TITUS
Ulrich von Eschenbach, Alexander
Part No. 126
Previous part

Chapter: 205  
Eroberung Bactras


Verse: 17699       Mit strîtlîcher herte
Verse: 17700    die stat sich sêre werte.

Verse: 17701    daʒ schuof der einige man,
Verse: 17702    den Bessus drinne hete verlân,

Verse: 17703    daʒ dise liute dâ vil verlurn
Verse: 17704    und dâ grôʒen schaden kurn.

Verse: 17705    iedoch gewunnen sie die stat.
Verse: 17706    daʒ buoch mich sô bewîset hât,

Verse: 17707    wærn sie bî guote als ê gewesen,
Verse: 17708    die stat wær vor in genesen.

Verse: 17709    dô reiʒte sie des armuot
Verse: 17710    daʒ sie wolden umbe guot

Verse: 17711    volleclîchen werben
Verse: 17712    oder wolden sterben,

Verse: 17713    ê daʒ sie in solchen swæren
Verse: 17714    deheine frist mê wæren.

Verse: 17715    nû wurden sie hie berâten.
Verse: 17716    waʒ die burger hâten,

Verse: 17717    daʒ gap in williclîche
Verse: 17718    Alexander der rîche.

Verse: 17719    grôʒen hort man dâ vant.
Verse: 17720    Mêtrône bevalh er daʒ lant.

Verse: 17721    der het eʒ dâ vil guot getân,
Verse: 17722    des wolt er in genieʒen lân.

Verse: 17723    der ê dâ houptman was gewesen,
Verse: 17724    den lieʒ der künc durch daʒ genesen,

Verse: 17725    daʒ er sîn triwe sô veste hielt
Verse: 17726    gegen dem kinde, des er wielt:

Verse: 17727    des nam er in ze gesinde
Verse: 17728    mit samt dem kinde.

Verse: 17729    der nie ervorhte vînde drô
Verse: 17730    der wolde in Bractâne frô

Verse: 17731    nû mit den fürsten blîben,
Verse: 17732    die zît dâ vertrîben:

Verse: 17733    dô vil rede vür in kam,
Verse: 17734    die er gerne und ungerne vernam.




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.