TITUS
Lamprecht, Alexander (Strassburger Bearbeitung)
Part No. 83
Previous part

Chapter: 249  
Alexander findet einen goldenen Palast auf einem Berg


Verse: 5411       Dô hûb ih mih dannen
Verse: 5412    mit allen mînen mannen

Verse: 5413    unde quam an einen hôen berc.
Verse: 5414    dâ ûf stunt ein scône werc

Verse: 5415    ein hêrlîcher palas,
Verse: 5416    der von edelen gesteine was,

Verse: 5417    alse wirz an den bûchen haben.
Verse: 5418    an den palase was irgraben

Verse: 5419    maniger slahte wunder.
Verse: 5420    ein scône wâch flôz dar under.

Verse: 5421    von dem palase wâren,
Verse: 5422    daz sagih û zwâren,

Verse: 5423    ketenen gehangen,
Verse: 5424    di wâren vil lange,

Verse: 5425    gemachit von golde.
Verse: 5426    swer ûf den berc wolde,

Verse: 5427    der solde sih halden dar an,
Verse: 5428    alsih mih versinnen kan.

Verse: 5429    ouh gingen ûf den berc
Verse: 5430    biz an daz hêrlîche werc

Verse: 5431    zwei dûsint grâde,
Verse: 5432    di wâren mit râde

Verse: 5433    von saphîre gemachet.
Verse: 5434    sus lussame sache

Verse: 5435    is al der werlt unkunt.
Verse: 5436    ûf den berc quam ih gesunt

Verse: 5437    unde besah den palas,
Verse: 5438    wî wol der gezîret was.

Verse: 5439    di venster wâren dar inne
Verse: 5440    gemeisteret mit sinne.

Verse: 5441    di ture unde glockelîn
Verse: 5442    di wâren alliz guldîn.

Verse: 5443    dâ gesach ih ein betehûs,
Verse: 5444    di ture di ginc selbe ûf.

Verse: 5445    dô ih dar în quam,
Verse: 5446    grôz wunder ih dâ vernam.

Verse: 5447    ein bette sah ih dar in stân,
Verse: 5448    daz was harte lussam,

Verse: 5449    mit golde gezîret,
Verse: 5450    mit gesteine wol gewieret.

Verse: 5451    alsô verre sô daz bette ginc,
Verse: 5452    ein wînrabiz al umbevinc.

Verse: 5453    di was geworht von golde.
Verse: 5454    daz di trûbelen wesen solden,

Verse: 5455    daz was edele gesteine
Verse: 5456    grôz unde cleine.

Verse: 5457    ûf den bette ein man lac,
Verse: 5458    sô mîn ouge nie ne gesah

Verse: 5459    mêr sô scônen alden man.
Verse: 5460    michil wunder mih nam,

Verse: 5461    wer der man wêre.
Verse: 5462    er lach an dem gebêre,

Verse: 5463    alser wêre vil rîche.
Verse: 5464    er lach vil hêrlîche.

Verse: 5465    vil sûzlîch er slief.
Verse: 5466    ih ne sprah noh ne rief,

Verse: 5467    dô ih stunt vor sînen bette,
Verse: 5468    ih ne wolde in niwit wecke.

Verse: 5469    gezogenlîche ih ime neich.
Verse: 5470    den hôen berc ih dô steich

Verse: 5471    vil gemechlîche nider
Verse: 5472    und quam zô mînen lûten wider.




Next part


This text is part of the TITUS edition of Lamprecht, Alexander (Strassburger Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.