TITUS
Ulrich von Eschenbach, Alexander
Part No. 121
Previous part

Chapter: 141a  
Alexander organisiert seinen Hof


Verse: 17329       Nû wil die hôchzît ende hân.
Verse: 17330    die wart sô kostlich getân,

Verse: 17331    dâ vil ze sagene wære von.
Verse: 17332    dô hieʒ der werde Macedôn

Verse: 17333    alle die beschrîben,
Verse: 17334    die in sîm dienste wolden blîben.

Verse: 17335    der bâruch Ackerîn von dan
Verse: 17336    ouch schiet, dem gap der werde man

Verse: 17337    rôtes goldes manigen clôʒ,
Verse: 17338    des ouch manic man genôʒ.

Verse: 17339    der bâruch ouch rehter milde phlac,
Verse: 17340    vil hôher wirde an im lac,

Verse: 17341    er half ie friunden ûʒer nôt.
Verse: 17342    der keiser einen hof gebôt:

Verse: 17343    wer daʒ gebot versæʒe
Verse: 17344    und sich dar an vergæʒe,

Verse: 17345    den wolde er ze vînde hân
Verse: 17346    unde sagen in sînen ban

Verse: 17347    von allem sîme rehte.
Verse: 17348    und tuon in sîn æhte.

Verse: 17349    vil fürsten dannoch wâren,
Verse: 17350    die den hof verbâren

Verse: 17351    und dem gebote wâren wider,
Verse: 17352    daʒ sie berou sêre sider;

Verse: 17353    daʒ er ungefuoge rach.
Verse: 17354    hervart er ûf die selben sprach,

Verse: 17355    die er krefteclîche fuor.
Verse: 17356    der keiser ir verterben swuor.




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.