TITUS
Lamprecht, Alexander (Basler Bearbeitung)
Part No. 73
Previous part

Chapter: 166  
Porus' Brief an Alexander


Verse: 2980    ein bot gegen im kam

Verse: 2981    von Porus dem küng her.
Verse: 2982    an dem brieff enbot er

Verse: 2983    'Allexander du roͮber,
Verse: 2984    din gevert ist mir niut swer:

Verse: 2985    der klein stet roͮben vert,
Verse: 2986    und im daz nieman wert,

Verse: 2987    da ist lüczel eren an:
Verse: 2988    es sind wib niut man,

Verse: 2989    mit den du hest gestritten.
Verse: 2990    dir mach doch nit bliben

Verse: 2991    vor dem küng von Indea,
Verse: 2992    des bring ich dich inen sa.

Verse: 2993    ..............................
Verse: 2994    die wellent für einen küng

Verse: 2995    her Dyonisus genant,
Verse: 2996    der ward oͮch hie geschant

Verse: 2997    und verlor lutten vil.
Verse: 2998    mit dir wil ich oͮch haben min spil

Verse: 2999    mit dir roͮber.
Verse: 3000    es ist mir hart unmer,

Verse: 3001    daz ich mich gen dir müeyen sol,
Verse: 3002    es weis doch die welt wol,

Verse: 3003    daz die von Macedonya
Verse: 3004    zinsten gern in Indea

Verse: 3005    bis Erkules ward geborn:
Verse: 3006    sider haben wir verlorn.

Verse: 3007    nun wil ich ratten dir,
Verse: 3008    daz du ziehest von mir,

Verse: 3009    ich lasse dir kein wesen hey.
Verse: 3010    .............................'

Verse: 3011    Als Allexander ...
Verse: 3012    Porus botschaft vernam

Verse: 3013    und den breiff gelas,
Verse: 3014    vil smech er im was.

Verse: 3015    'nun bereitten iuch, helden gut,
Verse: 3016    daz wir zerstoͤren den übermuͦt'.





Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.