TITUS
Lamprecht, Alexander (Strassburger Bearbeitung)
Part No. 73
Previous part

Chapter: 183  
Alexander bei den Oxidracen/ Gimnosophisten


Verse: 4762       Dô Darius was begraben
Verse: 4763    und Porus irslagen,

Verse: 4764    Alexander fûr in ein lant,
Verse: 4765    daz was Occidratis genant.

Verse: 4766    daz lant is von der sunnen warm.
Verse: 4767    daz lût dar inne daz is arm

Verse: 4768    und ne hât neheinen ubirmût.
Verse: 4769    vil mêzlîch ist ir gût.

Verse: 4770    si gânt nackit allizane
Verse: 4771    und hânt lutzil umbe und ane.

Verse: 4772    ir rîchtûm ist cleine.
Verse: 4773    si sint mit zigenbeine

Verse: 4774    alle gewâfent.
Verse: 4775    si ne rûchent, wâ si slâfent.

Verse: 4776    si ne hânt dorf noh stat.
Verse: 4777    swâ si der naht ane gât,

Verse: 4778    dâ blîbet mannegelîch.
Verse: 4779    ir vihe unde ir wîb

Verse: 4780    di sint von in gescheiden
Verse: 4781    an di breiten heiden.

Verse: 4782    si lebent jêmerlîche.
Verse: 4783    der kuninc von dem rîche,

Verse: 4784    dô er rehte vernam,
Verse: 4785    daz Alexander in sîn lant quam,

Verse: 4786    dô santer ime engagen
Verse: 4787    sîne boten wol geladen

Verse: 4788    mit sô getâner gâben,
Verse: 4789    sô si dâ ze lande plâgen.

Verse: 4790    ouh santer ime einen brieb,
Verse: 4791    dar ane gût und alliz lieb

Verse: 4792    ân allirslahte leit.
Verse: 4793    an dem briebe er screib:

Verse: 4794    'bistu comen in mîn lant
Verse: 4795    durh roub oder durh brant

Verse: 4796    oder durh vehte?
Verse: 4797    daz saltu wizzen rehte,

Verse: 4798    du bist ein harte wîs man,
Verse: 4799    der sih wol versinnen kan;

Verse: 4800    ih wil, du dih versinnis,
Verse: 4801    den rûm, den du gwinnis

Verse: 4802    hie, der nist niht grôzlîch.
Verse: 4803    Alexander, wes mûwestu dih?

Verse: 4804    du vindis hie niht ze nemene.
Verse: 4805    wir ne hân dir niht ze gebene.

Verse: 4806    hie nist der schilt noh daz swert.
Verse: 4807    iz nist der arbeite wert,

Verse: 4808    kuninc, daz du bist comen here.
Verse: 4809    nû saltu varen andirsware,

Verse: 4810    daz mach dir gefromen baz.
Verse: 4811    in trûwen râtih dir daz.'

Verse: 4812       Alexander las disen brieb
Verse: 4813    und enbôt im, er ne quême niet

Verse: 4814    zô zin unfridelîche.
Verse: 4815    er ne wolde ir rîche

Verse: 4816    niwit zestôren.
Verse: 4817    gagen in si dô vôren

Verse: 4818    und hiezen in willecome sîn.
Verse: 4819    Alexander der genâdete in

Verse: 4820    und sîne wîgande.
Verse: 4821    er frâgete di von dem lande,

Verse: 4822    wâ si des jâres wâren.
Verse: 4823    ouh frâgeter si zwâren,

Verse: 4824    wes si sih betrageten
Verse: 4825    und wilehes sites si phlegeten;

Verse: 4826    und alse si irsturben,
Verse: 4827    wâ si begraben wurden,

Verse: 4828    und ob si sih plêgen ze graben.
Verse: 4829    dô begunden si ime sagen:

Verse: 4830    'wir ne haben hûs noh burge
Verse: 4831    und leben âne sorge.

Verse: 4832    wir ne hân ze verliesene niet,
Verse: 4833    wene rehte alse man uns gesihet,

Verse: 4834    daz ist di rehte wârheit.
Verse: 4835    uns ist in alle zît gereit

Verse: 4836    beide woninge unde grab,
Verse: 4837    erweren uns nieman daz ne mach.

Verse: 4838    swenne wir irsterben,
Verse: 4839    al ein wir nit ne werden

Verse: 4840    begraben in neheinem grabe.
Verse: 4841    einen trôst habe wir doh dar abe,

Verse: 4842    daz uns bedecke der himel.'
Verse: 4843    dô ne frâgeter si nihtes mêr sider.

Verse: 4844       Dô hîz in Alexander,
Verse: 4845    daz si under einander

Verse: 4846    gingen ze râte
Verse: 4847    und ime einer bete bâten,

Verse: 4848    di wolder in leisten.
Verse: 4849    dô begunden si ime eischen,

Verse: 4850    daz er in daz wolde geben,
Verse: 4851    daz si imer môsten leben

Verse: 4852    und niht ne dorften sterben.
Verse: 4853    dô ward ime unwerde.

Verse: 4854    mit zorne sprah er in zû,
Verse: 4855    wî er daz mohte getûn,

Verse: 4856    er môste selbe sterben;
Verse: 4857    wer des ubir mohte werden.

Verse: 4858    diz lût wêre dar an glîch,
Verse: 4859    iz wêre alliz sterblîch;

Verse: 4860    er ne solde niht sterben eine.
Verse: 4861    iz wêre ein dinc gemeine

Verse: 4862    allen lûten in ertrîche.
Verse: 4863    dô sprah vil wîslîche

Verse: 4864    einer von deme lande dô
Verse: 4865    zô deme kuninge Alexandro,

Verse: 4866    ober selbe ouh solde sterben,
Verse: 4867    warumber an der erden

Verse: 4868    wunder alse manicfalt
Verse: 4869    sô lange hête gestalt;

Verse: 4870    er mohtiz gerne lâze:
Verse: 4871    'alles dingis mâze

Verse: 4872    gezimet manneglîche.'
Verse: 4873    Alexander der rîche

Verse: 4874    sprah: 'dise sache
Verse: 4875    ist uns alsô gescaffen

Verse: 4876    von des uberisten gwalt:
Verse: 4877    swaz uns dannen wirt gezalt,

Verse: 4878    daz mûze wir alliz ûbin.
Verse: 4879    daz mere ne mac nieman trûben,

Verse: 4880    iz ne trûbe der wint:
Verse: 4881    angist hânt, di dar inne sint.

Verse: 4882    di wîle ih vor den tôde mac genesen,
Verse: 4883    wen lâzent ir mih wesen

Verse: 4884    meister von mînen sinnen:
Verse: 4885    ih mûz beginnen

Verse: 4886    ettewaz daz mir wol tût.
Verse: 4887    hêten si alle uheren mût,

Verse: 4888    di in der werilde wollent wesen,
Verse: 4889    waz solde in danne daz leben?'




Next part


This text is part of the TITUS edition of Lamprecht, Alexander (Strassburger Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.