TITUS
Beatrijs
Part No. 15
Previous part

Chapter: (15) 
Verse: 585    Die d[aer] bi haren kinderen sat,
Verse: 586    Si seide: 'Waer bi segdi dat?

Verse: 587    Jc hoerde binnen deser weken
Verse: 588    Soe uele van ere nonnen spreke[n].

Verse: 589    Alsic v[er]stoet in minen sinne,
Verse: 590    Soe was si hier costerinne.

Verse: 591    Diet mi seide hine loech niet.
Verse: 592    Hets binnen .xiiij. iare[n] ghesciet,

Verse: 593    Dat si vten cloester streec.
Verse: 594    Men wiste noyt waer si weec

Verse: 595    Oft in wat lande si inde nam.'
Verse: 596    Doen w[er]t die weduwe gram

Verse: 597    En[de] seide: 'Ghi dunct mi reuen!
Verse: 598    Derre talen seldi begheuen

Verse: 599    Te segghene vand[er] costerinne[n],
Verse: 600    Oft ghi en blijft hier n[iet] binnen!

Verse: 601    Si heeft hier costersse ghesijn
Verse: 602    .xiiij. iaer den termijn,

Verse: 603    Dat men haers noyt ghemesse[n] co[n]de
Verse: 604    Jn alden tiden ene metten stonde,

Verse: 605    Hen si dat waer onghesont.
Verse: 606    Hi ware erger dan een hont

Verse: 607    Diere af seide el dan goet.
Verse: 608    Si draghet soe reynen moet

Verse: 609    Die eneghe no[n]ne draghe[n] mochte.
Verse: 610    Die alle die cloest[er]s dore sochte

Verse: 611    Die staen tussche[n] elue en[de] d[er] geronde,
Verse: 612    Jc wane men niet vinde[n] en conde

Verse: 613    Ne ghene die gheestelik[er] leeft!'
Verse: 614    Die alsoe langhe hadde ghesneeft,


Next part


This text is part of the TITUS edition of Beatrijs.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.