TITUS
Lamprecht, Alexander (Strassburger Bearbeitung)
Part No. 79
Previous part

Chapter: 223  
Alexander trifft auf Wunderbäume und Flammenvögel


Verse: 5099       Dô slûge wir unse gezelt
Verse: 5100    ûf an ein breit felt.

Verse: 5101    grôz wunder ih dâ sah:
Verse: 5102    des morgenes dô uns quam der tach,

Verse: 5103    dô sah ih wassen boume,
Verse: 5104    des nam ih rehte goume,

Verse: 5105    di wôhssen harte scône
Verse: 5106    ûzer erde unz an di nône.

Verse: 5107    dar under blûmen unde gras.
Verse: 5108    dô di nône liden was,

Verse: 5109    dô sunken di boume nider
Verse: 5110    tiefe under der erden wider.

Verse: 5111    ûf den boumen wôhs gût fruht.
Verse: 5112    dâ beginc ih grôz unzuht:

Verse: 5113    ih gebôt mînen knehten,
Verse: 5114    daz si mir des obezes brêhten.

Verse: 5115    grôz nôt in dar vone bequam.
Verse: 5116    swilich irre daz obiz nam,

Verse: 5117    der wart sô zeblûwen,
Verse: 5118    daz ime daz môste rûwen,

Verse: 5119    daz er ie geboren wart.
Verse: 5120    si worden ouh an der vart

Verse: 5121    mit geislen sêre zeslagen.
Verse: 5122    si ne wisten, ubir wen doh clagen,

Verse: 5123    wande si ne gesâhen niemanne;
Verse: 5124    doh hôrten si eine stimme

Verse: 5125    di gebôt unde sagete,
Verse: 5126    daz nieman ne scadete

Verse: 5127    dem obize noh den boumen,
Verse: 5128    daz si des nâmen goume,

Verse: 5129    neweder wâfen noh man
Verse: 5130    wurdiz ubir daz getân,

Verse: 5131    dar umbe solde lîden nôt
Verse: 5132    und den bitteren tôt

Verse: 5133    oder scaden vil grôz,
Verse: 5134    der des obezis nie ne genôz.

Verse: 5135       Ouh sâhe wir dâr
Verse: 5136    cleine fugele, daz ist wâr,

Verse: 5137    di wâren samfte gemût
Verse: 5138    und ne forhten niwit den tôt.

Verse: 5139    grôze nôt er lîden solde,
Verse: 5140    swer in scaden wolde,

Verse: 5141    den brante das himelfûr,
Verse: 5142    dem wart daz leben vil sûr.




Next part


This text is part of the TITUS edition of Lamprecht, Alexander (Strassburger Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.