TITUS
Lamprecht, Alexander (Strassburger Bearbeitung)
Part No. 69
Previous part

Chapter: 169  
Alexanders Kriegslist gegen Porus' Elefanten


Verse: 4316       Dô Porus disen brieb gesach,
Verse: 4317    dô was ime daz vil ungemach,

Verse: 4318    daz dar ane stunt gescriben;
Verse: 4319    ime wêre lieber, wârer bliben.

Verse: 4320    er ne sante Alexandro sider
Verse: 4321    neheinen anderen wider,

Verse: 4322    wandin dwanc der grôze zorn,
Verse: 4323    den sin hêter nâh verlorn;

Verse: 4324    doh gebôt er sîne hervart.
Verse: 4325    dô quam ime manich môr swarz,

Verse: 4326    di ime woldin helfin.
Verse: 4327    si brâhten manich elfent.

Verse: 4328    von den wil ih û sagen,
Verse: 4329    wiliche sterke si haben.

Verse: 4330    si ne hânt in ir gebeine,
Verse: 4331    nû merket, waz ih meine,

Verse: 4332    nieren nehein marc.
Verse: 4333    si sint ûzer mâze stark.

Verse: 4334    man mach ûf si bûwen,
Verse: 4335    willit irs getrûwen,

Verse: 4336    turme unde berchfride.
Verse: 4337    vil stark sint in di lide.

Verse: 4338    ouh sint selbe vil grôz.
Verse: 4339    si ne vorhten slach noh stôz

Verse: 4340    in neheinen stunden.
Verse: 4341    man ne mac si niwit wunden,

Verse: 4342    wen in den nabel under.
Verse: 4343    daz ist ein michil wunder.

Verse: 4344    ist abir ieman sô tumb
Verse: 4345    er sî alt oder junc,

Verse: 4346    der iz in den nabel wil irslahen,
Verse: 4347    der mac niemer sô gegâhen,

Verse: 4348    er ne gwinnis grôze nôt
Verse: 4349    und den bitteren tôt;

Verse: 4350    wande swenne sô erz stichit,
Verse: 4351    schîre iz sih selben richet

Verse: 4352    und vellet ûf in dernider
Verse: 4353    und ne lebet niwit langer sider.

Verse: 4354    sus wirt in beiden der lîb benomen,
Verse: 4355    ob itz rehte hân vernomen.

Verse: 4356       Ouh hâtiz eine natûre,
Verse: 4357    daz wirdit ze sûre

Verse: 4358    den alden joh den jungen:
Verse: 4359    swen ez mit sîner zungen

Verse: 4360    in dem sturme mac irlangen,
Verse: 4361    des leben ist irgangen.

Verse: 4362    alsiz gevellet ouh dernider,
Verse: 4363    ûf ne komet iz niwit sider;

Verse: 4364    iz mûz dâ ligende blîben,
Verse: 4365    wandiz ne hât niht knieschîben;

Verse: 4366    wellent irs gelouben,
Verse: 4367    des ne mach iz niht gebôgen

Verse: 4368    an den schenkelen sîn gebeine.
Verse: 4369    iz ist vil harte reine

Verse: 4370    an allen sînen lîbe.
Verse: 4371    iz treget wol âne zwîbel

Verse: 4372    in strîte und in sturme
Verse: 4373    berhfriden unde turme

Verse: 4374    und rîter dar inne.
Verse: 4375    iz wîset mit grôzeme sinne

Verse: 4376    sîn meister, der dâ mite kan.
Verse: 4377    iz ne mac nieren gegân,

Verse: 4378    daz lant ne sî dâr ebene.
Verse: 4379    beginnit man ime ze gebene

Verse: 4380    rôten wîn oder blût,
Verse: 4381    des gewinnet iz freislîchen mût.

Verse: 4382    sus mac man iz bedwingen
Verse: 4383    und dar zô bringen,

Verse: 4384    daz manz wîset, swâ man wile
Verse: 4385    ze froweden und ze nîtspile.

Verse: 4386       Alexander der rîche
Verse: 4387    gedâhte wunderlîche;

Verse: 4388    zehant dô er vernam,
Verse: 4389    daz Porus gegen ime quam

Verse: 4390    und elefande brâhte,
Verse: 4391    wîslîchen er dâhte.

Verse: 4392    mit listiclîchen sachen
Verse: 4393    hiez der hêre machen

Verse: 4394    êrîne bilede,
Verse: 4395    gescaffen alse helide.

Verse: 4396    enbinnen wâren si hol
Verse: 4397    und wâren kriechisches fûris vol.

Verse: 4398    mit den bilden hiez er laden
Verse: 4399    manigen îsenînen wagen

Verse: 4400    und scûf sîne gewarheit
Verse: 4401    gegen Poren here breit

Verse: 4402    und hiez sîne holden,
Verse: 4403    di ime helfen wolden,

Verse: 4404    daz si dâhten dar an,
Verse: 4405    er wolde Porum bestân.

Verse: 4406    des morgenis alsiz tagete,
Verse: 4407    di wartman ûz dô draveten

Verse: 4408    von iewedere menige
Verse: 4409    und bescoweten di degene.

Verse: 4410       Sân des morgenis frô
Verse: 4411    dô gereite sih dar zû

Verse: 4412    di menige in beiden sîten,
Verse: 4413    alse si wolten strîten.

Verse: 4414    Porus dâ vore sande
Verse: 4415    sîne elefande

Verse: 4416    ze vorderist vor sîner schare.
Verse: 4417    des wart Alexander geware

Verse: 4418    und schickete dâ ingegene
Verse: 4419    di brinninde bilide

Verse: 4420    vor sînen wîganden.
Verse: 4421    man gab den elfanden

Verse: 4422    rôten wîn unde blût.
Verse: 4423    des wart irgremet in der mût.

Verse: 4424    des hugeten wol zem sturme
Verse: 4425    di dâ wâren in di turme

Verse: 4426    ober di elfande,
Verse: 4427    di kûnen wîgande

Verse: 4428    und di tûrlîche recken.
Verse: 4429    dô begunden lecken

Verse: 4430    elfande di bilede.
Verse: 4431    si wânden, daz iz helede

Verse: 4432    wêren sicherlîchen.
Verse: 4433    si gebârten freislîchen,

Verse: 4434    wande si heten grôze nôt.
Verse: 4435    der tiere bleib dâ vil tôt,

Verse: 4436    wande si branten ir mûlen
Verse: 4437    an den glûndigen sûlen

Verse: 4438    von des fûris flammen.
Verse: 4439    di dâ quâmen dannen,

Verse: 4440    di fluhin durh daz here wider.
Verse: 4441    si ne scadeten niwit mêr sider,

Verse: 4442    wen daz si di frûnt irtrâten,
Verse: 4443    dâ si dannen gâheten.




Next part


This text is part of the TITUS edition of Lamprecht, Alexander (Strassburger Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.