TITUS
Lamprecht, Alexander (Strassburger Bearbeitung)
Part No. 85
Previous part

Chapter: 180w  
(Wiederholung: Alexander am Ende der Welt)
Wup


Verse: 5489       Daz lant liez ih mit fride stân.
Verse: 5490    dannen hûb ih mih sân

Verse: 5491    mit mînen ingesinde
Verse: 5492    der werlt an daz ende,

Verse: 5493    dâ der werlt nabe stât
Verse: 5494    und der himel umbe gât,

Verse: 5495    alse umbe die ahsen daz rat.
Verse: 5496    dô hôrtih, wâ man sprah,

Verse: 5497    ouh hôrtiz mîn here,
Verse: 5498    kriechische sprâche in dem mere.

Verse: 5498a    des wunderte uns ûzer mâzen.
Verse: 5498b    mîne man sih des vermâzen,

Verse: 5498c    si wolden swemmen in daz mere,
Verse: 5499    rehte zwênzich wâren dere.

Verse: 5500    wande si wunder habeten,
Verse: 5501    wâ di lûte woneten,

Verse: 5502    di si hôrten dar inne
Verse: 5503    mit menschlîcher stimme:

Verse: 5505    si wolden swimmen ûf einen wert.
Verse: 5506    daz wart in starke bewert

Verse: 5507    von den tieren in dem mere.
Verse: 5508    daz wunder scowete mîn here,

Verse: 5509    wâ di zwêncich an der stunt
Verse: 5510    sunken an des meres grunt.




Next part


This text is part of the TITUS edition of Lamprecht, Alexander (Strassburger Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.