TITUS
Lamprecht, Alexander (Strassburger Bearbeitung)
Part No. 76
Previous part

Chapter: 211  
Alexander stößt auf bitteres Wasser


Verse: 4928       Dô ih Darium verwan
Verse: 4929    und alliz daz lant ze Persiam

Verse: 4930    und ouh di mêren Indiam
Verse: 4931    mir brâhte undertân

Verse: 4932    dannen hûb ih mih sân
Verse: 4933    und mîne vil liebe man

Verse: 4934    ze Caspen Porten.
Verse: 4935    leides unde vorhten

Verse: 4936    wânedih wesen âne.
Verse: 4937    wir quâmen zeinem wâge.

Verse: 4938    dâ liez ih rûwen mîn here,
Verse: 4939    durstes wânede wir uns irweren.

Verse: 4940    dô wir zem wazzere quâmen
Verse: 4941    undiz in dem munt genâmen,

Verse: 4942    dô was iz bitter als ein galle.
Verse: 4943    ungelabet blibe wir alle.

Verse: 4944       Dô brâche wir ûf unse gezelt
Verse: 4945    unde sâhen ubir ein felt,

Verse: 4946    wâ ein scône stat was,
Verse: 4947    di was geheizen Barbaras,

Verse: 4948    ubir daz wazzir eine mîle.
Verse: 4949    mîne rîter al di wîle

Verse: 4950    wolden swimmen in den wâch.
Verse: 4951    dâr ginc uns der scade nâh.

Verse: 4952    cocodrillen quâmen,
Verse: 4953    mîner gesellen si nâmen

Verse: 4954    sibene unde zwênzic,
Verse: 4955    di verloren dâ den lîb:

Verse: 4956    vor wâr ih û daz sagen mach,
Verse: 4957    wandihz selbe ane sach,

Verse: 4958    in irn munt si sie âzen.
Verse: 4959    di môstih varen lâzen.




Next part


This text is part of the TITUS edition of Lamprecht, Alexander (Strassburger Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.