TITUS
Ulenspieghel
Part No. 8
Previous part

Chapter: 7  
Page of edition: 6 
HOE ULESPIEGHEL BROOT CREEGH
VOOR SIJN MOEDER.


Sentence: 1     Als sijn moeder soe sonder broot was soe dacht hise te vreden te stellen, ende hi ghinc in die stadt van Staffert in eens backers huys daer hi den backer seyde oft hi sinen heere wilde seynden voor .xviij. Sentence: 2   stuver broot half wit ende half ruggen broot, ende hi noemde een heere van buyten die daer binnen was in een herberghe, ende Ulespieghel seyde dat dye backere met hem gaen soude inder herberghen ende die heere soude hem dat gelt geven. Sentence: 3   Doe seyde die backer, ia ic gaerne. Sentence: 4   Ende Ulespiegel hadde eenen sac met een gat daer hem die backer dat broot in dede. Sentence: 5   Ende die backer seynde sinen iongen met Ulespiegel om dat ghelt te halen. Sentence: 6   Als nu Ulespieghel een lange strate was van des backers huys so liet hi een witte broot vallen onder wten sacke door dat gat inden slijcke. Sentence: 7   Doe sette Ulespiegel den sac neder ende seyde totten iongen. Sentence: 8   Dat beslijct broot en derf ic voor minen heere niet brengen, loopet ras te huys ende haelt mi een ander broot ic sal u hier so lange verbeyden. Sentence: 9   Die ionge liep om een ander broot ende als hy weder quam daer hem Ulespiegel soude verbeyden so was hi wech, als die ionge hem niet en vant so liep hi weder te huys ende seydet sinen meester, doen liep die backer ter herberghen dye hem Ulespieghel seyde, maer men wist van Ulespieghel niet te segghen, doen hoorde die backer wel dat hi bedrogen was. Sentence: 10   Soe brachte Ulespieghel dat broot sijnder moeder ende seyde. Sentence: 11   Eet nu als ghijt hebt, ende vastet als ghijs niet en hebt.



Next part


This text is part of the TITUS edition of Ulenspieghel.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.