TITUS
Lancelot und Ginover I: Prosalancelot
Part No. 13
Previous part

Page: (34) 
Sentence: 155    Als den man not angeet, so steet im wol wie er sin ding thu mit eren.« Denselben tag sprach Claudas zu im und fragt yn ob er den thorn wolt hiengeben oder behalten.
Sentence: 156    »Herre«, sprach er, »ich han mich des wol beraten mit mynen gesellen; sie wollen und ratent das wir den thorn behaltent, wann wir hant keyn sorg vor dheynem wercke das man darczu gestellen mag anders dan vor hunger.
Sentence: 157    Nu wil ich des me off mich nemen.
Sentence: 158    Ich han mich also beraten das ich uch dißen thorn wil offgeben, ich und myn gesellen, wann mich duncket das ich yn dheyme frúmern man noch dheynem beßern mocht offgeben, und solt uns mit uch behalten und mußet ir uch des underwinden und mußent uns des sicher thun das ir uns solt helffen wiedder alle man und solt uns helffen des rechten gegen allen lúten, off solch vorworte, ob dheyn man uff uns clage, wir haben im unrecht gethan, wir wollen des vor uch zu recht stan, und han wir off dheynen der uwern icht zu sprechen, das ir uns da von riechtet.« Alles das da gesprochen wart gelobte Claudas zu thun, und thet die heiligen holn das er des geschwúre zu behalten.
Sentence: 159    Da kam Banin uß und syn gesellschafft.
Sentence: 160    Als schier als sie hernyder kamen, dett Claudas syn knappen off den thorn und deth Banin groß ere und mynnet yn sere in sym herczen, wann er große kunheit und manige frömkeyt an im hatt gesehen.
Sentence: 161    An dem dritten tag kam der truchseß fur und hiesch das im gelobet was.
Sentence: 162    Und Claudas sprach, er deth es gern, und er hett es doch gern gelenget.
Sentence: 163    So vil wart da geredet das Banin verstunt was des dinges was und warumb sie redeten.
Sentence: 164    Da ging er zu Claudas, alda er stund under synen mannen, und sprach alsus:
Sentence: 165    »Herre Claudas, ich han mich uch offgegeben also das mir hie keyn unrecht geschee; wann haltent mich zu recht als ir gelobet hant, ob ich uff keynen uwern man icht zu fordern han oder er off mich, das ir uns beyde zu recht haltent!« Da sprach Claudas, das wolt er gern thun.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.