TITUS
Author: H.Mair 
Hans Mair
Work: Troja 
Das Buch von Troja


On the basis of the edition by
Hans-Josef Dreckmann,
Das Buch von Troja
von Hans Mair;
München: Fink, 1970
entered by Harald Knaus
in cooperation with M. Becker, K. Hartmann, K. Kluckhohn, N. Ligniez, K. Schuster, K. Sponholz and P. Voigt,
Leipzig 1997;
TITUS version by Jost Gippert,
Frankfurt a/M, 28.2.1998 / 21.6.1998 / 6.10.1999 / 1.6.2000 / 18.4.2002 / 2.3.2003


Die Seitennummern beziehen sich auf die Textausgabe.
Die hochgestellte Numerierung bezieht sich auf die Zeilennumerierung der Textausgabe.
Die Satznummerierung ist innerhalb der Bücher fortlaufend.

[The present text has not been proof-read. J.G.




Page: 7 
Line: 1 
Assit principio sancta Maria meo



Book: 1  
Ditz buch sagt, wie troy die statt erstört ward


Sentence: 1     Ain künkreich hiezz Thesalia in dem land zu Romany.
Sentence: 2     die lüt in dem land hiezzend Mirmidones.
Sentence: 3     von den selben lüten schreibt man in sant Matheus legend.
Sentence: 4     daz selb land haizzt man ietz Aprutz.
Sentence: 5     zu den zeiten waz in dem selben land ain küng edler und gewaltiger Line: 5  gehaizzen Peleus, und sein weib diu hiezz Thedida.
Sentence: 6     von den zwaien geborn ward der sterkst und fraidist aller mann der do hiezz Achilles, der mit seinem leib vor der stat Troy grozz manhait begangen hät.
Sentence: 7     in dem selben land zu Aprutz leit diu stat Theti, diu den namen hät von der küngin Thetida.
Sentence: 8     der selb küng Peleus het ainen bruder (hiez Eson), der waz elter dann er und waz nu von alter daran komen, daz er sich vor alter nit moht gerüren, und im diu augen nu vergangen warend, also daz er unnütz waz zu ainem küng, und verzeh sich dez cepters dez reichs zu Thesalia, und gab ez uff seinen bruder Peleo.
Sentence: 9     der selb küng Eson het ainen sun hiezz Jason, der waz ain stoltzer frölich jüngling und der sich in allen sachen zoch nach mänlicher ritterschaft und aller zuht.
Sentence: 10     ez schreibend auch die alten poeten, do der selb küng Eson also kom in alz grozz alter und do im alliu seiniu kraft also von der natur vergieng, daz in Medea, von der daz buch her nach vil sagt, mit irer zuberlich kunst widerbreht zu ainer vollkomener jugend, daz doch nach der natur lauff, nach unserm gelauben nit moht gesein.
Sentence: 11     do nu der selb Jason also gewuchss, daz er waz ain vollkomer ritter, der sich in aller manhait, klughait, miltikait züchtig mit allen seinen sach wol kund mit allen andern tugenden halten, also daz er waz lieb gehabt von allen fürsten, herren, rittern und knehten und auch von allem volk dez selben landes nit minner dann der küng Peleus selb, von seiner Über treffender tugend wegen.
Sentence: 12     ez waz auch der selb Jason dem küng ze mal undertenig in allen sachen und waz im daz nihtz ze Line: 30  hertzen, daz sein vater daz reich uss der hend het gegeben.
Sentence: 13     aber Page: 8   Line: 1  in solher gerehter früntschaft het in der küng nit lieb.
Sentence: 14     er erzaigt im usswendig ze mal vil liebs, aber er het haimlich in dem hertzen wider in vil grozz veintschafft, wann er forht, daz von seiner tugend und frumkait wegen im daz volk dez lands würd ze Line: 5  vast undertenig und daz er in leiht zu dem lesten entsätzt von dem reich und sich dez lands und dez reichs würd selb underwinden.
Sentence: 15     daz selb sätzt im der küng Peleus in sein hertz ze mal haimlich und liezz daz niemand wizzen und gedauht offt, wie er haimlich ettwaz erfinden möht, da mit Jason von seinem leben komen möht, Line: 10  und daz er davon nit möht werden geergert.
Sentence: 16     zu dem lesten gedaht er im in seinem hertzen ainer grozzen falsthait, mit der er maint, Jasonem von dem leben bringen.
Sentence: 17     ez waz zu den zeiten ain gemainiu red in allen landen, wie daz über daz künkreich Troy gen der sunnen uf gang wär ain insel in dem mer, diu hiez Colcos und do sess Line: 15  ain küng, hiez oetes, der wär ain witzg weiser alter herr und ze mal reich und hät ainen wider, der het ain gulden fel.
Sentence: 18     nu schreibt disiu hystori, daz der selb wider wer behüt mit vil wunderlichen sachen und auch mit der hut dez gotz Martis mit zauberlichen sachen.
Sentence: 19     ez warend zu hut mit dem zauberlist darzu gesätzt ochsen, Line: 20  die liezzend us irem mund fiurin flammen, und wer daz guldin fel haben wolt, der must mit den ochsen streiten und wann er den ob gelag, so must er si darzu bringen, daz er mit in zu aker gieng.
Sentence: 20     darnach must er streiten mit ainem grozzen traken, der liez uss seinem mund übel smekend fiurin flamen, do mit er mangen man Line: 25  er\töt.
Sentence: 21     so er dann dem ob gelag, so must er im die zen uss slahen, so must er dann nemen die ochsen, die er also gezämt het, und must zu aker mit in gan und must dann die zen säwen in daz ertreich, daruss wuchss ze stand ain wunderlichiu fruht, wann ez wurdend ze stund daruss vil wol gewapneter ritter, die hubend dann under Line: 30  in ainen brüderlichen streit, und slugend sich all anander ze Page: 9   Line: 1  tod.
Sentence: 22     durch solich wunderlich sach must ainer komen, der daz guldenfel wolt gewinnen.
Sentence: 23     man schreibt aber von dem selben küng oetes, daz er het ainen grozzen Schatz von silber und von gold verslozzen mit solhen zauberlisten und do die red kom in vil land di\ser Line: 5  wellt, wann die geitikait dez gutz waz dez mals alz grozz alz siu auch noch ist, da vil manig stoltzer man seinen hals darumb verloz und maint, er solt den schatz mit manhait haben erstriten.

Sentence: 24     Do nu der küng Peleus disiu mär von dem guldin fel also vernam, do gedaht er vil sinneclich in seinem sinn, wie daz er Line: 10  on sein scham wol sicherlichen möht machen, daz Jason also leihticlichen wer in den tod zu geben und gedaht, wie er Jasonen möht mit guten worten darzu bringen, daz er sich der sach underwund.
Sentence: 25     nu hiez der küng beruffen ainen grozzen hof in die stat Thesalia.
Sentence: 26     zu dein hof komend vil grozzer fürsten und herrn von vil landen Line: 15  und vil ritter und kneht, und do der hof also waz gehalten zwen tag, an dem dritten tag do hiezz der küng für sich komen all fürsten und herrn und sant auch do nach seinem fründ Jason und vor den fürsten allen sprach er also zu im:
Sentence: 27     lieber fründ meiner, ich fräw mich inneclichen vast, darzu mag sich daz küngreich zu Thesa\lia Line: 20  auch wol fräuwen aines also usserwelten mannes, von dez sterkiu, fraidikait, weisshait und guten sitten alliu nehstiu land dir daz zugnuss geben sind.
Sentence: 28     ez ist auch allez mein land dez sicher, weil ich dich haun, wann dich alliu land hie umb allein fürhtend.
Sentence: 29     aber ich und tu möhtend wol in grözzer wird und er gesetzt werden, Line: 25  ob du den wider mit dem guldin fell brehtist her in mein gewalt, daz von dir, alz ich dez kainen zweifel hab, wol sicherlich mag beschächen, ist daz du dir die arbait mänlich setzest in deinen mut, durch meiner flerlichen bett willen, und daz da fürbaz dez baz in eren erhöhet werdist.
Sentence: 30     und allez, daz du darzu bedarfft, daz sol Line: 30  dir volleclich berait sein.
Sentence: 31     lieber fründ, biz volgig meiner wort Page: 10   Line: 1  und erbiut dich mänlich in disi arbait, darumb daz du vor meinen augen fürbaz mer werdist lieb gehabt und daz auch dein manhait und dein nam dez bazz erhöht werd über alliu land.
Sentence: 32     du solt auch sicher sein, daz ich dich dann nach meinem tod ainen sichern erben Line: 5  ditz landes und allez dez ich haun wil machen, und die weil und ich leb, so soltu in meinem reich gebieten und haizzen nihtz minner dann ich selb.
Sentence: 33     do Jason wol het verstanden allez, daz der küng mit im vor so vil fürsten und herrn het geret, dez wart er von hertzen inneclich erfräut und verstund nit die grozzen fast\hait Line: 10  und bosshait, die der küng het in seinem hertzen.
Sentence: 34     nu trost sich Jason seiner mänlichen jugend und duht im auch nit unmuglich im ze getun allez, daz der küng im untriulich het vor gezält und sprach:
Sentence: 35     herr, allem iurm gebot will ich on allen zweifel gehorsam sein.
Sentence: 36     davon ward der küng sonderlich erfräwt, und also nam der Line: 15  hof ain end und sant do in alliu land, daz man im maister fund, ze machen ain niues schif, wann er wol wizzt, daz man in die inseln Colcos nit dann mit schiffen komen möht.
Sentence: 37     do braht man im ainen maister, der hiez Argus, der machet nach dez küngs haizzen ain grozzes scheff und hiez daz nach seinem namen Argum, und Line: 20  mainend die maister, daz ez wär daz erst schiff, daz ye mit segeln kom uf daz mer.


Hie sagt daz buch, wie Jason und Hercules in diu scheff sauzzend


Sentence: 38     do im ditz schiff also berait waz und darein geordent allez, dez man bedorfft, do gieng Jason darein und mit im vil der edelsten Line: 25  und der mänlichsten, die man zu den zeiten vand in dem land.
Sentence: 39     under den waz sicher der aller sterkest und aller fraidigest zu den zeltender do hiez Hercules.
Sentence: 40     daz ist der Hercules, von dem die poeten schreibend, daz er mit seiner mänlichen sterk zug biz an die porten der vorhell und do den hund, der dez tors hüt, mit gewalt Line: 30  her us zoch.
Sentence: 41     ez ist auch der Hercules, der mit gewalt zoch Page: 11   Line: 1  durch Yndia, an die stat, diu da haizzt Gades, do er ainen grozzen sig gewan, und hiez im da uf rihten XII marmelstainin sul zu ainem zaichen seins sigs.
Sentence: 42     biz zu den selben sulen zoch der grozz Allexander, der auch von dem selben gesleht geborn ward, die haiz\zent Line: 5  biz uf den hiutigen tag Hercules sul.
Sentence: 43     do nu Jason und Hercules urlaub genomen von dem küng, si scifftend in dem nainen der götter uf daz mer und zugend uf die segel.
Sentence: 44     ze hand gewunnend si guten wind und furend in ainer clainen weil, daz si daz land zu Thesalia nit mer mohtend gesähen und furend alz lang tag und Line: 10  naht, biz daz si komend gen Frigia, daz gehört zu dem land ze Troy, die lüt in dem land haizzend Symeonta, und do die sahent daz niu schiff, daz duht si seltzen sein, wann si ir vor kains nie mer hetend gesähen.



Next part


This text is part of the TITUS edition of Hans Mair, Das Buch von Troja.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.