Ιουδαίοις διακατηλέγχετο δημοσίᾳ ἐπιδεικνὺς διὰ τῶν γραϕῶν εἶναι τὸν Χριστὸν ᾽Ιησοῦν.

Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.