TITUS
Ulrich von Eschenbach, Alexander
Part No. 103
Previous part

Chapter: 199  
Prolog


Verse: 14789    Der al die welt geschaffen hât
Verse: 14790    der gebe helfe und ouch rât

Verse: 14791    mir in aller mîner nôt,
Verse: 14792    und helfe mir daʒ ich sîn gebot

Verse: 14793    ganz erfüllen müeʒe,
Verse: 14794    die der reine süeʒe

Verse: 14795    gegeben hât und cristen ê,
Verse: 14796    daʒ ich dar an alsô bestê,

Verse: 14797    wann eʒ mir an daʒ ende gê,
Verse: 14798    daʒ mich verber daʒ lanc ôwê

Verse: 14799    und der hellische pîn.
Verse: 14800    die veterlîche güete dîn

Verse: 14801    bedenke, hêrre, dîne kint,
Verse: 14802    die samt mit mir in nœten sint

Verse: 14803    und überladen mit sünden,
Verse: 14804    daʒ uns der sturmlîchen ünden

Verse: 14805    slahen iht ze grunde,
Verse: 14806    sît ûʒ dînem wârhaftem munde

Verse: 14807    dîn barmunge des vergiht,
Verse: 14808    des sünders tôt engerst du niht,

Verse: 14809    wann daʒ er sich bekêre und lebe
Verse: 14810    und ze dînen gnâden strebe.

Verse: 14811    als wir ouch in dem salter lesen
Verse: 14812    dîn barmherzikeit solle wesen

Verse: 14813    über alle dîn werc, die du hâst
Verse: 14814    gemachet. aller pîne last

Verse: 14815    und sünden von uns wende,
Verse: 14816    helflîchen trôst du sende

Verse: 14817    der cristenheit gelîche
Verse: 14818    und mir armen Uolrîche.

Verse: 14819    dîn güete und dîn barmherzikeit,
Verse: 14820    got hêrre, ist lanc unde breit,

Verse: 14821    himel und erde ist ir vol.
Verse: 14822    daʒ ist uns, hêrre, bewîset wol

Verse: 14823    an dem latrône,
Verse: 14824    der an dem criuze frône,

Verse: 14825    got hêrre, an dich umb riuwe warp.
Verse: 14826    daʒ gegen dir, hêrre, niht vertarp,

Verse: 14827    den dîn barmunge enphienc
Verse: 14828    und gnâden vil an im begienc,

Verse: 14829    als dîner gotheit gezam,
Verse: 14830    wie spâte er ze riuwen kam.

Verse: 14831    ô Jhêsu, hôchgelopter Crist,
Verse: 14832    du tuost als der der vater ist,

Verse: 14833    der sîne kint ungerne lât.
Verse: 14834    wann sich die von missetât

Verse: 14835    ziehen unde kêren,
Verse: 14836    daʒ dir kan fröide mêren

Verse: 14837    und dîne heilege engele alle
Verse: 14838    bringet ze fröiden schalle.




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.